home

သင့်စိုးရိမ်မှုတွေက ဘာတွေလဲ။

close
မတိကျ
နားလည်ရခက်
အခြား

သို့မဟုတ် လင့်ခ်ကူးယူမည်

ကိုယ်ဝန်ဆောင်ကာလ အော့အန်ခြင်းကို သက်သာစေဖို့

ကိုယ်ဝန်ဆောင်ကာလ အော့အန်ခြင်းကို သက်သာစေဖို့

ကိုယ်ဝန်ဆောင်တာကမေမေတစ်ယောက်အတွက် ကြီးမားတဲ့စွန့်စားမှုကြီးပါ။ ဒီအချိန်မှာ ခန္ဓါကိုယ်ကပြောင်းလဲမှုတွေကတော်တော်များပါတယ်။ သိသိသာသာပြောင်းလဲမှုတွေလည်းဖြစ်မှာဖြစ်သလို စိတ်ခံစားမှုနဲ့ ကိုယ်တွင်းမှာ မအီမသာဖြစ်တာတွေလည်း ခံစားရနိုင်ပါတယ်။ ဒီထဲမှာ အဆိုးဆုံးတစ်ခုက ကိုယ်ဝန်ဆောင်ကာမှာ ပျို့အန်တာပါ။ စားချင်တိုင်းစားလို့မရသလို အနံ့ရရင်တောင် အန်ချင်နေတာမျိုးပေါ့။တော်တော်လေးနေရခက်တဲ့ပြဿနာတစ်ခုပါ။ ဒီတော့ ကိုယ်ဝန်ဆောင်ချိန်မှာဖြစ်တတ်တဲ့ ပျို့အန်တာကို သက်သာစေမယ့် နည်းလမ်းလေးတွေ ဝေမျှပေးပါရစေနာ်။

ကိုယ်ဝန်ဆောင်ကာလပျို့အန်တာကို သက်သာစေဖို့

ကိုယ်ဝန်ဆောင်ကာလမှာ ပျို့အန်ရတာကတော်တော်လေးခံရခက်ပါတယ်နော်။ ဒီပြဿနာကိုဖြေရှင်းဖို့အတွက် အခုပြောပြမယ့်နည်းလမ်းလေးတွေက အသုံးဝင်မှာပါနော်။

နည်းနည်းစီနဲ့အကြိမ်ရေများများစားပေးပါ

အစာအိမ်ထဲမှာဘာမှမရှိတာက ကိုယ်ဝန်ဆောင်ပျို့အန်ခြင်းကို ပိုဆိုးစေနိုင်ပါတယ်။ ဒါကြောင့် စားချင်စိတ်မရှိဘူးဆိုရင်တောင်မှ နည်းနည်းချင်းစီ အကြိမ်ရေများများလေးစားပေးပါ။ ဒါမှသွေးတွင်းသကြားဓါတ်ကိုထိန်းညှိရာရောက်မှာဖြစ်သလိုအော့အန်တာကိုလည်း သက်သာစေနိုင်မှာပါ။

ပရိုတင်းဓါတ်ကြွယ်ဝတဲ့ အစားအစာတွေစားပေးပါ
ကိုယ်ဝန်ဆောင်မေမေတို့အနေနဲ့ မိခင်ရောကလေးပါကျန်းမာစေဖို့ အာဟာရပြည့်ဝအောင်စားသုံးဖို့လိုပါမယ်။ ဒီတော့ ပရိုတင်းကြွယ်ဝတဲ့ အစားအစာတွေနဲ့ ဗီတာမင် နဲ့ သတ္တုဓါတ်တွေကြွယ်ဝတဲ့ အစားအစာတွေစားပေးပါ။ အာဟာရလည်းပြည့်မှာဖြစ်သလို ပျို့အန်တာကိုလည်း သက်သာစေမှာပါ။ ပူစပ်တဲ့အစားအစာတွေ၊ အချဉ်ကဲတဲ့အစားအစာတွေ၊ အဆီများတဲ့အစားအစာတွေ၊ ဆီကြော်စာတွေကိုရှောင်ပါ။
အေးတဲ့အစားအစာလေးတွေပိုစားပေးပါ
ကိုယ်ဝန်ဆောင်မေမေတစ်ယောက်အဖို့ ကိုယ်ဝန်ဆောင်နေချိန်မှာ မကြာခဏဆိုသလို ပျို့အန်တာမျိုးမဖြစ်ဖို့ဆိုရင် ချက်ပြုတထားတဲ့ ပူပူနွေးနွေးအစားအစာတွေထက်အေးအေးလေးစားလို့ရတဲ့ သစ်သီးတွေ၊ အရွက်သုပ်တို့လိုမျိုး အရာတွေကို စားပေးပါ။
အစားတစ်ခုခုစားပြီးတိုင်းရေသောက်တာက ကိုယ်ဝန်ဆောင်ချိန်ပျို့အန်တာကို သက်သာစေနိုင်ပါတယ်။ ဒါကြောင့်ကိုယ်ဝန်ဆောင်နေချိန်မှာရေကိုပြည့်ဝအောင်သောက်ဖို့ မမေ့ပါနဲ့။
စိတ်ဖိစီးမှုနဲ့ပင်ပန်းမှုဒဏ်တွေက ကိုယ်ဝန်ဆောင်ချိန်ပျို့အန်တာကိုပိုဆိုးစေနိုင်ပါတယ်။ ဒါကြောင့် ကိုယ်ဝန်ဆောင်ကာလမှာ စိတ်ရောကိုယ်ပါ သက်တောင့်သက်သာစေဖို့ မမေ့ပါနဲ့။
သံပရာသီးရှုပေးပါ
သံပရာသီးနံ့က မအီမသာဖြစ်တာကို သက်သာစေနိုင်ပါတယ်။ ဒါကြောင့် သံပရာရည်သောက်ပေးတာမျိုးဖြစ်ဖြစ် အိပ်ရာနားမှာ သံပရာခြမ်းလေးတွေထားတာမျိုးလုပ်ပေးပါ။ ဒီလိုလုပ်ပေးတာက ကိုယ်ဝန်ဆောင်ချိန်ပျို့အန်တာကို သက်သာစေနိုင်ပါတယ်။
ကိုယ်ဝန်ဆောင်အားဆေးတစ်ခုခုသောက်ပါ

ကိုယ်ဝန်ဆောင်အားဆေးက ကိုယ်ဝန်ဆာင်ချိန်မှာ မအီမသာဖြစ်တာကို သက်သာစေနိုင်ပါတယ်။ ဒါကြောင့် ကိုယ်ဝန်ဆောင်မေမေတို့အနေနဲ့ ပျို့အန်တာကို သက်သာစေဖို့ ကိုယ်ဝန်ဆောင်အားဆေးတစ်ခုခုမှီဝဲပေးပါ။

လတ်ဆတ်တဲ့လေကို ရှုရှိုက်ပါ
အိမ်မှာ လေဝင်လေထွက်ကောင်းအောင်လုပ်ထားပြီး သဘာဝလေနုအေးလေးကိုရှုရှိုက်ပေးတာကလည်း ကိုယ်ဝန်ဆောင်ချိန်မှာ ခံစားရတဲ့ ပျို့အန်မှုကို သက်သာစေနိုင်ပါတယ်။ ဒါကြောင့်နေ့တိုင်း အိမ်အပြင်ဘက်မှာ လမ်းလျှောက်ပေးပါ။
ကိုယ်ဝန်ဆောင်ချိန်မှာ ပျို့အန်မှုတွေဖြစ်နေလို့ စိတ်ညစ်မနေနဲ့နော်။ အခုပြောခဲ့တဲ့ နည်းလေးတွေကို လုပ်ကြည့်ပြီး အကောင်းဆုံးကျော်လွှားလိုက်ပါ။

Hello Health Group သည် ဆေးပညာဆိုင်ရာ အကြံပေးချက်များ၊ ရောဂါရှာဖွေခြင်းနှင့် ကုသခြင်းများ မပြုလုပ်ပါ။

Hello Health Group သည် ဆေးပညာအကြံဉာဏ်များ၊ ရောဂါရှာဖွေမှုများနှင့် ကုသမှုများ မပြုလုပ်ပေးပါ။

ရင်းမြစ်များ

12 ways to ease morning sickness: photoshttps://www.babycentre.co.uk/l25005543/12-ways-to-ease-morning-sickness-photos Accessed Date 22 April 2019

Morning sickness: 10 tips to relieve ithttps://www.medicalnewstoday.com/articles/37757.php Accessed Date 22 April 2019

Morning sicknesshttps://www.mayoclinic.org/diseases-conditions/morning-sickness/diagnosis-treatment/drc-20375260Accessed Date 22 April 2019

စာရေးသူ ဓာတ်ပုံbadge
Aye Thi Mon မှ ရေးသားသည်။ 2 ရက် အကြာက တွင် ပြန်လည်ပြင်ဆင်ခဲ့သည်။
Hello Sayarwon Panel မှ အချက်အလက် စစ်ဆေးထားပါသည်။