သင့်စိုးရိမ်မှုတွေက ဘာတွေလဲ။

close
မတိကျ
နားလည်ရခက်
အခြား

သို့မဟုတ် လင့်ခ်ကူးယူမည်

ကိုယ်ဝန်ဆောင်ချိန်မှာ မေမေ အလက်ဂျီ ဖြစ်တာက ဘေဘီလေးကိုပါ ကူးစက်နိုင်သတဲ့။

ကိုယ်ဝန်ဆောင်ချိန်မှာ မေမေ အလက်ဂျီ ဖြစ်တာက ဘေဘီလေးကိုပါ ကူးစက်နိုင်သတဲ့။

ဓာတ်မတည့်တာက အတော်လေး ခံရခက်တဲ့ ကျန်းမာရေး ပြဿနာတစ်ခုပါ။ အရွယ်မရွေးဖြစ်နိုင်တဲ့ ကျန်းမာရေးပြဿနာ တစ်ခုပေါ့ ။ ဒီ အလက်ဂျီ ပြဿနာက အရွယ်ရောက်မှ ဖြစ်တာလား။ မွေးရာပါတတ်လားဆိုတာကို ဒီဆောင်းပါးလေးကနေတဆင့် ပြောပြပေးသွားမယ်နော်။

လေ့လာမှု အသစ်ရဲ့ တွေ့ရှိချက်

လေ့လာမှုတွေအရ ကိုယ်ဝန်ဆောင်ချိန်မှာ မေမေက ဓာတ်မတည့်တာကို ခံစားရမယ်ဆိုရင် မွေးလာမယ့် ဘေဘီလေးမှာလည်း ဓာတ်မတည့်မှု ခံစားရနိုင်ခြေ ရှိပါတယ်။ လို့ Agency for Science, Technology and Research က သတင်းထုတ်ပြန်ခဲ့ပါတယ်။

မေမေ့ဆီကနေ ဘေဘီလေးဆီကို အလက်ဂျီ ကူးစက်နိုင်ပါတယ်။

လေ့လာမှုအရ ကိုယ်ဝန်ဆောင်ချိန်မှာ မေမေက ဓာတ်မတည့်တာ တစ်ခုခုကို ခံစားရတဲ့ အခါ ခန္ဓာကိုယ်က immunoglobulin E (IgE) လို့ခေါ်တဲ့ ဓာတ်မတည့်မှုကို တုံ့ပြန်တဲ့ ပဋိပစ္စည်းတွေကို ထုတ်လွှတ်ပါတယ်။

ဒီဓာတ်ပစ္စည်းတွေက အချင်းကနေတဆင့် ဘေဘီလေးဆီကို ရောက်သွားတဲ့အခါ ဘေဘီလေးရဲ့ ကိုယ်ခံအားဆဲလ်တွေက ဓာတ်မတည့်မှုကို တုံ့ပြန်တဲ့ ဓာတုပစ္စည်းကို ထုတ်လွှတ်ပါတယ်။ ဒီလိုကနေ ဘေဘီလေးမှာ ဓာတ်မတည့်မှု လက္ခဏာဖြစ်တဲ့ နှာစေးတာ၊ ပန်းနာရင်ကျပ်လို လက္ခဏာတွေကို ခံစားရနိုင်ပါတယ်။

ဒါကြောင့် ကိုယ်ဝန်ဆောင်ချိန်မှာ မေမေက ဓာတ်မတည့်တာ တစ်ုခုနဲ့ ထိတွေ့မိမယ်ဆိုရင် မွေးလာမယ့် ဘေဘီလေးမှာ အဆိုပါ ဓာတ်မတည့်မှု လက္ခဏာကို ခံစားရနိုင်ပါတယ်။

မေမေတို့အနေနဲ့ ဘေဘီလေးမှာ ဓာတ်မတည့်မှု လက္ခဏာ မဖြစ်စေချင်ဘူးဆိုရင် ကိုယ်ဝန်ဆောင်နေချိန်မှာ ဓာတ်မတည့်မှုကို​ဖြစ်စေနိုင်တဲ့အရာတွေဖြစ်တဲ့ ပန်းဝတ်မှုန်၊ ရော်ဘာစေး၊ ကီဝီသီး လိုမျိုး ဓာတ်မတည့်မှုကို ဖြစ်စေနိုင်တဲ့ အရာတွေကို တတ်နိုင်သမျှ မထိတွေ့မိအောင် ဂရုစိုက်ဖို့ လိုပါမယ်။

ဓာတ်မတည့်မှုမှန်း ဘယ်လို သိနိုင်မလဲ……….

ဓာတ်မတည့်မှုဖြစ်တဲ့အခါ ခန္ဓာကိုယ်က histamine နဲ့ leukotrienes အပါအဝင် ဓာတုပစ္စည်းတွေကို ထုတ်လွှတ်ပါတယ်။ ဒီဓာတုပစ္စည်းတွေက အရေပြားကို ထိခိုက်စေသလို၊ အသက်ရှူလမ်းကြောင်းစနစ်အစာခြေစနစ် နဲ့ အခြားသောအရာတွေကို ထိခိုက်စေနိုင်ပါတယ်။

  • ဓာတ်မတည့်မှုဖြစ်တဲ့အခါ
  • နှာချေတာ
  • နှာခေါင်းပိတ်တာ
  • နှာရည်ယိုတာ
  • နှာစေးတာ
  • အရေပြား အဖုအပိမ့်တွေထွက်တာ
  • ယားယံတာ
  • အင်ပြင်ထွက်တာ
  • ရောင်ရမ်းတာတွေဖြစ်နိုင်ပါတယ်။
    ဓာတ်မတည့်မှု အမျိုးအစားကို လိုက်ပြီး လက္ခဏာတွေ ကွာခြားနိုင်ပါတယ်။
    ဓာတ်မတည့်မှုက မဖြစ်အောင် ကာကွယ်တာကအကောင်းဆုံးမို့ မေမေတို့အနေနဲ့ ဘေဘီလေးကို ဓာတ်မတည့်မှု ကင်းစေချင်တယ်ဆိုရင် ကိုယ်ဝန်ဆောင်ကာလမှာ ဓာတ်မတည့်မှုဖြစ်စေနိုင်တဲ့အရာတွေကို တတ်နိုင်သမျှ ရှောင်ပါ။
    health-tool-icon

    ကိုယ်ဝန်ဆောင်ချိန် ကိုယ်အလေးချိန်တွက်ချက်ခြင်း

    ဤကိရိယာသည် အမျိုးသမီးများအတွက် ကိုယ်ဝန်မဆောင်ခင်က ရှိသည့် ကိုယ်အလေးချိန်ပေါ် မူတည်၍ ကိုယ်ဝန်ဆောင်ချိန်တွင် ကိုယ်အလေးချိန် မည်မျှရှိသင့်သည်ကို တွက်ချက်ပေးခြင်း ဖြစ်ပါသည်။

    28

    Hello Health Group သည် ဆေးပညာအကြံဉာဏ်များ၊ ရောဂါရှာဖွေမှုများနှင့် ကုသမှုများ မပြုလုပ်ပေးပါ။

    ရင်းမြစ်များ
    Mother can pass on allergies to their baby during pregnancy  https://sg.theasianparent.com/allergies-in-newborns?utm_medium=push&utm_source=new-webengage&utm_campaign=new_article Accessed Date 24 November 2020

    Maternal Influences over Offspring Allergic Responses https://www.ncbi.nlm.nih.gov/pmc/articles/PMC4445968/ Accessed Date 24 November 2020

    စာရေးသူ ဓာတ်ပုံbadge
    Aye Thi Mon မှ ရေးသားသည်။ 4 ပတ် အကြာက တွင် ပြန်လည်ပြင်ဆင်ခဲ့သည်။
    Dr. Phyo Wai Lynn မှ အချက်အလက် စစ်ဆေးထားပါသည်။