ငယ်ရွယ်စဉ်မှာ အဝလွန်တဲ့ကလေးတွေ အရွယ်မတိုင်ခင် မသန်မစွမ်းဖြစ်နိုင်

ဆေးပညာပိုင်းဆိုင်ရာတည်းဖြတ်သူ | ရေးသားသူ

Update Date စက်တင်ဘာ 18, 2020 . 2 mins read
Share now

ငယ်ရွယ်စဉ်မှာ အဝလွန်တဲ့ကလေးတွေဟာ အာရုံကြောချို့ယွင်းတဲ့ရောဂါ Multiple Sclerosis (MS) ဖြစ်နိုင်တယ်လို့ နိုင်ငံစုံကျန်းမာရေးပညာရှင်တွေက သတိပေးလိုက်ပါတယ်။

ခုခေတ်မှာ ကလေးတွေရဲ့ ကိုယ်အလေးချိန်တွေဟာ ယခင်ဆယ်စုနှစ်တွေကထက် ပိုပြီးမြင့်မားလာနေကြပါတယ်။ ပတ်ဝန်းကျင်နဲ့ အစာအာဟာရကျွေးမွေးမှုပုံစံတွေကြောင့်ပေါ့။

ဒီတော့ကလေးတွေမှာလဲ အဝလွန်တဲ့ပြဿနာနဲ့ရင်ဆိုင်လာရပါတယ်။ သုတေသနပညာရှင်တွေရဲ့ လေ့လာချက်တွေအရ ငယ်ငယ်ရွယ်ရွယ်နဲ့ အဝလွန်နေတဲ့ကလေးတွေဟာ အသက်ကြီးလာချိန်မှာ နှလုံး၊ သွေးတိုး၊ ဆီးချိုနဲ့ လေဖြတ်နိုင်ခြေတွေပဲ မြင့်မားတာမဟုတ်ပါဘူးတဲ့။ အရွယ်မတိုင်ခင်မှာပဲ Multiple Sclerosis ဝေဒနာခံစားလာရနိုင်တယ်လို့ ဆိုပါတယ်။

လာမယ့် ၂၀၃၅ ရောက်ရင် တစ်ကမ္ဘာလုံးက ကလေးငယ်တွေရဲ့ ၁၄% လောက်ဟာ အဝလွန်နေနိုင်တယ်လို့ ဗြိတိန်အခြေစိုက် ကွင်းမေရီတက္ကသိုလ်ရဲ့ လေ့လာချက်တွေကဆိုထားပါတယ်။ ဒီကလေးတွေထဲက တချို့တစ်ဝက်ဟာ MS ရောဂါဝေဒနာခံစားနေရနိုင်ပါတယ်။

ပုံမှန်အားဖြင့် MS ဖြစ်စေတဲ့ အဓိကအကြောင်းအရင်းဟာ သဘာဝပတ်ဝန်းကျင်နဲ့ ဆေးလိပ်သောက်သုံးမှုတွေကြောင့် ဖြစ်ပါတယ်။ ဒါပေမယ့် လေ့လာချက်အသစ်တွေအရ အဝလွန်ခြင်းဟာလည်း အရေးပါတဲ့ အကြောင်းတရားတစ်ခုဖြစ်လာနေကြောင်း သိလာရပါပြီ။

အဝလွန်ခြင်းအပြင် ကလေးတွေဟာ သူတို့ရဲ့ ပတ်ဝန်းကျင်ကနေ ဆေးလိပ်ငွေ့တွေကို တဆင့်ခံရှူရှိူက်နေရတဲ့နှုန်းကလည်း ပိုမိုမြင့်မားလာနေတာကြောင့် MS ဖြစ်နိုင်ခြေပိုများလာတာဖြစ်ပါတယ်။

ကွင်းမေရီတက္ကသိုလ်၊ အောက်စဖို့ဒ်တက္ကသိုလ်၊ ဘာ့တ်စ်ကျန်းမာရေးအဖွဲ့တို့အပါအဝင် ဗြိတိန်၊ အမေရိကန်၊ သြစတြေးလျနဲ့ ရုရှားနိုင်ငံတို့က ထိပ်တန်းတက္ကသိုလ်တွေနဲ့ ကျန်းမာရေးအဖွဲ့အစည်းတွေ ပူးပေါင်းလေ့လာခဲ့မှုအရ အနာဂတ်မှာ ကလေ ၁၀% လောက်အထိ ဒီဝေဒနာကို ခံစားရနိုင်တယ်လို့ ဆိုထားပါတယ်။

Multiple Sclerosis ဆိုသည်မှာ

Multiple Sclerosis ဆိုတာကတော့ အာရုံကြောစနစ် ယိုယွင်းမှုကြောင့် ကိုယ်လက်လှုပ်ရှားမှုနဲ့ စကားပြောဆိုမှုကို ထိန်းချုပ်လို့မရတော့တဲ့ရောဂါတစ်မျိုးပါ။

Multiple sclerosis ဆိုတာ ပုံမှန်အားဖြင့် အရွယ်ရောက်ပြီးသူတွေမှာသာ အဖြစ်များတဲရောဂါတစ်မျိုးဖြစ်ပေမယ့် ခုနောက်ပိုင်းမှာတော့ ကလေးတွေမှာလည်း ဖြစ်လာကြပါတယ်။ ဒီလိုဖြစ်လာတာဟာ ကလေးတွေ အဝလွန်လာနေတာနဲ့ ဆက်စပ်နေတယ်လို့ ဆေးပညာရှင်တွေက ဆိုထားကြပါတယ်။

လေ့လာမှုတွေအရဆိုရင် ဒီဘက်ခေတ်မှာ Multiple Sclerosis ရောဂါခံစားနေရသူတွေရဲ့ ၅% ကနေ ၁၀% လောက်ဟာ သူတို့ရဲ့အသက် ၁၆ နှစ်မပြည့်ခင်တည်းက ရောဂါလက္ခဏာတွေ စတင်ပြသလာတတ်ကြပါတယ်။

Multiple Sclerosis ဟာ ဦးနှောက်နဲ့ တခြားအစိတ်အပိုင်းတွေဆီ ဆက်သွယ်ထားတဲ့ အာရုံကြောကို နှောင့်ယှက်တာကြောင့် ခန္ဓာကိုယ်ကို အားပျော့ကာ မသန်မစွမ်းဖြစ်သွားစေလေ့ရှိပါတယ်။ ဒီရောဂါကိုခံစားရပြီဆိုရင် အလွန်အမင်းနာကျင်မှုကို ခံစားရမှာဖြစ်ပြီး ကြွက်သားတွေလည်း မသန်မစွမ်းဖြစ်သွားမှာပါ။

ဒီကနေ့ ကမ္ဘာပေါ်မှာ MS ဝေဒနာခံစားနေရသူပေါင်း ၃ သန်းလောက်ရှိထားပြီးတော့ အဲ့ဒီထဲကမှ ၅ သိန်းဝန်းကျင်ဟာ အသက် ၁၈ နှစ်အောက် လူငယ်တွေဖြစ်ကြပါတယ်။

ကလေးတစ်ယောက် အဝလွန်နေတာ မကောင်းပါ

ကလေးတစ်ယောက် ဝနေတာမြင်ရင် ချစ်ဖို့ကောင်းတယ်လို့ လူတချို့က ပြောကြတယ်။ တကယ်တော့ ဝနေတာဟာ တကယ်ချစ်စရာကောင်းတာ ဖြစ်ချင်ဖြစ်နိုင်ပေမယ့် သူ့ရဲ့အနာဂတ်ကတော့ ချစ်စဖွယ်ဖြစ်နေမှာမဟုတ်ပါဘူး။

ကိုယ့်ရဲ့ရင်သွေးက ရှိသင့်တဲ့ကိုယ်အလေးချိန်ထက်ပိုပြီး မြင့်မားနေသလားဆိုတာကို သိနိုင်ဖို့ BMI တို့ Growth Chart တို့နဲ့ တွက်ချက်ကြည့်လို့ရပါတယ်။ ဒီလိုတွက်ချက်ကြည့်ပြီး ကိုယ့်ကလေးက အဝလွန်နေတယ်ဆိုရင်တော့ ဝိတ်ချပေးဖို့ လိုအပ်လာမှာပါ။

ကလေးတွေကို ဝိတ်ချရတာက လူကြီးတွေကို ဝိတ်ချရတာလောက်တော့ မလွယ်ကူပါဘူး။ ကလေးဖြစ်နေတော့ အစားတွေ ဇွတ်ရှောင်ခိုင်းဖို့ကလည်း မဖြစ်နိုင်ဘူးလေ။ ခန္ဓာကိုယ်ဖွံ့ဖြိုးတိုတးက်ဖို့ အာဟာရမျှတအောင် ကျွေးဖို့ကလည်း လိုသေးတယ်မဟုတ်လား။

အောက်ပါနည်းလမ်းတွေနဲ့ ကလေးတွေကို ဝိတ်ချပေးနိုင်ပါတယ်။

  • တစ်နေ့ကို အနည်းဆုံး မိနစ် ၆၀ လောက် ကိုယ်လက်လှုပ်ရှားမှုရှိနေအောင် ထားပါ။
  • အဆာပြေစာတွေ ကျွေးမွေးဖြစ်နေတယ်ဆိုရင် လျှော့ပါ။ ကျန်းမာပြီး အာဟာရဓာတ်ကြွယ်ဝစွာပါရှိတာတွေကို ပြောင်းကျွေးပါ။
  • အသင့်စားအစားအစာတွေကို ရှောင်ကြဉ်ပြီး သစ်သီးဝလံတွေ၊ အစေ့အဆံတွေနဲ့ ဖိုက်ဘာပါဝင်မှုများတဲ့ အစားအစာတွေ ပိုမိုကျွေးမွေးပါ။
  • သကြားဓာတ်ပါတဲ့ အချိုရည်တွေ တိုက်ကျွေးတာမျိုးကို ရှောင်ပါ။
  • တီဗွီနဲ့ စမတ်ဖုန်း အပါအဝင် Screen Time ကို လျှော့ချပါ။ တစ်နေ့ကို တစ်နာရီ ခွဲထက် ပိုပြီး အသုံးမပြုပါစေနဲ့။
  • မိသားစုနဲ့ အချိန်ပေးတတ်အောင် ကူညီပါ။ ကလေး အထီးကျန်တာမျိုးမရှိအောင် ကူညီပါ။
  • အားကစားနဲ့ လေ့ကျင့်ခန်းတွေ ပြုလုပ်ချင်စိတ် ကလေးမှာ ပေါ်ပေါက်လာအောင် ကူညီပေးဖို့လည်း လိုမှာပါ။ ရည်မှန်းချက်တစ်ခုထားပြီး အားကစား တစ်မျိုးမျိုးကို ပုံမှန်လုပ်ခိုင်းသင့်ပါတယ်။
  • အစားအစာတွေကို မိသားစုနဲ့အတူ မှီဝဲခိုင်းပါ။ တစ်ပတ်မှာ ၃ ကြိမ်လောက် မိသားစုနဲ့ အစားအစာ အတူတူ စားသောက်မှီဝဲတာဟာ သာမန်ထက် ၂၄% ပိုမို ကျန်းမာစေဖို့ အထောက်အကူပြုပါတယ်။
  • ကလေးစိတ်ပါဝင်စားမှုရှိတယ်ဆိုရင် ကလေးတွေအတွက် စီစဉ်ထားတဲ့ ဝိတ်ချနည်းတွေကို အသုံးပြုစေလို့လည်းရပါတယ်။

Hello Health Group သည် ဆေးပညာအကြံဉာဏ်များ၊ ရောဂါရှာဖွေမှုများနှင့် ကုသမှုများ မပြုလုပ်ပေးပါ။

ဒီဆောင်းပါးက သင့်အတွက် အသုံးဝင်ပါသလား။
happy unhappy

သင်ဒါလည်း နှစ်သက်နိုင်ပါတယ်။

အထီးကျန်ခြင်း နှင့် ဆီးချိုဝေဒနာ

ဆီးချိုရောဂါက အဖြစ်များတဲ့ရောဂါတစ်မျိုးပါ။ ဒီလိုရောဂါဆိုးကြီးဟာ စိတ်ပိုင်းဆိုင်ရာ ပြဿနာတစ်မျိုးဖြစ်တဲ့ အထီးကျန်ခြင်းဝေဒနာနဲ့ ဆက်စပ်နေပါတယ်တဲ့။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Ye Zon Aung

အရသာရှိရှိ ဆေးဘဲဥသုပ် စားကြရာဝယ်

ဆေးဘဲဥလို့ ပြောလိုက်ရင် လူတိုင်း မြင်ဖူး စားဖူးကြမှာပါ။ အပေါ်က ထုံးလိုအရာတွေ မံထားပြီး ဒါတွေကို ထုခွဲလိုက်ရင် အတွင်းက ဘဲဥအလုံးလိုက်လေး ထွက်လာပါမယ်။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon

ကိုယ်ဝန်ဆောင်ချိန် ခေါင်းကိုက်ခြင်း

ကိုယ်ဝန်ဆောင်မေမေတစ်ယောက်အနေနဲ့ ကိုယ်ဝန်ဆောင်ချိန်မှာ အမျိုးမျိုးသော ခေါင်းကိုက်ခြင်း ပြဿနာကို ခံစားရနိုင်ပါတယ်။ ကိုယ်ဝန်ဆောင်ကျန်းမာရေးပြဿနာပါ။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon

ကျဆင်းလာတဲ့ ကိုယ်ခံအားစနစ်ကို ဘယ်လိုပြန်မြှင့်တင်မလဲ

အသက်အရွယ် ကြီးလာတာနဲ့အမျှ ငယ်စဉ်ကလောက် ကိုယ်ခံအားစနစ်ဟာ အလုပ်မလုပ်နိုင်တော့ဘဲ အားလျော့သွားတဲ့အတွက် ရောဂါဖြစ်ဖို့ ပိုပြီးလွယ်ကူနိုင်ပါတယ်။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Ye Myo Myat

သင့်အတွက် ရွေးချယ်ထားသည်

အစာရေမျိုကင်ဆာ ဒီလိုကာကွယ်ပါ

အစာရေမျိုကင်ဆာ ဒီလိုကာကွယ်ပါ

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon
ရေးသား ထုတ်ဝေခဲ့သည် အောက်တိုဘာ 13, 2020 . 2 mins read
အဝလွန်မှုရဲ့ နောက်ဆက်တွဲ ကင်ဆာအမျိုးအစားများ

အဝလွန်မှုရဲ့ နောက်ဆက်တွဲ ကင်ဆာအမျိုးအစားများ

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon
ရေးသား ထုတ်ဝေခဲ့သည် အောက်တိုဘာ 13, 2020 . 2 mins read
ကိုဗစ်ကာလမှာ ဝိတ်ချသင့်သလား

ကိုဗစ်ကာလမှာ ဝိတ်ချသင့်သလား

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Dr. Htet Htet Zaw Win
ရေးသား ထုတ်ဝေခဲ့သည် အောက်တိုဘာ 12, 2020 . 2 mins read
ဘာကြောင့် အိပ်ရေးဝဖို့ အလွန်အရေးကြီးတယ်လို့ ဆိုနေရတာလဲ

ဘာကြောင့် အိပ်ရေးဝဖို့ အလွန်အရေးကြီးတယ်လို့ ဆိုနေရတာလဲ

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Ye Zon Aung
ရေးသား ထုတ်ဝေခဲ့သည် အောက်တိုဘာ 10, 2020 . 2 mins read