သင့်စိုးရိမ်မှုတွေက ဘာတွေလဲ။

close
မတိကျ
နားလည်ရခက်
အခြား

သို့မဟုတ် လင့်ခ်ကူးယူမည်

ask-doctor-icon

ဆရာဝန်အား အခမဲ့မေးမြန်းလိုက်ပါ။

Hello ဆရာဝန်မှာ သင့်အတွေးများကို အသိပေးနိုင်ပါတယ်။

ကိုယ့်အသားအရေအမျိုးအစားအလိုက် အားဖြည့်ပေးမယ့် ကြက်ဥမျက်နှာပေါင်းတင်နည်း

    ကိုယ့်အသားအရေအမျိုးအစားအလိုက် အားဖြည့်ပေးမယ့် ကြက်ဥမျက်နှာပေါင်းတင်နည်း

    အသားအရေကို အားဖြည့်ပေးမယ့် ပေါင်းတင်နည်းတွေမှာ ကြက်ဥက အမြဲလိုလိုပါတတ်ပါတယ်။ အသုံးများတာကတော့ ကြက်ဥအကာပါပဲ။ ကြက်ဥ အကာမှာပါတဲ့ ပရိုတင်းက အသားအရေကို တင်းရင်းစေပြီး အဆီပြန်တာတွေကို စုပ်ယူဖယ်ရှားပေးနိုင်စွမ်းရှိပါတယ်။

    ကြက်ဥအကာ face mask ဘယ်လိုလုပ်မလဲ

    ကြက်ဥနဲ့ပတ်သက်တဲ့ ပေါင်းတင်နည်းတွေ အများကြီးရှိပေမယ့် ကိုယ့်အသားအရေနဲ့မလိုက်တဲ့နည်းကို လုပ်မိရင် ထိရောက်သင့်သလောက်မထိရောက်တော့ပါဘူး။ ဒါ့ကြောင့် အဆီပြန်တဲ့အသားအရေ၊ ခြောက်သွေ့တဲ့အသားအရေနဲ့ ပေါင်းစပ်အသားအရေတို့အတွက် ကြက်ဥပေါင်းတင်နည်းလေးတွေ ဘယ်လိုလုပ်မလဲဆိုတာလေး ပြောပြချင်တာပါ။ နည်းနည်းလေးပဲကွာခြားတာနဲ့တောင် ရလဒ်က သိသာမှာနော်။

    အဆီပြန်တဲ့အသားအရေအတွက်

    ဒီနည်းက အဆီပြန်အသားအရေအတွက်မို့ ဘက်တီးရီးယားပိုးတွေသေစေနိုင်တဲ့ သံပရာရည် ပါဝင်ပါမယ်နော်။

    • ကြက်ဥတစ်လုံးရဲ့အကာနဲ့ သံပရာသီးတစ်ခြမ်းရဲ့အရည်ကို ပန်းကန်လုံးတစ်ခုထဲမှာ ရောပါ။
    • အမြှုပ်ထလာတဲ့အထိ ခေါက်ပါ။
    • မျက်နှာကို ရေနွေးနွေးနဲ့သစ်ပါ။
    • ရောခေါက်ထားတဲ့အနှစ်ကို မျက်နှာမှာ ခပ်ပါးပါးသုတ်လိမ်းပါ။ မျက်လုံးထဲမဝင်အောင်၊ သိပ်မပွတ်မိအောင် ဂရုစိုက်ပါ။
    • ၁၀ မိနစ်လောက်ထားပါ။
    • ရေနွေးနွေးနဲ့ မျက်နှာပြန်သစ်ပါ။

    ဒီနည်းကို တစ်ပတ်သုံးကြိမ် အထိ သုံးနိုင်ပါတယ်။

    ပေါင်းစပ်အသားအရေအတွက်

    ဒီနည်းကတော့ အသားအရေကို တင်းရင်းစေပြီး ချွေးပေါက်တွေထိန်းညှိပေးနိုင်ပါလိမ့်မယ်။

    • ကြက်ဥအကာသီးသန့်ကို နာနာခေါက်ပါ၊ အဖြူရောင်အမြှုပ်တွေဖြစ်လာပြီဆိုမှ သံပရာရည်ဇွန်းသေးတစ်ဇွန်းနဲ့ ပျားရည်တစ်ဇွန်းထည့်မွှေပါ။
    • မျက်နှာကို ရေနွေးနွေးနဲ့သစ်ပါ။
    • ရောခေါက်ထားတဲ့အနှစ်ကို မျက်နှာမှာ ခပ်ပါးပါးသုတ်လိမ်းပါ။
    • ၁၅ မိနစ်ထားပါ။
    • ရေနွေးနွေးနဲ့ မျက်နှာပြန်သစ်ပါ။

    ခြောက်သွေ့အသားအရေအတွက်

    ဒီနည်းကတော့ ခြောက်သွေ့တဲ့အသားအတွက် ရေဓာတ်ဖြည့်တင်းပေးမှာဖြစ်ပါတယ်။

    • ကြက်ဥအကာတစ်လုံးစာနဲ့ စပျစ်သီး ၇ လုံးကို ကြိတ်စက်ထဲထည့်ခြေပါ။
    • မျက်နှာကို ရေနွေးနွေးနဲ့သစ်ပါ။
    • cotton pad သုံးရင်သုံး၊ ဒါမှမဟုတ် လက်နဲ့ပဲလိမ်းလိမ်း အပေါ်ဘက်ကို ပင့်ပြီးသုတ်လိမ်းပါ။
    • ၁၅ မိနစ်ထားပါ။
    • ရေနွေးနွေးနဲ့ မျက်နှာပြန်သစ်ပါ။

    စပျစ်စေ့ရဲ့အဆီကြောင့် အသားအရေကို အားဖြည့်ပေးရာမှာ အကျိုးကျေးဇူးပိုကောင်းစေပါတယ်။

    သတိထားရမှာက ဘယ်နည်းပဲလုပ်လုပ် မျက်နှာသစ်ပြီးတဲ့အခါ moisturizer လိမ်းသင့်ပါတယ်။ မိတ်ကပ်မလိုတဲ့ သဘာဝအလှကို ပိုင်ဆိုင်နိုင်ကြပါစေနော်။

    Hello Health Group သည် ဆေးပညာအကြံဉာဏ်များ၊ ရောဂါရှာဖွေမှုများနှင့် ကုသမှုများ မပြုလုပ်ပေးပါ။

    စာရေးသူ ဓာတ်ပုံbadge
    Yun Sandi Nan Mon မှ ရေးသားသည်။ 10/12/2021 တွင် ပြန်လည်ပြင်ဆင်ခဲ့သည်။
    Dr. Thurein Hlaing Win မှ အချက်အလက် စစ်ဆေးထားပါသည်။
    Next article: