ကလေးကိုဘာကြောင့် ကာကွယ်ဆေးထိုးသင့်တာလဲ
ဒီဗိုင်းရပ်စ်ကို အမျိုးသားရော၊ အမျိုးသမီးပါ ကူးစက်ခံရနိုင်တယ်ဆိုတာကြောင့် သင့်ကလေးက လိင်ကိစ္စတစ်မျိုးမျိုးမှာ ပတ်သက်ခဲ့မယ်ဆိုရင်HPV ကူးစက်ခံရနိုင်တဲ့အန္တရာယ်ရှိတယ်ဆိုတာ မမေ့ဖို့အရေးကြီးပါတယ်။
ဘေးကင်းတဲ့လိင်ဆက်ဆံမှုနဲ့ လိင်ကိစ္စကြောင့်ဖြစ်လာနိုင်တဲ့ အန္တရာယ်တွေရဲ့အခြေခံအကြောင်းကို အသိပညာပေးဖို့အရေးကြီးတယ်ဆိုပေမယ့် အဲဒါတစ်ခုတည်းက ရောဂါတွေကူးစက်မှုကို ကာကွယ်နိုင်မှာမဟုတ်ပါဘူး။ ကိုယ့် ဆယ်ကျော်သက်အရွယ် သားသမီးအတွက် လုပ်ပေးနိုင်တဲ့ သေချာတာတစ်ခုက ကာကွယ်ဆေးထိုးပေးတာပါပဲ။
အထူးသဖြင့် ကမ္ဘာမှာလိင်မှတဆင့် ကူးစက်ပျံ့နှံ့မှုအများဆုံး ဖြစ်တဲ့ HPV ကာကွယ်ဆေးကိုထိုးပေးဖို့ပါ။ ပြီးတော့ HPV ကာကွယ်ဆေးက ဘေးဥပါဒ်ကင်းတဲ့အပြင် အချိန်အကြာကြီးကာကွယ်မှုပေးနိုင်တယ်လို့ လေ့လာမှုတွေက ဆိုပါတယ်။ တခြားကာကွယ်ဆေးတွေလိုမျိုးပဲ မပြင်းထန်တဲ့ဘေးထွက်ဆိုးကျိုးလေးအနည်းငယ်သာရှိပါတယ်။
ကလေးငယ်တွေကို လိင်ဆက်ဆံမှု မပြုသေးတဲ့အရွယ် ၉နှစ်ကနေ စပြီး ကာကွယ်ဆေးထိုးပေးနိုင်ပါပြီ။ သမီးတွေကို အဓိက ထိုးပေးတယ်ဆိုပေမယ့် ကာကွယ်ဆေးအမျိုးအစားပေါ် မူတည်ပြီး သားတွေပါ ထိုးလို့ရနေပါပြီ။ ၁၄နှစ်အောက်အရွယ်တွေကို ၁နှစ်ခြား ၂ကြိမ်ထိုးရင် ရပါပြီ။
မှတ်ချက်များ
သင့်အတွေးများကို ဝေမျှပါ။
သင့်ကျန်းမာရေးအတွေးများကို Hello Sayarwonနဲ့ ဝေမျှလိုက်ပါ။
ဆက်သွယ်ရန် သို့မဟုတ် ဝင်မည်။ နှင့် ဝင်ရောက်ဆွေးနွေးပါမည်။