home

သင့်စိုးရိမ်မှုတွေက ဘာတွေလဲ။

close
မတိကျ
နားလည်ရခက်
အခြား

သို့မဟုတ် လင့်ခ်ကူးယူမည်

ဘေဘီလေးတွေရဲ့ အန္တရာယ်ကင်းတဲ့ ကမ်းခြေခရီးစဉ်အတွက် ဘာတွေပြင်ဆင်ဖို့ လိုအပ်မလဲ

ဘေဘီလေးတွေရဲ့ အန္တရာယ်ကင်းတဲ့ ကမ်းခြေခရီးစဉ်အတွက် ဘာတွေပြင်ဆင်ဖို့ လိုအပ်မလဲ

ဘေဘီလေးတွေ နဲ့ခရီးသွားတာက စွန့်စားခန်းကြီးတစ်ခုနော်။ ခရီးသွားတဲ့အခါ ခရီးတိုပဲသွာသွား ရက်ရှည်ခရီးပဲထွက်ထွက် အိတ်ထဲမှာ အရင်ဆုံးမပါမဖြစ်ထည့်မိတာက ကလေးအတွက်လိုအပ်မယ့် ပစ္စည်းတွေပါ။ ပျော်ချင်လို့ ခရီးသွားပါတယ်ဆိုမှာဘေဘီလေးမှာနေထိုင်မကောင်းတာတွေဖြစ်မယ်၊ အရေပြားပြဿနာတွေဖြစ်မယ်ဆိုရင် ခရီးစဉ်ကပျော်စရာမကောင်းတော့ဘဲဖြစ်သွားနိုင်ပါတယ်။

ဒါကြောင့် နွေရာသီမှာ အပန်းပြေစေဖို့ ကမ်းခြေခရီးသွားရင် စိတ်ဖိစီးမှုကင်းကင်းနဲ့ ပျော်ရွှင်စရာ ကမ်းခြေခရီးစဉ်ဖြစ်စေဖို့ဘေဘီလေးအတွက်ဘာတွေယူသွားဖို့လိုမလဲဆိုတာကိုပြောပြပေးမယ်နော်။

ဘေဘီလေးနဲ့ ကမ်းခြေခရီးစဉ်အတွက်လိုအပ်မှာတွေက

ကလေးနဲ့ ခရီးသွားတော့မယ်ဆိုရင် ပုံမှန်ထည့်သွားနေကျ ပစ္စည်းတွေအတိုင်းယူသွားဖို့ဆိုတာမဖြစ်နိုင်ပါဘူး။ ဘေဘီအတွက် လိုအပ်သမျှတွေပါမှဖြစ်မှာပါ။ ဒီတော့ဘေဘီလေးနဲ့ ကမ်းခြေခရီးသွားတော့မယ်ဆိုရင် –

ကလေးသုတ်တဘက် – ကမ်းခြေသွားမယ်ဆိုတော့ ရေစိုမှာကတော့ အသေအချာပဲလေ။ ဒီတော့ရေသုတ်ဖို့ တဘက်ကို မဖြစ်မနေယူသွားဖို့လိုမှာပေါ့။ ကလေးအသားအရေက နူးညံ့ထိခိုက်လွယ်တာကြောင့် တွေ့ကရာတဘက်နဲ့ မသုတ်ဖို့ပြောပါရစေ။

UV ကာကွယ်ပေးတဲ့ ထီးယူသွားပေးပါ – ကမ်းခြေသွားတဲ့အခါ မဖြစ်မနေနေရောင်ကတော့ထိမှာပဲလေ။ နေရောင်ခြည်ကြောင့်ဘေဘီလေးရဲ့ အသားအရေကို မပျက်စီးစေချင်ဘူးဆိုရင်တော့ UV ကာကွယ်ပေးတဲ့ထီးလေးကို ယူသွားမှဖြစ်မှာပါ။ ကိုယ်တိုင်အတွက်မလိုရင်တောင်မှ ဘေဘီအတွက်တော့ယူသွားလိုက်ပါ။

စောင်ပါးပါးလေးတစ်ထည် – ကလေးကိုခရီးသွားတဲ့အခါ အင်္ကျီထူထူထဲထဲတွေ ဝတ်ပေးသွားတာက သက်သောင့်သက်သာမရှိတာကြောင့် ချည်သားလက်ရှည်ဘောင်းဘီရှည်လေးတွေ ဝတ်ဆင်ပေးပြီးစောင်ပါးပါးလေးတစ်ထည် လိုရမယ်ရဆောင်သွားပေးလိုက်ပါ။

နေလောင်ကာခရင်မ် – ကမ်းခြေသွားတဲ့အခါ နေရောင်ခြည်ကြောင့် ကလေးအရေပြားထိခိုက်တာမျိုးမဖြစ်စေဖို့အတွက်နေလောင်ကာခရင်မ်လေးဆောင်သွားပါ။ ကလေးသုံးဖြစ်ရင်တော့ အဆင်အပြေဆုံးပေါ့။

နို့ဘူး၊ ချိုလိမ် – ကလေးသောက်နေကျ နို့ဘူးလေးတွေ ချိုလိမ်အပိုလေးတွေကို ထည့်သွားဖို့လည်း မမေ့ပါနဲ့။ သောက်နေကျနို့မှုန့်ဘူးနဲ့ အခြားဖြည့်စွက်စာဘူးလေးတွေကိုပါ ယူသွားပေးဖို့လိုပါမယ်။

အရေးပေါ်ဆေးသေတ္တာ – မတော်တဆထိခိုက်မှုမျိုးဆိုတာက ကြိုတင်တွက်ဆထားလို့မရတာကြောင့် ထိခိုက်ရှနာဖြစ်တဲ့အခါ ပြုစုစောင့်ရှောက်မှုပေးနိုင်မယ့် အရေးပေါ်ဆေးသေတ္တာကို ယူသွားပေးတာ အကောင်းဆုံးဖြစ်မှာပါ။

ရေထဲမှာပေါ်နေနိုင်တဲ့ ဝတ်စုံမျိုး – ကလေးကို ကမ်းခြေခေါ်သွားတဲ့အခါရေထဲမှာပေါ်နေနိုင်တဲ့ ဝတ်စုံမျိုးတစ်စုံတော့ မဖြစ်မနေယူသွားဖို့လိုပါမယ်။ လက်မောင်းမှာပတ်လို့ရတဲ့ ရေမြှုပ်ဝတ်စုံလေးတွေကိုထည့်သွားပေးပါနော်။

အဆာပြေစားစရာလေးတွေ – ကလေးက အစားအသောက်တွေကို စားနိုင်တဲ့အရွယ်ရောက်နေပြီဆိုရင် ကလေးကြိုက်နှစ်သက်တဲ့ အဆာပြေစားစရာလေးတွေကိုပါ ယူသွားပေးပါ။ ကလေးဆာတဲ့အခါ အလွယ်တကူကျွေးမွေးနိုင်စေဖို့ပါ။

နှစ်သက်တဲ့အရုပ်လေးတွေ – အများကြီးတော့မဟုတ်ပါဘူး။ သူတို့ဆော့နေကျအရုပ်တွေထဲက တစ်ရုပ်နှစ်ရုပ်လောက်ပါ။ ကလေးကငိုနေရင်ဖြစ်ဖြစ် ပျင်းနေရင်ဖြစ်ဖြစ်ဆော့တာမျိုးလုပ်နိုင်စေဖို့ပါ။

ရေဘူး -ရေဘူးကတော့ ကလေးရောလူကြီးအတွက်ပါလိုအပ်မယ့်အရာတစ်ခုပါ။ နေအပူရှိန်ကြောင့်ဆုံးရှုံးသွားတဲ့ ရေဓာတ်ကိုပြန်လည်ဖြည့်တင်းဖို့အတွက် သွားလေရာ ရေဘူးလေးတစ်ဘူးလောက်တော့ဆောင်သွားပေးပါ။

Baby Oil ဒါမှမဟုတ် Baby Lotion – ကလေးအသားအရေကို ထိန်းသိမ်းဖို့အတွက် မရှိမဖြစ်လိုအပ်တာလေးတစ်ခုက Baby Oil ဒါမှမဟုတ် Baby Lotion ကိုအသုံးပြုတာက အဆင်ပြေပါလိမ့်မယ်။ ဒါကြောင့် ကလေးသုံး Baby Lotion ဒါမှမဟုတ် Baby Oilလေးတစ်ခုခုဆောင်သွားလိုက်ပါ။ ရေကစားပြီးချိန်တိုင်းနဲ့ရေချိုးပြီးချိန်တိုင်း လူးပေးပြီး နူးညံ့တဲ့ဘေဘီလေးရဲ့ အသားအရေကိုထိန်းသိမ်းလိုက်ပါ။

Hello Health Group သည် ဆေးပညာအကြံဉာဏ်များ၊ ရောဂါရှာဖွေမှုများနှင့် ကုသမှုများ မပြုလုပ်ပေးပါ။

ရင်းမြစ်များ

7 ways to keep baby safehttps://www.babycantravel.com/2015/10/03/7-ways-to-keep-your-baby-safe-on-a-tropical-vacation/ Accessed Date 18 July 2018

18 Tips for Traveling with Babyhttps://www.parenting.com/article/18-tips-for-traveling-with-baby Accessed Date 18 July 2018

Taking your baby to the beachhttps://www.babycentre.co.uk/a554722/taking-your-baby-to-the-beach Accessed Date 18 July 2018

How to Survive a Beach Vacation With a Babyhttps://www.travelandleisure.com/trip-ideas/family-vacations/how-to-survive-a-beach-vacation-with-a-baby Accessed Date 18 July 2018

စာရေးသူ ဓာတ်ပုံbadge
Aye Thi Mon မှ ရေးသားသည်။ တစ်ပတ် အကြာက တွင် ပြန်လည်ပြင်ဆင်ခဲ့သည်။
Dr. Thurein Hlaing Win မှ အချက်အလက် စစ်ဆေးထားပါသည်။