backup og meta

သွေးနီဥအားနည်းတယ် ဘာတွေစားရမလဲ


Aye Thi Mon မှ ရေးသားသည်။ · 28/06/2022 တွင် အသစ်ဖြည့်စွက်ခဲ့သည်။

    သွေးနီဥအားနည်းတယ် ဘာတွေစားရမလဲ
    အားနည်းနေသလိုခြေကုန်လက်ပမ်းကျသလိုခံစားနေရပြီလား။ ဒါတွေကသွေးအားနည်းမှုရဲ့ လက္ခဏာတွေဖြစ်နေနိုင်တယ်နော်။ တစ်နေ့တာရဲ့လုပ်ငန်းဆောင်တာတွေကိုကောင်းကောင်းလုပ်ဆောင်နိုင်ဖို့ အားမရှိသလို ခံစားနေရပြီဆိုရင် ခန္ဓါကိုယ်ထဲမှာသွေးနီဥအားနည်းနေတာကြောင့်သွေးအားနည်းရောဂါခံစားနေရတာဖြစ်နိုင်ပါတယ်။ ကိုယ်တွင်းမှာသွေးနီဥအားနည်းလာတဲ့အခါ ခန္ဓါကိုယ် အစိတ်အပိုင်းတွေဆီကိုအောက်ဆီဂျင် ရောက်ရှိနိုင်မှုက ခက်ခဲလာပြီး ပင်ပန်းနွမ်းနယ်မှုကို ပိုမိုခံစားရနိုင်ပါတယ်။

    သွေးနီဥဆဲလ်တွေဆိုတာက

    သွေးနီဥဆဲလ်တွေက လူတွေရဲ့သွေးတွေထဲမှာ အများဆုံးတွေ့ရနိုင်တဲ့သွေးဆဲလ်တွေပါ။ ခန္ဓါကိုယ်က တစ်နေ့တာမှာသွေးနီဥဆဲလ် သန်းပေါင်းများစွာကို ထုတ်လွှတ်ပါတယ်။သွေးနီဥဆဲလ်တွေကို ရိုးတွင်းခြင်ဆီတွေကနေ ထုတ်လုပ်ပေးတာဖြစ်ပြီး ခန္ဓါကိုယ်ထဲမှာ ရက်ပေါင်း ၁၂၀လောက်လှည့်လည် စီးဆင်းပါတယ်။ပြီးတဲ့နောက်မှာတော့ အသည်းဆီကိုရောက်ရှိသွားပြီးနောက်တစ်ကြိမ် အသစ်ဖြစ်ပေါ်မှုလုပ်ငန်းစဉ်ကို ဆက်လက်လုပ်ဆောင်ပါတယ်။

    သွေးနီဥအားနည်းနေရင် ဘယ်လိုလက္ခဏာတွေ တွေ့ရနိုင်လဲ

    ခန္ဓါကိုယ်မှာသွေးနီဥအားနည်းနေတဲ့အခါ
    • နှလုံးခုန်မြန်မယ်
    • နှလုံးခုန်နှုန်း ပုံမှန်မဟုတ်ဘဲဖြစ်မယ်
    • အရေပြားကဖျော့တော့နေမယ်
    • သွားဖုံးတွေဖြူနေမယ်
    • မကြာခဏဆိုသလို အရေပြားမှာ အညိုအမဲစွဲမယ်
    • မကြာခဏခေါင်းကိုက်မယ် စတဲ့
    • ပင်ပန်းနေမယ်
    • ကြွက်သားတွေ အားနည်းလာမယ် စတဲ့လက္ခဏာတွေခံစားရနိုင်ပါတယ်။

    သွေးနီဥအားနည်းစေတဲ့ အကြောင်းအရင်းတွေက ဘာတွေလဲ……..

    ခန္ဓါကိုယ်မှာသွေးနီဥ အားနည်းစေတဲ့အချက်က တစ်ခုမကရှိနေနိုင်ပါတယ်။သွေးနီဥအားနည်း အများစုကသွေးအားနည်းရောဂါကို ခံစားနေကြရတာပါ။

    • သံဓါတ်ချို့တဲ့မှုကြောင့်
    • ဗီတာမင် B12 ချို့တဲ့မှုကြောင့်
    • သွေးဆုံးရှုံးမှုကြောင့်
    • သွေးကင်ဆာခံစားနေရတာ
    • ကင်ဆာရောဂါတစ်ခုခုခံစားနေရတာ
    • ကေျာက်ကပ်ရောဂါခံစားနေရတာ
    • အသည်းရောဂါခံစားနေရတာ
    • သိုင်းရွိုက်ဂလင်းကဟော်မုန်းအလုံအလောက်မထုတ်နိုင်တဲ့ အခြေအနေကို ခံစားနေရတာ
    • အဆုတ်ရောဂါရှိတာ
    • ဆေးလိပ်အလွန်အကျွံသောက်သုံးတာ
    • အပူလောင်ထားတာ
    • ကိုယ်လက်လေ့ကျင့်ခန်းတွေ အလွန်အကျွံလုပ်တာတို့ကြောင့် ကိုယ်တွင်းမှာသွေးနီဥဆဲလ်အရေအတွက် နည်းနေနိုင်ပါတယ်။

    သွေးနီဥအားနည်းသူတိုင်းမေ့ထားလို့မဖြစ်တဲ့ ဗီတာမင် နဲ့ သတ္တုဓါတ်တွေက ဘာတွေဖြစ်မလဲ……….

    သွေးနီဥအားနည်းသူတွေအနေနဲ့နေ့စဉ်စားသုံးမှုမှာ ဒီ ဗီတာမင် နဲ့ သတ္တုဓါတ်တွေကို ပါဝင်အောင်ထည့်သွင်းစားသုံးပေးသင့်ပါတယ်။

    ဘာတွေစားပေးရမလဲ…….

    သွေးနီဥဆဲလ် အားနည်းနေသူတွေအနေနဲ့

    သံဓါတ်ပြည့်ဝစေဖို့အတွက်

    • အနီရောင်အသား (အမဲသား)
    • လိမ္မော်ရောင်အသား (ကျောက်ကပ် နဲ့ အသည်း)
    • အစိမ်းရောင် ဟင်းသိးဟင်းရွက်တွေ ( ဟင်းနုနွယ်၊ ကိုက်လန်)
    • သစ်သီးခြောက်တွေ ( ဇီးသီးခြောက်၊ စပျစ်သီးခြောက်)
    • ပဲအမျိုးမျိုး
    • ကြက်ဥအနှစ် တို့ကို စားပေးသင့်ပါတယ်။

    ဖောလစ်အက်ဆစ်ပြည့်ဝစေဖို့အတွက်

    • ဖောလိတ်ဓါတ် ဖြည့်စွက်ထားတဲ့ပေါင်မုန့်
    • ဖောလိတ်ဓါတ် ဖြည့်စွက်ထားတဲ့ ဆီရီယယ်
    • အစိမ်းရင့်ရောင် ဟင်းသီးဟင်းရွက် ( ဟင်းနုနွယ်၊ ကိုက်လန်)
    • ပဲအမျိုးမျိုး
    • ပဲနီလေး
    • အခွံမာသီးတွေ စားပေးလို့ရပါတယ်။

    ဗီတာမင် B12ပြည့်ဝနေစေဖို့အတွက်

    • အနီရောင်အသား (အမဲသား)
    • ငါး
    • နို့ထွက်ပစ္စည်း (နွားနို့၊ ချိစ်)
    • ဥအမျိုးမျိုး တို့ကို စားပေးလို့ရပါတယ်။

    ကော့ပါးပြည့်ဝနေစေဖို့အတွက်

    • ကြက်သား
    • ပင်လယ်ငါး
    • အသည်း
    • ပဲအမျိုးမျိုး
    • ချယ်ရီသီး
    • အခွံမာသီးတွေစားပေးလို့ရပါတယ်။

    ဗီတာမင် Aပြည့်ဝနေစေဖို့အတွက်

    အစိမ်းရင့်ရောင် ဟင်းသီးဟင်းရွက် ( ဟင်းနုနွယ်၊ ကိုက်လန်)

    • ကန်စွန်းဥ
    • သစ်သီးဖျော်ရည်တွေ
    • မုန်လာဥနီ
    • ငရုတ်ပွ
    • ဖရဲသီး
    • ဂရိတ်ဖရုစ်
    • သခွားမွှေးစတာတွေ စားပေးလို့ရပါတယ်။

    ကိုယ်တွင်းမှာသွေးနီဥဆဲလ်မနည်းစေဖို့ လိုက်နာသင့်တဲ့ အချက်လေးတွေက

    ကိုယ်တွင်းမှာ သွးနီဥဆဲလ်တွေမနည်းစေဖို့ဆိုရင် ဒီအချက်လေးတွေကို သတိထားပေးဖို့လည်း လိုပါမယ်။

    • ဆေးလိပ်လျှော့သောက်ပါ
    • အရက်လျှော့သောက်ပါ
    • အာဟာရပြည့်ဝအောင်စားသုံးပါ
    • ကိုယ်လက်လှုပ်ရှားမှုလုပ်ပေးပါ
    • တောင်တက်ပါ
    • အပြေးလေ့ကျင့်ပါ
    • ရေကူးပါ။

    မသက်ဆိုင်ကြောင်း ရှင်းလင်းချက်

    Hello Health Group သည် ဆေးပညာအကြံဉာဏ်များ၊ ရောဂါရှာဖွေမှုများနှင့် ကုသမှုများ မပြုလုပ်ပေးပါ။


    Aye Thi Mon မှ ရေးသားသည်။ · 28/06/2022 တွင် အသစ်ဖြည့်စွက်ခဲ့သည်။

    advertisement iconadvertisement

    ဤဆောင်းပါးက အကူအညီဖြစ်ပါသလား။

    advertisement iconadvertisement
    advertisement iconadvertisement