Covid-19နဲ့ ပတ်သက်ပြီး ကိုယ်ဝန်ဆောင်မိခင် တွေ ဘာတွေသိထားသင့်လဲ

ဆေးပညာပိုင်းဆိုင်ရာတည်းဖြတ်သူ | ရေးသားသူ

ရေးသား ထုတ်ဝေခဲ့သည် နိုဝင်ဘာ 17, 2020 . 2 mins read
Share now

ကမ္ဘာပေါ်မှာ Covid-19ကြောင့် သေဆုံးသူဦးရေတွေ တစ်နေ့ထက်တစ်နေ့ များပြားလာတာနဲ့အမျှ ကိုယ်ဝန်ဆောင်မိခင် များအနေနဲ့ မိမိကိုယ်တိုင်ရော မွေးဖွားလာမယ့် ရင်သွေးလေးရဲ့ ကျန်းမာရေးအတွက်ပါ စိုးရိမ်မှုတွေနဲ့ ရင်ဆိုင်နေကြရပါတယ်။ ဒီဆောင်းပါးလေးမှာတော့ ကိုယ်ဝန်ဆောင်မေမေတွေ အမေးများတဲ့ မေးခွန်းလေးတွေအတွက် အဖြေများကို ဖော်ပြပေးလိုက်ပါတယ်။

Covid-19နဲ့ ပတ်သက်ပြီး ကိုယ်ဝန်ဆောင်မိခင် တွေ ဘာတွေ သိထားသင့်လဲ

(၁) ကိုယ်ဝန်ဆောင်မိခင် တွေက ကိုဗစ်ကူးစက်ခံရဖို့ အလားအလာများနေလား။

ကိုယ်ဝန်ဆောင်မိခင်တွေအနေနဲ့ ကိုဗစ်ကူးစက်နိုင်ချေ ပိုမိုများနေသလားဆိုတာကို သက်သေပြချက်များ မရှိသေးပေမယ့်လည်း ကမ္ဘာ့ကူးစက်ရောဂါထိန်းချုပ်ရေးနဲ့ ကာကွယ်ရေးစင်တာကြီး (CDC)ရဲ့ ထုတ်ပြန်ချက်အရ ကိုယ်ဝန်ဆောင်ချိန်မှာ ကိုဗစ်ကူးစက်ခံရပါက ရောဂါလက္ခဏာတွေ ပိုမိုပြင်းထန်နိုင်တယ်လို့ သိရပါတယ်။ဒါ့ပြင် ကိုယ်ဝန်ဆောင်ချိန် ကိုဗစ်ကူးစက်ခံရပါက နောက်ဆက်တွဲဆိုးကျိုးတွေ ပိုမိုပြင်းထန်စွာ ခံစားရနိုင်ပါတယ်။ သွေးတိုးနဲ့ ဆီးချိုရှိတဲ့ ကိုယ်ဝန်ဆောင်မိခင်တွေမှာဆို အထက်ပါ ဆိုးကျိုးတွေဖြစ်ဖို့ အလားအလာပိုများစေတာမို့လို့ ဂရုစိုက်သင့်ပါတယ်။

(၂) Covid-19 ဗိုင်းရပ်စ်ဟာ မိခင်ကနေ ကလေးဆီသို့ ကူးစက်နိုင်လား။

ကိုဗစ်ကူးစက်ခံရသူ မိခင်ရဲ့ အချင်းကနေ ကလေးဆီကို ကူးစက်နိုင်သလားဆိုတဲ့ အဖြေအတိအကျကို ပညာရှင်များ ဖော်ထုတ်နေကြဆဲ ဖြစ်ပါတယ်။ CDCရဲ့ ထုတ်ပြန်ချက်တစ်ခုအရ မွေးပြီးစ ကလေးငယ်တစ်ဦးကို စစ်ဆေးခဲ့ရာတွင် ကိုဗစ်အဖြေ Positiveထွက်ခဲ့ပေမယ့် မမွေးဖွားခင် ကူးစက်ခဲ့သလား၊ မွေးဖွားပြီးမှ ကူးစက်သလားဆိုတာ အဖြေရှာမရခဲ့ပါဘူး။

(၃) ကိုယ်ဝန်ဆောင်စဉ်မှာ Covid-19ကူးစက်မခံရဖို့ အထူးလိုက်နာဆောင်ရွက်ချက်တွေ လိုအပ်လား။

ကိုယ်ဝန်ဆောင်စဉ် ပုံမှန်ရက်ချိန်းပြပြီး စစ်ဆေးမှုခံယူဖို့ အလွန်အရေးကြီးပါတယ်။ ဒီအတွက် ဆေးရုံကို သွားတဲ့အခါမှာတော့ ကိုဗစ်မကူးစက်စေဖို့ ဂရုစိုက်ကာကွယ်မှုတွေ ပြုလုပ်ဖို့ လိုပါတယ်။ အရေးကြီးတာကတော့ ကိုယ်ဝန်ဆောင်ချိန် ပထမ၃လမှာဖြစ်စေ မွေးဖွားခါနီးကိုယ်ဝန်အရင့်အမာနဲ့ဖြစ်စေ လိုအပ်တဲ့ ပြုစုစောင့်ရှောက်မှုတွေကို ပုံမှန်ခံယူသင့်ပါတယ်။ ဆေးရုံသို့ သွားစဉ်မှာ နှာခေါင်းစည်းတပ်ခြင်း၊ အာဟာရပြည့်အောင် စားသောက်ခြင်း၊ အိပ်ရေးဝဝအိပ်စက်ခြင်း၊ စိတ်ဖိစီးမှုနည်းပါးအောင်နေခြင်းတို့ဖြင့် ကိုယ်ခံအားကောင်းအောင် ကြိုးစားသင့်ပါတယ်။

(၄) Covid-19ကြောင့် ရင်သွေးလေးမီးဖွားဖို့ ကြိုတင်ပြင်ဆင်မှုတွေကို ထိခိုက်စေတော့မှာလား။

ဆေးရုံတိုင်းနီးပါးမှာ Covid-19အတွက် လိုက်နာရမယ့် စည်းမျဉ်းစည်းကမ်းနဲ့ ဆောင်ရွက်ချက်တွေရှိနေပါတယ်။ ဒါကြောင့် စိုးရိမ်ပူပန်ဖို့မလိုဘဲ ပုံမှန်ပြသရမယ့် ရက်ချိန်းတွေကို သွားရောက်ပြသခြင်းဖြင့် ကိုယ်ဝန်ဆောင်သက်တမ်းတစ်လျှောက်မှာ ဖြစ်ပေါ်မယ့် ကျန်းမာရေးပြဿနာတွေကို ဖြေရှင်းနိုင်မှာဖြစ်သလို မိခင်ရောရင်သွေးလေးရဲ့ ကျန်းမာရေးကိုလည်း အထောက်အပံ့ဖြစ်စေမှာ ဖြစ်ပါတယ်။

(၅) ဒီကပ်ရောဂါကာလတွင်း စိုးရိမ်ပူပန်ရခြင်းနဲ့ စိတ်ဓာတ်ကျခြင်းတွေကို ဘယ်လို ထိန်းချုပ်ရမလဲ။

သာမန်အခြေအနေမျိုးမှာတောင်မှ ကိုယ်ဝန်ဆောင်ချိန်ဟာ အမျိုးသမီးတွေအတွက် စိုးရိမ်သောကများတဲ့ ကာလဖြစ်ပါတယ်။ ခုလို ကပ်ရောဂါကာလမှာဆိုရင်တော့ ကိုယ်ဝန်ဆောင်ချိန်ရော မီးဖွားချိန်အတွက်ပါ ကြိုတင်ပူပန်မှုတွေ များနေရမှာဖြစ်ပါတယ်။ ဒီစိတ်ဖိစီးမှုတွေကို ပြေပျောက်ဖို့အတွက် ကိုယ်လက်လှုပ်ရှားမှုပြုလုပ်ခြင်း၊ ယောဂကစားခြင်း၊ မိသားစု/သူငယ်ချင်းများနဲ့ စကားပြောဆိုခြင်း၊ သီချင်းနားထောင်ခြင်း စသည်ဖြင့် မိမိစိတ်ကို ပြေလျော့စေမယ့် နည်းလမ်းတွေကို အသုံးပြုနိုင်ပါတယ်။ တရားထိုင်ခြင်း၊ အသက်ပြင်းပြင်းရှူခြင်းတို့ကိုလည်း ပြုလုပ်နိုင်ပါတယ်။

ရေးသားသူ – Dr. Rose

COVID-19 Outbreak updates
Country: Myanmar
Data

85,205

Confirmed

64,645

Recovered

1,846

Death
Distribution Map

Hello Health Group သည် ဆေးပညာအကြံဉာဏ်များ၊ ရောဂါရှာဖွေမှုများနှင့် ကုသမှုများ မပြုလုပ်ပေးပါ။

ဒီဆောင်းပါးက သင့်အတွက် အသုံးဝင်ပါသလား။
happy unhappy

သင်ဒါလည်း နှစ်သက်နိုင်ပါတယ်။

ဆောင်းအအေး နဲ့ ကိုဗစ်

ဆောင်းရောက်လာတာက ပျော်စရာကောင်းပေမယ့် ကိုဗစ်ရောဂါဆိုးကြီးနဲ့ ရင်ဆိုင်နေရချိန်မှာတော့ ဆောင်းက ကိုဗစ်ကို ပိုဆိုးစေမလားဆိုတာ စိုးထိတ်မိနေပြီလား။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon

ကိုယ်ဝန်ဆောင် ဆီးချိုနဲ့ ပတ်သက်ပြီး သိထားသင့်သမျှ

ကိုယ်ဝန်ဆောင်ဆီးချိုဆိုတာက ကျန်တဲ့အချိန်တွေမှာ မဖြစ်ဘဲ ကိုယ်ဝန်ဆောင်ချိန်မှာမှ ဖြစ်တဲ့ ဆီးချို အမျိုးအစား တစ်ရပ်ပါ။ မေမေတိုင်းသတိထားဖို့ လိုပါမယ်။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon

အိမ်မှာအင်ဆူလင် ဘယ်လိုထိုးမလဲ။

ဆီးချိုရှိတဲ့အခါ ဆေးသောက်တာအပြင် အင်ဆူလင်ထိုးတာကလည်း ဆီးချိုအတွက် ကုသမှု နည်းလမ်းတစ်ရပ်ပါ။ ဒီလို အင်ဆူလင် ထိုးတာကို အမှန်ကန်ဆုံး ဘယ်လိုထိုးမလဲ။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon

ကိုရိုနာဗိုင်းရပ်စ်များအကြောင်း

ကိုရိုနာဗိုင်းရပ်စ်တွေမှာ မျိုးကွဲအများကြီးရှိပြီး MERS-CoV၊ SARS-CoVနဲ့ SARS-CoV-2က အပြင်းထန်ဆုံး ဖြစ်ပါတယ်။ မားစ်၊ ဆားစ်နဲ့ COVID-19ကို ဖြစ်စေပါတယ်။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Dr. Htet Htet Zaw Win

သင့်အတွက် ရွေးချယ်ထားသည်

ပျင်းလည်းပျင်းတယ်၊ ဝိတ်လည်းကျချင်တယ်ဆိုရင်

ပျင်းလည်းပျင်းတယ်၊ ဝိတ်လည်းကျချင်တယ်ဆိုရင်

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Dr. Thiha Phyo Myint
ရေးသား ထုတ်ဝေခဲ့သည် နိုဝင်ဘာ 27, 2020 . 2 mins read
ပိုမိုကောင်းမွန်တဲ့ ရလဒ်နဲ့အတူ အောင်မြင်မှုလမ်းကြောင်းပေါ်ရောက်ရှိလာတဲ့ အမေရိကန်ရဲ့ ကိုဗစ်ကာကွယ်ဆေး

ပိုမိုကောင်းမွန်တဲ့ ရလဒ်နဲ့အတူ အောင်မြင်မှုလမ်းကြောင်းပေါ်ရောက်ရှိလာတဲ့ အမေရိကန်ရဲ့ ကိုဗစ်ကာကွယ်ဆေး

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon
ရေးသား ထုတ်ဝေခဲ့သည် နိုဝင်ဘာ 26, 2020 . 2 mins read
အစာအိမ်ထွက်ပေါက်ကြွက်သားပြုပြင်ခွဲစိတ်ခြင်း

အစာအိမ်ထွက်ပေါက်ကြွက်သားပြုပြင်ခွဲစိတ်ခြင်း

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Dr.Thant Zin
ရေးသား ထုတ်ဝေခဲ့သည် နိုဝင်ဘာ 24, 2020 . 2 mins read
COVID-19အကြောင်း တစေ့တစောင်း

COVID-19အကြောင်း တစေ့တစောင်း

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon
ရေးသား ထုတ်ဝေခဲ့သည် နိုဝင်ဘာ 23, 2020 . 3 mins read