နွားနို့နဲ့ ပဲနို့
ကလေးအသက် ၆လမပြည့်ခင်အထိတော့ မိခင်နို့ တစ်မျိုးတည်းသာတိုက်သင့်ပြီး ၆ လကျော် ကနေ တစ်နှစ်အတွင်းမှာတော့ မိခင်နို့ သို့မဟုတ် နို့မှုန့်ကလွဲပြီး နွားနို့နဲ့ပဲနို့တွေမတိုက်သင့်ပါဘူး။ အားရှိအောင်ဆိုပြီး ကလေးကိုပါ နည်းနည်းတိုက်တဲ့အခါ အဲဒီနို့တွေမှာပါတဲ့ ပရိုတင်းတွေကို နုနယ်တဲ့ ကလေးရဲ့အစာအိမ်ကချေဖျက်ဖို့ခက်ခဲပါလိမ့်မယ်။ နွားနို့မှာပါတဲ့ သတ္တုဓာတ်တွေကြောင့်လည်း ကလေးရဲ့ကျောက်ကပ်ကိုထိခိုက်စေနိုင်ပါတယ်။
အသင့်အမြန်စား အစားအစာတွေ
ဘာဂါ၊ ပီဇာ၊နဲ့ ဆီကြော်အစားအစာတွေဟာ အငန်ဓာတ်နဲ့ အချိုဓာတ်တွေကဲတဲ့အပြင် ပြည့်ဝဆီတွေအများကြီးပါဝင်မှာကို ပြောဖို့တောင်မလိုလောက်ပါဘူး။ အပြင်စာတွေမှာ အချိုမှုန့်တွေလည်းများတတ်တာကြောင့် ကလေးနဲ့မသင့်တော်ပါဘူး။ ကလေးကိုကျွေးဖို့ဆို ပါဝင်ပစ္စည်းတွေကို ထိန်းညှိပြင်ဆင်ပြီး အိမ်မှာ ကိုယ်တိုင်လုပ်ကျွေးတာ အကောင်းဆုံးပါပဲ။
ကြက်ဥအကာ
ကြက်ဥအကာက ပရိုတင်း၊ ဗီတာမင်နဲ့ သတ္တုဓာတ်တွေ ကြွယ်ဝတဲ့ အာဟာရဓာတ်စာတစ်ခုဖြစ်ပေမယ့် ကလေးတွေအတွက် သိပ်မသင့်တော်ပါဘူးတဲ့။ ငယ်လွန်းတဲ့အရွယ်မှာ ကြက်ဥစကျွေးရင်းနဲ့ ဓာတ်မတည့်မှုဖြစ်လာနိုင်ပါတယ်။ ကလေးကို ထမင်းစကျွေးတဲ့အခါတော့ ကြက်ဥအနှစ်ကို ကျွေးလို့ ဘေးကင်းတယ်ဆိုပေမယ့် ပျို့အန်တာ၊ ဝမ်းလျှောတာ၊ အနီစက်တွေထွက်တာလိုမျိုး ဓာတ်မတည့်မှု လက္ခဏာတွေရှိမရှိကို တစ်ချက်စောင့်ကြည့်ပေးပါ။
မှတ်ချက်များ
သင့်အတွေးများကို ဝေမျှပါ။
သင့်ကျန်းမာရေးအတွေးများကို Hello Sayarwonနဲ့ ဝေမျှလိုက်ပါ။
ဆက်သွယ်ရန် သို့မဟုတ် ဝင်မည်။ နှင့် ဝင်ရောက်ဆွေးနွေးပါမည်။