backup og meta

ကလေးအသက်ခြောက်လ အထိ မိခင်နို့တစ်မျိုးတည်း ဘယ်လိုတိုက်ကျွေးမလဲ။

ကလေးအသက်ခြောက်လ အထိ မိခင်နို့တစ်မျိုးတည်း ဘယ်လိုတိုက်ကျွေးမလဲ။
ကလေးအသက်ခြောက်လ အထိ မိခင်နို့တစ်မျိုးတည်း ဘယ်လိုတိုက်ကျွေးမလဲ။

မိခင်နို့သည်ကလေးများအတွက် အကောင်းဆုံးအာဟာရအရင်းအမြစ်တစ်ခုဖြစ်ပါသည်။ ကမ္ဘာ့ကျန်းမာရေးအဖွဲ့အစည်းမှ မိခင်များကို မိမိတို့၏ကလေးငယ်များအား အသက်ခြောက်လ အထိ မိခင်နို့တစ်မျိုးတည်း တိုက်ကျွေးခြင်းဖြင့် ကောင်းမွန်စွာဖွံ့ဖြိုးတိုးတက်ပြီး ကျန်းမာစေဖို့အတွက်လမ်းညွှန်ထားပါသည်။ အောက်တွင် အသက်ခြောက်လအထိမိခင်နို့တစ်မျိုးတည်း ဘယ်လိုအောင်မြင်စွာ တိုက်ကျွေးမလဲဆိုသည့်နည်းလမ်းများကို ဖော်ပြပေးထားပါသည်။

အသက်ခြောက်လအထိမိခင်နို့တစ်မျိုးတည်းတိုက်ကျွေး ခြင်း၏အကျိုးကျေးဇူးများ

မိခင်အတွက်

  • ကယ်လိုရီများလျော့ကျပြီးကိုယ်အလေးချိန်မြန်မြန်ကျစေသည်။
  • သားအိမ်မြန်မြန်ကျုံ့စေသည်။
  • ကလေးမွေးပြီး သားအိမ်သွေးသွန်ခြင်းကို လျှော့ချပေးသည်။
  • ဆီးချို၊နှလုံးရောဂါ၊အရိုးပွ၊ ရင်သားကင်ဆာရောဂါဖြစ်နိုင်ခြေများ လျှော့ချပေးသည်။
  • သွေးတွင်းသကြားဓါတ်နှင့် ကိုလက်စထရောထိန်းချုပ်မှု အားကောင်းစေသည်။

ကလေးအတွက်

  • ဉာဏ်ရည်ဖွံ့ဖြိုးတိုးတက်စေသည်။
  • ဓါတ်မတည့်ခြင်း၊ ဆီးချို၊ ပန်းနာရင်ကျပ်ဖြစ်ပွားမှုများ လျော့ကျစေသည်။
  • ရောဂါများပိုးမွှားများကိုကိုယ်ခံအားပိုမိုကောင်းစေသည်။
  • သွားပိုးပေါက်ဖြစ်ခြင်းမှာကာကွယ်ပေးသည်။

ယနေခေတ်တွင်ကြုံတွေ့ရသော အခက်အခဲများ

တကယ်လက်တွေ့တွင် ကလေးငယ်များ၏ တစ်ဆယ့်ငါးရာခိုင်နှုန်း အောက်ကိုသာလျှင် အသက်ခြောက်လပြည့်သည်အထိ မိခင်နို့တစ်မျိုးတည်းတိုက်ကျွေးနေကြပါသည်။ အသက်ခြောက်လအထိမိခင်နို့တစ်မျိုးတည်းတိုက်ကျွေးဖို့မိခင်များအတွက်ဘာကြောင့်ခက်ခဲနေသလဲဆိုရင်

  • မိခင်များသည်အသက်ခြောက်လအထိနို့ လုံလောက်စွာမထုတ်နိုင်ဘူးဟု အထင်အမြင်မှားကြသည်။
  • နို့တိုက်၍နာကျင်မည်ကိုကြောက်ကြသည်။
  • အလုပ်လုပ်ရခြင်းတွေကြောင့် အလုပ်ရှုပ်ပြီးမိခင်ကိုပင်ပန်းနွမ်းနယ်စေသည်ဟု ထင်ကြသည်။
  • ဆရာဝန်များနှင့်မိသားစုဝင်များထံမှ နှစ်သိမ့်အားပေးမှုနှင့်ပညာပေးမှုမရရှိကြပါ။
  • လူကြားထဲတွင် ကလေးနို့တိုက်ရမည်ကို ရှက်ကြသည်။

ခြောက်လအထိမိခင်နို့တစ်မျိုးတည်းဘယ်လိုတိုက်ကျွေးမလဲ။

မိခင်နို့တိုက်ကျွေးဖို့အတွက် လိုအပ်သောအကြံဉာဏ်နှင့် သတင်းအချက်အလက်ရရှိဖို့အတွက်သင်တန်းတက်ပါ။ ကလေးမွေးပြီးပြီးချင်းမှစ၍မိခင်နို့တိုက်ကျွေးပါ။ ကလေးရောမိခင်ရောနှစ်ဦးလုံးအဆင်ပြေမည့် နို့တိုက်နည်းပုံသဏ္ဍာန်များကို စမ်းသပ်တိုက်ကျွေးကြည့်ပါ။ နို့ဘယ်လိုညှစ်မလဲနို့ဘယ်လိုသိမ်းဆည်းထားမလဲဆိုတာကိုလေ့လာပါ။

  • သင်၏အလုပ်ရှင်နှင့်လုပ်ဖော်ကိုင်ဖက်များနှင့် ဆွေးနွေးပါ။ အလုပ်ထဲတွင် သက်တောင့်သက်သာရှိရှိနှင့် ကလေးဘယ်လိုနို့တိုက်ရမလဲဆိုသည့်အကြောင်းကို ဆွေးနွေးပါ။
  • သင်ကိုယ်တိုင်ရေကို လုံလုံလောက်လောက်သောက်ပါ။ အာဟာရှိသောအစားအစာစားပါ။
  • သင်တစ်ယောက်ထဲ မကြိုးုစားပါနှင့်။ သင်၏အိမ်ထောင်ဖက်နှင့်သင့်မိသားစုကို တိုင်ပင်ဆွေးနွေးပြီး သူတို့ထံမှအားပေးမှုနှင့်ကူညီမှုရယူပါ။
  • သင်တကယ်ကို မောပန်းနွမ်းနယ်သွားသောအခါတွင်နို့ဘူးအနည်းငယ်ရောတိုက်ပါ။

နိုတိုက်နေစဉ်ခြောက်လအတွင်းစိန်ခေါ်မှုများ

  • ကလေးဂျီကျခြင်း
  • ကလေးသွားပေါက်ပြီးမိခင်နို့အုံ အားကိုက်ခြင်း
  • မိခင်နို့ထွက်နှုန်း လျော့ကျလာခြင်း
  • စိတ်သောကရောက်ခြင်း

မိခင်များသည် ဤကဲ့သို့အခက်အခဲများကို ကြုံတွေ့ရနိုင်သော်လည်း မိခင်နို့တိုက်ခြင်း၏အကျိုးကျေးဇူးများသည် အမှန်ပင်များပြားလှပါသည်။ ထို့ကြောင့်စိတ်ဓါတ်မကျဘဲနှင့် ခြောက်လအထိ မိခင်နို့တိုက်ကျွေးဖို့ အကောင်းဆုံးကြိုးုစားကြည့်ရန် တိုက်တွန်းလိုက်ပါသည်။

Hello Health Group သည်ဆေးပညာအကြံပြုချက်များ၊ရောဂါရှာဖွေအတည်ပြုချက်များနှင့် ကုသမှုများမပြုလုပ်ပေးပါ။

[embed-health-tool-vaccination-tool]

မသက်ဆိုင်ကြောင်း ရှင်းလင်းချက်

Hello Health Group သည် ဆေးပညာအကြံဉာဏ်များ၊ ရောဂါရှာဖွေမှုများနှင့် ကုသမှုများ မပြုလုပ်ပေးပါ။

Exclusive breastfeeding for six months best for babies everywhere.
http://www.who.int/mediacentre/news/statements/2011/breastfeeding_20110115/en/ Accessed April 20, 2017

– Achieving 6 Months of Exclusive Breastfeeding. http://mypositiveparenting.org/2016/03/28/achieving-6-months-of-exclusive-breastfeeding/ Accessed April 20, 2017

BREASTFEEDING BENEFITS AFTER 6 MONTHS. https://breastfeedingneeds.com/breastfeeding-benefits-after-6-months/ Accessed April 20, 2017

ယခုပုံစံ

10/08/2022

Dr. Kaung Thar မှ ရေးသားသည်။

Aye Thi Mon မှ ပြင်ဆင်ခဲ့ပါသည်။


ဆက်စပ် အကြောင်းအရာများ

Terrible Two ကို ဘယ်လိုကိုင်တွယ်မလဲ

ကလေးအသားအရေ ချွေးမစားစေဖို့ ဘယ်လိုကူညီပေးနိုင်သလဲ              



Dr. Kaung Thar မှ ရေးသားသည်။ · 10/08/2022 တွင် အသစ်ဖြည့်စွက်ခဲ့သည်။

ad iconadvertisement

ဤဆောင်းပါးက အကူအညီဖြစ်ပါသလား။

ad iconadvertisement
ad iconadvertisement