ဗီတာမင် B1, B2, B3, B6 နဲ့ B12 အစရှိတဲ့ ဗီတာမင် B အုပ်စုဟာ နေ့စဉ်ကုန်ဆုံးသွားတဲ့ အားအင်တွေကို ဖြည့်တင်းပေးပြီး ခန္ဓာကိုယ်အတွက် လိုအပ်တဲ့ သွေးနီဥဆဲလ်တွေကို ထုတ်လုပ်ပေးရာမှာလည်း အထောက်အကူဖြစ်စေတယ်။ ဦးနှောက်နဲ့ အာရုံကြောစနစ်ကို အထောက်အကူပေးပြီး မှတ်ဉာဏ်ချို့ယွင်းတာ၊ စိတ်ဓာတ်ကျရောဂါတွေ၊ သွေးအားနည်းရောဂါတွေကို ကာကွယ်ပေးနိုင်ပါတယ်။
ကလေးတွေရဲ့ အရိုးနဲ့ ဦးနှောက်ဖွံ့ဖြိုးမှုအတွက် အထောက်အကူဖြစ်စေတဲ့အပြင် သင်ယူနိုင်စွမ်း နဲ့ အာရုံစူးစိုက်နိုင်စွမ်းကို တိုးစေနိုင်ပါတယ်။
ကလေးတွေရဲ့ ဉာဏ်ရည်ကို ထက်မြက်စေဖို့နဲ့ ကိုယ်ခန္ဓာရဲ့ ဇီဝကမ္မဖြစ်စဉ်တွေကို အထောက်အကူပေးနိုင်ဖို့အတွက် အိုင်အိုဒင်းဓာတ်ကို ပြည့်ဝစွာ ရရှိဖို့ အရေးကြီးပါတယ်။
ကလေး ဦးနှောက်ဖွံ့ဖြိုးမှု နဲ့ ဉာဏ်ရည်ထက်မြက်စေမှုမှာ DHA (Omega 3) ဓာတ်က မရှိမဖြစ်လိုအပ်တဲ့အတွက် ကလေးတွေကို သေချာလေး ဂရုစိုက်ပြီး ကျွေးဖို့လိုအပ်ပါတယ်။
ဒီတော့ သားသားမီးမီးတို့ရဲ့ ဦးနှောက်ဖွံ့ဖြိုးမှုကို ထိထိရောက်ရောက် အားဖြည့်ပေးဖို့ ဆိုရင် ကလေးရဲ့ နေ့စဉ် စားသုံးမှုမှာ ခုန ပြောခဲ့တာတွေ အပြင် ပရိုတင်း၊ ကယ်လ်ဆီယမ်၊ ဗီတာမင် A၊ ဗီတာမင် D၊ ဗီတာမင် C၊ ဇင့်၊ lcFOS – Inulinတို့အပြင် ကလေးတစ်ယောက်အတွက် လိုအပ်မယ့် ဆိုဒီယမ်ပမာဏကိုပါ အတိအကျ ဖြည့်တင်းပေးဖို့လိုပါမယ်။
ဒါကြောင့် ကလေးကို နေ့စဉ် ထမင်း၊ ကြက်သား၊ အဆီမပါတဲ့ အနီရောင်အသား၊ ပန်းဂေါ်ဖီစိမ်း၊ ဆယ်လ်မွန်ငါး၊ ပဲနီလေး၊ ဥအမျိုးမျိုး၊ အစိမ်းရောင် ဟင်းသီးဟင်း ရွက်တွေ၊ သစ်သီးတွေ၊ အခွံမာသီး နဲ့ အစေ့အဆန်လိုမျိုး စားစရာတွေ ပြင်ဆင်ကျွေးမွေးသင့်ပါတယ်။ ဒါ့အပြင် ဖွံ့ဖြိုးစကလေးဖော်စပ်စာ ဖော်မြူလာနို့တွေမှာလည်း ကလေးရဲ့ကြီးထွားမှုကို အထောက်အကူပြုနိုင်တဲ့ အာဟာရဓာတ်တွေ ပြည့်စုံစွာပါတဲ့အတွက် နေ့စဉ် ကလေးရဲ့ စားသောက်မှုပုံစံထဲမှာ ဖြည့်စွက်ပေးလို့ ရပါတယ်။
ဒါကြောင့် ကလေးကို ဉာဏ်ရည်ထက်မြက်စွာ ကြီးပြင်းစေချင်ရင် ငယ်စဉ်ကတည်းက သေချာလေး ပျိုးထောင်ပေးဖို့ နဲ့ အာဟာရ ပြည့်ဝအောင် ပြင်ဆင်ကျွေးမွေးပေးဖို့ ပြောပါရစေ။ သားသားမီးမီးတို့ရဲ့ ဦးနှောက်ဖွံ့ဖြိုးမှုကို ထောက်ကူပေးနိုင်စေဖို့ အာဟာရပြည့်ဝအောင် ပြင်ဆင်ပေးတာအပြင် အာဟာရပြည့်ဝပြီး ကျန်းမာရေးနဲ့ ညီညွတ်အောင် စားသုံးတတ်ဖို့လည်း ပျိုးထောင်ပေးဖို့ အကြံပြုပါရစေ။ ကဲ …. ဘာကြောင့် ကလေးကို ကျွေးမွေးတဲ့အာဟာရက ကလေး ဦးနှောက်ဖွံ့ဖြိုးမှုကို ပြောင်းလဲစေပါတယ် လို့ ပြောရလဲ သိပြီဟုတ်။
မှတ်ချက်များ
သင့်အတွေးများကို ဝေမျှပါ။
သင့်ကျန်းမာရေးအတွေးများကို Hello Sayarwonနဲ့ ဝေမျှလိုက်ပါ။
ဆက်သွယ်ရန် သို့မဟုတ် ဝင်မည်။ နှင့် ဝင်ရောက်ဆွေးနွေးပါမည်။