မတ်လမှာ မွေးဖွားတဲ့ ဘေဘီလေးတွေရဲ့ ထူးခြားချက်လေးများ

မတ်လမှာ မွေးဖွားတဲ့ ဘေဘီလေးတွေရဲ့ ထူးခြားချက်လေးများ

မတ်လမှာ မွေးဖွားတဲ့ ဘေဘီလေးတွေရဲ့ ထူးခြားချက်လေးများ ကတော့

• အလိုလို သိစိတ်ရှိကြသူလေးတွေပါ

လူတိုင်းရဲ့ စိတ်ကို ဖတ်နိုင်ကြသလို အရာရာကို အလိုလို သိစိတ် ရှိနေကြသူလေးတွေပါ။ မတ်လဖွား ဘေဘီလေးတွေက ဉာဏ်ကောင်းကြပါတယ်။ သူတို့လေးတွေကို အခြားသူတွေက အရူးလုပ်ခံရမှာကို မပူရပါဘူး။

• ဦးဆောင်နိုင်ကြသူလေးတွေပါ

• သနားကြင်နာတတ်ကြသူတွေပါ

မတ်လဖွား ဘေဘီလေးတွေက အရမ်းကို သနားကြင်နာတတ်ကြသူတွေပါ။ သူငယ်ချင်းတွေ မိသားစုဝင်တွေအပေါ် အရမ်းကြင်နာတတ်ကြသူတွေပါ။ အခြားသူတွေကို ပေးဝေလှူဒါန်း တတ်ကြသလို မိတ်ဆွေ သူငယ်ချင်းတိုင်းရဲ့ အသေးအမွှားတွေ အတွက်လည်း အချိန်ပေး ဖြေရှင်းတတ်ကြသူလေးတွေပါ။

• အကောင်းမြင်တတ်ကြသူတွေပါ

နွေဦးကာလ နေခြည်နုနုမှာ မွေးဖွားတဲ့ ဘေဘီလေးတွေက ဗီတာမင် D လုံလောက်စွာ ရရှိမှုကြောင့် အကောင်းမြင်တတ်ကြပါတယ်။ အခြေအနေတွေ ဘယ်လောက် ဆိုးဆိုး အကောင်းဆုံး ကိုင်တွယ် ဖြေရှင်းနိုင်မယ့် နည်းလမ်းကို ရအောင် ရှာတတ်ကြသလို အရာရာကို အကောင်းမြင်ရင်း အလွယ်တကူ စိတ်ဓာတ် မကျတတ်ကြသူလေးတွေပါ။

• တီထွင်ဖန်တီးဉာဏ် ကောင်းကြတယ်

မတ်လမှာ မွေးဖွားတဲ့ ဘေ​ဘီလေးတွေက စိတ်ကူးဉာဏ်ရင့်သန်ကြသလို တီထွင်ဖန်တီးမှုစွမ်းအားလည်း ကောင်းကြပါတယ်။ ကလေးက ကိုယ်ပိုင်ဖန်တီးနိုင်စွမ်း မြင့်သလို ပဟေဠိတွေကို ဖြေရှင်းနိုင်စွမ်းလည်း ကောင်းကြပါတယ်။ ဖေဖော်ဝါရီဖွားလေးတွေက အနာဂတ်မှာ တီထွင်ဖန်တီးဉာဏ်ကောင်းလွန်းတဲ့သူလေးတွေ ဖြစ်လာကြမှာပါ။ အနုပညာမှာ ဝါသနာထုံကြသူတွေဖြစ်သလို ဂီတ၊ အက၊ ပန်းချီစတာတွေမှာလည်း ထူးချွန်ကြပါတယ်။။

• သစ္စာရှိကြသူလေးတွေပါ

မတ်လဖွားလေးတွေက ယုံကြည်ရတဲ့သူလေးတွေပါ။ အခြားသူတွေရဲ့ အကြောင်းအရာတွေကို နှုတ်လုံစောင့်စည်းတတ်ကြသလို သူငယ်ချင်းတွေအပေါ်မှာ သစ္စာစောင့်သိကြသူလေးတွေပါ။ အပျက်သဘော မတွေးတတ်ကြသလို အဆိုးမြင်တတ်သူတွေ၊ သစ္စာမဲ့သူတွေနဲ့ အပေါင်းအသင်း မလုပ်တတ်ကြသူတွေပေါ့။

• တစ်ယောက်တည်း နေရတာကို နှစ်သက်သူလေးတွေပါ

မတ်လဖွား ဘေဘီလေးတွေက တစ်ကိုယ်တည်း အချိန်ဖြုန်းရတာကို နှစ်သက်ကြသလို ကိုယ့်အတွေးတွေထဲမှာ နစ်မြောနေတတ်ကြသူတွေပါ။ တိတ်ဆိတ်ငြိမ်သက်တဲ့ နေရာမှာ အချိန်ဖြုန်းတတ်ကြပါတယ်။ ဒါကလည်း သူတို့လေးတွေရဲ့ တီထွင်ဖန်တီးနိုင်စွမ်းကို ထောက်ကူပေးနေတာပေါ့။

• ဝီရိယ ကောင်းကြသူလေးတွေပါ

မတ်လဖွားလေးတွေက ညဘက်တွေမှာ စောစော အိပ်ရာဝင်တတ်ကြသလို မနက်ခင်းမှာ စောစောလေး ထပြီး လုပ်စရာရှိသူတွေကို ကြိုတင်ပြင်ဆင်လို့ ဝီရိယကောင်းတတ်ကြသူတွေလို့ ဆိုရပါမယ်။ သူတို့လေးတွေရဲ့ ဒီအချက်ကြောင့်ပဲ သူတို့က အောင်မြင်သူတွေအဖြစ် ရပ်တည်နိုင်နေကြတာပေါ့။

မတ်လမှာ မွေးဖွားကြတဲ့ ဘေဘီလေးတွေမှာ အခုလို ကောင်းမွန်တဲ့ ကိုယ်ရည်ကိုယ်သွေးလေးတွေကို ပိုင်ဆိုင်ထားကြပါတယ်။ အကောင်းဆုံး ဖြစ်လာအောင် ပျိုးထောင်ပေးဖို့ကတော့ မေမေဖေဖေတို့မှာ တာဝန်ရှိတာပေါ့နော်။ ကလေးတွေကို ငယ်စဉ်ကတည်းက အကောင်းဆုံး ပျိုးထောင်ပေးတာက ကလေးကို ကောင်းမွန်စွာ ကြီးပြင်းလာစေဖို့ အကောင်းဆုံး ထောက်ပံ့ပေးလိုက်တာပါပဲနော်။