ဓာတ်တိုးဆန့်ကျင်ပစ္စည်း တွေကခန္ဓာကိုယ်အတွက် ဘာလုပ်ပေးလဲ

ဆေးပညာပိုင်းဆိုင်ရာတည်းဖြတ်သူ | ရေးသားသူ

Update Date စက်တင်ဘာ 16, 2020 . 2 mins read
Share now

ဓာတ်တိုးဆန့်ကျင်ပစ္စည်း (Antioxidants)ဆိုတဲ့ စကားလုံးက ဒီဘက်ခေတ်မှာ မစိမ်းတော့ပါဘူး။ နုပျိုချင်ရင် Antioxidantသောက်၊ ကင်ဆာကာကွယ်ချင်ရင် Antioxidantသောက် စသဖြင့် အမျိုးမျိုးကြော်ငြာနေကြပါတယ်။ ဒီတော့ ဓာတ်တိုးဆန့်ကျင်ပစ္စည်း ဆိုတာဘာလဲ။ ဘယ်လိုအလုပ်လုပ်သလဲ။ ခန္ဓာကိုယ်အတွက် ဘာကောင်းကျိုးရှိသလဲဆိုတာ ဆက်ပြီးလေ့လာကြည့်ရအောင်။

ဓာတ်တိုးဆန့်ကျင်ပစ္စည်း ဆိုတာဘာလဲ။

ဓာတ်တိုးဆန့်ကျင်ပစ္စည်း အကြောင်းမပြောခင် ဓာတ်တိုးတယ်ဆိုတာ ဘာလဲဆိုတာအရင်ပြောပြပါ့မယ်။ ခန္ဓာကိုယ်ထဲမှာ ဓာတ်တိုးရင် ဆဲလ်ရဲ့မျက်နှာပြင်၊ ဒီအန်အေ စတာတွေပျက်စီးပါတယ်။ ကိုယ်ထဲမှာ ဓာတ်တိုးပစ္စည်းတွေကို ဖျက်စီးဖို့ သဘာဝစနစ်ကြီးတစ်ခုက ရှိပြီးသားပါ။ ဒါပေမယ့် ဓာတ်တိုးပစ္စည်းတွေ များလာတဲ့အခါ ခန္ဓာကိုယ်က မရှင်းထုတ်နိုင်တဲ့အတွက် စုပုံလာပြီး ရောဂါတွေဖြစ်လာပါတယ်။

ဓာတ်တိုးဆန့်ကျင်ပစ္စည်းဆိုတာ ဒီပစ္စည်းတွေကို ဖျက်ဆီးနိုင်တဲ့ မော်လီကျူးတွေပါ။ အစားအစာတွေ အထူးသဖြင့် အသီးအရွက်တွေမှာ အများဆုံးတွေ့ရပါတယ်။ ဗီတာမင်တွေ (အထူးသဖြင့် ဗီတာမင် အေနဲ့ အီး)၊ သတ္တုဓာတ် (ကော့ပါး၊ ဇင့်နဲ့ ဆီလီနီယမ်)ကလည်း အစွမ်းထက်တဲ့ ဓာတ်တိုးဆန့်ကျင်ပစ္စည်းတွေဖြစ်ပါတယ်။

ဒီလိုပြောလို့ ဓာတ်တိုးပစ္စည်းတွေက မကောင်းဘူးလားဆိုတော့ မဟုတ်ပါဘူး။ ခန္ဓာကိုယ်ရဲ့ တချို့သော အလုပ်တွေအတွက် ဓာတ်တိုးပစ္စည်းတွေ လိုအပ်ပါတယ်။ ဥပမာ ပြောရရင် ခုခံအားစနစ်က ရောဂါပိုးတွေသတ်တဲ့နေရာမှာ ဓာတ်တိုးပစ္စည်းတွေကို သုံးပါတယ်။ ဒါကြောင့် ခန္ဓာကိုယ်က ဓာတ်တိုးပစ္စည်းနဲ့ ဓာတ်တိုးဆန့်ကျင်ပစ္စည်းကို မျှတအောင်ထားရပါတယ်။ မဟုတ်ရင် oxidative stressဖြစ်ပြီး ခန္ဓာကိုယ်မှာ ရောဂါတွေဖြစ်လာမှာပါ။

ဓာတ်တိုးပစ္စည်းတွေက ဘယ်လိုဆိုးကျိုးတွေပေးနိုင်လဲ။

ဓာတ်တိုးပစ္စည်းတွေရဲ့ဆိုးကျိုးတချို့ကို ပြောပြရမယ်ဆိုလို့ရှိရင်

  • မျက်စိမှန်ဘီလူးကိုထိခိုက်ပြီး အမြင်အာရုံထိခိုက်တာ
  • အရိုးအဆစ်တွေရောင်ရမ်းတာ
  • ဦးနှောက်ထဲမှာရှိတဲ့ အာရုံကြောတွေ ထိခိုက်ပြီး ပါကင်ဆန်ရောဂါအယ်လ်ဇိုင်းမားရောဂါ
  • အိုမင်းလွယ်တာ
  • မကောင်းတဲ့အဆီ LDL၊ ကိုလက်စထရောတွေကို ပိုထွက်စေတဲ့အတွက် နှလုံးသွေးကြောပိတ်နိုင်ချေကို မြင့်စေတာ
  • ဒီအန်အေကို ပျက်စီးစေတဲ့အတွက်တချို့ကင်ဆာတွေကို ဖြစ်စေပါတယ်။

ဓာတ်တိုးဆန့်ကျင်ပစ္စည်း တွေကိုဘယ်ကရမလဲ။

ခန္ဓာကိုယ်ကလည်း သူ့ဟာသူ ဓာတ်တိုးဆန့်ကျင်ပစ္စည်းတွေကို ထုတ်ပေးနိုင်ပါတယ်။ ဒါပေမယ့် ခန္ဓာကိုယ်ကပိုလိုလာတဲ့အခါ ပြင်ပကနေ ယူရပါတယ်။ ဓာတ်တိုးဆန့်ကျင်ပစ္စည်းတွေကို အသီးအရွက်၊ အစေ့အဆန်တွေမှာ ပေါပေါများများတွေ့ရပါတယ်။ ဥပမာပြောရရင်

  • ဗီတာမင်အေ– အသည်း၊ ကန်စွန်းဥ၊ နို့နဲ့ ဥအနှစ်
  • ဗီတာမင်စီ– လိမ္မော်သီး၊ ကီဝီသီး၊ သရက်သီး၊ ပန်းပွင့်စိမ်း၊ ဟင်းနုနွယ်၊ စတော်ဘယ်ရီ
  • ဗီတာမင်အီး– ဟင်းရွက်ဆီ၊ ထောပတ်သီး၊ အစေ့အဆန်
  • ကော့ပါး၊ဇင့်နဲ့ ဆီလီနီယမ်- ပင်လယ်စာ၊ အသား၊ နို့နဲ့ အစေ့အဆန်

ဒါက ဥပမာပြထားတာပါ။ တခြားဓာတ်တိုးဆန့်ကျင်ပစ္စည်းတွေရနိုင်တဲ့ အစားအစာတွေလည်း အများကြီးရှိပါတယ်။

ဓာတ်တိုးဆန့်ကျင်ပစ္စည်း ရဲ့ကောင်းကျိုးတွေက ဘာတွေလဲ။

  • နှလုံးရောဂါကို ကာကွယ်နိုင်ပါတယ်။
  • ပါကင်ဆန်ရောဂါ၊ အယ်ဇိုင်းမားရောဂါ၊ စိတ်ကျရောဂါတွေကို သက်သာစေပါတယ်။
  • ခုခံအားကို တက်စေပါတယ်။
  • ဦးနှောက်ဆဲလ်တွေ ပျက်စီးတာကိုတားဆီးပေးပါတယ်။
  • အိုမင်းရင့်ရော်မှုကို တားဆီးပေးပါတယ်။
  • အမြင်အာရုံကိုကောင်းပါတယ်။

ဓာတ်တိုးဆန့်ကျင်အားဖြည့်ဆေးတွေသောက်ရတော့မှာလား။

အစားအစာတွေကရတဲ့ ဓာတ်တိုးဆန့်ကျင်ပစ္စည်းတွေက ကျန်းမာရေးအတွက် လိုအပ်ပါတယ်။ ဒါပေမယ့် တန်ဆေး လွန်ဘေးပါ။ ဓာတ်တိုးဆန့်ကျင်ပစ္စည်းတွေ ခန္ဓာကိုယ်မှာ များလာတဲ့အခါမှာ ကောင်းဖို့ထက် ဆိုးဖို့က ပိုများတယ်ဆိုတာ သိစေချင်ပါတယ်။ သေဆုံးနိုင်တဲ့အထိ အန္တရာယ်များပါတယ်။ ဒါကြောင့် ပညာရှင်တွေက ဓာတ်တိုးဆန့်ကျင်ပစ္စည်းအားဖြည့်စာတွေကို ရှောင်ဖို့ပြောတာပါ။ အစားအစာတွေကနေ သဘာဝအတိုင်းရတဲ့ ဓာတ်တိုးဆန့်ကျင်ပစ္စည်းတွေနဲ့တင် ခန္ဓာကိုယ်က လုံလောက်နေပါပြီ။ အာဟာရချို့တဲ့နေတဲ့သူ၊ အစားမစားနိုင်တဲ့သူတွေအတွက်ပဲ အားဖြည့်ဆေးက လိုအပ်မှာပါ။

ပြန်ချုပ်ရမယ်ဆိုရင် ဓာတ်တိုးဆန့်ကျင်ပစ္စည်းတွေက ခန္ဓာကိုယ်အတွက်လိုအပ်ပါတယ်။ များသွားရင်တော့ အန္တရာယ်ရှိပါတယ်။ နေ့ဏဥ်လိုအပ်တဲ့ပမာဏကို ရနိုင်ဖို့ အကောင်းဆုံးနည်းလမ်းကတော့ လတ်ဆတ်တဲ့ ဟင်းသီးဟင်းရွက်တွေကို များများစားပေးတာပါပဲ။

Hello Health Group သည် ဆေးပညာ အကြံပြုချက်များ၊ ရောဂါရှာဖွေအတည်ပြုချက်များနှင့် ကုသမှုများ မပြုလုပ်ပေးပါ။

Hello Health Group သည် ဆေးပညာအကြံဉာဏ်များ၊ ရောဂါရှာဖွေမှုများနှင့် ကုသမှုများ မပြုလုပ်ပေးပါ။

ဒီဆောင်းပါးက သင့်အတွက် အသုံးဝင်ပါသလား။
happy unhappy

သင်ဒါလည်း နှစ်သက်နိုင်ပါတယ်။

မှတ်ဉာဏ်ချို့ယွင်းတာလား၊ အယ်ဇိုင်းမားလား။

အယ်ဇိုင်းမားက မှတ်ဉာဏ်ချို့ယွင်းတတ်ပေမယ့် မှတ်ဉာဏ်ချို့ယွင်းတိုင်း အယ်ဇိုင်းမားလို့ ယူဆလို့ မရပါဘူး။ သေချာအောင် ဆေးစစ်ကြည့်ဖို့ အကြံပြုလိုပါတယ်။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Dr. Htet Htet Zaw Win

စရိတ်နည်းနည်းနဲ့ ကျန်းမာချင်ရင် ကြက်ဥအနှစ်စားပါ

ဥအနှစ်တွေက ဘယ်လိုများ အာဟာရဓာတ်တွေကြွယ်ဝနေလို့လဲ၊ ကြက်ဥ ဘဲဥအနှစ်တွေက သင့်ကျန်းမာရေးကို ဘယ်လိုများအထောက်အကူဖြစ်စေမှာလဲဆိုတာကို ပြောပြပေးချင်ပါတယ်။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Ye Zon Aung

ဘေဘီလေးအတွက် လွယ်ကူတဲ့ ဗီတာမင် C စားစရာလေးတွေ ပြင်ဆင်ပေးကြမယ်။

ဗီတာမင် C က ဓာတ်တိုးပစ္စည်းတစ်ရပ် ဖြစ်တာကြောင့် ခန္ဓာကိုယ်ကို ဓာတ်တိုးပစ္စည်းတွေ အန္တရာယ်ကနေ ကာကွယ်ပေးပြီး ကျန်းမာစေတယ်။ ကိုယ်ခံအားဆဲလ်တွေကို အားဖြည့်ပေးတယ်

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon

အာဟာရချို့တဲ့မှုတွေ မဖြစ်အောင် ဘယ်လိုစားသောက်ကြမလဲ။

အာဟာရချို့တဲ့ တာကလည်း အဝလွန်တာလိုပဲ ကျန်းမာရေး ထိခိုက်နိုင်ပါတယ်။ မျှတတဲ့အာဟာရကိုပြည့်ဝအောင် စားနိုင်မှသာ ပိန်လွန်းခြင်း၊ဝလွန်းခြင်းက ကင်းလွတ်မှာ ဖြစ်ပါတယ်။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Dr. Htet Htet Zaw Win

သင့်အတွက် ရွေးချယ်ထားသည်

အာပူရွက် ရဲ့ကျန်းမာရေး အာနိသင်

အာပူရွက် ရဲ့ကျန်းမာရေး အာနိသင်

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon
ရေးသား ထုတ်ဝေခဲ့သည် မတ် 5, 2021 . 2 mins read
how-to-prevent-cancer-recurrence ကင်ဆာပြန်မဖြစ် အောင်

ကင်ဆာပြန်မဖြစ် အောင် ဘယ်လို ဆင်ခြင်နေထိုင်သင့်သလဲ

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Dr. Htet Htet Zaw Win
ရေးသား ထုတ်ဝေခဲ့သည် ဖေ‌ဖော်ဝါရီ 23, 2021 . 3 mins read
ဘေဘီလေးတွေမှာ သံဓာတ်လွန်ကဲနေပြီလား

ဘေဘီလေးတွေမှာ သံဓာတ်လွန်ကဲနေပြီလား

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon
ရေးသား ထုတ်ဝေခဲ့သည် ဇန်နဝါရီ 14, 2021 . 2 mins read
ဝမ်းဗိုက်လေး ကျန်းမာစေဖို့ နေ့တိုင်း ထောပတ်သီးစားပါ

ဝမ်းဗိုက်လေး ကျန်းမာစေဖို့ နေ့တိုင်း ထောပတ်သီး စားပါ

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Ye Zon Aung
ရေးသား ထုတ်ဝေခဲ့သည် ဒီဇင်ဘာ 31, 2020 . 2 mins read