အန္တရာယ်ရှိသော စိတ်ကြွစိတ်ကျဝေဒနာ

ဆေးပညာပိုင်းဆိုင်ရာတည်းဖြတ်သူ | ရေးသားသူ

Update Date ဩဂုတ် 1, 2020 . 2 mins read
Share now

စိတ်ကြွစိတ်ကျရောဂါဆိုတာ စိတ်အခြေအနေဟာ အနိမ့်ဆုံးကနေ အမြင့်ဆုံး၊ ဒါမှမဟုတ် အမြင့်ဆုံးကနေ အနိမ့်ဆုံးဆီ အတက်အကျဖြစ်တတ်တဲ့ စိတ်အခြေအနေပဲ ဖြစ်ပါတယ်။ စိတ်အခြေအနေဟာ အဆုံးစွန်ထိ တက်ခြင်းကျခြင်း ဖြစ်တတ်ပါတယ်။ တခါတရံမှာ ပီတိဖြစ်ဘဝင်ခိုက်ခြင်းနဲ့ စိတ်ကျခြင်းပါ တချိန်တည်းလျောထွေး ဖြစ်နေတတ်ပါတယ်။

စိတ်ကြွစိတ်ကျခြင်းလက္ခဏာတွေဟာ ဆယ်ကျော်သက်အရွယ် ကုန်ခါနီးနဲ့ အရွယ်ရောက်ခါစမှာ ပေါ်လာတတ်ပါတယ်။ တခါတလေ ကလေးဘဝမှာလည်း တွေ့နိုင်ပါတယ်။ အမျိုးသမီးတွေမှာ တွေ့ရများပါတယ်။ အကြောင်းအရင်းကိုတော့ သေချာမသိရသေးပါဘူး။

စိတ်ကြွစိတ်ကျခြင်းရဲ့ လက္ခဏာတွေက ဘာတွေလဲ

အမျိုးမျိုးရှိနိုင်ပါတယ်။ ယေဘုယျအားဖြင့် စိတ်ကြွခြင်းနဲ့ စိတ်ကျခြင်းရဲ့ လက္ခဏာတွေ တွေ့ရပါတယ်။

စိတ်ကြွခြင်းလက္ခဏာများ

စိတ်ကြွခြင်းအခြေအနေမှာ လက္ခဏာမျိုးစုံ ကြုံတွေ့ရပါတယ်။ ဒါပေမယ့် အဓိကကျတဲ့ လက္ခဏာ ၇ ရပ်ကတော့ အောက်ပါအတိုင်း ဖြစ်ပါတယ်။

– သိသိသာသာ ပျော်ရွှင်တက်ကြွနေခြင်း

အိပ်စက်ချိန်သိပ်မလိုခြင်း၊ မအိပ်ချင်ခြင်း

– စကားပြောမြန်ခြင်း၊ အတွေးပါမြန်ခြင်း

– ဆောက်တည်ရာမရခြင်း၊ ဂနာမငြိမ်ခြင်း

– လမ်းကြောင်းပြောင်းလွယ်ခြင်း

– မိမိကိုယ်ကို ယုံကြည်မှုလွန်ကဲခြင်း

– အန္တရာယ်များသော အမူအကျင့်များ ပေါ်လာခြင်း (ဥပမာ လောင်းကစားတွင် အလွန်အကျွံပုံအောခြင်း)

စိတ်ကျခြင်းလက္ခဏာများ

စိတ်ကျခြင်းလက္ခဏာလည်း အများအပြားရှိပါတယ်။ အဓိကလက္ခဏာ ၇ မျိုးကတော့ အောက်ပါအတိုင်း ဖြစ်ပါတယ်။

– အချိန်အတော်ကြာကြာ ဝမ်းနည်းပူဆွေးခြင်း၊ မျှော်လင့်ချက်မဲ့ခြင်း

– မိတ်ဆွေများ၊ မိသားစုဝင်များနှင့် ကင်းကွာလာခြင်း

– တစ်ချိန်ကပျော်ရွှင်ခဲ့သည့် အရာများကို စိတ်မဝင်စားတော့ခြင်း

– သိသိသာသာအစားပျက်ခြင်း

– ဆိုးဆိုးရွားရွား ပင်ပန်းနွမ်းနယ်ခြင်း၊ အားအင်ကုန်ခမ်းခြင်း

– မှတ်ဉာဏ်၊ အာရုံစူးစိုက်မှု၊ ဆုံးဖြတ်ချက်ချမှု စသည်တို့တွင် အခက်အခဲဖြစ်ခြင်း

– သေခြင်းတရားကို တွေးလာခြင်း၊ မိမိကိုယ်ကိုသတ်သေရန် အားထုတ်ခြင်း

နောက်ဆက်တွဲပြဿနာများ

စိတ်ကြွစိတ်ကျရောဂါကို ဂရုမစိုက်ဘဲ လျစ်လျူရှုထားရင် အချိန်ကြာလာတာနဲ့အမျှ ပိုမိုဆိုးရွားလာနိုင်ပါတယ်။ ရောဂါရှာဖွေ အတည်ပြုဖို့နဲ့ ကုသဖို့ နောက်ကျတဲ့အခါ လူမှုရေး၊ စီးပွားရေးပြဿနာများ ဖြစ်ပေါ်လာတာနဲ့အမျှ ရောဂါဆိုးရွားလာပြီး ပတ်ဝန်းကျင်နဲ့ပါ အဆင်မပြေနိုင်တော့ပါဘူး။

စိတ်ကြွစိတ်ကျအခြေအနေဆိုးလာရင် လုပ်ငန်းခွင် မဝင်နိုင်တော့ပါဘူး။ လုပ်ဖော်ကိုင်ဖက်တွေနဲ့ သဟဇာမဖြစ်တော့ဘဲ ရုံးခန်းထဲမှာ အထီးကျန်လာနိုင်ပါတယ်။ အလုပ်လက်မဲ့ဖြစ်ခြင်း၊ မိသားစုတွင်းဆက်ဆံရေးအဆင်မပြေခြင်း၊ ကွာရှင်းခြင်း၊ တရားရင်ဆိုင်ရခြင်း စသဖြင့် ပြဿနာမျိုးစုံ ရှိလာနိုင်ပါတယ်။

နောက်အန္တရာယ်တခုကတော့ အရက် ဒါမှမဟုတ် မူးယစ်ဆေးဝါးသုံးစွဲခြင်း ဖြစ်ပါတယ်။ စိတ်ကျန်းမာရေး အခြေအနေသာမကဘဲ အရက်နဲ့ မူးယစ်ဆေးဝါးကြောင့် ရုပ်ပိုင်းဆိုင်ရာ ကျန်းမာရေးအခြေအနေကိုပါ ထိခိုက်လာနိုင်ပါတယ်။

အဆိုးဆုံးကတော့ မိမိကိုယ်ကို သေကြောင်းကြံစည်လိုစိတ်တွေ ပေါ်လာတာပါပဲ။ စိတ်ကြွစိတ်ကျဝေဒနာ ခံစားနေရသူတွေရဲ့ ၃၀ ရာခိုင်နှုန်းဟာ သေကြောင်းကြံစည်ကြတယ်လို့ စစ်တမ်းတခုမှာ ဖော်ပြထားပါတယ်။

မိမိကိုယ်တိုင်ဖြစ်စေ၊ မိမိပတ်ဝန်းကျင်က မိသားစုဝင်ဖြစ်စေ၊ မိတ်ဆွေအပေါင်းအသင်းဖြစ်စေ စိတ်ကြွစိတ်ကျ လက္ခဏာတွေ ရှိနေတယ်လို့ သံသယရှိရင် ဆရာဝန်နဲ့ တိုင်ပင်ဆွေးနွေးသင့်ပါတယ်။ နားလည်တတ်ကျွမ်းသူများနဲ့ ရောဂါရှာဖွေကုသမှသာ ရောဂါဝေဒနာသက်သာပြီး စိတ်ကျန်းမာရေး ကောင်းမွန်မှာဖြစ်ပါတယ်။

Hello Health Group သည် ဆေးပညာအကြံဉာဏ်များ၊ ရောဂါရှာဖွေမှုများနှင့် ကုသမှုများ မပြုလုပ်ပေးပါ။

Read also:

ဒီဆောင်းပါးက သင့်အတွက် အသုံးဝင်ပါသလား။
happy unhappy"

သင်ဒါလည်း နှစ်သက်နိုင်ပါတယ်။

စိတ်ပိုင်းဆိုင်ရာ ကျန်းမာစေခြင်း။ ။ အတွင်းရော၊ အပြင်ပါ အစွမ်းကုန် လှပနေတဲ့ ဥယျာဉ်အဖြစ် ပျိုးထောင်ခြင်း

ကျွန်တော်တို့ရဲ့ ဘဝတွေဟာ စိတ်တွေပေါ် အများကြီး မူတည်နေတာပါ။ ပျော်ရွှင်မှုနဲ့ ရုပ်ပိုင်းဆိုင်ရာ ကျန်းမာရေးတို့ ဆက်စပ်နေတာကတော့ ပြောစရာမလိုလောက်အောင်ပါပဲ။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Dr. Thurein Hlaing Win

နှလုံးခုန်စည်းချက်မမှန်ခြင်းအကြောင်း

နှလုံးခုန်တယ်ဆိုတာ နှလုံးရဲ့ကြွက်သားတွေ ကျုံ့လိုက်ဆန့်လိုက်ပြုလုပ်နေတဲ့ လှုပ်ရှားမှုပါပဲ။ ဒီလှုပ်ရှားမှု (နှလုံးခုန်ခြင်း) ဟာ သူ့စည်းချက်နဲ့သူ ရှိပါတယ်။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Dr.Thant Zin

သွေးတိုးကြောင့်ဖြစ်သော နှလုံးရောဂါ (Hypertensive Heart Disease)

သွေးတိုးကြောင့်ဖြစ်တဲ့ နှလုံးရောဂါဆိုတာ သွေးပေါင်ချိန်မြင့်ပြီး နှလုံးကိုထိခိုက်စေတာမှန်သမျှကို ဆိုလိုပါတယ်။ သွေးတိုးတာက နှလုံးထိခိုက်ပါတယ်။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Dr.Thant Zin

ဆီးချိုကြောင့် အာရုံကြော ထိခိုက်ခြင်း

အများစုဟာ မိမိမှာ ဆီးချိုရောဂါဖြစ်နေမှန်းမသိတာကြောင့် ဘာကြောင့် တချိန်လုံးထုံကျင်ကိုက်ခဲနေရသလဲ နားမလည်နိုင်ဖြစ်တတ်ကြပါတယ်။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Dr.Thant Zin

သင့်အတွက် ရွေးချယ်ထားသည်

Placebo ဆေးတွေအကြောင်း

Placebo ဆေးတွေအကြောင်း

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Dr. Thiha Phyo Myint
ရေးသား ထုတ်ဝေခဲ့သည် စက်တင်ဘာ 25, 2020 . 2 mins read
အမျိုးသမီးလေးတွေ ဘာကြောင့် ဆေးစွဲရတာလဲ။

အမျိုးသမီးလေးတွေ ဘာကြောင့် ဆေးစွဲရတာလဲ။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon
ရေးသား ထုတ်ဝေခဲ့သည် စက်တင်ဘာ 25, 2020 . 2 mins read
ဘိုးဘိုးဘွားဘွားတို့အတွက် စကင်းကဲလ်

ဘိုးဘိုးဘွားဘွားတို့အတွက် စကင်းကဲလ်

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon
ရေးသား ထုတ်ဝေခဲ့သည် စက်တင်ဘာ 24, 2020 . 2 mins read

လောက ပျော်ရွှင်မှုကို ရှာပုံတော်ဖွင့်ရာဝယ်…

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Ye Myo Myat
ရေးသား ထုတ်ဝေခဲ့သည် စက်တင်ဘာ 19, 2020 . 3 mins read