အချင်းဆီကို လုံလောက်တဲ့ သွေးလည်ပတ်မှု မရတာကြောင့် အချင်းရဲ့ တစ်ချို့အစိတ်အပိုင်းတွေ ပုပ်သွားတဲ့ ပြဿနာပါ။ အထူးသဖြင့် ကိုယ်ဝန်ဆောင်သွေးတိုးသမားတွေမှာ အချင်းဆီ သွေးလုံလောက်အောင် မရဘဲ အချင်းတစ်ချို့ အစိတ်အပိုင်းတွေ ပုပ်သွားတဲ့ ပြဿနာဖြစ်နိုင်ပါတယ်။ ဒီလိုနဲ့ အချင်းကောင်းကောင်း မဖွံ့ဖြိုးနိုင်တော့ဘဲ ကလေးဆီလည်းလုံလောက်တဲ့ အာဟာရတွေ မပေးနိုင်တော့လို့ နောက်ပိုင်း ရင်သွေးလေးဖွံ့ဖြိုးမှု အပိုင်းကို ထိခိုက်သွားနိုင်ပါတယ်။
Placenta accrete
ဒီပြဿနာကတော့ အချင်းက သားအိမ်အတွင်းနံရံနက်နက်ထဲထိဝင်တွယ်နေတာပါ။ ဒီပြဿနာက ကိုယ်ဝန်ဆောင်တစ်လျှောက်လုံး ရင်သွေးလေးနဲ့ မိခင်ကို ဒုက္ခမပေးနိုင်ပေမယ့် မီးဖွားတဲ့ အချိန် ကလေးထွက်ပြီးနောက်ပိုင်း အချင်းကွာကျမယ့်အချိန်ကျမှ သေချာမကွာကျဘဲ အပိုင်းအစတွေ ကျန်ခဲ့ပြီး သွေးသွန်တဲ့ ပြဿနာတွေ ဆက်ဖြစ်နိုင်ပါတယ်။
အချင်းဆိုတာ ဗိုက်ထဲက ရင်သွေးလေးအတွက် အရေးအကြီးဆုံးမလား။ ကလေးလိုအပ်တဲ့ အာဟာရဓါတ်တွေ အောက်ဆီဂျင်နဲ့ သွေးလည်ပတ်မှု ကောင်းအောင် အချင်းကပဲ ကူညီရတာလေ။ ဒီတော့ ဒီလို အရေးကြီးတဲ့ အချင်းမှာ ပြဿနာ တစ်ခုခု ဖြစ်ရင် ရင်သွေးလေးကို ထိခိုက်ပြီပေါ့။ ဒါပေမယ့် အချင်းပြဿနာတွေကို အာထရာဆောင်းရိုက်ရင်းကနေ စောစောသိနိုင်တာကြောင့် လိုအပ်တဲ့ ကုသမှုတွေ မြနမြန်ခံယူလိုက်ရင် ရင်သွေးလေးကို အများကြီးထိခိုက်တော့မှာ မဟုတ်ဘူးနော်။ ဒါ့ကြောင့် ကိုယ်ဝန်စောစောအပ် မှန်မှန်ပြဖို့လိုအပ်တာပေါ့ ။ ။
မှတ်ချက်များ
သင့်အတွေးများကို ဝေမျှပါ။
သင့်ကျန်းမာရေးအတွေးများကို Hello Sayarwonနဲ့ ဝေမျှလိုက်ပါ။
ဆက်သွယ်ရန် သို့မဟုတ် ဝင်မည်။ နှင့် ဝင်ရောက်ဆွေးနွေးပါမည်။