ကလေးမှာ ကျီးကန်းပါးစပ်ဖြစ်ခဲ့ရင်

ဆေးပညာပိုင်းဆိုင်ရာတည်းဖြတ်သူ | ရေးသားသူ

Update Date စက်တင်ဘာ 9, 2020 . 2 mins read
Share now

ကလေးတွေဟာဆောင်းရာသီမှာ နှုတ်ခမ်းခြောက်တာ၊ ကွဲတာ၊မျိုးတွေခံစားရနိုင်ပါတယ်။ ဒါပေမယ့် နှုတ်ခမ်းထောင့်နားလေးတွေမှာ နီရဲနေတာ၊ရောင်ရမ်းနေတာ၊ ကွဲအက်သလိုလေးတွေဖြစ်နေမယ်ဆိုရင်တော့ ကလေးကဆောင်းရာသီ အအေးဒဏ်ကြောင့်နှုတ်ခမ်းခြောက်တာမဟုတ်ပါဘူး။ ကျီးကန်းပါးစပ်ဖြစ်တာပါ။

ဒီလိုလက္ခဏာတွေတွေ့ရနိုင်ပါတယ်

ကလေးမှာ အခုလိုမျိုးလက္ခဏာလေးတွေ ခံစားနေရမယ်ဆိုရင် ကလေးက ကျီးကန်းပါးစပ်ခံစားနေရတာပါ။ အများဆုံးတွေ့ရနိုင်တာကတော့ နှုတ်ခမ်းထောင့်လေးတွေမှာ နီရဲရောင်ရမ်းတာမျိုးဖြစ်နိုင်ပါတယ်။ နှုတ်ခမ်းထောင့်တစ်ဖက်တည်းမှာ ဒါမှမဟုတ် နှစ်ဖက်စလုံးမှာ –

  • သွေးလေးတွေစို့နေမယ်
  • နှုတ်ခမ်းသားလေးတွေ ခပ်ဖောင်းဖောင်းဖြစ်နေမယ်
  • ကွဲအက်နေမယ်
  • အရေပြားတင်းနေမယ်
  • ယားယံနေမယ်
  • နာနေမယ်
  • နီရဲနေမယ်
  • အပေါ်ယံအရေပြားလန်နေမယ်
  • ရောင်ရမ်းနေမယ် ဆိုရင်တော့ ကျီးကန်းပါးစပ်ခံစားနေရတာအသေအချာပါပဲ။

ဒီအချက်တွေကြောင့်ဖြစ်နိုင်ပါတယ်

ကလေးတွေမှာ ဒီလိုအချက်တွေရှိနေမယ်ဆိုရင် ကျီးကန်းပါးစပ်ဖြစ်နိုင်ခြေပိုများနေပါတယ်။

  • ကလေးက မွေးရာပါဆီးချိုရောဂါခံစားနေရမယ်ဆိုရင်
  • တံထွေးအထွက်များမယ်ဆိုရင်။ တစ်ချိန်လုံးတံထွေးနဲ့ထိတွေ့နေမယ်ဆိုရင်
  • ကိုယ်ခံအားနည်းမယ်ဆိုရင်
  • အာဟာရချို့တဲ့မယ်ဆိုရင်
  • သွေးအားနည်းရောဂါရှိမယ်ဆိုရင်
  • သွားဖုံးရောဂါရှိနေမယ်ဆိုရင်
  • ကလေးက နှုတ်ခမ်းကို လျှာနဲ့ ခဏခဏသပ်မယ်ဆိုရင်
  • နှုတ်ခမ်းအရမ်းခြောက်နေမယ်၊ ကွဲနေမယ်ဆိုရင်
  • နို့တွေခဏခဏအန်မယ်
  • နို့စို့တိုင်းနို့တွေစီးကျနေမယ်
  • ကလေးက လက်ခဏခဏစုပ်မယ်
  • နို့သီးခေါင်းစို့မယ်
  • နှုတ်ခမ်းကို ဓာတ်မတည့်တာတစ်ခုခုနဲ့ ထိတွေ့မိမယ်ဆိုရင်

ဒါတွေအပြင် မှိုနဲ့ ဘက်တီးရီးယားတွေကူးစက်ခံရမယ်ဆိုရင်လည်း ကလေးမှာ ကျီးကန်းပါးစပ်ခံစားရနိုင်ပါတယ်။ ကလေးငယ်မှာ သံဓာတ်နဲ့ ဗီတာမင် Bလျော့နည်းနေမယ်ဆိုရင်လည်း ကလေးက ကျီးကန်းပါးစပ်ခံစားရနိုင်ပါတယ်။

ကျီးကန်းပါးစပ်မဖြစ်အောင်ဘယ်လိုဂရုစိုက်မလဲ

ကျီးကန်းပါးစပ်ဖြစ်စေတာက မှိုနဲ့ ဘက်တီးရီးယားတွေကြောင့်ဖြစ်နိုင်ပါတယ်။ ဒါကြောင့်

  • ကလေးကို ဘက်တီးရီးယားနဲ့ မှိုပိုးတွေကနေ အတတ်နိုင်ဆုံးကာကွယ်ပါ။
  • တစ်ကိုယ်ရေသန့်ရှင်းရေးကိုဂရုစိုက်ပါ။
  • သွေးအားနည်းရောဂါမဖြစ်စေဖို့အတွက် ကလေးကို သံဓာတ်အားဖြည့်ပေးပါ။
  • ဗီတာမင်နဲ့ သတ္တုဓာတ်ကြွယ်ဝတဲ့ အစားအစာတွေသင့်တင့်မျှတအောင်ကျွေးမွေးပေးပါ။
  • ကလေးကို ခံတွင်း၊သွားဖုံး၊ သွားနဲ့ နှုတ်ခမ်းတို့ကိုနေ့စဉ်သန့်စင်ပေးပါ။
  • တွေ့ကရာပါးစပ်ထဲကောက်မထည့်အောင်ဂရုစိုက်ပါ။
  • ချိုလိမ်နဲ့ နို့ဘူးတွေကိုသေချာဆေးကြောပါ။
  • ကလေးခံတွင်းသန့်ရှင်းရေးသုံးပစ္စည်းတွေကို သေချာသန့်စင်အောင်ထားပါ။
  • ကလေးကို နှုတ်ခမ်းခြောက်သွေ့ကွဲအက်တာမျိုးမဖြစ်အောင် ရေဓာတ်ပြည့်ဝနေဖို့ ဂရုစိုက်ပါ။

ဒီအချက်လေးတွေကို ဂရုစိုက်လုပ်ပေးမယ်ဆိုရင်တော့ ကလေးက ကျီးကန်းပါးစပ်လို့ခေါ်တဲ့ နှုတ်ခမ်းထောင့်လေးတွေ ကွဲအက်နာကျင်တဲ့ဝေဒနာကနေကင်းဝေးသွားမှာပါ။

Hello Health Group သည် ဆေးပညာအကြံဉာဏ်များ၊ ရောဂါရှာဖွေမှုများနှင့် ကုသမှုများ မပြုလုပ်ပေးပါ။

ဒီဆောင်းပါးက သင့်အတွက် အသုံးဝင်ပါသလား။
happy unhappy
ရင်းမြစ်များ

သင်ဒါလည်း နှစ်သက်နိုင်ပါတယ်။

ကိုယ်ခံအားစနစ်ကို အားဖြည့်မယ့် ဇာတ်လိုက် (သို့မဟုတ်) ဖြည့်စွက်အာဟာရ

ကိုယ်ခံအားစနစ်ကို အားဖြည့်ပါ။ ဒါမှ မွေးကတည်းကတစ်ပါတည်းပါလာခဲ့တဲ့ သက်တော်စောင့်လေးက ရောဂါတွေ၊ ပိုးမွှားတွေ အန္တရာယ်ကနေ စွမ်းစွမ်းတမံ ကာကွယ်ပေးနေတဲ့အရာပေါ့။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon

ကူးစက်နိုင်သည့် အရေပြားရောဂါများ

အရေပြားရဲ့တာဝန်က ခန္ဓာကိုယ်ထဲကို ရောဂါပိုးတွေ ကူးစက်တာကနေ တားပေးဖို့ဆိုပေမယ့် အရေပြားကိုယ်တိုင်ကလည်း ရောဂါပိုးတွေ ကူးစက်ခံလိုက်ရတဲ့ အခိုက်အတန့်တွေ ရှိပါတယ်။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon

အသားအရေကို သန့်စင်ထိန်းသိမ်းမယ်

အရေပြားတစ်ထောက်စာလို့ ဆိုပေမယ့် အရေပြားကျန်းမာဖို့က အတော်လေး အရေးကြီးပါတယ်။ အရေပြားက ရုပ်ရည်သွင်ပြင်ပေါ်တင်သက်ရောက်တာမဟုတ်ပါဘူး။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon

ဆိုရီရေးစစ် (Psoriasis) အရေပြားပြဿနာ

ဆိုရီရေးစစ် အရေပြားပြဿနာဟာ ပြင်းထန်ပြီး နာတာရှည် အရေပြားပြဿနာတစ်ရပ်ဖြစ်တာကြောင့် သေချာလေးဂရုစိုက်ဖို့လိုပါမယ်။ အနေအထိုင်အစားအသောက်ကစလို့ပေါ့။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon

သင့်အတွက် ရွေးချယ်ထားသည်

ကလေးကျန်းမာရေး အကြောင်း

ကလေးကျန်းမာရေး အကြောင်း

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon
ရေးသား ထုတ်ဝေခဲ့သည် ဇန်နဝါရီ 25, 2021 . 3 mins read
ကိုယ်ဝန်ဆောင်မေမေ ကော်လာဂျင် သောက်လို့ရလား......................

ကိုယ်ဝန်ဆောင်မေမေ ကော်လာဂျင် သောက်လို့ရလား………………….

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon
ရေးသား ထုတ်ဝေခဲ့သည် ဇန်နဝါရီ 25, 2021 . 2 mins read
ဘေဘီလေးက ကြက်သွန်ဖြူစားလို့ရလား..............

ဘေဘီလေးက ကြက်သွန်ဖြူ စားလို့ရလား

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon
ရေးသား ထုတ်ဝေခဲ့သည် ဇန်နဝါရီ 18, 2021 . 2 mins read
အစားအသောက် မှီဝဲမှုနဲ့ Lupus ကို ထိမ်းချုပ်လို့တော့ ရပါတယ်။ လေ့လာချက်တွေအရဆိုရင် ချင်းဟာ Lupus ကို ထိမ်းချုပ်ကုသရာမှာ အလွန်အသုံးတည့်တယ်လို့ဆိုပါတယ်။ မစ်ချီဂန်တက္ကသိုလ်ရဲ့ လေ့လာချက်အရ ချင်းမှာပါဝင်တဲ့ 6-gingerol လို့ခေါ်တဲ့ bioactive compound တစ်မျိုးဟာ Lupus ရဲ့ ရောဂါလက္ခဏာတွေကို လျှော့ချပေးရာမှာ အလွန်ထိရောက်တယ်လို့ ဆိုပါတယ်။

Lupus ရှိရင် ချင်း (ဂျင်း) စားပါ

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Ye Zon Aung
ရေးသား ထုတ်ဝေခဲ့သည် ဇန်နဝါရီ 16, 2021 . 2 mins read