မျှစ်မှာ ပရိုတင်း ကြွယ်ဝသလို ဗီတာမင် C အပါအဝင် ကိုယ်ခံအား ကောင်းစေနိုင်တဲ့ ဗီတာမင်တွေနဲ့ သတ္တုဓာတ်တွေ ပါဝင်နေပါတယ်။ ဓာတ်တိုးဆန့်ကျင်ပစ္စည်းတွေလည်း ကြွယ်ဝစွာ ပါဝင်နေတာကြောင့် ကလေးကို ကိုယ်ခံအားကောင်းစေဖို့ ထောက်ကူပေးနိုင်မှာ ဖြစ်ပါတယ်။
မျှစ်မှာ အမျှင်ဓာတ် ကြွယ်ဝစွာ ပါဝင်နေတာကြောင့် အစာခြေစနစ်ကို ကျန်းမာစေဖို့ ထောက်ကူပေးပါတယ်။ အူတွေရဲ့ လှုပ်ရှားမှုကို ကောင်းမွန်စေနိုင်ပြီး ဝမ်းချုပ်တာမျိုး မဖြစ်စေဖို့ ကာကွယ်ပေးပါတယ်။ အူနံရံတွေကို အာဟာရ စုပ်ယူမှု ကောင်းစေဖို့ ထိထိရောက်ရောက် ထောက်ကူပေးနိုင်မှာပါ။
မျှစ်ရဲ့ နောက်ထပ် ကျန်းမာရေး အာနိသင် တစ်ရပ်ကတော့ အရောင်ကျစေနိုင်တာပါ။ ဒါကြောင့် ကလေးတွေမှာ ထိခိုက်တာတွေ၊ အနာတွေ ဖြစ်တဲ့အခါ အရောင်ကျစေဖို့ အကောင်းဆုံး ထောက်ကူပေးနိုင်မှာပါ။
ကလေးတွေမှာ ခံစားရတဲ့ ပန်းနာရင်ကျပ် နဲ့ ချောင်းဆိုးခြင်း အမျိုးမျိုးကို သက်သာစေဖို့အတွက်လည်း မျှစ်ကို အသုံးပြုပေးလို့ ရပါတယ်။ မျှစ်ကို ကျွေးပေးတာက အသက်ရှူလမ်းကြောင်းမှာရှိနေတဲ့ ချွဲသလိပ်တွေကို ထိထိရောက်ရောက် ဖယ်ရှားပေးနိုင်မှာပါ။
မျှစ်မှာ ပရိုတင်းနဲ့ ကယ်လ်ဆီယမ် ကြွယ်ဝစွာ ပါဝင်နေတာကြောင့် အရိုးတွေကို သန်မာစေပြီး အကောင်းဆုံး ဖွံ့ဖြိုးစေဖို့ ထောက်ကူပေးနိုင်မှာပါ။ ဒါ့အပြင် မျှစ်မှာ ဗီတာမင် နဲ့ သတ္တုဓာတ်များစွာ ပါဝင်နေမှုကလည်း ကလေးကို အကောင်းဆုံး ကြီးထွားဖွံ့ဖြိုးစေဖို့ ထောက်ကူပေးနိုင်မှာပါ။
မျှစ်မှာ သံဓာတ် ပါဝင်နေတာကလည်း ကလေးကို သံဓာတ်ပြည့်ဝစေပြီး သွေးအားကောင်းစေဖို့ ထောက်ကူပေးနိုင်ပါတယ်။ သံဓာတ်ချို့တဲ့မှုကြောင့် ခံစားရနိုင်တဲ့ ကျန်းမာရေးပြဿနာတွေ ကင်းဝေးစေမှာပါ။
သားသားမီးမီးတို့ကို မျှစ်ကျွေးလို့ ရလား …. ဆိုတဲ့ မေးခွန်းအတွက် အဖြေထွက်လောက်ပြီ ထင်ပါတယ်နော်။
မှတ်ချက်များ
သင့်အတွေးများကို ဝေမျှပါ။
သင့်ကျန်းမာရေးအတွေးများကို Hello Sayarwonနဲ့ ဝေမျှလိုက်ပါ။
ဆက်သွယ်ရန် သို့မဟုတ် ဝင်မည်။ နှင့် ဝင်ရောက်ဆွေးနွေးပါမည်။