အဆုတ်တီဘီမဟုတ်တဲ့ တီဘီရောဂါ များအကြောင်း ။ ။

တီဘီ ရောဂါလို့ဆိုလိုက်တာနဲ့ ချောင်း ၂ ပတ်ထက်ကျော်အောင်ဆိုးမယ်၊ ဖျားမယ်၊ ကိုယ်အလေးချိန်ကျသွားမယ် စတာတွေကို ပြေးမြင်ကြပါတယ်။ ဒါတွေက တီဘီရောဂါရဲ့ လက္ခဏာတွေဆိုတာတော့မှန်ပါတယ်။ ဒါပေမယ့် အဆုတ်တီဘီရဲ့ လက္ခဏာတွေပါ။ ကိုယ်ခန္ဓါမှာ အဆုတ်တစ်ခုတည်း တီဘီရောဂါဖြစ်နိုင်တာမဟုတ်ပါဘူး။ အခြားနေရာတွေမှာဖြစ်တဲ့ တီဘီရောဂါတွေလည်း ရှိပါသေးတယ်။

အဆုတ်တီဘီမဟုတ်တဲ့ တီဘီရောဂါ များအကြောင်း။ ။

ပြောရမယ်ဆိုရင် တီဘီရောဂါဟာ လူသားတိုင်းမှာ ရှိနေတတ်ပြီး ခုခံအားက ထိန်းထားလို့ ကြွမလာတဲ့ ရောဂါတစ်ခုပါ။ သိကြတဲ့အတိုင်း တီဘီရောဂါက လေနဲ့ ကူးစက်ဆိုတော့ အရမ်းပျံ့နှံ့လွယ်တဲ့ ရောဂါတစ်ခုပါ။ အဲဒီအထဲမှာ အဖြစ်အများဆုံးကတော့ အားလုံးသိနေတဲ့ အဆုတ်တီဘီပေါ့။ ဒါပေမယ့် အဆုတ်အပြင် ကိုယ်ခန္ဓါရဲ့ အခြားနေရာမှာ တီဘီရောဂါဖြစ်နိုင်ပါသေးတယ်။ သူတို့တွေကတော့

( ၁ ) Lymph node TB

ကိုယ်ခန္ဓါရဲ့ စနစ်တွေထဲမှာ အပြင်က ရောဂါပိုးတွေဝင်လာရင် ဖမ်းပေးတဲ့ ပြန်ရောကြော အဖု( lymph node ) လေးတွေ ရှိပါတယ်။ ) Lymph node TB ဆိုတာ အဲဒီ ပြန်ရည်ကြော အဖုလေးတွေမှာ တီဘီရောဂါဖြစ်ပြီး အဆုတ်ပြင်ပမှာ အဖြစ်အများဆုံး TB တစ်ခုပါ။ lymph node ရှိတဲ့ ဘယ်နေရာမဆို တီဘီရောဂါဖြစ်တတ်ပြီး တီဘီရှိနေတဲ့

• lymph node ကြီးလာကာ မာမာခဲခဲ ရှိနေတတ်ပြီး အပြုံလိုက်တွေ့ရတတ်ပါတယ်။
• အလုံးတွေ အလယ်လောက်မှာ ပျော့ပျော့လေးဖြစ်နေတတ်ပြီး နေရာရွေ့လို့ရတာ နာကျင်မှုလည်း သိပ်မရှိပါဘူး။

( ၂) Pleural TB

Pleural TB ဆိုတာ အဆုတ်ပတ်လည်မှာ ကာထားတဲ့ အလွှာပါးလေးမှာ ဖြစ်တဲ့တီဘီရောဂါဖြစ်ပါတယ်။ အလွှာပါးလေးက နှစ်ထပ်ရှိပြီး တစ်ထပ်က အဆုတ်မှာကပ်နေကာ နောက်တစ်ထပ်ကတော့ ရင်ဘတ်နံရံနဲ့ ကပ်နေတာဖြစ်ပါတယ်။ ခုပြောတဲ့ Pleural TB ဆိုတာ ဒီ အလွှာပါး နှစ်ခုကြားထဲက နေရာလေးမှာ တီဘီဖြစ်တာ ဖြစ်ပါတယ်။ လက္ခဏာတွေကတော့

• အဖျားတက်မယ်
• အသက်ရှူလိုက်တိုင်း ရင်ဘတ်အောင့်နေမယ်
• အဆုတ်မှာ အရည်တွေဝိုင်းလာပြီး အသက်ရှူရကြပ် နေတာမျိုးတွေဖြစ်တတ်ပါတယ်။

( ၃ ) အရိုး တီဘီ ။

တီဘီထဲမှာမှ အရိုးတီဘီကလည်း အဖြစ်များတဲ့ ရောဂါတစ်ခုပါ။ လက္ခဏာတွေကတော့

• တီဘီဖြစ်နေတဲ့အရိုးနဲ့ အဆစ်နေရာမှာ ရောင်ပြီး နာကျင်နေမယ်
• နောက်ပိုင်း အရိုးတွေက ကျွတ်ဆတ်လွယ်လာမယ်၏
• လုံးဝ လမ်းလျှောက်လို့ မရတော့တဲအထိ ဖြစ်သွားတတ်ပါတယ်.
• ဒါတွေအပြင် တီဘီရဲ့ လက္ခဏာတွေဖြစ်တဲ့ အဖျားကြီးတာ၊ ညဘက်ချွေးထွက်တာ၊ အစားအသောက်ပျက်တာနဲ့ ကိုယ်အလေးချိန်ကျဆင်းတာမျိုးတွေ ရှိတတ်ပါတယ်။

( ၄ ) ဦးနှောက်အာရုံကြော တီဘီရောဂါ

ဦးနှောက်နဲ့ ပင်မ ကျောရိုးတို့ ဖွဲ့စည်းထားတဲ့ အာရုံကြောစနစ်မှာ တီဘီဖြစ်တတ်ပါသေးတယ်။ အဖြစ်အများဆုံးကတော့ ဦးနှောက်အမြှေးပါး တီဘီ ( TB meningitis ) ဖြစ်ပြီး လက္ခဏာတွေကတော့

• အဖျားကြီးမယ်
• တစ်ခါတစ်ခါ တက်သွားတတ်ပြီး
• နုန်းခွေက စကားပြော လှုပ်ရှားမှုတွေ အားလုံး အားမရှိသလို ဖြစ်နေတတ်ပါတယ်။ အဆုတ်တီဘီ မဟုတ်တဲ့ တီဘီတွေထဲမှာ အန္တရာယ်အများဆုံး တီဘီရောဂါ တစ်ခုပါ။

( ၅ ) အခြား တီဘီရောဂါ ဖြစ်နိုင်တဲ့နေရာတွေကတော့

• ဗိုက်ထဲက ကလီစာတွေထဲမှာဆို အသည်း၊ သရက်ရွက်နဲ့ အူတီဘီတို့ပဲ ဖြစ်ပါတယ်။
• ကျောက်ကပ်၊ ဆီးလမ်းကြောင်းနဲ့ ဆီးအိတ်တွေမှာလည်း တီဘီရောဂါဖြစ်တတ်ပါတယ်။

ဒီတော့ အဆုတ်မှာတင် တီဘီရောဂါဖြစ်နိုင်တာ မဟုတ် အခြားနေရာတွေမှာလည်း တီဘီဖြစ်တတ်သေးတယ်ဆိုတာကို သိတားဖို့ လိုအပ်တယ်နော် ။