home

What are your concerns?

close
Inaccurate
Hard to understand
Other

သို့မဟုတ် လင့်ခ်ကူးယူမည်

အခါးဓာတ်ပါတဲ့ အရာတွေက ဝက်ခြံကို သက်သာစေလား။

အခါးဓာတ်ပါတဲ့ အရာတွေက ဝက်ခြံကို သက်သာစေလား။

ဗီတာမင် C ကြွယ်ဝတဲ့ အချဉ်ဓာတ်ပါတဲ့ အစားအစာတွေက အသားအရေကို ကျန်းမာစေတယ်။ ဝက်ခြံ နဲ့ ဝက်ခြံ အမာရွတ်တွေကို သက်သာစေတယ်ဆိုတာကတော့ အားလုံးလိုလို သိထားပြီး ဖြစ်မှာပါ။ ဒီတစ်ခေါက်တော့ အခါးဓာတ်ပါတဲ့ အရာတွေက ဝက်ခြံကို သက်သာစေလား ဆိုတဲ့အကြောင်းလေး နည်းနည်းလောက် ပြောပြပေးချင်ပါတယ်။

အခါးဓာတ် နဲ့ ကျန်းမာရေး

ခါးတဲ့အရသာရှိတဲ့ အသီးအရွက်တွေက

အခါးဓာတ်ပါတဲ့ အသီးအရွက်တွေက ဘာတွေများလဲ….

ခါးတဲ့အရသာရှိတဲ့ အသီးအရွက်တွေက

အခါးဓာတ်ပါတဲ့ အရာတွေက ဝက်ခြံကို သက်သာစေလား။

ခါးတဲ့အရသာရှိတဲ့ အသီးအရွက်တွေ

ဝက်ခြံအတွက်လို့ ထုတ်ထားတဲ့ toner၊ လိမ်းဆေး စတာတွေကို လိမ်းထားပြီး မတော်တဆ နှုတ်ခမ်းကို လျှာနဲ့ သပ်မိတဲ့အခါ ခါးနေတဲ့အရသာကို ခံစားမိတတ်ပါတယ်။

ဒီလိုဆို အခါးဓာတ်ပါတဲ့အရာတွေက ဝက်ခြံကို သက်သာစေတာလားဆိုတော့ ဟုတ်ပါတယ်။ ဒီလိုပြောရတာက အခါးဓာတ်ပါတဲ့ ကြက်ဟင်းခါးသီး၊ တမာရွက်၊ ဖန်ခါးသီး၊ ဇီးဖြူသီး၊ အစိမ်းရင့်ရောင် ဟင်းသီးဟင်းရွက်တွေ၊ ကြောင်လျှာသီး၊ ဂွေးတောက်ရွက် စတဲ့ အသီးအရွက်တွေမှာ အရောင်ကျစေတာ၊ ဘက်တီးရီးယားတွေကို သုတ်သင်ပေးနိုင်တာ၊ အဆီတွေကို ကျစေတာမျိုး လုပ်ပေးပြီး အရေပြားနဲ့ ကြွက်သားတွေကို ကျန်းမာစေနိုင်တဲ့ အာနိသင်ရှိပါတယ်။

ခါးတဲ့အရသာရှိတဲ့ အသီးအရွက်တွေ က အစာခြေစနစ်ကို ကျန်းမာစေသလို ကိုယ်တွင်းအဆိပ်အတောက်တွေကို ဖယ်ရှားပေးပါတယ်။ သွေးလည်ပတ်မှု ကောင်းစေသလို ပြည့်ဝတဲ့ အိပ်စက်ချိန်ကို ရရှိစေတာကြောင့် အရေပြားက အဆိပ်အတောက်တွေကို ဖယ်ရှားပေးပြီး အရေပြားဆဲလ် အသစ်တွေ ဖြစ်ပေါ်စေဖို့ အားဖြည့်ပေးပါတယ်။

အခါးဓာတ်ပါတဲ့ အရာတွေ က သွေးလည်ပတ်မှုကို ကောင်းစေပြီး အသည်းကို သန့်စင်ပေးတာကြောင့် ဝက်ခြံတွေကို သက်သာစေသလို ကြည်လင်ပြီး အနာအဆာကင်းတဲ့ အသားအရေကို ပိုင်ဆိုင်နိုင်စေမှာပါ။

အခါးဓာတ် နဲ့ ဝက်ခြံ

တစ်နေ့တာမှာ အခါးဓာတ်ပါတဲ့အစိမ်းရောင် ဟင်းသီးဟင်းရွက်တွေကို နည်းနည်းစီ စားသုံးပေးတာက အသားအရေကို လိုအပ်တဲ့ ဗီတာမင် C၊ ပိုတက်ဆီယမ်၊သံဓာတ်၊ beta carotene၊ ကယ်လ်ဆီယမ်၊ ရေဓာတ် စတာတွေကို အပြည့်အဝ ထောက်ပံ့ပေးပြီး အရေပြားပေါ်က အဆီပိုတွေကို ဖယ်ရှားပေးသလို ဝက်ခြံဖြစ်စေတဲ့ ဘက်ရီးယားတွေကို တိုက်ဖျက်ပေးနိုင်မှာပါ။

အခါးဓာတ်ပါတဲ့အသီးအရွက်တွေ ရဲ့ နောက်ထပ် အာနိသင်တစ်ခုက အရေပြားကို ဆဲလ်သစ်တွေဖြစ်ပေါ်စေသလို အသားအရေကို တင်းရင်းစေတာပါ။ အသက်အရွယ်ကြောင့်ဖြစ်လာတဲ့ အရေးအကြောင်းတွေကို သက်သာစေမှာပါ။

ဒါကြောင့် ဝက်ခြံ နဲ့ ဝက်ခြံ အမာရွတ်တွေ သက်သာပြီး အနာအဆာ ကင်းတဲ့ အသားအရေကို ပိုင်ဆိုင်ချင်တယ်ဆိုရင် အခါးဓာတ်ပါတဲ့အသီးအရွက်တွေ ကို ဆေးဖြစ်ဝါးဖြစ် ပမာဏလောက် ပုံမှန် စားပေးဖို့ အကြံပြုပါရစေ။

အခါးဓာတ်ပါတဲ့အသီးအရွက်တွေ က အချဉ်ဓာတ်ပါတဲ့ အသီးအရွက်တွေလိုပဲ အသားအရေကို ကျန်းမာစေပြီး ဝက်ခြံတွေ နဲ့ အခြား အရေပြား ပြဿနာတွေ ကင်းစေဖို့ ထောက်ကူပေးနိုင်မှာပါ။

Hello Health Group သည် ဆေးပညာအကြံဉာဏ်များ၊ ရောဂါရှာဖွေမှုများနှင့် ကုသမှုများ မပြုလုပ်ပေးပါ။

ရင်းမြစ်များ

Bitter foods to make you radiate from the inside out https://www.cbc.ca/life/food/bitter-foods-to-make-you-radiate-from-the-inside-out-1.4384470 Accessed Date 19 February 2021

Acne and Pimples – Finding relief with the right Diet and Chinese Medicine https://www.linkedin.com/pulse/acne-pimples-finding-relief-right-diet-chinese-carina-greweling-1d/ Accessed Date 19 February 2021

စာရေးသူ ဓာတ်ပုံbadge
Aye Thi Mon မှ ရေးသားသည်။ 02/03/2021 တွင် ပြန်လည်ပြင်ဆင်ခဲ့သည်။
Dr. Phyo Wai Lynn မှ အချက်အလက် စစ်ဆေးထားပါသည်။