အန္တရာယ်ကင်းကင်းနဲ့ ဘေဘီလေးကိုရေချိုးပေးနိုင်မယ့် နည်းလမ်းများ

ဆေးပညာပိုင်းဆိုင်ရာတည်းဖြတ်သူ | ရေးသားသူ

Update Date မေ 11, 2020 . 2 mins read
Share now

ကလေးလေးကိုရေချိုးပေးဖို့ ဘယ်လိုချိုးပေးရမှန်းမသိဘူးဖြစ်နေလား။ရေချိုးတာကတစ်ကိုယ်ရေသန့်ရှင်းရေးအတွက် မဖြစ်မနေလိုအပ်တဲ့အရာတစ်ခုဖြစ်တာကြောင့် အရွယ်မရွေးရေချိုးဖို့လိုပါမယ်။ အရွယ်ရောက်နေသူအတွက်ကတော့ရေချိုးတာက ခက်ခဲရှုပ်ထွေးမှုတစ်ခုမဟုတ်သလို အန္တရာယ်များတဲ့ ကိစ္စတစ်ခုလည်းမဟုတ်ဘူးလေ။ ကလေးငယ်ငယ်လေးတွေကို အန္တရာယ်ကင်းကင်းနဲ့ရေချိုးပေးဖို့ကတော့ မိဘတိုင်းအတွက် အရေးကြီးတဲ့ကိစ္စတစ်ခုပေါ့။ရေချိုးပေးတဲ့အခါ ရင်သွေးလေးကို ထိခိုက်တာတွေ အန္တရာယ်ဖြစ်တဲ့အနေအထားတွေမဖြစ်စေဖို့အတွက် မဖြစ်မနေသတိထားရမယ့်အချက်လေးတွေရှိနေပါတယ်။ ဘာတွေများဖြစ်မလဲ……..

ဘေဘီကို အန္တရာယ်ကင်းကင်းနဲ့အခုလိုရေချိုးပေးပါ

ရေချိုးတဲ့အချိန်ဟာ မိဘနဲ့သားသမီးကြားကသံယောဇဉ်ကြိုးကို အခိုင်မာဆုံးရစ်နှောင်ပေးနိုင်တဲ့ အချိန်ဖြစ်တာကြောင့် ကလေးကိုရေချိုးချိန်ဟာ အန္တရာယ်ကင်းပြီးပျော်စရာကောင်းတဲ့အချိန်ဖြစ်အောင်ဖန်တီးပေးလိုက်ပါ။

ကလေးငယ်လေးကိုဘေးကင်းကင်းနဲ့ရေချိုးပေးဖို့ဆိုရင် ဒီပစ္စည်းလေးတွေလိုအပ်နိုင်ပါတယ်

  • ကလေးကိုရေချိုးပေးတဲ့ရေချိုးကန်
  • ကလေးကိုရေချိုးပေးချိန်မှာ တင်ထားလို့ရမယ့် အခင်းပြား
  • ရေပိုက်ခေါင်းမှာစွပ်တဲ့ ချစ်စရာအရုပ်လေးတွေ
  • လေထိုးရေချိုးကန်အသေးစား
  • ရေချိုးတဲ့အခါဆော့လို့ရတဲ့ရော်ဘာဘဲရုပ်လိုမျိုးအရုပ်လေးတွေ ဒီပစ္စည်းလေးတွေက ကလေးငယ်ကို ထိခိုက်မှုမဖြစ်အောင် အထောက်အပံ့ပေးပါတယ်။

ဘေဘီကိုရေချိုးပေးရင် လိုက်နာရမယ့်အချက်တွေက

ကလေးကိုရေချိုးပေးတဲ့အခါ တစ်ယောက်တည်းထားခဲ့တာမျိုးမလုပ်ပါနဲ့ – ကလေးကိုရေချိုးပေးတဲ့အခါရေချိုးပေးနေရင်းဖုန်းလာလို့ဖြစ်ဖြစ် တစ်ခုခုလိုလို့ဖြစ်ဖြစ် ကလေးကိုတစ်ယောက်တည်းထားခဲ့တာမျိုးမလုပ်ပါနဲ့။ မတော်တဆဖြစ်တာမျိုးတွေဖြစ်လာနိုင်တာကြောင့်ပါ။ ကလေးကိုရေမချိုးခင်ကတည်းက လိုအပ်မှာတွေကို တစ်ခါတည်း ယူထားပါ။ ဧည့်သည်လာနေရင်တောင် တံခါးဖွင့်ပေးဖို့ဆိုရင် ကလေးကိုပါကောက်ပွေ့ခေါ်သွားလိုက်ပါ။

ရေရဲ့အပူချိန်ကို စစ်ဆေးပါ –ကလေးတွေက အချမ်းမခံနိုင်ကြပါဘူး။ ဒါကြောင့်ရေချိုးခန်းထဲဝင်တဲ့အခါရေကအရမ်းအေးနေလားဆိုတာကို အရင်ဆန်းစစ်ပါ။ရေအရမ်းအေးနေရင် ကလေးအတွက်အဆင်ပြေလောက်မယ့် အပူချိန်ဖြစ်အောင်ရေနွေးနဲ့စပ်ပြီးချိုးတာမျိုးလုပ်ပေးပါ။

ရေအတိမ်အနက်ကိုသေချာဆန်းစစ်ပါ -ရေချိုးကန်ထဲကိုရေဖြည့်တဲ့အခါ အရမ်းအပြည့်ကြီးဖြည့်တာမျိုးမလုပ်ပါနဲ့။ ကလေးရဲ့ ဗိုက်နားလောက်အထိပဲရေကိုဖြည့်ပေးပါ။ရေကို ၂ လက်မကနေ ၄ လက်မအထိထည့်ပေးတာက အဆင်အပြေဆုံးဖြစ်မှာပါ။

ကလေးရဲ့ရေချိုးကန်ကို အဆင်ပြေဆုံးဖြစ်အောင် ပြင်ဆင်ပေးပါ– ကလေးကိုရေချိုးကန်ထဲမှာ ချော်တာမျိုး မတော်တဆပြုတ်ကျတာမျိုး မဖြစ်စေဖို့အတွက် ကလေးရဲ့ရေချိုးကန်ကိုသေချာသန့်စင်ဖို့လိုသလိုရေချိုးကန်ထဲမှာရေချိုးရင်း တင်လို့ရတဲ့အခင်းလိုမျိုးအရာ၊ ကလေးရဲ့ ဦးခေါင်းကို မတော်တဆထိခိုက်တာမျိုးမဖြစ်အောင် ကာကွယ်ပေးနိုင်မယ့်ရေမြှုပ်အစွပ်တွေ နဲ့ ကလေးကိုရေချိုးချိန်မှာပျော်ရွှင်စေမယ့် အရုပ်လေးတွေကိုပြင်ဆင်ပေးလိုက်ပါ။

ကလေးအသားအရေအမျိုးအစားနဲ့လိုက်ဖက်မယ့် ဆပ်ပြာကိုရွေးချယ်ပါ – ကလေးကိုရေချိုးပေးတဲ့အခါ ကလေးအတွက် သီးသန့်ထုတ်ထားတဲ့ ဆပ်ပြာဖြစ်ဖို့ လိုသလို ကလေးရဲ့ အသားအရေအမျိုးအစားနဲ့လိုက်ဖက်တဲ့ ဆပ်ပြာဖြစ်ဖို့ကလည်းမေ့ထားလို့မရပါဘူး။ ကလေးအသားအရေနဲ့လိုက်ဖက်မယ့် Baby Soap ကိုရွေးချယ်ပေးတာက ကလေးကိုအသားအရေခြောက်သွေ့တာကို ကင်းဝေးစေပြီး အရေပြားြပဿနာတွေကနေကင်းဝေးစေမှာပါ။ ဆပ်ပြာရွေးတဲ့အခါ ဆပ်ပြာရည်ကအဆင်ပြေဆုံးပါ။

ကလေးကို ဆပ်ပြာမြှုပ်တွေနဲ့ရေမချိုးပေးပါနဲ့ – ကလေးကိုရေချိုးပေးတဲ့အခါ ကာတွန်းကားဆန်ဆန်လေး၊ စိတ်ကူးယဉ်ဆန်ဆန်လေးဖြစ်အေင်ဆိုပြီး ဆပ်ပြာအမြှုပ်တွေနဲ့ချိုးပေးတာမျိုးမလုပ်ပါနဲ့။ ဆပ်ပြာမြှုပ်တွေက ကလေးအတွက်အင်မပြေပါဘူး။ ဆီးလမ်းကြောင်းပိုးဝင်ကူးစက်တာမျိုးတွေကိုဖြစ်စေနိုင်တာကြောင့်ပါ။

နောက်ထပ်သတိထားရမှာတွေက ကလေးကိုရေအကြာကြီးမချိုးပေးမိဖို့နဲ့။ရေချိုးပြီးတာနဲ့ ကလေးကို တဘက်စနုနုလေးနဲ့ ချက်ချင်းထွေးပွေ့ရေသုတ်ပေးပါ။ ကလေးကို ချမ်းတုန်နေတဲ့အထိရေပေးချိုးတာမျိုးမလုပ်ပါနဲ့။ ကလေးကိုရေချိုးပေးနေတဲ့အခါ လက်တစ်ဖက်နဲ့ တစ်ချိန်လုံးထိန်းထားပေးပါ။ ကလေးကဟန်ချက်မနိုင်သေးတာကြောင့်ချော်လဲထိခိုက်တာမျိုးတွေဖြစ်မလာစေဖို့ပါ။

Hello Health Group သည်ဆေးပညာအကြံပြုချက်များ၊ ရောဂါရှာဖွေအတည်ပြုချက်များနှင့် ကုသမှုများ မပြုလုပ်ပေးပါ။

Hello Health Group သည် ဆေးပညာအကြံဉာဏ်များ၊ ရောဂါရှာဖွေမှုများနှင့် ကုသမှုများ မပြုလုပ်ပေးပါ။

ဒီဆောင်းပါးက သင့်အတွက် အသုံးဝင်ပါသလား။
happy unhappy
ရင်းမြစ်များ

သင်ဒါလည်း နှစ်သက်နိုင်ပါတယ်။

အခါးဓာတ်ပါတဲ့ အရာတွေက ဝက်ခြံကို သက်သာစေလား။

အခါးဓာတ်ပါတဲ့ အရာတွေက ဝက်ခြံ ကို သက်သာစေလား။ အခါးဓာတ်ပါတဲ့အရာတွေက အစာခြေစနစ်ကို ကျန်းမာစေသလို ကိုယ်တွင်းအဆိပ်အတောက်တွေကို ဖယ်ရှားပေးပါတယ်။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon

နေပူထဲ အချိန်အကြာကြီးရပ်နေမိလို့ Eye Sunburn မဖြစ်ရလေအောင်

Eye Sunburn နေပူရှိန်ပြင်းပြင်းထဲ အချိန်အကြာကြီး ရပ်နေမိရင် မျက်လုံးတွေ ပြာဝေပြီး မူးသလိုလို မော်သလိုလို ဖြစ်လာတာကို Eye Sunburn လို့ ခေါ်ပါတယ်။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Ye Zon Aung

တစ်နေကုန် နေပူထဲနေပြီးတဲ့အခါ ရေဓာတ်ပြည့်စေဖို့ ဘာတွေ စားမလဲ…….

တစ်နေကုန် နေပူထဲမှာ သွားလာရတယ်ဆိုရင် ရေသောက်ဖြစ်ဖို့က အခွင့်အလမ်း နည်းသွားသလို ရေဓာတ်ပြည့်ဝဖို့ကလည်း အတော်လေး ခက်ခဲ သွားနိုင်ပါတယ်။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon

လမ်းလျှောက်များလို့ ဖိနပ်ပေါက် တဲ့အခါ ဒီလိုလုပ်ပါ

ဖိနပ်ပေါက် တာက အမျိုးသားရော အမျိုးသမီးပါ ကြုံဖူးမယ့် ပြဿနာပါ။ ဒီပြဿနာကို ဘယ်လိုနည်းနဲ့ အကောင်းဆုံး ဖြေရျင်းမလဲဆိုတာကို ဖတ်ကြည့်နော်။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon

သင့်အတွက် ရွေးချယ်ထားသည်

အုန်းလက်၊ အုန်းမြစ် တို့ကလည်း ဆေးဖက်ဝင်ပါတယ်

အုန်းလက်၊ အုန်းမြစ် တို့ကလည်း ဆေးဖက်ဝင်ပါတယ်

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon
ရေးသား ထုတ်ဝေခဲ့သည် မတ် 8, 2021 . 2 mins read
အာပူရွက် ရဲ့ကျန်းမာရေး အာနိသင်

အာပူရွက် ရဲ့ကျန်းမာရေး အာနိသင်

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon
ရေးသား ထုတ်ဝေခဲ့သည် မတ် 5, 2021 . 2 mins read
ကော်လာဂျင်နဲ့ မေးခွန်းများစွာ

ကော်လာဂျင်နဲ့ မေးခွန်းများစွာ

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon
ရေးသား ထုတ်ဝေခဲ့သည် မတ် 4, 2021 . 2 mins read
အရေပြား ဓာတ်မတည့်မှု

အရေပြား ဓာတ်မတည့်မှု

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon
ရေးသား ထုတ်ဝေခဲ့သည် မတ် 3, 2021 . 2 mins read