နွားနို့ စစ်စစ်နဲ့ ဖျော်စပ်ထားတဲ့ နို့လက်ဖက်ရည်မှာ ကယ်လ်ဆီယမ်၊ ဗီတာမင် D၊ ပရိုတင်း၊ ဗီတာမင် B12 နဲ့ ပိုတက်ဆီယမ်တို့ အပါအဝင် ခန္ဓာကိုယ်အတွက် မရှိမဖြစ် လိုအပ်တဲ့ အာဟာရဓာတ်တွေ ပါဝင်နေပါတယ်။ ဒီအာဟာရဓာတ်တွေက ခန္ဓာကိုယ်မှာ အင်အားပြည့်ဝစေဖို့ ထောက်ကူပေးပါတယ်။
လက်ဖက်ရည်မှာ ဓာတ်တိုးပစ္စည်းတွေကြောင့် အသားအရေ ထိခိုက်မှုကို ကာကွယ်ပေးပြီး အရေပြားကို ကျန်းမာစေနိုင်တဲ့ ဓာတ်တိုးပစ္စည်း ပါဝင်ပါတယ်။ အရေးအကြောင်းတွေကို သက်သာစေပြီး အသားအရေ တင်းရင်းစေသလို အရေပြားပေါ်က အမည်းစက်တွေနဲ့ အမာရွတ်တွေကို သက်သာစေနိုင်ပါတယ်။
လက်ဖက်ရည်က ဇီဝကမ္မဖြစ်စဉ်ကို ကောင်းမွန်မြန်ဆန်စေပြီး ကိုယ်အလေးချိန်ကို ထိန်းညှိပေးပါတယ်။ လက်ဖက်ရည်ထဲကို သကြားတွေ ထပ်ထည့်သောက်တာမျိုး မလုပ်ဖို့ လိုပါမယ်။
လက်ဖက်ရည် ချိုချိုလေးက စိတ်ဖိစီးမှုကို သက်သာစေနိုင်ပါတယ်။ ကိုယ်တွင်းက ဟော်မုန်းပမာဏကို ထိန်းညှိပေးနိုင်တာကြောင့် စိတ်ဖိစီးမှု ကင်းစေပါတယ်။ ခန္ဓာကိုယ်က ရောင်ရမ်းမှုတွေကို သက်သာစေဖို့ ထောက်ကူပေးပါတယ်။
လက်ဖက်ရည်မှာ catechins နဲ့ အခြား ဓာတ်တိုးဆန့်ကျင်ပစ္စည်းတွေ ပါဝင်နေတာကြောင့် နာတာရှည်ရောဂါတွေ မဖြစ်အောင် ကာကွယ်ပေးသလို ဓာတ်တိုးပစ္စည်းတွေကြောင့် ထိခိုက်မှု မဖြစ်စေဖို့ ကာကွယ်ပေးပါတယ်။
နွားနို့စစ်စစ်နဲ့ ဖျော်ထားတဲ့ လက်ဖက်ရည်ချိုလေးမှာ ကယ်လ်ဆီယမ် ပါဝင်နေတာကြောင့် အရိုးတွေ သန်မာစေသလို အသက်အရွယ်ရလာတဲ့အခါ အရိုးပွတာမျိုး မဖြစ်စေဖို့ ကာကွယ်ပေးပါတယ်။
ဘယ်သူတွေ မသောက်သင့်ဘူးလဲ
လက်ဖက်ရည်ချိုလေးက ကျန်းမာရေးအတွက် အကျိုးများပေမယ့်
- ကိုယ်ဝန်ဆောင်တွေ
- ကလေးငယ်တွေ
- ရောဂါအခံရှိသူတွေကတော့ မသောက်သင့်ပါဘူး။ သာမန်လူတွေအနေနဲ့လည်း ပမာဏအလွန်အကျွံသောက်တာကို ရှောင်သင့်ပါတယ်။
မှတ်ချက်များ
သင့်အတွေးများကို ဝေမျှပါ။
သင့်ကျန်းမာရေးအတွေးများကို Hello Sayarwonနဲ့ ဝေမျှလိုက်ပါ။
ဆက်သွယ်ရန် သို့မဟုတ် ဝင်မည်။ နှင့် ဝင်ရောက်ဆွေးနွေးပါမည်။