၇။ အမျိုးသားတွေမှာ အဓမ္မ ပြုကျင့်ခံရတဲ့ အခြေအနေမျိုး မရှိပါဘူး။
ဒါကတော့ လုံးဝကို မှားယွင်းနေတဲ့ အချက်ကြီးပါ။ အပေါ်မှာ ပြောထားခဲ့သလိုပဲ၊ ကျူးလွန်သူ ဖြစ်စေ၊ ကျူးလွန်ခံရသူဖြစ်စေ လိင်၊ လိင်စိတ်ခံယူမှု၊ အသက်အရွယ်၊ ရာထူး စတာတွေနဲ့ တိုင်းတာနှိုင်းယှဉ်လို့ မရပါဘူး။ ယောက်ျားတွေ ဖြစ်နေလို့ လိင်စိတ်က အမြဲတမ်း ရှိနေတဲ့အတွက် တစ်ဖက် မိန်းကလေးက အဓမ္မ ပြုကျင့်လာခဲ့ရင်တောင် ကျေကျေနပ်နပ် ခံယူရမယ်ဆိုတဲ့ တစ်ဖက်စွန်းရောက် စွဲကိုင်နေသူများမှာသာ ဝင်နေတတ်တဲ့ အတွေးအခေါ်မျိုးပါ။
ဒီဆောင်းပါးမှာတော့ လိင်ပိုင်းဆိုင်ရာ အကြမ်းဖက်စော်ကားမှုနဲ့ ပတ်သက်ပြီး လူတော်တော်များများ ထင်မှတ်မှားတတ်ကြတဲ့ အချက်တွေကို အကြောင်းရင်းနဲ့ တကွ ပြောပြခဲ့ပြီး ဖြစ်ပါတယ်။ ဒါကြောင့် အမြဲတမ်း ကိုယ့်ပတ်ဝန်းကျင်မှာ ဖြစ်နေတတ်တဲ့ အရာတွေကို လျစ်လျူမရှုပါနဲ့။ လူတိုင်းကိုလည်း အယုံမလွယ်ပါနဲ့။ ဘယ်ပဲ သွားသွား ကိုယ့်အသက်အန္တရာယ်က ကာကွယ်ပေးနိုင်မယ့် ပစ္စည်းတွေကို ကိုယ်နဲ့ မကွာ ဆောင်ထားပါ။
အထူးသဖြင့် ကျူးလွန်ခံရသူတွေမှာ ပြစ်မှုအခင်း ဖြစ်ပွားပြီးတာနဲ့ သက်ဆိုင်ရာ ရဲစခန်းကို သွားရောက်တိုင်ကြားပါ။ သို့မဟုတ် ဆေးရုံမှာ သွားရောက်ပြီး ဆရာဝန်နဲ့ အရေးပေါ် ပြသပါ။ ကျူးလွန်သူရဲ့ ပုံပန်းသဏ္ဍာန်ကို ပြောပြပြီး အမှုဖွင့်ဖို့ ကြိုးစားပါ။ တခြားသူတွေ ကိုယ့်အပေါ် ဘယ်လိုထင်မြင်နေမလဲ ဆိုတဲ့ အတွေးတွေကို ခဏမေ့ထားပါ။ အဓိက ကိုယ်သာ အရေးကြီးပါတယ်။ ကိုယ့်မှာ ခံစားလိုက်ရတဲ့ ရုပ်ပိုင်းဆိုင်ရာ၊ စိတ်ပိုင်းဆိုင်ရာအတွက် တရားမျှတမှုကို သက်ဆိုင်ရာက စီမံဖန်တီးပေးဖို့ အစွမ်းကုန်ကြိုးစားမှာပါ။
Hello ဆရာဝန် ပရိတ်သတ်ကြီးလည်း ကျန်းမာပျော်ရွှင်ပြီး စိတ်ချမ်းသာစရာ ကောင်းတဲ့ ဘဝနေ့ရက်တွေကို ပိုင်ဆိုင်ရပါစေလို့ ဆုတောင်းပေးရင်း ဒီမှာပဲ နိဂုံးချုပ်လိုက်ပါတယ်။
မှတ်ချက်များ
သင့်အတွေးများကို ဝေမျှပါ။
သင့်ကျန်းမာရေးအတွေးများကို Hello Sayarwonနဲ့ ဝေမျှလိုက်ပါ။
ဆက်သွယ်ရန် သို့မဟုတ် ဝင်မည်။ နှင့် ဝင်ရောက်ဆွေးနွေးပါမည်။