ကလေးတွေဟာ အာဟာရပြည့်ဝတဲ့အစားအစာတွေထက် ပုံပန်းသဏ္ဍာန်အားဖြင့် နှစ်လိုဖွယ်အဆင်းရှိတဲ့ မုန့်တွေ၊ အဆာပြေအစားအစာတွေကို ပိုမိုနှစ်သက်တတ်ကြပါတယ်။ မိဘတွေအတွက်တော့ တစ်ခါတရံမှာ မိမိတို့ရဲ့ သားသားမီးမီးတွေကို အာဟာရပြည့်ဝတဲ့ အစားအစာမျိုးတွေ ကျွေးမွေးရတာဟာ လေဆန်မှာ တောင်တက်ရသလိုပါပဲ။ ခက်ခဲတတ်ပါတယ်။ ဒါပေမယ့် စိတ်မပျက်ပါနဲ့ ဒါဟာ သားသားမီးမီးတွေရဲ့ အနာဂတ်မှာ ရေရှည်ဖွံ့ဖြိုးဖို့အတွက် အရေးပါတဲ့ အုတ်မြစ်တစ်ခုဖြစ်လို့ပါပဲ။
ရင်သွေးတွေအတွက် ပြည့်စုံကြွယ်ဝတဲ့ အာဟာရဓာတ်ရဖို့ ဘာကြောင့် အရေးကြီးတာလဲ
အာဟာရဓာတ်ဆိုတာက ဘယ်လိုအသက်အရွယ်မျိုးအတွက်မဆို အရေးပါတဲ့ သက်စောင့်ဓာတ်ဖြစ်ပါတယ်။ အထူးသဖြင့် ကလေးတွေအတွက်ဆိုရင် ကိုယ်လက်ကြံ့ခိုင်စေဖို့၊ ကျန်းမာသန်စွမ်းစေဖို့နဲ့ ဖွံ့ဖြိုးကြီးထွားစေဖို့ အာဟာရဓာတ်တွေ မှန်ကန်စွာဖြည့်ဆည်းပေးနိုင်ဖို့ လိုအပ်မှာဖြစ်ပါတယ်။ ကလေးတွေကို ငယ်ရွယ်စဉ်မှာပဲ ကျန်းမာရေးနဲ့ ညီညွတ်မျှတစွာ ကျွေးမွေးစောင့်ရှောက်ပြီး အာဟာရဆိုင်ရာ ဗဟုသုတတွေ နားလည်လာအောင် မျှဝေပေးတာဟာ ရင်သွေးရဲ့ ဘဝတစ်သက်တာအတွက် အကောင်းဆုံး အခြေခံအုတ်မြစ်ကို ချပေးလိုက်တာဖြစ်ပါတယ်။
မှတ်ချက်များ
သင့်အတွေးများကို ဝေမျှပါ။
သင့်ကျန်းမာရေးအတွေးများကို Hello Sayarwonနဲ့ ဝေမျှလိုက်ပါ။
ဆက်သွယ်ရန် သို့မဟုတ် ဝင်မည်။ နှင့် ဝင်ရောက်ဆွေးနွေးပါမည်။