ဘေဘီလေး က ၇ လ ကနေ ၉ လအတွင်းမှာ ဘာတွေ ဖွံ့ဖြိုးလာမလဲ…….

ဆေးပညာပိုင်းဆိုင်ရာတည်းဖြတ်သူ | ရေးသားသူ

Update Date ဩဂုတ် 8, 2020 . 2 mins read
Share now

ဘေဘီလေး က ၇ လလောက်ရောက်လာပြီဆိုရင် မေမေ့နို့အပြင် နို့ဘူးသောက်တာ၊ အစားစားတာတွေကို စလုပ်လာပါပြီ။ ချစ်စရာအမူအရာလေးတွေလည်းပိုလုပ်တတ်လာပါပြီ။ ဒီကာလမှာ ဘေဘီလေး က

ကိုယ်အလေးချိန် – တစ်လကို ၁ ပေါင်စီလောက်တက်လာမယ်။ သားသားလေးတွေက မီးမီးလေးတွေထက် ပေါင်ချိန် ၀.၅ လောက်ပိုများနေမှာပါ။

အရပ်အမြင့် – တစ်လကို ၀.၅ လက်မတက်လာပါမယ်။

ဦးခေါင်းအရွယ်အစား -တစ်လကို ၀.၂၅ လက်မစီ တိုးလာပါမယ်။

ဒီအရွယ်မှာ ဘေဘီလေးက ဘာတွေလုပ်တတ်ပြီလဲ…………

ဒီအသက်အပိုင်းအခြားကိုရောက်လာတဲ့ ဘေဘီလေးက ရုပ်ပိုင်းဆိုင်ရာဖွံ့ဖြိုးမှုတွေ ပိုများလာပြီဖြစ်သလို လုပ်ဆောင်နိုင်စွမ်းတွေကလည်း ပိုများလာပါပြီ။ ပထမဆုံးအကြိမ် လှုပ်ရှားမှုတွေစလုပ်နေပါပြီ။  ဒီအရွယ်မှာ ဘေဘီလေးက

  • ပက်လက်ထားလည်း မှောက်နိုင်ပြီ။ မှောက်ရက်ထားလည်း ပက်လက်နေနိုင်ပါပြီ။
  • လက်ထောက်ထားရင်း ထိုင်တတ်ပြီ
  • လူကြီးလက်ကို ကိုင်ပြီး ခုန်ဆွခုန်ဆွလုပ်တတ်ပြီ
  • လကတွေခြေတွေ စလွှဲနိုင်ပြီ
  • လေးဖက်စသွားပြီ
  • အမှီတစ်ခုခုကို ကိုင်ပြီး မတ်တတ်စရပ်ဖို့ ကြိုးစားပြီ
  • လက်လှမ်းမီတဲ့နေရာက ပစ္စည်းတွေကို လှမ်းဆွဲယူတတ်ပြီ
  • အရုပ်တွေနဲ့ သေသေချာချာဆော့တတ်ပြီ
  • လက်နှစ်ဖက်စလုံးနဲ့ ပစ္စည်းတွေကို ဆုပ်ကိုင်တတ်ပြီ
  • နို့ဘူးလေးကို သူ့ဘာသာကိုင်တတ်ပြီ
  • တူဝါး ကစားတတ်ပြီ
  • ရှေ့သွားလေး ၂ ချောင်းလောက်စထွက်လာပြီ
  • ရေခွက်နဲ့ ရေသောက်ဖို့ စကြိုးစားပြီ
  • ပစ္စည်းတွေကို ပါးစပ်ထဲကောက်ထည့်တတ်ပြီ
  • တစ်နေ့ကို ၂ ကြိမ် ၃ ကြိမ်လောက်အိပ်မယ် (တစ်ခါအိပ်ရင် ၂၁ နာရီ ကနေ ၂နာရီလောက်ကြာမယ်)
  • ညဘက်တွေမှာ နိုးပြီး စငိုတတ်ပြီ။

ဘေဘီလေးက ဘာတွေပြောနိုင်ပြီလဲ………..

ဘေဘီလေးက ဘယ်သူ့ကိုများ စခေါ်မလို့  စိတ်လှုပ်ရှားရတဲ့ အချိန်ပေါ့။ ဘေဘီလေးရဲ့ မပီကလာပီကလာအသံလေးကို စကြားရမယ့်အချိန်ပေါ့။

  • နှစ်လုံးတွဲ စကားလုံးတွေကို စခေါ်တတ်ပြီ (မေ-မေ၊ ဖေ-ဖေ)
  • အို၊ အာ စတဲ့စကားလုံးလေးတွေကို စပြောနိုင်လာပြီ
  • အခြားသူတွေပြောတဲ့ အသံတွေကို လိုက်ပြောတတ်ပြီ။

ဘေဘီလေးတွေက ဘာတွေနားလည်နေပြီလဲ…………

ပတ်ဝန်းကျင်ကို သတိထားနိုင်စွမ်းပိုတိုးလာပြီ။ လူတွေကို ပိုမှတ်မိလာပြီ။ ဒီကာလအပိုင်းအခြားမှာ ဘေဘီလေးက

  • သူ့နာမည်သူသိပြီ
  • သူ့နာမည်မဟုတ်ရင် လှည့်မကြည့်ဘူး
  • စကားလုံးတွေကို အာရုံစိုက် နားထောင်တတ်ပြီ
  • အချို့စကားလုံးတွေကို နားလည်နေပြီ
  • သူ့ကိုယ်သူ မှန်ထဲမှာ ကြည့်တတ်နေပြီ
  • အခြားသူတွေရဲ့ စိတ်အခြေအနေကို အလိုက်သင့်တုံ့ပြန်တတ်ပြီ
  • သူစိမ်းတွေကို ကြောက်ရကောင်းမှန်းသိလာပြီ
  • အစားအသောက်တွေကို ကြိုက်တယ်၊ မကြိုက်ဘူး တုံ့ပြန်တတ်ပြီ
  • ချောင်းဟန့်တာလိုမျိုး အာရုံစိုက်ခံရအောင် အသံတွေလုပ်တတ်ပြီ
  • စာအုပ်တွေလှန် ကြည့်တတ်ပြီ
  • အရုပ်တွေကို ကိုယ်တိုင်ထုတ်ဆော့တတ်ပြီ
  • ပြောစကားအတိုင်း လိုက်လုပ်တတ်ပြီ။

မေမေနဲ့ဖေဖေတို့က ဘာတွေလုပ်ပေးဖို့လိုမလဲ……..

ဒီအရွယ်မှာ ဘေဘီလေးရဲ့ ရုပ်ပိုင်းဆိုင်ရာ နဲ့ စိတ်ပိုင်းဆိုင်ရာ ကြီးထွားဖွံ့ဖြိုးစေဖို့ မေမေဖေဖေတို့အနေနဲ့

  • ညှစ်တဲ့အခါ ဒါမှမဟုတ် လှုပ်တဲ့အခါ အသံထွက်တဲ့ အရုပ်တွေပေးဆော့ပါ
  • မှန်ရှေ့မှာ သူ့နာမည်လေးခေါ်ရင်း မှန်ထဲမှာ သူ့ရုပ်ပုံလေးပေါ်နေတယ်ဆိုတာကို သိအောင်ပြပေးပါ
  • စကားပြောတဲ့အခါ သူ့ရဲ့ တုံ့ပြန်မှုကို စောင့်ပေးပါ
  • တူဝါးဆော့ပါ
  • သူက လက်ညှိုးထိုးတဲ့ အရုပ်လေးတွေ အရာဝတ္ထုလေးတွေရဲ့ အမည်ကို ပြောပြပေးပါ
  • အသံတုလေးတွေလုပ်ပြပေးပါ
  • မေမေလို့ ပါးစပ်ကပြောရင်း ဘေဘီလေးကို လိုက်ခေါ်ခိုင်းပါ
  • နေ့တိုင်း ရုပ်ပုံပါတဲ့ စာအုပ်တွေဖတ်ပြပါ။ ပုံပြင်ဖတ်ပြပါ
  • ထုလို့၊ ညှစ်လို့ရတဲ့ အရုပ်တွေနဲ့ ပေးဆော့ပါ
  • အတုံးလေးတွေစီပြီး တူတူဆော့ပါ
  • ရေချိုးချိန် သတ်မှတ်ပေးပါ
  • အိပ်ချိန်သတ်မှတ်ပေးပါ
  • ခွက်ကို ကိုင်တတ်အောင် သင်ပေးပါ။

အခုပြောပြခဲ့တာကတော့ ဘေဘီလေးရဲ့ ၇ လ ကနေ ၉ လအတွင်းမှာတွေ့ရမယ့် ကြီးထွားဖွံ့ဖြိုးမှု နဲ့ ဖေဖေမေမေတို့အနေနဲ့ လုပ်ပေးရမယ့်အချက်တွေပါ။ နောက်လတွေမှာရော ဘေဘီလေးက ဘယ်လိုများဆက်ဖွံဖြိုးဦးမှာလဲ………..

Hello Health Group သည် ဆေးပညာအကြံဉာဏ်များ၊ ရောဂါရှာဖွေမှုများနှင့် ကုသမှုများ မပြုလုပ်ပေးပါ။

ဒီဆောင်းပါးက သင့်အတွက် အသုံးဝင်ပါသလား။
happy unhappy

သင်ဒါလည်း နှစ်သက်နိုင်ပါတယ်။

ခွေးကြောက်တဲ့ စိတ်ရောဂါ (Cynophobia)

ခွေးကြောက်တဲ့ စိတ်ရောဂါ (Cynophobia) ဆိုလို့ ထူးဆန်းသွားလား..... ခွေးက လူသားတွေအတွက် သစ္စာအရှိဆုံး မိတ်ဆွေပါ။ ဒါပေမယ့် ခွေးတွေကို ......

ဆေးပညာပိုင်းဆိုင်ရာတည်းဖြတ်သူ Dr. Htet Htet Zaw Win
ရေးသားသူ Aye Thi Mon

ဘာတွေကများ အိမ်တွင်းလေထု ကို ညစ်ညမ်းစေတာလဲ………

ဘာတွေကများ အိမ်တွင်းလေထု ကို ညစ်ညမ်းစေတာလဲ……… အိမ်တွင်းက လေထုကို ညစ်ညမ်းစေတဲ့ အရာတွေက အခြား မဟုတ်ပါဘူး။ နေ့စဉ်ဘဝမှာ အသုံးပြုနေတဲ့

ဆေးပညာပိုင်းဆိုင်ရာတည်းဖြတ်သူ Dr. Htet Htet Zaw Win
ရေးသားသူ Aye Thi Mon

မွေးကင်းစ ဘေဘီလေးကို ကိုဗစ်ကာလမှာ ဒီလို ကာကွယ်ပါ

မွေးကင်းစ ဘေဘီလေးကို ကိုဗစ်ကာလမှာ ဒီလို ကာကွယ်ပါ ဘေဘီလေးတွေက လူကြီးတွေလို ရောဂါလက္ခဏာ မပြင်းထန်ပေမယ့် လုံးဝ မကူးစက်တာမျိုး မဟုတ်ပါဘူး။

ဆေးပညာပိုင်းဆိုင်ရာတည်းဖြတ်သူ Dr. Htet Htet Zaw Win
ရေးသားသူ Aye Thi Mon

အင်ဆူလင် နှင့် အလွဲများ

အင်ဆူလင် နှင့် အလွဲများ ............................ သင်ရော ဘာတွေ မှားသိထားသေးလဲ ဆန်းစစ်ကြည့်ရအောင်လား...........

ဆေးပညာပိုင်းဆိုင်ရာတည်းဖြတ်သူ Dr. Htet Htet Zaw Win
ရေးသားသူ Aye Thi Mon

သင့်အတွက် ရွေးချယ်ထားသည်

ဘေဘီလေးက သရက်သီး စားလို့ရလား……….

ဆေးပညာပိုင်းဆိုင်ရာတည်းဖြတ်သူ Dr. Htet Htet Zaw Win
ရေးသားသူ Aye Thi Mon
ရေးသား ထုတ်ဝေခဲ့သည် စက်တင်ဘာ 24, 2021 . 2 mins read
ကိုဗစ်ကာကွယ်ဆေးကို ဘယ်သူတွေ ထိုးလို့ ဘယ်သူတွေ မထိုးသင့်ဘူးလဲ.........

ကိုဗစ်ကာကွယ်ဆေးကို ဘယ်သူတွေ ထိုးလို့ ဘယ်သူတွေ မထိုးသင့်ဘူးလဲ………

ရေးသားသူ Aye Thi Mon
ရေးသား ထုတ်ဝေခဲ့သည် စက်တင်ဘာ 21, 2021 . 3 mins read
ဘေဘီလေးကို ဘယ်အချိန်မှာ ဖရဲသီး စကျွေးမလဲ ......

ဘေဘီလေးကို ဘယ်အချိန်မှာ ဖရဲသီး စကျွေးမလဲ ……

ဆေးပညာပိုင်းဆိုင်ရာတည်းဖြတ်သူ Dr. Htet Htet Zaw Win
ရေးသားသူ Aye Thi Mon
ရေးသား ထုတ်ဝေခဲ့သည် စက်တင်ဘာ 13, 2021 . 2 mins read
ဘေဘီလေးတွေအတွက် သွားပွတ်တံ ဒီလိုရွေးပါ

ဘေဘီလေးတွေအတွက် သွားပွတ်တံ ဒီလိုရွေးပါ

ဆေးပညာပိုင်းဆိုင်ရာတည်းဖြတ်သူ Dr. Htet Htet Zaw Win
ရေးသားသူ Aye Thi Mon
ရေးသား ထုတ်ဝေခဲ့သည် စက်တင်ဘာ 13, 2021 . 2 mins read