ပရိုတင်း– ကိုယ်ခံအားကောင်းစေဖို့၊ အရိုးနဲ့ကြွက်သားတွေအကောင်းဆုံးဖွံ့ဖြိုးစေဖို့အတွက်အရေးပါပါတယ်။ ကြီးထွားဖွံ့ဖြိုးဖို့အရှိန်ယူနေတဲ့အချိန်မှာ မဖြစ်မနေလိုအပ်မယ့် အာဟာရတစ်ရပ်ပါ။ အနီရောင်အသား၊ ကြက်သား၊ ငါး၊ ဥအမျိုးမျိုး၊ အခွံမာသီး၊ ပဲအမျိုးမျိုး၊ နို့ထွက်ပစ္စည်းတွေကနေရရှိနိုင်ပါတယ်။
ဗီတာမင် C – အရေပြားပြဿနာကင်းစေဖို့၊ ကိုယ်ခံအားကောင်းစေဖို့အတွက်အရေးပါပါတယ်။ ဖျားနာမှုကင်းကင်းနဲ့ အကောင်းဆုံးကြီးထွားလာစေဖို့ အရေးပါတဲ့ ဗီတာမင်တစ်မျိုးပါ။ လိမ္မော်သီး၊ အချဉ်ဓာတ်ပါတဲ့အသီးတွေ၊ စတော်ဘယ်ရီ၊ ခရမ်းချဉ်သီး၊အာလူး၊ ဖရဲသီး၊ ဂေါ်ဖီထုပ်၊ ပန်းဂေါ်ဖီစိမ်း၊ ပန်းဂေါ်ဖီ၊ ဟင်းနုနွယ်၊ သင်္ဘောသီး၊ သရက်သီးတို့က ဗီတာမင် C ကြွယ်ဝစွာပါဝင်နေပါတယ်။
ဗီတာမင် A – အရွယ်တိုင်းအတွက်အရေးပါပါတယ်။ အမြင်အာရုံကျန်းမာစေသလို အရေပြားကိုလည်းကျန်းမာစေပါတယ်။ ကူးစက်ရောဂါတွေကနေလည်း အထိရောက်ဆုံးကာကွယ်ပေးပါတယ်။ မုန်လာဥနီ၊ ကန်စွန်းဥ၊ တရုတ်ဇီးသီး၊ ဟင်းနုနွယ်၊ ပန်းဂေါ်ဖီစိမ်း၊ ဂေါ်ဖီထုပ်၊ ငါးကြီးဆီ၊ ကြက်ဥအနှစ်တို့ကနေ ရရှိနိုင်ပါတယ်။
ကာဗိုဟိုက်ဒရိတ် – ဒါကတော့ အရေးပါတဲ့ အာဟာရအုပ်စုတွေထဲကတစ်ခုပေါ့။ ခန္ဓာကိုယ်အတွက် အင်အားဖြစ်စေတဲ့ အာဟာရဓာတ်တစ်မျိုးပါ။ ခန္ဓာကိုယ်ကြီးထွားဖွံ့ဖြိုးစေဖို့လိုအပ်သလို တစ်ရှူးတွေအသစ်ဖြစ်ပေါ်စေဖို့လည်း အကောင်းဆုံးထောက်ပံ့ပေးပါတယ်။ ပေါင်မုန့်၊ ထမင်း၊ Cereals၊ အာလူး၊ ကန်စွန်းဥတို့ကနေရရှိနိုင်ပါတယ်။
အဆီ – ခန္ဓာကိုယ်ကြီးထွားဖွံ့ဖြိုးစေဖို့ လိုအပ်တဲ့ဓာတ်တစ်မျိုးပါ။ အဆီဆိုတိုင်း မကောင်းတာမဟုတ်ပါဘူး အကျိုးပြုအဆီတွေက ကလေးတစ်ယောက်ကို ရုပ်ပိုင်းဆိုင်ရာရော စိတ်ပိုင်းဆိုင်ရာပါ အကောင်းဆုံးကြီးထွားဖွံ့ဖြိုးစေဖို့ ထောက်ပံ့ပေးပါတယ်။ အဆီပြည့်နို့၊ ဟင်းချက်ဆီသန့်၊ အနီရောင်အသား၊ ငါး၊ အခွံမာသီးတွေ ကနေရရှိနိုင်ပါတယ်။
ကယ်လ်ဆီယမ် – အရိုးတွေနဲ့သွားတွေအကောင်းဆုံး သန်မာစေဖို့လိုအပ်ပါတယ်။ သွေးခဲစေဖို့ထောက်ပံ့ပေးသလို၊ အာရုံကြောတွေ၊ ကြွက်သားနဲ့ နှလုံးလုပ်ငန်းဆောင်တာတွေ ကောင်းမွန်စေဖို့အတွက်လည်း အကောင်းဆုံးထောက်ပံ့ပေးနိုင်ပါတယ်။ နို့၊ချိစ်၊ ဒိန်ချဉ်၊ ရေခဲမုန့်၊ ကြက်ဥအကာ၊ ပန်းဂေါ်ဖီစိမ်း၊ ဟင်းနုနွယ်၊ တို့ဟူးတို့ကနေရရှိနိုင်ပါတယ်။
မှတ်ချက်များ
သင့်အတွေးများကို ဝေမျှပါ။
သင့်ကျန်းမာရေးအတွေးများကို Hello Sayarwonနဲ့ ဝေမျှလိုက်ပါ။
ဆက်သွယ်ရန် သို့မဟုတ် ဝင်မည်။ နှင့် ဝင်ရောက်ဆွေးနွေးပါမည်။