ဆေးလိပ်သောက်သူတွေရဲ့ ခံတွင်းနံ့ဆိုး ပြဿနာ ဘယ်လိုဖြေရှင်းရမလဲ

ဆေးပညာပိုင်းဆိုင်ရာတည်းဖြတ်သူ | ရေးသားသူ

Update Date ဇူလိုင် 14, 2020 . 2 mins read
Share now

ခံတွင်းနံ့ဆိုး ဖြစ်စေတဲ့အကြောင်းရင်းတွေမှာ ဆေးလိပ်သောက်ခြင်းလည်း ပါဝင်တယ်နော်။ ဆေးလိပ်သောက်တတ်တဲ့လူတွေမှာ ခံတွင်းမပြောနဲ့၊ ချွေးနံ့ကပါ ဆေးလိပ်နံ့ထွက်နေတတ်တာပါ။ ခံတွင်းနံ့ဆိုးတာက အလုပ်ခွင်မှာ၊ လူမှုဆက်ဆံရေးမှာ အတော်လေး ကသိကအောက်ဖြစ်ရတဲ့ ပြဿနာဆိုတာ ကြုံဖူးသူတွေသိပါတယ်။

ဘာလို့ ခံတွင်းနံ့ဆိုး ရတာလဲ

ဆေးလိပ်သောက်သူတွေမှာ ခံတွင်းနံ့ဆိုး ရတဲ့အဓိက အကြောင်းရင်းကတော့ ဆေးလိပ်မှာပါတဲ့ ဓာတုပစ္စည်းတွေရဲ့အကြွင်းအကျန်တွေက ခံတွင်းမှာ ကပ်ကျန်ခဲ့လို့ပါပဲ။ ဓာတုပစ္စည်းတွေကြောင့် သွား၊ သွားဖုံး ၊ လျှာနဲ့ ပါးစောင်တဝိုက်မှာ ရောဂါတွေဖြစ်စေနိုင်ပါတယ်။

နောက်တစ်ချက်က ဆေးလိပ်သောက်ရင် တံတွေးအထွက်နည်းပြီး ခံတွင်းခြောက်သွေ့စေလို့ပါပဲ။ ခံတွင်းခြောက်သွေ့တဲ့အခါ ဘက်တီးရီးယားတွေစုပြီး ခံတွင်းနံ့ကို ဆိုးစေပါတော့တယ်။

ဒါဆို ဘယ်လိုဖြေရှင်းရမလဲ

ခံတွင်းနံ့ဆိုးကင်းချင်တယ်ဆိုရင် လုပ်လို့ရတဲ့နည်းလမ်းလေးတွေ သိပ်လွယ်ပါတယ်နော်။ ဆက်ပြီးဖတ်ကြည့်ရအောင် …

() သွားကို မှန်မှန်တိုက်ပါ။

မနက်တစ်ကြိမ်၊ ညတစ်ကြိမ်ကို ပုံမှန်သွားတိုက်ဖြစ်ဖို့ ကြိုးစားပါ။ တိုက်ပေမယ့် သွားတိုက်နည်းမမှန်လည်း အကျိုးမထူးပါဘူးနော်။ စက်ဝိုင်းပုံသဏ္ဍာန်လမ်းကြောင်း ဝိုက်ပြီး သွားတိုက်ပါ။

() လျှာကိုလည်း မမေ့ပါနဲ့။

သွားတိုက်တယ်၊ ပလုပ်ကျင်းတယ်၊ ဒါပေမယ့် လျှာကိုတော့ သန့်ရှင်းပေးဖို့ မေ့မကျန်သင့်ပါဘူး။ လျှာပေါ်မှာကပ်နေတဲ့ ခံတွင်းနံ့ဆိုးတာကိုဖြစ်စေတဲ့ စားကြွင်းစားကျန်တွေ၊ သွားချေးတွေနဲ့ ဘက်တီးရီးယားတွေကို ဖယ်ရှားပေးဖို့လိုပါတယ်။

() ရေများများ သောက်ပါ။

ခံတွင်းကျန်းမာရေးအတွက် တံတွေးက အရေးပါတဲ့နေရာက ကာကွယ်ပေးနေတာပါ။ တံတွေးထွက်ရှိမှု လုံလောက်မှ သွားနဲ့သွားဖုံးတွေကြားမှာ ကပ်ငြိနေတဲ့ အမှုန်အမွှား၊ အကြွင်းအကျန်တွေကို သဘာဝအလျောက် ဖယ်ရှားသန့်စင်ပေးနိုင်မှာပါ။

() သွားနဲ့ သွားဖုံးကို ဂရုစိုက်ပါ။

ခံတွင်းကျန်းမာရေးကို ဂရုမစိုက်လို့ သွားပိုးစားတာ၊ သွားဖုံးပြည်တည်တာတွေ ဖြစ်လာရင် ခံတွင်းနံ့ဆိုးရုံတင်မကဘဲ အန္တရာယ်ပိုကြီးနိုင်ပါတယ်။ နဂိုအခံကမှ မကျန်းမာတာကို ဆေးလိပ်ကြောင့် ထပ်ပြီးထိခိုက်ရရင် မလွယ်ပါဘူးနော်။

() သကြားမပါတဲ့ ပီကေဝါးပါ။

ပူရှိန်းပီကေ၊ ပူရှိန်းသကြားလုံးတို့လို ပူစီနံနဲ့ လုပ်ထားတဲ့ အချိုသိပ်မပါတဲ့ ပီကေတွေ ဝါးပေးပါ။ ပီကေများများဝါးလေ တံတွေး များများထွက်လေဖြစ်ပြီး ခံတွင်းခြောက်ခြင်းကို ကာကွယ်နိုင်ပါတယ်။

() ငုံဆေးသကြားလုံးစားပါ။

ခံတွင်းနံ့ကို ကောင်းစေတဲ့အပြင် ရောဂါပိုးမွှားတွေပါ ကာကွယ်ပေးတဲ ငုံဆေး၊ ဆေးသကြားလုံးတွေကို ဆောင်ပါ။ ဆေးလိပ်သောက်ပြီးတိုင်း စားထားလိုက်ရုံပဲ၊ ခံတွင်းနံ့အတွက် ပူစရာမရှိတော့ဘူးပေါ့။ ဥပမာ – HUDSON’S ဆေးသကြားလုံး ဆိုရင် ယူကလစ်ပင်ကရရှိတဲ့အဆီနဲ့ ပရုပ်အေးကို အခြေခံပြီး ထုတ်လုပ်ထားလို့ ခံတွင်းနံ့ဆိုး ကင်းစေပြီး ဘက်တီးရီးယားပိုးမွှားတွေကို တားဆီးပေးနိုင်ပါတယ်။ ဒါ့အပြင် Acacia Gum ပါဝင်လို့ ခံတွင်းကျန်းမာရေးကို နှစ်ဆပိုပြီး ကာကွယ်ပေးနိုင်ပါတယ်။

() ဆေးလိပ် လျှော့သောက်ပါ။

ခံတွင်းနံ့ကဆိုးနေပြီ၊ ခံတွင်းတွေလည်း ခြောက်နေပြီး၊ သွားနဲ့သွားဖုံးတွေလည်း သိပ်မကောင်းဘူး ဆို ဆေးလိပ်သောက်ခြင်းရဲ့ တခြားနောက်ဆက်တွဲပြဿနာတွေလည်း ဖြစ်လာတော့မှာပါ။ ဒီတော့ ဆေးလိပ်ကို ဖြတ်နိုင်ရင် အကောင်းဆုံးဆိုပေမယ့် မဖြတ်နိုင်ရင်တောင် လျှော့သောက်သင့်နေပါပြီ။ တစ်နေ့မှာ ဘယ်နှလိပ် ဆိုပြီး အကန့်အသတ်နဲ့ပဲ သောက်ပါ။

ခံတွင်းနံ့ဆိုးတွေ ကင်းစင်တဲ့ လွတ်လပ်ပေါ့ပါးမှုကို ရရှိနိုင်ပါစေနော်။

Hello Health Group သည်ဆေးပညာအကြံပြုချက်များ၊ရောဂါရှာဖွေအတည်ပြုချက်များနှင့် ကုသမှုများမပြုလုပ်ပေးပါ။

Hello Health Group သည် ဆေးပညာအကြံဉာဏ်များ၊ ရောဂါရှာဖွေမှုများနှင့် ကုသမှုများ မပြုလုပ်ပေးပါ။

ဒီဆောင်းပါးက သင့်အတွက် အသုံးဝင်ပါသလား။
happy unhappy

သင်ဒါလည်း နှစ်သက်နိုင်ပါတယ်။

သွားကိုက်ခြင်း အပါအဝင် အဖြစ်များတဲ့ သွားပြဿနာများ

သွားက ခန္ဓာကိုယ်မှာ အမာကျောဆုံး အစိတ်အပိုင်းဆိုပေမယ့် သွားမှာလည်း နာကျင်တာ၊ ကိုက်ခဲတာတွေကို ခံစားရနိုင်သလို နာမကျန်းဖြစ်တာတွေကို ခံစားရနိုင်ပါတယ်။ 

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon

ဆေးလိပ်ဖြတ်နေတဲ့ သူငယ်ချင်းကို ဘယ်လိုကူညီနိုင်မလဲ

ဆေးလိပ်ကို ကာလကြာရှည်စွာ သောက်နေသူတစ်ယောက်အတွက် ဆေးလိပ်ဖြတ်ဖို့ဆိုတာ လွယ်ကူလှတဲ့ကိစ္စတော့ မဟုတ်ပါဘူး။ ဆေးလိပ်က ဖြတ်ရခက်ပါတယ်။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Dr. Thiha Phyo Myint

ကိုယ်ဝန်ဆောင်ချိန် ကိုက်ခဲတာကို သက်သာစေဖို့

ကိုက်ခဲတာက မိခင်တိုင်းလိုလို ကိုယ်ဝန်ဆောင်ချိန်မှာ ခံစားရတဲ့ ပြဿနာတစ်ခုပါ။ ကိုယ်ဝန်ဆောင် မေမေတို့ နာကျင်ကိုက်ခဲတဲ့အခါ သက်သာစေဖို့ ဘယ်လို လုပ်ဆာင်ရမလဲ။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon

ခွဲစိတ်ခြင်းဟာ အဆုတ်သွေးကြောပိတ်ဆို့နိုင်ခြေ များစေသလား

အဆုတ်သွေးကြောသွေးခဲပိတ်ဆို့ခြင်း ဟာ ခြေထောက်ပိုင်းက သွေးကြောတွေထဲမှာ စတင်ဖြစ်ပေါ်လာတဲ့ သွေးခဲများ အဆုတ်ဆီကို ရောက်လာရာကနေ ဖြစ်ပွားပါတယ်။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Dr.Thant Zin

သင့်အတွက် ရွေးချယ်ထားသည်

အော်ရင်း ဟစ်ရင်း လည်ချောင်းနာ နေပြီလား

အော်ရင်း ဟစ်ရင်း လည်ချောင်းနာ နေပြီလား

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Dr. Htet Htet Zaw Win
ရေးသား ထုတ်ဝေခဲ့သည် ဖေ‌ဖော်ဝါရီ 16, 2021 . 3 mins read
ကိုယ်ဝန်မြန်မြန်ရနိုင် စေဖို့ နည်းလမ်းကောင်းများ

ကိုယ်ဝန်မြန်မြန်ရနိုင် စေဖို့ နည်းလမ်းကောင်းများ

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Dr. Htet Htet Zaw Win
ရေးသား ထုတ်ဝေခဲ့သည် ဇန်နဝါရီ 18, 2021 . 2 mins read
ဦးခေါင်းနှင့်လည်ပင်းပိုင်းတွင်ဖြစ်သော ကင်ဆာ (Head & Neck Cancer)

ဦးခေါင်းနှင့်လည်ပင်းပိုင်းတွင်ဖြစ်သော ကင်ဆာ (Head & Neck Cancer)

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon
ရေးသား ထုတ်ဝေခဲ့သည် ဇန်နဝါရီ 11, 2021 . 2 mins read
သွားနဲ့ခံတွင်းအကြောင်း တစေ့တစောင်း

သွားနဲ့ခံတွင်းအကြောင်း တစေ့တစောင်း

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon
ရေးသား ထုတ်ဝေခဲ့သည် ဒီဇင်ဘာ 16, 2020 . 2 mins read