အရက်မသောက်လည်းပဲ အသည်းအဆီဖုံးနိုင်ပါတယ် ။

ဆေးပညာပိုင်းဆိုင်ရာတည်းဖြတ်သူ | ရေးသားသူ

Update Date ဇူလိုင် 2, 2020 . 2 mins read
Share now

အရက် ကြောင့် အသည်းအဆီဖုံးတယ်ဆိုတာ အားလုံးသိကြမှာပါ။ ဒါပေမယ့် ဒီနေ့ပြောမှာကတော့ အရက်ကြောင့်မဟုတ်တဲ့ အသည်းအဆီဖုံးခြင်းအကြောင်းပါ။

အသည်းအဆီဖုံးတဲ့ ပြဿနာဟာ လူတိုင်းနီးပါးမှာ ရှိနေတတ်ပြီး လက္ခဏာသိပ်မပြတတ်တဲ့ ရောဂါတစ်ခုပါ။ အရက်ကြောင့်မဟုတ်တဲ့ အသည်းအဆီဖုံးခြင်းဆိုတော့ အရက်ကြောင့်ဖြစ်တာ မဟုတ်ဘဲ အခြားအကြောင်းအရာတွေကြောင့် ဖြစ်ရတဲ့အသည်းအဆီဖုံးခြင်းပါ။

ဒီအသည်းအဆီဖုံးတဲ့ ပြဿနာဟာ စိုးရိမ်ရလား။

အသည်းအဆီဖုံးတယ်ဆိုတော့ အသည်းဆဲလ်တွေကြားထဲ အဆီဆဲလ်တွေ အများကြီးရောက်နေတဲ့ ပြဿနာပါ။ သူ့ကြောင့် အသည်းရောင်လာပြီး သေချာမကုသတဲ့အခါ နောက်ပိုင်း တဖြည်းဖြည်း ကုသလို့မရတဲ့ ထိခိုက်မှုမျိုး အသည်းမှာ ဖြစ်သွားတတ်ပါတယ်။ ဒီထိခိုက်မှုဟာ အရက်တအားသောက်လို့ ဖြစ်ရတဲ့ အသည်းအဆီဖုံးခြင်းနဲ့ သွားတူပါတယ်။ ပိုဆိုးတာက အသည်းအဆီဖုံးတာကို သေချာမကုသရင် နောက်ပိုင်း အသည်းခြောက်တာနဲ့ အသည်းပျက်စီးတာတွေ ဆက်ဖြစ်သွားနိုင်ပါတယ်။

ဘယ်သူတွေက ပိုဖြစ်နိုင်တာလဲ။ ။

  • အသက် ၄၀ ကျော် ၅၀ နောက်ပိုင်းရောက်နေတဲ့သူတွေ
  • အဝလွန် ေနတဲ့သူတွေ
  • ဆီးချို အမျိုးအစား ၂ ဖြစ်နေတဲ့သူတွေနဲ့
  • ဆီကြော်မုန့်တွေ အစားများ သွေးတွင်းအဆီဓါတ်များနေတဲ့သူတွေ
  • သိုင်းရွိုက်ဟော်မုန်း အလုပ်သိပ်မလုပ်တဲ့ Hypothyroidism ရောဂါရှိသူတွေ
  • Polycystic Ovarian Symdrome – သားဥအိမ် ရေအိတ်များကြီးတည်နေတဲ့သူတွေ
  • အိပ်နေရင်း ဟောက်တတ်ပြီး အသက်ရှူရပ်ရပ်သွားတတ်တဲ့သူတွေ နဲ့
  • Metabolic syndrome လို့ခေါ်တဲ့ ( ဗိုက်မှာအဆီစုတာ၊ အင်ဆူလင်ကောင်းကောင်း အလုပ်မလုပ်တာနဲ့ သွေးတိုးရောဂါ သွေးတွင်း အဆီများတဲ့ ပြဿနာ) အစုအဝေးကြီးနဲ့လည်း အသည်းအဆီဖုံးတာက ဆက်စပ်နေပါတယ်။

အသည်းအဆီဖုံးခြင်းရဲ့ လက္ခဏာများ ။ ။

အသည်းအဆီဖုံးတဲ့ ပြဿနာဟာ သိသာထင်ရှားတဲ့ လက္ခဏာတွေ သိပ်မရှိတဲ့ ပြဿနာတစ်ခုပါ။ ဖြစ်လေ့ရှိတာတွေကတော့

  • အသည်းကြီး နေမယ်
  • လူကလည်း တစ်ချိန်လုံး ပင်ပန်းနေမယ်
  • တစ်ခါတစ်ရံ ညာဘက်ဗိုက်အပေါ်နား အောင့်နေတာမျိုးတွေ ဖြစ်တတ်ပါတယ်။

ပိုပြီး ဆိုးလားတဲ့ အသည်းအဆီဖုံးခြင်းမှာတော့

  • ဗိုက်ကြီးရေဖျင်းဆွဲသလို ပူလာမယ်
  • အရေပြားအောက်ကသွေးကြောတွေ ဖောင်းလာမယ်
  • အမျိုးသားတွေမှာဆို ရင်သားတွေ ကြီးလာမယ်
  • သရက်ရွက် တွေကြီးနေမယ်
  • လက်ဖဝါးတွေ ရဲနေမယ်
  • မျက်လုံးနဲ့ အသားတွေ ဝါနေတာမျိုးတွေ ဖြစ်တတ်ပါတယ်။

အသည်းအဆီဖုံးခြင်းကနေ ဆက် ဖြစ်နိုင်တဲ့နောက်ဆက်တွဲ ပြဿနာတွေကတော့

အသည်းအဆီဖုံးခြင်းရဲ့ ကြောက်စရာအကောင်းဆုံး နောက်ဆက်တွဲ ပြဿနာကတော့ အသည်းခြောက်ခြင်းဖြစ်ပါတယ်။ အဆီဖုံးရာက အသည်းဆဲလ်တွေ ထိခိုက် အမာရွတ်တွေကျန်ပြီး နောက်ဆုံး အသည်းဆဲလ်တွေ ကျုံ့သွားရာကနေ အသည်းခြောက်တဲ့ ပြဿနာဖြစ်လာပါတော့တယ်။ အသည်းခြောက်ရာက နောက်ပိုင်းကျရင်

  • ဗိုက်မှာရေဖျင်းတွေဆွဲလာမယ်
  • esophageal varices လိုခေါ်တဲ့ အစာရေမျို ပြွန်က သွေးကြောတွေ ဖောင်းလာပြီးပေါက်သွားနိုင်မယ်
  • hepatic encephalopathy ဝင်ပြီး သတိကောင်းကောင်းမလည်တာ၊ နုန်းနေတာနဲ့ စကားပြောတာ မပီသတော့ဘဲ လေးနေတာမျိုးတွေ ဖြစ်ပြီး
  • နောက်ပိုင်း အသည်းကင်ဆာနဲ့
  • အသည်းလုံးဝ အလုပ်မလုပ်တော့တာမျိုးတွေ ဖြစ်သွားနိုင်ပါတယ်။

အသည်းအဆီဖုံးတဲ့ ပြဿနာကို ဘယ်လိုကာကွယ်ရမလဲ ။ ။

ဘယ်အရာမဆို မဖြစ်ခင်ကြိုတင်ကာကွယ်လို့ရတဲ့ အရာတွေ ချည်းပါပဲ။

  • အစားအသောက်က အရေးအကြီးဆုံးပါ။ – အသီးအရွက်တွေလောက် ကျန်းမာရေးနဲ့ ညီညွတ်တဲ့ အရာတွေ မရှိတာကြောင့် အသီးအရွက်တွေ များများစားပါ။ ဆီကြော်မုန့်တွေ အသားကရတဲ့အဆီတွေ ရှောင်စားပါ။
  • ကိုယ်အလေးချိန်ကို ထိန်းထားပါ။ – ကိုယ်က အဝလွန်နေတဲ့သူဖြစ်ခဲ့မယ်ဆိုရင် တစ်နေ့စားတဲ့ ကယ်လိုရီတွေ ကို ချိန်စားပါ။ လေ့ကျင့်ခန်းလုပ်ပြီး လောင်ကျွမ်းသွားတဲ့ ကယ်လိုရီက စားလိုက်တဲ့ ကယ်လိုရီထက်ပိုများနေပါစေ။
  • လေ့ကျင့်ခန်းလုပ်ပါ။ – တစ်ပါတ်ကို ၅ရက်လောက်လေ့ကျင့်ခန်း ပုံမှန်လုပ်ပါ။

Hello Health Group သည် ဆေးပညာအကြံဉာဏ်များ၊ ရောဂါရှာဖွေမှုများနှင့် ကုသမှုများ မပြုလုပ်ပေးပါ။

ဒီဆောင်းပါးက သင့်အတွက် အသုံးဝင်ပါသလား။
happy unhappy

သင်ဒါလည်း နှစ်သက်နိုင်ပါတယ်။

အသည်း လေးကို ဖက်တီး မဖြစ်ပါစေနဲ့

အသည်း အဆီဖုံးခြင်း (Fatty Liver Disease) က လူတိုင်းမှာ ဖြစ်နိုင်ခြေရှိသလို ပြင်းထန်တဲ့ နောက်ဆက်တွဲ ရောဂါတွေ အများကြီး ဖြစ်စေနိုင်ပါတယ်။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Yun Sandi Nan Mon

အသည်းခြောက် တာ အရက်ကြောင့်ပဲ မဟုတ်ပါဘူး။

အသည်းခြောက် အရက် portal hypertension အသည်းရောင်အသားဝါပိုး အသည်းအဆီဖုံး သံဓာတ်စုပုံ Wilson's disease Autoimmune hepatitis သည်းခြေပြွန်ရောင်ရမ်း Aflatoxin

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Dr. Htet Htet Zaw Win

အသည်းရောင် အသားဝါပိုးကြောင့် မဟုတ်လည်း အသည်းရောင်နိုင်ပါတယ်။

အသည်းရောင် အသားဝါ အသည်းရောင်အသားဝါဗိုင်းရပ်စ်ပိုး Autoimmune hepatatis အရက် အသည်းအဆီဖုံး အသည်းခြောက် အသည်းကင်ဆာ Aflatoxin NASH

ဆေးပညာပိုင်းဆိုင်ရာတည်းဖြတ်သူ Dr. Thurein Hlaing Win
ရေးသားသူ Dr. Htet Htet Zaw Win

ကမျဉ်းနီကောင် ကိုက်ခံရပြီးနောက်

ကမျဉ်းနီကောင် ဘက်တီးရီးယား scrub typhus အနာဖေးတက် eschar အဖျားတက်ခြင်း အသည်းရောင် သွေးလွန်တုပ်ကွေး ငှက်ဖျား ပိုးသတ်ဆေး permethrin

ဆေးပညာပိုင်းဆိုင်ရာတည်းဖြတ်သူ Dr. Thurein Hlaing Win
ရေးသားသူ Dr. Htet Htet Zaw Win

သင့်အတွက် ရွေးချယ်ထားသည်

ဝမ်းဗိုက်မှာ အလုံးစမ်းမိရင် ဘာတွေဖြစ်နိုင်လဲ။

ဝမ်းဗိုက်မှာ အလုံးစမ်းမိရင် ဘာတွေဖြစ်နိုင်လဲ။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Dr. Htet Htet Zaw Win
ရေးသား ထုတ်ဝေခဲ့သည် စက်တင်ဘာ 25, 2020 . 2 mins read
ဆေးစွဲခြင်းရဲ့ နောက်ဆက်တွဲ ကျန်းမာရေးပြဿနာ

ဆေးစွဲခြင်းရဲ့ နောက်ဆက်တွဲ ကျန်းမာရေးပြဿနာ

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon
ရေးသား ထုတ်ဝေခဲ့သည် စက်တင်ဘာ 25, 2020 . 1 min read
သကြားဓာတ်များလွန်းခြင်း၏ ဆိုးကျိုးများ

သကြားဓာတ်များလွန်းခြင်း၏ ဆိုးကျိုးများ

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Dr.Thant Zin
ရေးသား ထုတ်ဝေခဲ့သည် စက်တင်ဘာ 3, 2020 . 2 mins read
အသည်းကင်ဆာ ဖြစ်မလာချင်ဘူး ဆိုရင်

အသည်းကင်ဆာ ဖြစ်မလာချင်ဘူး ဆိုရင်

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Yun Sandi Nan Mon
ရေးသား ထုတ်ဝေခဲ့သည် ဩဂုတ် 14, 2020 . 2 mins read