သားသားက သွားရည်တွေပဲကျနေတာ။ သူငယ်နာမစင်တာလားဆိုတဲ့ အတွေးတွေရှိနေတဲ့မေမေဖေဖေတို့ရေ ဒီဆောင်းပါးလေးကို ဖတ်ကြည့်လိုက်ပါနော်။ ဘေဘီလေးတွေမှာဖြစ်တဲ့ သွားရည်ကျတာက ဖွံ့ဖြိုးမှုရဲ့ အဆင့်တစ်ခုပါ။
မှ အချက်အလက် စစ်ဆေးထားပါသည်။ Dr. Thurein Hlaing Win
သားသားက သွားရည်တွေပဲကျနေတာ။ သူငယ်နာမစင်တာလားဆိုတဲ့ အတွေးတွေရှိနေတဲ့မေမေဖေဖေတို့ရေ ဒီဆောင်းပါးလေးကို ဖတ်ကြည့်လိုက်ပါနော်။ ဘေဘီလေးတွေမှာဖြစ်တဲ့ သွားရည်ကျတာက ဖွံ့ဖြိုးမှုရဲ့ အဆင့်တစ်ခုပါ။
ကလေးက သွားရည် ကျတယ်၊ ဘူးမှုတ်တယ်ဆိုတာက ခံတွင်းကြွက်သားတွေဖွံ့ဖြိုးတာဖြစ်သလို ကလေးတစ်ယောက်မှာရှိသင့်တဲ့ ကြီးထွားဖွ့ဖြိုးမှု အဆင့်တစ်ခုပါ။ ဒီလိုသွားရည်ကျတာက ကလေးအသက် ၃ လကနေ ၆လအတွင်းမှာဖြစ်တတ်ပါတယ်။ တစ်ခါတလေ ဘေဘီလေးတွေ သွားရည် ထွက်ရတာက သွားပေါက်ချင်နေတဲ့ လက္ခဏာတစ်ခုဆိုလည်း ဟုတ်ပါတယ်။
ဒါကြောင့် ကလေးက သွားရည် ထွက်တိုင်း သူငယ်နာမစင်တာမျိုးလို့ မတွေးစေချင်ပါဘူး။ စားဖို့ဝါးဖို့ ပြင်ဆင်မှုတစ်ရပ်ဖြစ်တာကြောင့် သားသားမီးမီးတို့ကို အစားအစာတွေ မိတ်ဆက်ခွင့်ရတော့မယ်ဆိုပြီး ဝမ်းတောင်ဝမ်းသာသင့်ပါတယ်။
၁ လ ကနေ ၃ လအတွင်း
သွားရည်အမြဲကျနေတာမျိုး မရှိပါဘူး။ အကြောင်းကတော့ ကလေးက ပက်လက်အနေအထားပဲ အမြဲနေနေရတာကြောင့်ပါ။ ၃ လနောက်ပိုင်းမှ ကလေးက ထိုင်တဲ့အခါ မတ်မတ်လေးနေတဲ့ အခါမျိုးမှာ သွားရည် ကျတာမျိုးဖြစ်လာနိုင်ပါတယ်။
၆ လအရွယ်
သွားရည် ကျတာကို နည်းနည်းထိန်းထားနိုင်တဲ့အရွယ်ရောက်လာပြီဆိုပေမယ့် တစ်ခုခုကိုလိုချင်တဲ့အခါ၊ စိတ်ဝင်စားနေတဲ့အခါ၊ အရုပ်တွေကို အာရုံဝင်စားစွာဆော့တဲ့အခါမျိုးမှာ သွားရည်ကျနိုင်ပါတယ်။ သွားထွက်ချင်တာကြောင့်လည်း ဒီအရွယ်မှာ ကလေးက ပုံမှန်ထက်သွားရည်ပိုကျနိုင်ပါတယ်။
၁၈ လအရွယ်
အရင်ကလိုမျိုး သွားရည် ကျတာမျိုးမရှိတာ့ပါဘူး။ လုပ်နေကျအလုပ်တွေကို လုပ်နေချိန်မှာ ပုံမှန်အတိုင်းလုပ်နိုင်ပါပြီ။ သွားရည် မကျတော့ပါဘူး။ အစားစားချိန်မှပဲ တစ်ခါတလေ သွားရည် ကျတာမျိုးဖြစ်နိုင်ပါတယ်။
၂၄ လအရွယ်
ဒီအချိန်မှာတော့ သွားရည် ကျတာက မရှိသလောက် ဖြစ်သွားပါပြီ။ ဖြစ်တောင့်ဖြစ်ခဲ ကိစ္စ တစ်ခု ဖြစ်သွားပါပြီ။
ဘေဘီလေးတွေ သွားရည် ကျရတဲ့ အချက်တွေက တစ်ချက်မကရှိနိုင်ပါတယ်။
သွားရည်ကျတာက ဘေဘီလေးမှာ ကြီးထွားဖွံ့ဖြိုးမှုလက္ခဏာတစ်ခုဆိုပေမယ့် တစ်ခါတလေမှာတော့ ကျန်းမာရေးပြဿနာတွေကြောင့်လည်းဖြစ်နေနိုင်ပါတယ်။
ကလေးက သွားရည်ကျတိုင်း သူငယ်နာကြောင့် မဟုတ်ပါဘူးနော်။ နို့စို့ရာကနေ အစားအစာတွေကို ဝါးစားနိုင်စေဖို့ ပါးစပ်ကြွက်သားတွေ ဖွံ့ဖြိုးလာမှုရဲ့ လက္ခဏာ တစ်ခုဖြစ်တာကြောင့် မေမေတို့ အနေနဲ့ ကလေး သွားရည်ထွက်တာကို အရမ်း မစိုးရိမ်ဖို့ ပြောပါရစေ။
မသက်ဆိုင်ကြောင်း ရှင်းလင်းချက်
Hello Health Group သည် ဆေးပညာအကြံဉာဏ်များ၊ ရောဂါရှာဖွေမှုများနှင့် ကုသမှုများ မပြုလုပ်ပေးပါ။
မှ အချက်အလက် စစ်ဆေးထားပါသည်။
Dr. Thurein Hlaing Win
မှတ်ချက်များ
သင့်အတွေးများကို ဝေမျှပါ။
သင့်ကျန်းမာရေးအတွေးများကို Hello Sayarwonနဲ့ ဝေမျှလိုက်ပါ။
ဆက်သွယ်ရန် သို့မဟုတ် ဝင်မည်။ နှင့် ဝင်ရောက်ဆွေးနွေးပါမည်။