ပန်းနာရင်ကြပ်ရှူဆေး Inhaler ရှူတဲ့အချိန် လုပ်မိတတ်တဲ့ အမှားများ ။ ။

ဆေးပညာပိုင်းဆိုင်ရာတည်းဖြတ်သူ | ရေးသားသူ

Update Date မေ 11, 2020 . 2 mins read
Share now

ပန်းနာရင်ကြပ် ရောဂါကို အားလုံးကြားဖူးကြမှာပါ။ အေးတဲ့ ရာသီဥတုမှာ၊ ဓါတ်မတည့်တဲ့ အရာတွေနဲ့ ထိမိတဲ့အခါမှာ၊ လေ့ကျင့်ခန်း ပြင်းပြင်းထန်ထန် လုပ်တဲ့အခါမျိုးတွေမှာ အသက်ရှူရကြပ်ကြပ်လာတာ ပန်းနာရင်ကြပ် သမားတွေရဲ့ အဓိကဝေဒနာတစ်ခုပါ။ ဒါကို သက်သာစေဖို့အတွက် သူတို့သွားလေရာ ဆောင်သွားရတဲ့ ရှူဆေးဘူးလေးတွေရှိပါတယ်။ ဒီနေ့ပြောပြပေးမှာကတော့ ခုမှ ရှူဆေးစရှူမယ့်သူတွေရော၊ ရှူနေတာကြာပြီဖြစ်တဲ့သူတွေရောသိထားသင့်တဲ့ Inhaler ရှူတဲ့အချိန် လုပ်မိတတ်တဲ့ အမှားများအကြောင်းပဲ ဖြစ်ပါတယ်။ မှားတဲ့နည်းတွေနဲ့လုပ်မိရင် ဆေးအာနိသင် ထိရောက်တာ နည်းသွားပါလိမ့်မယ်။

Inhaler ရှူတဲ့အချိန် လုပ်မိတတ်တဲ့ အမှားများ။ ။

( ၁ ) ဆေးဘူးကို လှုပ်ဖို့ မေ့သွားတာ။

ရှူဆေးဘူးကို မလှုပ်ဘဲ တန်းရှူတဲ့သူတွေ အများကြီးပါ။ ဒါဟာမှားနေပါတယ်။ ရှူဆေးထဲမှာပါတဲ့ ပါဝင်ပစ္စည်းတွေ သေချာ ရောအောင်လုပ်မှ ဆေးအာနိသင့်ထိထိရောက်ရောက်ရမှာ ဖြစ်လို့ မရှူခင် ဆေးဘူးကို ၁၅မိနစ်လောက် အမြဲလှုပ်ပေးသင့်ပါတယ်။

( ၂ ) ပြောင်းပြန်ကိုင်မိတာ။

ရှူဆေးဘူးကို အပေါ်အောက် ပြောင်းပြန် ကိုင်မိတာကလည်း လုပ်မိကြတဲ့ အလွဲတွေထဲကတစ်ခုပါ။ မှန်ကန်တဲ့ inhaler ရှူနည်းမှာ ဆေးဘူးကို L ပုံစံအနေအထားနဲ့ ရှူဖို့လိုပါတယ်။ ဂေါက်ပါတဲ့ ဘက်က ပါးစပ်ထဲ ထည့်ရမှာဖြစ်ပြီး အခြားတစ်ဘက်ကိုတော့ အပေါ်ထောင်ထားရမှာပါ။

( ၃ ) ရှူတဲ့နည်းမှားတာ။

ရှူဆေးဘူးကနေဆေးထုတ်တဲ့အချိန်ကို မရှူမိဘဲလိုက်တဲ့အခါ စက်ကထွက်လာတဲ့ ဆေးတွေ အဆုတ်ထဲ သေချာမရောက်တော့ဘဲ ပါးစပ်ထဲကျန်နေခဲ့မှာ ဖြစ်သလို ဆေးမထွတ်လာခင်တည်းက အသက်တစ်ဝကြီးရှူထားလိုက်တဲ့အခါမှာ အဆုတ်ထဲရှူဆေးအတွက်နေရာ မရှိတော့တာမျိုးတွေ ဖြစ်သွားတတ်ပါတယ်။ ဒါမျိုးတွေ မဖြစ်ရလေအောင်inhaler ဆေးဘူးနဲ့ ကိုယ်နဲ့ ကြားထဲမှာ ကြားခံနယ်( spacer) တစ်ခု ထားပြီး ရှူပေးပါ။

( ၄ ) သေသေချာချာ မငုံတာ။

ဆေးဘူးထိပ်ကို ငုံတဲ့အချိန် ပါးစပ်လုံအောင် လုပ်မထားရင် ရှူလိုက်တဲ့ဆေးတွေ ပါးစပ်ကနေ ပြန်ထွက်သွားတတ်ပါတယ်။ ဒါ့ကြောင့် ပါးစပ်ကို လုံအောင်ပိတ်ပြီးမှ ဆေးကို ရှူပါ။

( ၅ ) ကိုယ်အနေအထား သေချာ မပြင်ဆင်တာ။

လျော့ရဲရဲ ထိုင်နေတဲ့အချိန် ပန်းနာသမားတွေရဲ့ အဆုတ်က လေတွေကို သေချာရှူသွင်းလို့မရသလို ရှူထုတ်ဖို့လည်း ခက်ခဲပါတယ်။ ဒီတော့ ဆေးကိုပါ ရှူလို့ရတော့မှာ မဟုတ်ပါဘူး။ ဒါ့ကြောင့် ဆေးရှူတဲ့ အခါမှာ ကိုယ်ခန္ဓါကို မတ်မတ်ထိုင်လိုက်တာ ( ဒါမှမဟုတ် ) မတ်တပ်ရပ်ပြီးမှ ရှူဆေးရှူပါ။

( ၆ ) ရက်စွဲသေချာမမှတ်ထားတာ။

ရှူဆေးဘူးကို ဆေးဖြည့်ပြီး စရှူတဲ့နေ့ကို သေချာမမှတ်မိလိုက်လို့ ဆက်တိုက်ရှူနေတဲ့အခါ ဘူးထဲမှာ ဆေးကုန်သွားပြီး အခြား အရာတွေ ပြည့်နေတာမျိုးဖြစ်တတ်ပါတယ်။ ဒါကို ကာကွယ်ဖို့အတွက် ဘူးထဲမှာ ဆေးဘယ်လောက်ကျန်သေးလဲ မှတ်ထားပေးတဲ့ ဆေးဘူးဝယ်သုံး ( ဒါမှမဟုတ်) ဆေးက ဘယ်လောက်ဆိုဘယ်နှစ်လခံလဲ ဆရာဝန်ကို မေးပြီး စဝယ်ထဲက ရက်စွဲမှတ်တာမျိုး လုပ်သင့်ပါတယ်။

( ၇ ) တစ်ချက်ရှူပြီး နောက်တစ်ချက်ကို အမြန်ရှူတာ။

ရှူဆေးတစ်ချက်ရှူပြီး ခဏနေတာနဲ့ နောက်တစ်ချက်ချက်ချင်း ပြန်ရှူတဲ့အခါ မနှံ့စပ်တဲ့ ဆေးတွေကို ရှူမိလိုက်သလိုဖြစ်သွားပါလိမ့်မယ်။ ဆေးရှူတဲ့ တစ်ချက်နဲ့ တစ်ချက်ကြားထဲ အနည်းဆုံး ၁ မိနစ်လောက် ခြားပြီးမှ ရှူပါ။

( ၈ ) ဆေးရည်အရင်မဖြန်းမိတာ။

ဆေးဘူးအသစ်၊ ဒါမှမဟုတ် မသုံးတာကြာတဲ့ဆေးဘူး ၊ ပြုတ်ကျသွားတဲ့ဆေးဘူးတွေကို သုံးတော့မယ်ဆိုရင် ဆေးဘူးထဲက ဆေးရည်ကို အရင်လေထဲ ဖြန်းလိုက်ပါ။ ဒါမှ ဆေးဘူးထဲမှာရှိနေတဲ့ အမှုန်အမွှားတွေ ဆေးရည်နဲ့အတူအပြင်အရင်ထွက်သွားပါလိမ့်မယ်။ ပြီးမှ ရှူဆေးကို ပုံမှန်အတိုင် းလှုပ်ပြီးရှူပါ။

( ၉ ) ဆေးရှူပြီးတာနဲ့ အသက်ကို ချက်ချင်းရှူထုတ်တာ။

ဆေးရှူပြီးပြီဆိုတာနဲ့ အသက်ချက်ချင်း ပြန်ရှူထုတ်လိုက်တဲ့အခါ ဆေးတစ်ချို့တစ်ဝက် ရှူထုတ်လိုက်တဲ့ လေထဲ ပြန်ပါသွားပြီး အဆုတ်ထဲ ရောက်သင့်သလောက် မရောက်တော့ပါဘူး။ ဒါ့ကြောင့် ရှူဆေးရှူပြီးတာနဲ့ ဆေးကို ရှိုက်သွင်းပြီး အသက်ကို ၁၀ စက္ကန့်လောက်အောင့်ထားပါ။

( ၁၀ ) ဆေးဘူးကို သန့်ရှင်းရေးလုပ်ဖို့မေ့တာ။

ဆေးဘူးကို ရှူသာရှူနေတယ်။ သန့်ရှင်းရေးသေချာမလုပ်ရင် ကပ်နေတဲ့ ဖုန်တွေ ဝင်သွားတတ်လို့ ပိုပြီးရင်ကြပ်သွားနိုင်ပါတယ်။ ဒါ့ကြောင့် မသုံးခင် ဆေးဘူးထဲ ဖုန်ရှိမရှိသေချာစစ်ဖို့လိုသလို သုံးပြီးရင်လည်း အဖုံးပြန်ဖုံခဲ့ဖို့လိုပါတယ်။

( ၁၁) inhaler ရှူဆေးဘူးတွေကို ကွဲကွဲပြားပြားမသိတာ။

နေ့တိုင်း သုံးရတဲ့ ရှူဆေးဘူးတွေရှိသလို၊ လိုမှ တစ်ခါတစ်ခါ ထုတ်ရှူရတဲ့ ရှူဆေးဘူးတွေလည်း ရှိပါတယ်။ သုံးရတဲ့အချိန်ကွဲပြားသလို ပါဝင်တဲ့ဆေးတွေနဲ့ ရှူရတဲ့ပုံတွေကလည်းကွဲပြားနိုင်ပါတယ်။ ဒါ့ကြောင့် ဘယ်လိုပုံစံ inhaler ကို ကိုယ်လိုချင်တာလဲ၊ လိုချင်တဲ့ inhaler ရအောင် ဘယ်အချက်တွေကြည့်ပြီး ဝယ်ရမလဲဆိုတာ ဆရာဝန်နဲ့ ဆေးဆိုင်က သူတွေကို သေချာမေးခဲ့ပါ။

Hello Health Group သည် ဆေးပညာဆိုင်ရာ အကြံပေးချက်များ၊ ရောဂါရှာဖွေခြင်းနှင့် ကုသခြင်းများ မပြုလုပ်ပါ။

Hello Health Group သည် ဆေးပညာအကြံဉာဏ်များ၊ ရောဂါရှာဖွေမှုများနှင့် ကုသမှုများ မပြုလုပ်ပေးပါ။

ဒီဆောင်းပါးက သင့်အတွက် အသုံးဝင်ပါသလား။
happy unhappy

သင်ဒါလည်း နှစ်သက်နိုင်ပါတယ်။

ပန်းနာရင်ကြပ် ရောဂါရှိမှန်း ဘယ်လိုသိနိုင်မလဲ။

ပန်းနာရင်ကြပ် ရောဂါရှာဖွေဖို့အတွက် ရောဂါရာဇဝင် မေးမြန်းတာ၊ လူနာကို စမ်းသပ်တာ၊ လိုအပ်တဲ့ ဆေးစစ်ချက်တွေ လုပ်ဖို့ လိုပါတယ်။ ဒါမှ ရောဂါကို ကုသလို့ရမှာပါ။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Dr. Htet Htet Zaw Win

ဓာတ်မတည့်ခြင်း

ဓာတ်မတည့်ခြင်းဆိုတာ ပုံမှန်အားဖြင့် အန္တရာယ် မရှိတဲ့အရာတွေကို ကိုယ်ခံအားက ပုံမှန် မဟုတ်ဘဲ တုံ့ပြန်တဲ့ အခြေအနေပါ။ ဒါကိုဓာတ်မတည့်ခြင်း (ALLERGY) လို့ခေါ်တာပါ။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon

ပန်းနာရင်ကြပ်ရောဂါ ပြင်းထန်မှုအလိုက် လက္ခဏာများ

ပန်းနာရင်ကြပ် လက္ခဏာတွေက ပြင်းထန်ပုံအလိုက် ကွာခြားပါတယ်။ အရေးပေါ်လက္ခဏာတွေကို သိထားသင့်ပြီး ရှူဆေးနဲ့ မသက်သာရင် ဆေးရုံသွားသင့်ပါတယ်။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Dr. Htet Htet Zaw Win

အက်စပရင်ကြောင့် ပန်းနာရင်ကြပ် ထတတ်သလား။

အက်စပရင်ကြောင့် ပန်းနာရင်ကြပ် ဖောက်တဲ့သူတွေမှာ နဂိုရင်ကြပ်အခံရှိပါတယ်။ နှာခေါင်းအသားပိုရှိပါတယ်။ အက်စပရင်သောက်လိုက်ရင် ပိုဆိုးပါတယ်။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Dr. Htet Htet Zaw Win

သင့်အတွက် ရွေးချယ်ထားသည်

Pepper Spray နဲ့ ဖြန်းမိတဲ့အခါ

Pepper Spray နဲ့ ဖြန်းခံထိတဲ့အခါ

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon
ရေးသား ထုတ်ဝေခဲ့သည် ဖေ‌ဖော်ဝါရီ 10, 2021 . 2 mins read
ဘေဘီလေး နဲ့ ကြက်သွန်နီ

ဘေဘီလေးက ကြက်သွန်နီ (Onions) စားလို့ရရဲ့လား

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon
ရေးသား ထုတ်ဝေခဲ့သည် ဇန်နဝါရီ 20, 2021 . 2 mins read
ညဘက် ပန်ကာဖွင့်ပြီး အိပ်မယ်ဆိုရင်

ညဘက် ပန်ကာဖွင့်ပြီး အိပ်မယ်ဆိုရင်

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Dr. Htet Htet Zaw Win
ရေးသား ထုတ်ဝေခဲ့သည် နိုဝင်ဘာ 24, 2020 . 2 mins read
ရာသီဥတုကြောင့်ဖြစ်တဲ့ ဓာတ်မတည့်မှု သက်သာစေဖို့ ဘာတွေစားမလဲ။

ရာသီဥတုကြောင့်ဖြစ်တဲ့ဓာတ်မတည့်မှု သက်သာစေဖို့ ဘာတွေစားမလဲ။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon
ရေးသား ထုတ်ဝေခဲ့သည် နိုဝင်ဘာ 11, 2020 . 1 min read