လူတစ်ယောက်နဲ့ တစ်ယောက် အိပ်စက်မှုပုံစံ မတူကြပါဘူး။ တချို့ဆို စအိပ်စက တစ်ပုံစံ၊ ညလယ်ရောက်တော့ တစ်ပုံစံ မနက်လင်းတော့ တစ်ပုံစံ ဖြစ်နေတာမျိုးတွေတောင် ရှိကြပါတယ်။ ဒီလို အိပ်စက်တဲ့အခါ အိပ်ပျော်စေတဲ့ ပုံစံ အမျိုးမျိုးနဲ့ အိပ်ကြတာ မှန်ပေမယ့် အိပ်စက်မှု ပုံစံ မမှန်ရင် ကျန်းမာရေးကို ထိခိုက်စေနိုင်ပါတယ်။
ပက်လက်အိပ်တဲ့အခါ ကျောရိုးရဲ့ အနေအထားကို မှန်စေပြီး ကိုယ်အလေးချိန်သက်ရောက်မှုကို တစ်ကိုယ်လုံးမှာ ညီညီမျှမျှ ဖြစ်စေပါတယ်၊၊ ဇက်နဲ့ ကျောနာတာကိုလည်း သက်သာစေပါတယ်၊၊ နှာခေါင်းပိတ်တဲ့အခါ ခေါင်းအုံးမြင့်မြင့်လေးနဲ့ ပက်လက်အိပ်ပေးရင် သက်သာစေပါတယ်၊၊
ပက်လက်အိပ်တဲ့အတွက် မျက်နှာနဲ့ ခေါင်းအုံးမထိလို့ အရေးအကြောင်း မဖြစ်အောင် ကာကွယ်ပေးနိုင်ပါတယ်၊၊ အမျိုးသမီးတွေအတွက်လည်း သင့်တော်တဲ့ အိပ်စက်မှုပုံစံပါ။ အကြောင်းကတော့ ပက်လက်အိပ်တဲ့ လေဒီလေးတွေက ရင်သားတင်းရင်းပြီး ရင်သားလျော့ရဲတာမျိုး မဖြစ်စေလို့ပါ၊၊
ပက်လက်အိပ်ဖို့ မသင့်တော်တဲ့သူတွေကတော့
- ကိုယ်ဝန်ဆောင်တွေ
- ဟောက်တတ်တဲ့သူတွေ
- ခါးနာတဲ့သူတွေ (ခါးနာပေမယ့် ပက်လက်အိပ်တဲ့အခါ ဒူးခေါက်ကွေးအောက်မှာ စောင်ထူထူ ခံထားရင် သက်သာစေပါတယ်၊၊)
- ရင်ပူတတ်တဲ့သူတွေ
- အဝလွန်တဲ့သူတွေ
- သက်ကြီးရွယ်အိုတွေကတော့ တခြားပုံစံပြောင်းပြီး အိပ်သင့်ပါတယ်၊၊
မှတ်ချက်များ
သင့်အတွေးများကို ဝေမျှပါ။
သင့်ကျန်းမာရေးအတွေးများကို Hello Sayarwonနဲ့ ဝေမျှလိုက်ပါ။
ဆက်သွယ်ရန် သို့မဟုတ် ဝင်မည်။ နှင့် ဝင်ရောက်ဆွေးနွေးပါမည်။