ချင်းက လေပြွန်ကြွက်သားတွေကို ပြေလျော့စေတာကြောင့် လေပြွန်ကျဉ်းတာကို သက်သာစေပါတယ်။ ချင်းကို အစိမ်းအတိုင်းပဲ ဝါးပေးနိုင်သလို၊ ချင်းပြုတ်ရည်လေးကို ပျားရည်လေးထည့်ပြီး ပူပူလေး သောက်ပေးလို့လည်း ရပါတယ်။
ချောင်းဆိုးနေတဲ့အချိန်ဆို သာမန်ထက် ရေများများသောက်ပေးသင့်ပါတယ်။ လည်ချောင်းထဲကို ရှင်းသွားစေတဲ့အပြင် ချောင်းဆိုးရလို့ လည်ပင်းနာတာလည်း သက်သာစေပါတယ်။ ဒါ့ပြင် တစ်ကိုယ်လုံးမှာ ရေဓာတ်ပြည့်ဝနေတဲ့အတွက် ချွဲသလိပ်တွေလည်း ကျဲသွားပါတယ်။ သူ့ဟာသူ ပျော်ကျသွားတဲ့အတွက် အားသုံးပြီး ဟပ်ထုတ်စရာတောင် မလိုတော့ပါဘူး။
နှာခေါင်းပိတ်ရင် ရေနွေးငွေ့ရှူလို့ရသလို ချောင်းဆိုးရင်လည်း ရှူလို့ရပါတယ်။ ရေနွေးငွေ့က အသက်ရှူလမ်းကြောင်းတစ်လျှောက်ကို စိုစွတ်စေလို့ ချောင်းချောက်ဆိုးတာ သက်သာစေပါတယ်။ ဒါ့ပြင် ချွဲတွေကိုလည်း ပျော်စေပါတယ်။ ကြိုက်နှစ်သက်ရင် ရေနွေးထဲကို ပရုတ်ဆီထည့်ပြီး ရှူလို့ရပါတယ်။
တချို့က နှာစေးရာက ချွဲတွေ အသက်ရှူလမ်းကြောင်းထဲရောက်ပြီး ချောင်းဆက်ဆိုးတာပါ။ ဒါကြောင့် နှာရည်တွေကို ရှင်းထုတ်ပစ်မှ နောက်က ချောင်းဆိုးတာ သက်သာမှာပါ။ ဒါကြောင့် နှာခေါင်းကို ရေကြက်သီးနွေးနဲ့ ကျင်းပစ်ပြီး နှာရည်တွေ ထုတ်ပစ်ပါ။
မှတ်ချက်များ
သင့်အတွေးများကို ဝေမျှပါ။
သင့်ကျန်းမာရေးအတွေးများကို Hello Sayarwonနဲ့ ဝေမျှလိုက်ပါ။
ဆက်သွယ်ရန် သို့မဟုတ် ဝင်မည်။ နှင့် ဝင်ရောက်ဆွေးနွေးပါမည်။