ဝမ်းအရောင် က ပြောပြနေတဲ့ သင့်ကလေး ကျန်းမာရေး ။ ။

ကလေး သေးခံ၊ အနှီးကို ကြည့်ပြီး သင့်ကလေး ကျန်းမာရေး ကောင်းတယ် မကောင်းဘူးဆိုတာကို ခန့်မှန်းလို့ရတာ သင်သိပါသလား။ ။ ဝမ်းအရောင် ၊ ဝမ်း အပျော့အမာ စတာတွေကို ကြည့်ပြီး ကလေးရဲ့ ကျန်းမာရေးကို ခန့်မှန်းလို့ရပါတယ်။ ဘယ်လိုလဲဆိုတာ ဆက်ကြည့်ရအောင်။ ။

ဝမ်းအရောင် က ပြောပြနေတဲ့ သင့်ကလေး ကျန်းမာရေး ။ ။

ဝမ်းအမည်းရောင် ။ ။

ဝမ်းအစိမ်းရောင် ။ ။

• ဝမ်းအမည်းရောင်သွားပြီးနောက်ပိုင်းမှာ ဝမ်းအစိမ်းရောင်တွေ လိုက်လာတတ်ပါတယ်။
• နို့ဘူးသောက်တဲ့ ကလေးတွေမှာ အတွေ့များပြီး ပုံမှန်ဖြစ်နေကျပါ။

အဝါရောင်ဝမ်း ။ ။

• မိခင်နို့သောက်နေတဲ့ ကလေးတွေမှာ ပုံမှန်သွားနေကျ ဝမ်းအရောင်ပါ။ ကလေး ဝမ်းအရောင် အဝါရောင်ကို ပြောင်းသွားပြီဆိုရင် သင့်ကလေး သောက်နေတာ နို့ဦးရည်တွေ မဟုတ်တော့တဲ့ မိခင်နို့ကို သောက်နေရပြီ ဖြစ်ကြောင်းပြောတာပါ။
• ပျစ်ချွဲချွဲဖြစ်နေတတ်ပြီး ရံဖန်ရံခါ အရည်လိုမျိုးဖြစ်နေတတ်လို့ ကလေးဝမ်းလျှောတာနဲ့တောင် မှားတတ်ကြပါတယ်။ ဝမ်းပျက်နေတာလား ပုံမှန်ပဲလား သိချင်ရင် ဝမ်းအနံ့နဲ့ ပြန်ခွဲလို့ရပါတယ်။

အနီရောင်ဝမ်း ။ ။

• ကလေးဝမ်းက အနီရောင်ဆိုရင် သိပ်လည်းလန့်မသွားပါနဲ့ဦး။ မေမေစားတဲ့ အစားအသောက်တွေထဲမှာ အနီရောင်တွေပါသွားရင် ကလေးဆီကို ရောက်ပြီး ဝမ်းက အနီရောင်ဖြစ်နေတတ်ပါတယ်။ ( ဥပမာ သကြားမုန်လာ၊ နဂါးမောက်သီးတို့လို အရောင်ရင့်တာမျိုးတွေစားထားတဲ့ အခါမှာပေါ့)
• အရောင်ရင့်တဲ့အစားအစာတွေ စားမထားဘူးဆိုရင်တော့ သင့်ကလေးသွားတဲ့ အနီရောင်ဝမ်းဟာ နို့နဲ့ ဓာတ်မတည့်တာ ( ဒါမှမဟုတ်) စအိုဝကွဲတာကြောင့် သွေးနဲ့ ဝမ်းရောသွားတာကြောင့်လည်း ဖြစ်နိုင်ပါတယ်။ အကောင်းဆုံးကတော့ ကလေးဆရာဝန်နဲ့ တိုင်ပင်ကြည့်တာပါပဲ။

ဝမ်းအဖြူရောင်။ ။

• ဝမ်းအရောင် ဖြူနေတယ်ဆိုတဲ့ အဓိပ္ပာယ်ကတော့ အစာခြေစနစ်ကို ကူညီပေးတဲ့ သည်းခြေရည်တွေ သင့်ကလေးဆီမှာ အလုံအလောက်မထွက်သေးဘူးဆိုတာကို ပြောချင်တာပါ။ ဥပမာ သည်းခြေပြွန် ပိတ်တာမျိုးပေါ့။
• ကလေးဝမ်းက အဖြူရောင်တွေသွားနေပြီဆိုရင် စိုးရိမ်ရတဲ့အတွက် ကလေးဆရာဝန်ဆီ အမြန်ဆုံးသွားပြစေချင်ပါတယ်။

ဘယ်လို ဝမ်းတွေ သင့်ကလေးသွားနေပြီဆို ဆရာဝန် ဆီ သွားပြဖို့လိုအပ်လဲ ။ ။

• ကလေးဝမ်းက အရည်တွေပဲသွားနေပြီး အစိမ်းရောင်၊ အဝါရောင်၊ အညိုရောင်တွေဖြစ်နေမယ်ဆို အူလမ်းကြောင်းကို ပိုးဝင်တာ ဖြစ်နိုင်တဲ့အတွက် ဆရာဝန်ဆီ အမြန်ဆုံးသွားပြဖိုလိုပါတယ်။ ပေါ့ပေါဆဆ နေလိုက်မိတယ်ဆိုရင် ဝမ်းအသွားများပြီး ကလေးမှာ ရေဓာတ်ခမ်းခြောက်တာတွေ ဖြစ်သွားနိုင်လို့ပါ။
• ကျောက်စရစ်ခဲလိုမျိုး ဝမ်းမာမာလေးတွေ တစ်လုံးချင်း သင့်ကလေးသွားနေပြီဆိုရင် ဒါ ဝမ်းချုပ်တာဖြစ်နေနိုင်ပါတယ်။ ဖြည့်စွက်စာ စစားတဲ့အချိန်မှာ အသီးအရွက်သိပ်မစားတဲ့ ကလေးတွေဆို ဝမ်းချုပ်တတ်ကြပါတယ်၊ ဝမ်းချုပ်တာများသွားရင်လည်း စအိုကွဲတာ၊ လိပ်ခေါင်းထွက်လာတာမျိုးတွေ ဆက်ဖြစ်နိုင်တဲ့အတွက် ကလေးဝမ်းမချုပ်အောင် အမျှင်ဓာတ်များများ ကျွေးစေချင်ပါတယ်။ အသီးအရွက်တွေကျွေးတာတောင် ကလေးက ဆက်ဝမ်းချုပ်နေတုန်းဆိုရင် ကလေးဆရာဝန်ဆီသွားပြီးမှ ကလေးသောက်သင့်တဲ့ ဝမ်းနှုတ်ဆေးကို တိုက်ပါ။
• ကလေးဝမ်းထဲသွေးပါနေပြီဆိုရင် ကလေးကဝမ်းချုပ်တတ်တဲ့သူဆို လိပ်ခေါင်းကို အရင်စဉ်းစားပါ။ ဝမ်းကလည်း လျှောတယ်၊ ဝမ်းထဲသွေးလည်းပါတယ်ဆိုရင် ဝမ်းကိုက်ပိုးကြောင့်ဖြစ်နိုင်ပါတယ်။ ကလေးဝမ်းကပုံမှန်ပဲ။ ဒါပေမယ့် သွေးရောင်လိုမျိုး နီနီလေးတွေ ပါနေတယ်ဆိုရင် နို့နဲ့ ဓာတ်မတည့်တာ၊ စားလိုက်တဲ့ အစားအစာတွေထဲမှာ အနီရောင်အစားအစာတွေ ပါသွားလို့ ဖြစ်နိုင်ပါတယ်။ ဒါတွေသေချာသိဖို့ ကလေးဆရာဝန်တွေကသာ အကောင်းဆုံး အကြံဉာဏ်ကို ပေးနိုင်မှာပါ။ ။

ကဲ ဒီလောက်ဆို ကိုယ့်ကလေးဝမ်းအရောင်နဲ့ ပက်သက်ပြီး ဘယ်ဟာကတော့ ပုံမှန် ၊ ဘယ်ဟာကတော့ စိုးရိမ်ရလဲဆိုတာ မေမေတို့ သိသွားလောက်ပြီလို့ထင်ပါတယ်။ ။

ရေးသားသူ− Dr Thin Yadanar @ Frances