အခု တစ်ခေါက်မှာတော့ အာရုံကြောအားနည်းခြင်းမဖြစ်အောင် ကာကွယ်နိုင်မယ့်သဘာဝနည်းလမ်း တွေအကြောင်း ပြောပြပေးချင်ပါတယ်။
မှ အချက်အလက် စစ်ဆေးထားပါသည်။ Dr. Kaung Thar
အခု တစ်ခေါက်မှာတော့ အာရုံကြောအားနည်းခြင်းမဖြစ်အောင် ကာကွယ်နိုင်မယ့်သဘာဝနည်းလမ်း တွေအကြောင်း ပြောပြပေးချင်ပါတယ်။
လူ့ခန္ဓါကိုယ်မှာ အာရုံကြောစနစ်က အရေးကြီးဆုံးနဲ့ အရှုပ်ထွေးဆုံးအစိတ်အပိုင်းဖြစ်ပါတယ်။ ခန္ဓါကိုယ်ရဲ့ အတွင်းပိုင်းနဲ့ အပြင်ပိုင်းစေ့ဆော်မှုတွေကို တုံ့ပြန်ပြီး အမျိုးမျိုးသောစိတ်ခံစားမှုတွေနဲ့ လုပ်ဆောင်ချက်တွေဖြစ်လာစေဖို့ အာရုံကြောစနစ်ရဲ့တာဝန်ဖြစ်ပါတယ်။
အသက်ရှူခြင်းကအစ ခန္ဓါကိုယ်လှုပ်ရှားမှုတွေ၊ အစာချေဖျက်မှု၊ စိတ်ခံစားချက်တုံ့ပြန်မှုတွေအထိ ထိန်းချုပ်ပေးတဲ့ လုပ်ဆောင်ချက်လည်းရှိပါတယ်။ ဒါ့ကြောင့် ကျန်းမာပျော်ရွှင်တဲ့ ဘဝအတွက် အာရုံကြောစနစ်အားကောင်းနေဖို့ အရေးကြီးပါတယ်။
အာရုံကြောအားနည်းခြင်းမဖြစ်အောင် ကာကွယ်နိုင်မယ့်သဘာဝနည်းလမ်း တွေကတော့ –
(၁) အကျိုးပြုအစာအာဟာရတွေကို စားပါ
အာရုံကြောစနစ်က ဗီတာမင်နဲ့သတ္ထုဓါတ်အပါအဝင် အကျိုးပြုအစာအာဟာရတွေလိုအပ်ပါတယ်။
(၂) Omega-3 Fatty Acids အိုမီဂါ ၃ အဆီအက်ဆစ်
Omega-3 fatty acids ဟာ အာရုံကြောစနစ်ရဲ့ဖွံ့ဖြိုးမှုနဲ့ လုပ်ဆောင်ချက်အတွက် အရေးပါပါတယ်။ Omega-3 fatty acids ကို လွယ်လွယ်နဲ့ ရရှိနိုင်မယ့်နည်းလမ်းနှစ်ခုရှိပါတယ် –
(၃) အာရုံကြောမကြီးကတဆင့် အာဟာရထောက်ပံ့ပေးခြင်း
ဦးနှောက်၊အာရုံကြောနဲ့ကျောရိုးမကြီး တို့ကို မိုင်ယာလင်(myelin) လို့ခေါ်တဲ့ အဆီအလွှာနဲ့ဖုံးအုပ်ထားပါတယ်။ ဒါ့ကြောင့် မိုင်ယာလင်ချို့ယွင်း ပျက်စီးရင် အာရုံကြောလုပ်ဆောင်ချက်ချို့ယွင်းမှုခံစားရနိုင်ပြီး ကြွက်သားအားနည်း ခြင်း၊ အမြင်အာရုံဝေဝါးခြင်း၊နာတာရှည်နာကျင်ကိုက်ခဲမှုဝေဒနာတွေ ဖြစ်စေနိုင်ပါတယ်။ အာရုံကြောမကြီးကတဆင့် အာရုံကြောစနစ်ကို အာဟာရထောက်ပံ့နိုင်ဖို့ အကျိုးပြုအဆီဓါတ်တွေ၊ ဗီတာမင် D နဲ့ ဗီတာမင် B 12 တို့ကိုလုံလောက်တဲ့ ပမာဏအထိရှိဖို့ လိုအပ်ပါတယ်။ ဒီဓါတ်တွေအားလုံးက အာရုံကြောစနစ် ကျန်းမာရေးအတွက် အာရုံကြောမိုင်ယာလင်အလွှာကို ထိန်းသိမ်းနိုင်ဖို့မရှိမဖြစ်လိုအပ်တဲ့အရာတွေ ဖြစ်ပါတယ်။
(၄) အသက် ဝဝရှူပါ
အသက်ဝအောင် ရှူရှိုက်ခြင်းက လွယ်ကူပေမယ့် စိတ်ဖိစီးမှုကိုလျော့ကျစေပြီး ပြေလျော့စေတဲ့အတွက် အာရုံကြောအားနည်းခြင်းအတွက် ထိရောက်တဲ့နည်းလမ်းတစ်ခု ဖြစ်ပါတယ်။
(၅) ခြေဗလာနဲ့ လမ်းလျှောက်ကြည့်ပါ
မြက်ခင်းပြင်ပေါ်မှာ၊ သဲသောင်ပြင်မှာ စတဲ့ သဘာဝပတ်ဝန်းကျင်တွေမှာ ခြေဗလာနဲ့လမ်းလျှောက်ခြင်းက အာရုံကြောစနစ်အတွက် ကောင်းပါတယ်။ တစ်နေ့ကို နာရီဝက်လောက် ခြေဗလာနဲ့လမ်းလျှောက်ပေးရင် စိတ်လန်းဆန်းစေပြီး အာရုံကြောအတွက်ကောင်းပါတယ်။
၂၀၁၂ ခုနှစ်က သုတေသနတစ်ခုအရ ခြေဗလာနဲ့လမ်းလျှောက်ခြင်းရဲ့ အကျိုးကျေးဇူးတွေက နှလုံးခုန်နှုန်း အပြောင်းအလဲများခြင်း၊ရောင်ရမ်းခြင်း၊သွေးပျစ်ခြင်းတို့မှာရလဒ်ကောင်းစေပြီး အိပ်ပျော်စေ၊ စိတ်ဖိစီးမှုလျော့ကျစေပြီး အာရုံကြောစနစ်ကိုအလိုအလျောက်ထိန်းညှိနိုင်တယ်လို့ ဖော်ပြခဲ့ပါတယ်။
(၆) ယောဂနှင့်တရားထိုင်ခြင်း
အာရုံကြောစနစ်အတွက် သဘာဝနည်းလမ်းအဖြစ် ယောဂနဲ့ တရားထိုင်ခြင်းကိုလည်း အိမ်မှာလုပ်လို့ရပါတယ်။ ယောဂမှာ ကိုယ်နေဟန်ထားလေ့ကျင့်မှု၊ တရားထိုင်ခြင်းနဲ့ အသက်ရှူလေ့ကျင့်ခန်းဆိုတဲ့ အပိုင်းသုံးပိုင်းရှိပြီး ပင်မအာရုံကြောစနစ်ကို ကောင်းမွန်စေဖို့အထောက်အကူပေးပါတယ်။ ယောဂလေ့ကျင့်ခန်းက ကိုယ်ခံအားစနစ်ကိုအကူအညီပေးပြီး cortisol ပမာဏကိုလျော့နည်းစေတဲ့အပြင် ရုပ်ပိုင်းဆိုင်ရာ၊ စိတ်ပိုင်းဆိုင်ရာ ကျန်းမာရေးကို မြှင့်တင်ပေးပါတယ်။
(၇) နေရောင်ခြည်ခံယူခြင်း
ဒါဟာ အိမ်မှာနေရင်းလုပ်ဆောင်ကြည့်လို့ရတဲ့ အလွယ်ဆုံးနည်းတစ်ခုဖြစ်ပါတယ်။ နေရောင်ခြည်ဟာ ခန္ဓါကိုယ်ရဲ့ အလုံးစုံကျန်းမာရေးအတွက် မရှိမဖြစ်လိုအပ်တဲ့ ဗီတာမင် D အဓိကအရင်းအမြစ်ဖြစ်ပြီး အာရုံကြောစနစ် လုပ်ဆောင်ချက်တွေမှာအရေးပါပါတယ်။
(၈) စိတ်ဖိစီးမှုကို ဖြေလျှော့ပါ
စိတ်ဖိစီးမှုဟာ အာရုံကြောစနစ်ယိုယွင်းလာစေတဲ့ အကြောင်းရင်းတွေထဲအပါအဝင်ဖြစ်ပါတယ်။ ဒါ့ကြောင့် အာရုံကြောစနစ်ကောင်းမွန်ရေးအတွက် သင့်ရဲ့စိတ်ဖိစီးမှုတွေကို ကြိုးစားဖြေလျှော့သင့်ပါတယ်။ အောက်ပါနည်းလမ်းတွေကို လုပ်ဆောင်ကြည့်နိုင်ပါတယ်။
(၉) ရေကုထုံး
အပူချိန်အမျိုးမျိုးနဲ့ထားရှိထားတဲ့ရေတွေဟာ အာရုံကြောစနစ်ကိုထိန်းညှိရာမှာ အကျိုးပြုတယ်လို့ လေ့လာမှု တချို့က ဖော်ပြကြပါတယ်။ ကုသနည်းတချို့ကတော့ အောက်ပါအတိုင်းဖြစ်ပါတယ်။
မသက်ဆိုင်ကြောင်း ရှင်းလင်းချက်
Hello Health Group သည် ဆေးပညာအကြံဉာဏ်များ၊ ရောဂါရှာဖွေမှုများနှင့် ကုသမှုများ မပြုလုပ်ပေးပါ။
မှ အချက်အလက် စစ်ဆေးထားပါသည်။
Dr. Kaung Thar
မှတ်ချက်များ
သင့်အတွေးများကို ဝေမျှပါ။
သင့်ကျန်းမာရေးအတွေးများကို Hello Sayarwonနဲ့ ဝေမျှလိုက်ပါ။
ဆက်သွယ်ရန် သို့မဟုတ် ဝင်မည်။ နှင့် ဝင်ရောက်ဆွေးနွေးပါမည်။