မီးတွင်းစိတ်ကျရောဂါ ဆိုတာ ကလေးမွေးပြီးချိန်မှာ ရလာနိုင်တဲ့ စိတ်ကျရောဂါ အမျိုးအစားဖြစ်ပါတယ်။ ကလေးမွေးပြီး တစ်နှစ်အထိဖြစ်နိုင်ပြီး မွေးပြီးပြီးချင်း သုံးပတ်အတွင်းမှာ စဖြစ်တာကတော့ အဖြစ်အများဆုံး ဖြစ်ပါတယ်။
မှ အချက်အလက် စစ်ဆေးထားပါသည်။ Dr. Phyo Wai Lynn
မီးတွင်းစိတ်ကျရောဂါ ဆိုတာ ကလေးမွေးပြီးချိန်မှာ ရလာနိုင်တဲ့ စိတ်ကျရောဂါ အမျိုးအစားဖြစ်ပါတယ်။ ကလေးမွေးပြီး တစ်နှစ်အထိဖြစ်နိုင်ပြီး မွေးပြီးပြီးချင်း သုံးပတ်အတွင်းမှာ စဖြစ်တာကတော့ အဖြစ်အများဆုံး ဖြစ်ပါတယ်။
ဒီလိုမျိုးဖြစ်ပြီဆိုရင် ကလေးနဲ့ပတ်သက်ပြီး ကောင်းကောင်းစောင့်ရှောက်မှု မပေးနိုင်ဘူးလို့ ခံစားရတာကြောင့် ဝမ်းနည်းတာ၊ မျှော့်လင့်ချက်မဲ့သွားတာနဲ့ အပြစ်မကင်းသလိုခံစားရတာတွေ ဖြစ်နိုင်ပါတယ်။
သားဦးမိခင်တွေမှာတင် မကပါဘူး။ နောက်ထပ်ကလေးတွေ မွေးတဲ့အချိန်မှာတောင် ဖြစ်နိုင်ပါတယ်။
CDCအဆိုအရ တစ်နှစ်မှာ ကလေးမွေးထားတဲ့ အမျိုးသမီး ၁၁ကနေ ၂၀ရာခိုင်နှုန်းက မီးဖွားအပြီး စိတ်ကျရောဂါရဲ့ လက္ခဏာတွေကို ခံစားနေရပါတယ်။ တီဘီ၊ သွေးကင်ဆာ၊ အရေပြားရောဂါ၊ Sclerosis၊ ပါကင်ဆန်ရောဂါ၊ အယ်ဇိုင်းမားရောဂါ၊ Lupusရောဂါနဲ့ အတက်ရောဂါ ယောက်ျားမိန်းမနှစ်ဦိးပေါင်းဖြစ်နှုန်းထက်တောင် မီးဖွားပြီးချိန် စိတ်ကျရောဂါ ခံစားနေရသူ အမျိုးသမီးဦးရေက ပိုများပါတယ်။
ကိုယ်ဝန်ဆောင်ချိန်အတွင်းနဲ့ ကိုယ်ဝန်မဆောင်ရသေးခင်မှာဖြစ်တဲ့ စိတ်ကျရောဂါရဲ့ရောဂါလက္ခဏာတွေနဲ့ အတူတူပဲဖြစ်ပါတယ်။ အောက်ပါလက္ခဏာများထဲက ငါးခု ဒါမှမဟုတ် ငါးခုထက်ပိုတဲ့လက္ခဏာတွေကို နေ့စဉ်နီးပါး၊ တစ်နေ့လုံးနီးပါး ၊ အနည်းဆုံး နှစ်ပတ်ဆက်တိုက်နီးပါး ခံစားနေရမယ်ဆိုရင် မီးတွင်း စိတ်ကျရောဂါ ရှိနေနိုင်ပါတယ်။
စိတ်ကျရောဂါ ဖြစ်နေပြီလို့ ယူဆနိုင်တဲ့ အခြားလက္ခဏာတွေကတော့-
မီးဖွားပြီးချိန် စိတ်ကျရောဂါ ခံစားနေရတဲ့ အမျိုးသမီးအချို့မှာ ထင်ယောင်ထင်မှားဖြစ်ခြင်းတွေ ခံစားရနိုင်ပြီး ကလေးကို အန္တရာယ်ပြုနိုင်ပါတယ်။ တွေ့ရတော့နည်းပါတယ်။
သင့်ကိုယ်သင် ဒါမှမဟုတ် သင့်ကလေးကို နာကျင်စေလိုတဲ့ အတွေးတွေ ရှိခဲ့မယ်ဆိုရင် ဒါက အရေးပေါ်ကျန်းမာရေးပြဿနာတစ်ခုဖြစ်ပါတယ်။ ကျန်းမာရေးစောင့်ရှောက်သူနဲ့ ချက်ချင်းဆက်သွယ်သင့်ပါတယ်။
ကလေးမွေးဖွားပြီးချိန်မှာ စိတ်ကျရောဂါ ခံစားနေရမယ်ဆိုရင် ဒါကိုဝန်ခံဖို့ ရှက်နေပါလိမ့်မယ်။ မီးဖွားပြီးချိန် စိတ်ဓာတ်ကျခြင်း ရောဂါလက္ခဏာတွေကို ခံစားနေရမယ်ဆိုရင် ဆရာဝန်နဲ့ ချက်ချင်းတိုင်ပင်ဆွေးနွေးသင့်ပါတယ် ။ ကလေးမီးဖွားအပြီး စိတ်လွတ်သွားမယ်ဆိုရင် ချက်ချင်းပြသသင့်ပါတယ်။
အောက်ပါအချက်တွေထဲက တစ်ခုခုရှိနေမယ်ဆိုရင်လည်း ဆရာဝန်နဲ့ မြန်နိုင်သမျှမြန်မြန် ဆက်သွယ်သင့်ပါတယ်။
မီးတွင်း စိတ်ကျရောဂါ က အကြောင်းရင်းတစ်ခုတည်းကြောင့် ဖြစ်တာမဟုတ်ပါဘူး။ ရုပ်ပိုင်းဆိုင်ရာ၊ စိတ်ပိုင်းဆိုင်ရာ ပြဿနာတွေက အဓိကကျပါတယ်။
ရုပ်ပိုင်းဆိုင်ရာ ပြောင်းလဲမှုများ- ကလေးမွေးပြီးချိန်မှာ သင့်ခန္ဓာကိုယ်မှာ အီစထရိုဂျင်နဲ့ ပရိုဂျက်စတုန်းဟော်မုန်းတွေ ချက်ချင်းကြီးကျသွားခြင်းက မီးဖွားပြီးချိန် စိတ်ကျရောဂါ ကို ဖြစ်စေနိုင်ပါတယ်။ သိုင်းရွိုက်ဂလင်းကထုတ်တဲ့ ဟော်မုန်းတွေကလည်း ရုတ်တရက်ကျသွားတာကြောင့် မောပန်းနွမ်းနယ်တာနဲ့ စိတ်ဓာတ်ကျတာတွေ ဖြစ်နိုင်ပါတယ်။
စိတ်ပိုင်းဆိုင်ရာ ပြဿနာများ – သင်ကောင်းကောင်းအိပ်မပျော်တဲ့အခါ သို့မဟုတ် အလွန်အမင်းအိပ်တာတွေက အသေးအမွှား ပြဿနာတွေကိုတောင် စိတ်ဆတ်ပြီး ကိုင်တွယ်နိုင်ဖို့ ခက်ခဲစေပါတယ်။ သင့်မွေးကင်းစကလေးကို စောင့်ရှောက်မှုပေးနိုင်၊ မပေးနိုင်နဲ့ ပတ်သက်ပြီးလည်း စိတ်ပူပန်တွေ ဖြစ်လာနိုင်ပါတယ်။ သင့်ကိုယ်သင် ထိန်းချုပ်ဖို့ ခက်ခဲလာပါလိမ့်မယ်။
ရောဂါဘယ်လောက် ပြင်းထန်သလဲဆိုတာကို သိရှိနိုင်ဖို့ ဆရာဝန်က သင့်ခံစားချက်တွေ၊ အတွေးတွေနဲ့ စိတ်ကျန်းမာရေးအခြေအေနေတွေကို မေးမြန်းပါလိမ့်မယ်။ ဒါဟာ ရှက်စရာ မဟုတ်ပါဘူး။ သင့်ကို တိကျတဲ့ ကုသမှုပေးနိုင်ဖို့ ခံစားရတဲ့ ဝေဒနာကို သေချာပြောပြဖို့ လိုပါတယ်။
ကုသမှုက ကိုယ်ဝန်မဆောင်ခင်နဲ့ ကိုယ်ဝန်ဆောင်စဉ်အတွင်း စိတ်ကျရောဂါ ကုသမှုနဲ့ အလားတူဖြစ်ပါတယ်။ လက္ခဏာတွေက မပြင်းထန်ဘူးဆိုရင် လိုအပ်တာတွေ စမ်းသပ်စစ်ဆေးပြီး သင့်အခြေအနေကို ပုံမှန်စောင့်ကြည့်ပါလိမ့်မယ်။ လက္ခဏာတွေက ဆိုးရွားပြင်းထန်နေပြီဆိုရင်တော့ ဆရာဝန်က နှစ်သိမ့်ဆွေးနွေးကုထုံးတွေ၊ ဆေးဝါးတွေ ပေးနိုင်ပါတယ်။
စိတ်ဝေဒနာအတွက် ကုထုံးဖြစ်ပြီး ပညာရှင်နဲ့ တစ်ယောက်ချင်း ဆွေးနွေးတာဒါမှမဟုတ် အလားတူခံစားနေရတဲ့ အခြားအမျိုးသမီးတွေနဲ့ အုပ်စုလိုက်ဆွေးနွေးတာမျိုး ဖြစ်ပါတယ်။ မိသားစုကုထုံး သို့ အိမ်ထောင်ဖက်ကုထုံးမှာဆိုရင် ဆရာဝန်က သင်ရယ်၊ သင့်အိမ်ထောင်ဖက် သို့ သင့်ဆွေမျိုးသားချင်းတွေနဲ့ ဆွေးနွေးပါလိမ့်ယ်။
စိတ်ကျရောဂါဆေးတွေက စိတ်ခံစားချက်တွေကို ထိန်းညှိပေးတဲ့ ဦးနှောက်ထဲက ဓာတ်ပစ္စည်းတွေကို ညီမျှစေပါတယ်။ အများစုက ဆေးသောက်ပြီး သုံးပတ်လေးပတ်အကြာမှာ စပြီး နေကောင်းနိုင်ပါတယ်။
ဒီဆေးတွေကြောင့် ဘေးထွက်ဆိုးကျိုးအနည်းငယ် ခံစားရနိုင်ပြီး အများစုက အချိန်တိုအတွင်း သက်သာပျောက်ကင်းသွားနိုင်ပါတယ်။ ဆေးတွေရဲ့ဘေးထွက်ဆိုးကျိုးက သင့်နေ့စဉ်ဘဝကို ထိခိုက်လာနိုင်မယ်ဆိုရင် သို့ စိတ်ဓာတ်ကျခြင်းက ပိုဆိုးလာမယ်ဆိုရင် ဆရာဝန်ကို ချက်ချင်းအသိပေးသင့်ပါတယ်။
ဆွေးနွေးခြင်းကုထုံးတွေ၊ စိတ်ကျရောဂါကုဆေးတွေကို မတုံ့ပြန်နိုင်လောက်အောင် အခြေအနေဆိုးရွားတာမျိုးတွေလည်း ရှိနိုင်ပါတယ်။ ဒီအခါမှာ အီးစီတီကုထုံးလိုပါတယ်။ ဒီကုသမှုမှာ လူနာကို မေ့ဆေးပေးထားပြီး လျှပ်စစ်စီးကြောင်းပမာဏနည်းနည်းကို ဦးနှောက်ကို ဖြတ်စီးစေပါတယ်။ လျှပ်စစ်လှုံ့ဆော်မှုက စိတ်ဓာတ်ကျခြင်းကို သက်သာစေတဲ့ ဦးနှောက်အတွင်း ဓာတ်ပစ္စည်းပြောင်းလဲမှုတွေကို ဖြစ်စေပါတယ်။
သင့်ကလေးနဲ့ လမ်းလျှောက်ထွက်ခြင်း၊ ကိုယ်လက်လှုပ်ရှားမှု ပြုလုပ်ခြင်းကို နေ့စဉ်ပြုလုပ်သင့်ပါတယ်။ လုံလုံလောက်လောက် အနားယူဖို့လည်း ကြိုးစားသင့်ပါတယ်။ ကျန်းမာရေးနဲ့ ညီညွှတ်အောင်စားပါ။ အရက်ရှောင်ပါ။
သင့်ကိုယ်သင် အားလုံးကို လုပ်ဖို့ ဖိအားမပေးပါနဲ့။ ပြည့်စုံတဲ့ အိမ်ထောင်မှုဘဝအတွက် သင့်ရဲ့ မျှော်မှန်းထားတာတွေကို ပြန်လျှော့သင့်ပါတယ်။ သင်တတ်နိုင်သလောက်လုပ်ပြီး ကျန်တာတွေကို ထားလိုက်ပါ။
သိပ်ပင်ပန်းလာတဲ့အခါမျိုးမှာ သင့်ကိုယ်သင်အတွက် အချိန်ပေးပါ။ ဝတ်စားပြင်ဆင်ပြီး သူငယ်ချင်းနဲ့ လည်ပတ်တာတွေ၊ ခရီးတို သွားတာတွေ ပြုလုပ်ပါ။ ဒါမှမဟုတ်သင့် အမျိုးသားနဲ့ သီးသန့်အချိန်ပေးပါ။
သင့်ကြင်ဖော်၊ မိသားစု၊ မိတ်ဆွေသူငယ်ချင်းတွေနဲ့ သင့်ခံစားချက်ကို ဝေမျှပါ။ တခြားအမေတွေကို သူတို့ရဲ့အတွေ့အကြုံတွေနဲ့ ပတ်သက်ပြီး မေးမြန်းပါ။
သင့်အနားမှာရှိတဲ့လူတွေကို ဖွင့်ပြောပြပြီး အကူအညီလိုနေတာကို အသိပေးပါ။ ကလေးထိန်းပေးဖို့ ပြောဆိုလာတာအခါမှာ သင်အနားရနိုင်တာကြောင့် သင့်ကလေးကို ပေးထိန်းလိုက်ပါ။ အဲ့ဒီအချိန်မှာ သင်အိပ်တာမျိုး ၊ မှေးတာမျိုး၊ ရုပ်ရှင်ကြည့်တာမျိုး၊ သူငယ်ချင်းတွေနဲ့ကော်ဖီသောက်တာမျိုး ပြုလုပ်နိုင်ပါတယ်။
မသက်ဆိုင်ကြောင်း ရှင်းလင်းချက်
Hello Health Group သည် ဆေးပညာအကြံဉာဏ်များ၊ ရောဂါရှာဖွေမှုများနှင့် ကုသမှုများ မပြုလုပ်ပေးပါ။
ဆက်စပ် အကြောင်းအရာများ
မှ အချက်အလက် စစ်ဆေးထားပါသည်။
Dr. Phyo Wai Lynn
မှတ်ချက်များ
သင့်အတွေးများကို ဝေမျှပါ။
သင့်ကျန်းမာရေးအတွေးများကို Hello Sayarwonနဲ့ ဝေမျှလိုက်ပါ။
ဆက်သွယ်ရန် သို့မဟုတ် ဝင်မည်။ နှင့် ဝင်ရောက်ဆွေးနွေးပါမည်။