ဘေဘီလေး နဂါးမောက်သီး စားလို့ရလား

    ဘေဘီလေး နဂါးမောက်သီး စားလို့ရလား

    အမြင်ဆန်းသလို အရသာလည်း ရှိတဲ့ နဂါးမောက်သီး စားရင်း ဘေဘီလေးဆို ကြိုက်မှာ ကျွေးလို့ရမလားဆိုပြီး သိချင်နေတဲ့ ဘွားဘွားတို့ တီတီတို့ ရှိလား …. ဒါဆိုရင်တော့ ဒီဆောင်းပါးလေးကို ဖတ်ကြည့်လိုက်ပါ။ ဒီဆောင်းပါးလေးထဲမှာ ဘေဘီလေး နဂါးမောက်သီး စားလို့ရလား ဆိုတာကို ပြောပြပေးသွားပါမယ်။

    နဂါးမောက်သီး ဆိုတာ

    နဂါးမောက်သီး ဆိုတဲ့နေရာမှာ အဖြူရောင် နဲ့ အနီရောင်ဆိုပြီး ၂ မျိုး ရှိပါတယ်။ အဖြူရောင်က အတွင်းသား အဖြူရောင်မှာ အမည်းအစက်အစက် နဲ့ အစေ့လေးတွေ ပါတတ်ပြီး အနီရောင်ကတော့ အတွင်းသား အနီရောင်မှာ အမည်းအစက်အစက် နဲ့ အစေ့လေးတွေ ပါတတ်ပါတယ်။ အဖြူရောင် အသီးက ခပ်ရှည်ရှည် ဖြစ်ပြီး အနီရောင်မျိုးက ခပ်ဝိုင်းဝိုင်းလေးတွေပါ။

    မြန်မာနိုင်ငံမှာ ပေါက်ရောက်သလို အာရှနိုင်ငံတော်တော်များများမှာ ပေါက်ရောက်ကြပါတယ်။

    နဂါးမောက်သီးမှာ ဘယ်လို အာဟာရတွေ ပါဝင်နေလဲ

    စားရတာ အရသာရှိသလို ဘေဘီလေးတွေ ခံတွင်းတွေ့လောက်တဲ့ နဂါးမောက်သီးမှာ အခုလို အာဟာရဓာတ်လေးတွေ ပါဝင်နေပါတယ်။

    ဘေဘီလေး နဂါးမောက်သီး စားလို့ရလား

    ဘေဘီလေး နဂါးမောက်သီး စားလို့ရလား

    ဘေဘီလေး နဂါးမောက်သီး စားလို့ရလား …. ဆိုတော့ ရပါတယ်။ ဘေဘီလေးက အသက် ၆ လ ပြည့်ပြီ။ Solid Food လည်း စစားပြီ။ ကီဝီသီး၊ ပန်းဝတ်မှုန်တို့နဲ့ ဓာတ်မတည့်တာမျိုးလည်း မရှိဘူးဆိုရင် နဂါးမောက်သီးကို စစားလို့ ရပါပြီ။

    တကယ်လို့ ဘေဘီလေးက ဓာတ်မတည့်မှု တစ်မျိုးမျိုး ခံစားရဖူးမယ်ဆိုရင်တော့ မကျွေးချင် ဆရာဝန်နဲ့ အရင် တိုင်ပင်စေချင်ပါတယ်။

    ဘေဘီလေးကို နဂါးမောက်သီး ကျွေးပေးတဲ့အခါ

    ဘေဘီလေးကို နဂါးမောက်သီး ကျွေးပေးတဲ့အခါ အခုလို အကျိုးကျေးဇူးလေးတွေ ရရှိစေနိုင်ပါတယ်။

    အရိုးတွေ သန်မာစေနိုင်တယ်

    နဂါးမောက်သီးမှာ ကယ်လ်ဆီယမ် နဲ့ ဖော့စဖရပ် ပါဝင်နေတာကြောင့် ဘေဘီလေးရဲ့ အရိုးတွေ သန်မာကြံ့ခိုင်စေဖို့ အထိရောက်ဆုံး ထောက်ကူပေးနိုင်ပါတယ်။ အရိုးပျော့တာမျိုး မဖြစ်စေဖို့ ကာကွယ်ပေးသလို ဘေဘီလေး အရွယ်ရောက်လာချိန်မှာ အဆစ်ရောင်နာ မဖြစ်စေဖို့လည်း ကာကွယ်ပေးပါတယ်.

    ဗီတာမင် C ပါဝင်နေတာကလည်း ခန္ဓာကိုယ်ကို ကျန်းမာစေပြီး အရေပြား၊ အရိုး နဲ့ ကြွက်သားတွေရဲ့ ဖွံ့ဖြိုးမှုကို အသက်အရွယ်အလိုက် အကောင်းဆုံး ဖွံ့ဖြိုးစေဖို့ ထောက်ကူပေးပါတယ်။

    ကိုယ်ခံအား ကောင်းစေတယ်

    ဓာတ်တိုးဆန့်ကျင်ပစ္စည်းတွေ ကြွယ်ဝစွာပါဝင်နေတာကြောင့် ဆဲလ်အမြှေးပါးတွေကို ဓာတ်တိုးပစ္စည်းတွေကြောင့် ထိခိုက်မှု မဖြစ်စေဖို့ ကာကွယ်ပေးပါတယ်။ ဓာတ်တိုးဆန့်ကျင်ပစ္စည်းတွေက ဘေဘီလေးကို ရောဂါတွေရန်ကနေ ကာကွယ်ပေးပြီး ကိုယ်ခံအား ကောင်းကောင်း ပိုင်ဆိုင်နိုင်စေဖို့ ထောက်ကူပေးပါတယ်။

    သံဓာတ် ပါဝင်နေမှုက သွေးနီဥဆဲလ် အရေအတွက်တိုးစေပြီး သွေးအားနည်းတာလိုမျိုး ဘေဘီလေးရဲ့ ကြီးထွားဖွံ့ဖြိုးမှုကို ထိခိုက်စေနိုင်တဲ့ ရောဂါတွေ မဖြစ်စေဖို့ ကာကွယ်ပေးပါတယ်။ သံဓာတ်က ဘေဘီလေးရဲ့ ဆံသားလေးတွေ ကျန်းမာစေဖို့လည်း ထောက်ကူပေးပါတယ်။

    အစာခြေစနစ် ကျန်းမာစေတယ်

    အမျှင်ဓာတ် ပါဝင်တာကြောင့် နဂါးမောက်သီးက ဘေဘီလေးကို ဝမ်းမှန်စေပြီး အစာခြေစနစ်ပြဿနာ ကင်းစေမှာပါ။ ရေဓာတ် ကြွယ်ဝမှုကလည်း အူနံရံတွေကို အာဟာရဓာတ်တွေ ကောင်းစွာစုပ်ယူနိုင်စေဖို့ ထောက်ကူပေးပြီး ကျန်းမာတဲ့ ကိုယ်အလေးချိန် ရစေဖို့ ထောက်ကူပေးနိုင်မှာပါ။

    မျက်လုံး ကျန်းမာစေတယ်

    ဗီတာမင် A ပါဝင်နေတာကလည်း မျက်လုံး နဲ့ အမြင်အာရုံ ကျန်းမာစေဖို့ အကောင်းဆုံး ထောက်ကူပေးနိုင်ပါတယ်။

    နှလုံး ကျန်းမာစေတယ်

    ပိုတက်ဆီယမ် ပါဝင်နေတာကြောင့် သွေးပေါင်ချိန်ကို ထိန်းညှိပေးပြီး ဘေဘီလေး နှလုံး ကျန်းမာစေဖို့ ထောက်ကူပေးပါတယ်။

    လှုပ်ရှားမှု စွမ်းရည် ကောင်းစေတယ်

    ကယ်လ်ဆီယမ်၊ ဆိုဒီယမ်၊ ဖော့စဖရပ် တို့ပါဝင်နေတာကြောင့် အာရုံကြောစနစ် ကျန်းမာစေပြီး ဘေဘီလေးရဲ့ အာရုံခံနိုင်စွမ်းနဲ့ လှုပ်ရှားနိုင်မှုစွမ်းရည်ကို ကောင်းမွန်စေပါတယ်။ ကျန်းကျန်းမာမာ ဖွံ့ဖြိုးလာစေဖို့ ထောက်ကူပေးနိုင်မှာပါ။

    အသားအရေ ကျန်းမာစေတယ်

    ဗီတာမင် C ပါဝင်နေတာက အရေပြားကို ကျန်းမာစေပြီး ဆဲလ်အသစ်တွေ ဖြစ်ပေါ်စေသလို အသားအရေ ချောမွေ့ပြီး အသားဖြူစေဖို့ ထောက်ကူပေးပါတယ်။ ဘေဘီလေးကို အရေပြားပြဿနာ ကင်းတဲ့ ဘေဘီလေးအဖြစ် ကြီးပြင်း အရွယ်ရောက်လာစေမှာပါ။

    ဒီလောက် အကျိုးကျေးဇူးတွေ များနေမှတော့ ဘေဘီလေးကို နဂါးမောက်သီး ကျွေးလို့ရသလို ကျွေးလည်း ကျွေးသင့်ပါတယ်။ လတ်ဆတ်ပြီး organic ဖြစ်ဖို့တော့ သတိထားရမှာပေါ့။

    ကဲ ….. ဘေဘီလေး နဂါးမောက်သီး စားလို့ရလား ….. ဆိုတဲ့ အဖြေထွက်လောက်ပြီ ထင်ပါတယ်။

    ဘေဘီလေးကို နဂါးမောက်သီး ကျွေးပေးတဲ့အခါ

    • အရိုးတွေ သန်မာစေနိုင်တယ်
    • ကိုယ်ခံအား ကောင်းစေတယ်
    • အစာခြေစနစ် ကျန်းမာစေတယ်
    • မျက်လုံး ကျန်းမာစေတယ်
    • နှလုံး ကျန်းမာစေတယ်
    • လှုပ်ရှားမှု စွမ်းရည် ကောင်းစေတယ်
    • အသားအရေ ကျန်းမာစေတယ်။

    Hello Health Group သည် ဆေးပညာအကြံဉာဏ်များ၊ ရောဂါရှာဖွေမှုများနှင့် ကုသမှုများ မပြုလုပ်ပေးပါ။

    မှ အချက်အလက် စစ်ဆေးထားပါသည်။

    Aye Thi Mon


    Aye Thi Mon မှ ရေးသားသည်။ · 01/08/2022 တွင် အသစ်ဖြည့်စွက်ခဲ့သည်။

    advertisement
    advertisement
    advertisement
    advertisement