၂။ ကင်ဆာဆေးသွင်းခြင်းကြောင့်ဖြစ်ပွားသော ဆိုးကျိုးများကို ကာကွယ်ခြင်း
တရုတ်နံနံဖျော်ရည်မှာ ပါဝင်တဲ့ ဓာတ်ပစ္စည်းအချို့ဟာ ဆေးဝါးတချို့ရဲ့ အာနိသင်ကို ပြောင်းလဲစေနိုင်ပါတယ်။ အထူးသဖြင့် ဆိုးကျိုးတွေကို လျော့ပါးစေပါတယ်။ ၂၀၀၉ ခုနှစ်မှာ တိရစ္ဆာန်များနဲ့ ပြုလုပ်ခဲ့တဲ့ သုတေသနတခုအရ ကင်ဆာကုသရာမှာ အသုံးပြုတဲ့ doxorubicin ဆေးကြောင့်ဖြစ်တဲ့ ဘေးထွက်ဆိုးကျိုးများကို ကာကွယ်နိုင်တယ်လို့ ဆိုပါတယ်။ တရုတ်နံနံဖျော်ရည်သောက်ခြင်းကြောင့် ဖရီးရယ်ဒီကယ်များက ဖြစ်စေတဲ့ ပျက်စီးမှုများကို လျော့နည်းစေပါတယ်။ ဒါ့အပြင် ဖရီးရယ်ဒီကယ်များနဲ့ ဓာတ်တိုးဆန့်ကျင်ပစ္စည်းများ မညီမျှမှုကြောင့် ဖြစ်ပွားတဲ့ ဓာတ်တိုးဖိစီးမှုကို ကာကွယ်ပေးပါတယ်။
တရုတ်နံနံမှာပါဝင်တဲ့ flavonoid ဟာ နာတာရှည်ရောဂါများကို ကာကွယ်ပေးနိုင်ပါတယ်။ ၂၀၁၄ ခုနှစ်မှာ ပြုလုပ်ခဲ့တဲ့ သုတေသနတခုအရ တရုတ်နံနံက ရရှိတဲ့ flavonoid ဟာ ဓာတ်တိုးဆန့်ကျင်တဲ့ ဂုဏ်သတ္တိရှိပြီး ကျန်းမာရေးကို အထူးအကျိုးပြုပါတယ်။ အထူးသဖြင့် အသည်း၊ နှလုံး၊ ကျောက်ကပ် စတဲ့အင်္ဂါအစိတ်အပိုင်းများမှာ ဓာတ်တိုးဆန့်ကျင်အာနိသင်ပြပါတယ်။
တရုတ်နံနံဖျော်ရည်မှာ ရောင်ရမ်းမှုကို ကျဆင်းစေတဲ့ အာနိသင်ရှိပါတယ်။ ကိုယ်အင်္ဂါ အစိတ်အပိုင်းများ ရောင်ရမ်းခြင်း၊ အဆစ်အမြစ်ရောင်ရမ်းခြင်း စတာတွေကို သက်သာစေနိုင်တယ်လို့ ဆိုထားပါတယ်။ သုတေသနတခုရဲ့ ဖော်ပြချက်အရ တရုတ်နံနံဖျော်ရည်မှာ ရောင်ရမ်းမှုကို ကျဆင်းစေတဲ့ ဓာတ်ပစ္စည်း ၂၅ မျိုးခန့် ပါဝင်တယ်လို့ သိရပါတယ်။
မှတ်ချက်များ
သင့်အတွေးများကို ဝေမျှပါ။
သင့်ကျန်းမာရေးအတွေးများကို Hello Sayarwonနဲ့ ဝေမျှလိုက်ပါ။
ဆက်သွယ်ရန် သို့မဟုတ် ဝင်မည်။ နှင့် ဝင်ရောက်ဆွေးနွေးပါမည်။