သင့်စိုးရိမ်မှုတွေက ဘာတွေလဲ။

close
မတိကျ
နားလည်ရခက်
အခြား

သို့မဟုတ် လင့်ခ်ကူးယူမည်

ဝိတ်ကျစေမယ့် မနက်စာ

ဝိတ်ကျစေမယ့် မနက်စာ

ဝိတ်ကျချင်လို့ဆိုပြီး မနက်စား မစားဘဲနေနေပြီလား။ ဒါဆိုရင်တော့ မနက်စာကို စားဖြစ်အောင် စားဖို့ ပြောပါရစေ။ ဝိတ်ကျချင်တယ်ဆိုရင် မနက်စာကို သေချာလေးစားဖို့ လိုအပ်ပါမယ်။

မနက်စာကို ပြည့်ဝမျှတအောင် စားသုံးပေးတာက ကိုယ်အလေးချိန် ထိန်းညှိရာမှာ တော်တော်လေး အထောက်အကူပြုပေးနိုင်ပါတယ်။ ဒီတော့ ဝိတ်လည်းကျ အဆာလည်း မခံရအောင် မနက်စာကို ဘာတွေ စားရမလဲဆိုတာ အတူတူကြည့်လိုက်ရအောင်လား။

ဝိတ်ကျစေမယ့် မနက်စာ

မနက်စာကို ပြည့်ဝမှန်ကန်အောင် စားသုံးတာက တစ်နေ့တာမှာ မလိုအပ်ဘဲ အစားမစားမိစေဖို့ အကောင်းဆုံး ထောက်ပံ့ပေးနိုင် ပါသတဲ့။ ဒီတော့ ဗိုက်လည်းဝ ဝိတ်လည်း ကျစေဖို့ မနက်စာကို ဒါလေးတွေ စားပေးနော်။

Raspberries

raspberries တစ်ခွက်စာမှာ အမျှင်ဓာတ် ၈ ဂရမ်အထိ ပါဝင်နေပါတယ်။ ဒီ ပမာဏက စတော်ဘယ်ရီ တစ်ခွက်စာမှာ ပါဝင်နေတဲ့ အမျှင်ဓာတ် ပမာဏထက် ထက်ဝက် ပိုများနေပါတယ်။ ဒါ​ကြောင့် အမျှင်ဓာတ် လုံလောက်စွာ ရရှိပြီး အဆာခံနိုင်စေဖို့ raspberries လေး စားပေးပါ။ ဖျော်သောက်လို့လည်း ရပါတယ်။

Oatmeal

အမျှင်ဓာတ် ပြည့်ဝတဲ့ Oatmeal က အဆာခံနိုင်စေပြီး ဝိတ်ကျ စေပါတယ်။ သွေးတွင်းသကြားဓာတ်ကို မြင့်တက်စေတာမျိုး မဖြစ်စေဘဲ အဆီ လောင်ကျွမ်းစေဖို့ အထောက်အပံ့ ပေးနိုင်ပါတယ်။

ဒိန်ချဉ်

ဒိန်ချဉ်က ကိုယ်အလေးချိန်ကို အကောင်းဆုံး ထိန်ညှိပေးနိုင်တဲ့ ထိပ်တန်း အစားအစာ တစ်မျိုးပါ။ အဆီထုတ်ထားတဲ့ ဒိန်ချဉ်က ကျန်းမာရေး အတွက်ကောင်းသလို ဝိတ်လည်း ကျစေပါတယ်။

ပရိုတင်း ပြည့်ဝမှုက အဆာခံနိုင်စေပြီး အင်အားပြည့်စေဖို့အကောင်းဆုံး ထောက်ပံ့ပေးမှာပါ။ ကိုယ်အလေးချိန်လည်းကျ အာဟာရလည်း မလျော့ကျတဲ့ အစားအစားအစာမျိုးပါ။

ကိုယ်အလေးချိန် ကျချင်တယ် ကြွက်သားတွေ မလျော့ရဲချင်ဘူးဆိုတဲ့သူတိုင်း သောက်ပေးသင့်ပါတယ်။ သကြားတော့ လုံးဝ မထည့်ပါနဲ့။ သစ်သီးလေးတွေနဲ့ တွဲစားပေးပါ။

မြေပဲထောပတ်ကို ထိုက်သင့်တဲ့ ပမာဏ စားသုံးပေးတာက ကျန်းမာတဲ့ အဆီ၊ အမျှင်ဓာတ်နဲ့ ပရိုတင်းတို့ကို ပြည့်ဝစွာ ရရှိစေမှာပါ။ မနက်ခင်းကို ဂျုံကြမ်းပေါင်မုန့်မှာ မြေပဲထောပတ် သုတ်ပြီး စားပေးတာက အာဟာရလည်း ပြည့်၊ ဗိုက်လည်း ဝပြီး ကိုယ်အလေးချိန်ပါ ကျစေမှာပါ။

ကြက်ဥ အရွယ်တော် တစ်လုံးမှာ ပရိုတင်း ၆ ဂရမ်၊ ကယ်လ်လိုရီ ၇၀ ရာခိုင်နှုန်း ပါဝင်နေပါတယ်။ ကာဗိုဟိုက်ဒရိတ် နဲ့ အဆီတွေထက် ပရိုတင်းက ပိုပြီး အဆာခံနိုင်စေပါတယ်။

မနက်ခင်းမှာ ကြက်ဥစားပေးတာက တစ်နေ့တာမှာ မလိုအပ်ဘဲ အစားတွေ မစားမိစေဖို့ အကောင်းဆုံး ထောက်ပံ့ပေးနိုင် ပါတယ်။ ကြက်ဥအနှစ်မှာက ကယ်လ်ဆီယမ် နဲ့ အမြင်အာရုံကို ကျန်းမာစေတဲ့ အာဟာရဓာတ်တွေ ပြည့်ဝစွာ ပါဝင်နေပါတယ်။ မနက်ခင်းမှာ ကြက်ဥ စားတာက ဝိတ်လည်း ကျစေပြီး ခန္ဓာကိုယ်ကိုလည်း ကျန်းမာစေမှာပါ။

ဝိတ်ချချင်တယ်ဆိုရင် မနက်ခင်းတိုင်းမှာ ကြက်ဥ တစ်လုံး ပုံမှန်စားပေးပါ။

ဒီ အစားအစာလေးတွေကို မနက်ခင်း စားရင်း ကိုယ်အလေးချိန်ကို အကောင်းဆုံး ထိန်းညှိပေးပါ။ ဝိတ်ချမယ်ဆိုပြီး မနက်စာ အလွတ်မခံနဲ့တော့နော်။

health-tool-icon

ခန္ဓာကိုယ် ထုထည်ညွှန်းကိန်း တွက်ချက်ခြင်း (BMI) ။

ခန္ဓာကိုယ် ထုထည်ညွှန်းကိန်း တွက်ချက်ခြင်း (BMI) ကို အသုံးပြုပြီး ကျန်းမာတဲ့ ကိုယ်အလေးချိန် ရှိရဲ့လားဆိုတာကို တွက်ချက်ပါ။ ဒီကျန်းမာရေး ကိရိယာကို အသုံးပြုပြီး ကလေးရဲ့ (BMI) ကိုလည်း တွက်ချက်လို့ ရပါတယ်။

အမျိုးသား

အမျိုးသမီး

Hello Health Group သည် ဆေးပညာအကြံဉာဏ်များ၊ ရောဂါရှာဖွေမှုများနှင့် ကုသမှုများ မပြုလုပ်ပေးပါ။

ရင်းမြစ်များ

14 Healthy Breakfast Foods That Help You Lose Weight https://www.healthline.com/nutrition/weight-loss-breakfast-foods Accessed Date 10 August 2020

စာရေးသူ ဓာတ်ပုံbadge
Aye Thi Mon မှ ရေးသားသည်။ 06/04/2022 တွင် ပြန်လည်ပြင်ဆင်ခဲ့သည်။
Hello Sayarwon Panel မှ အချက်အလက် စစ်ဆေးထားပါသည်။