ခြေထောက် နာကျင်ခြင်းကို သက်သာစေနိုင်မယ့် နည်း ၅ နည်း

တစ်နေ့လုံး မတ်တပ်ရပ်ရတာ၊ တခြားရောဂါတွေ ရှိတာ စတဲ့ အကြောင်းပြချက် တစ်ချို့ကြောင့် ခြေထောက်နာကျင်မှု ခံစားရနိုင်ပါတယ်။ အိမ်မှာပဲ လုပ်လို့ ရတဲ့ ဒီလေ့ကျင့်ခန်း တချို့က အကုန်အကျ သက်သာစွာနဲ့ ခြေထောက်နာကျင်မှုကို သက်သာစေနိုင်ပါလိမ့်မယ်။ ခြေထောက် နာကျင်ခြင်းကို သက်သာစေနိုင်မယ့် နည်း ၅ နည်း ကို အတူတူ ကြည့်လိုက်ရအောင်နော်။

ခြေထောက် နာကျင်ခြင်းကို သက်သာစေနိုင်မယ့် နည်း ၅ နည်း

ခြေထောက် နာကျင်ခြင်းကို သက်သာစေနိုင်မယ့် နည်း ၅ နည်း ကတော့

• ခြေဖနောင့် ဆွဲဆန့်ခြင်း

မျက်စိနဲ့ တန်းတန်းမှာ လက်နှစ်ဘက်ကို နံရံပေါ်မှာ ဆန့်ဆန့်ထားပါ။ သင့် ညာခြေထောက်ကို ဘယ်ခြေထောက်နောက်မှာ ထားခဲ့ပါ။ ဖြည်းဖြည်းညင်ညင်သာသာ ဘယ်ခြေကို ကွေးလိုက်ပြီး နံရံကို တွန်းထားပါ။ အဲ့အနေအထားအတိုင်း စက္ကန့် ၂၀ ကနေ ၃၀ ( အသက်၄၊ ၅ကြိမ် ရှူပြီး ) လောက် ထိန်းထားပါ။ ၅ကြိမ် ပြန်လုပ်ပြီးနောက် နောက်တစ်ဖက်ကို ပြောင်းလုပ်ပါ။

• အိပ်ရာထက်မှာ ခြေသလုံးကြွက်သားဖြေလျှော့ခြင်း

အိပ်ရာနိုးနိုးချင်း အိပ်ရာထဲက ထွက်ပြီး မနက်ပိုင်း အစပိုင်း ပြုလုပ်ခြင်းက သင့်ရောင်ရမ်းခြင်း နာကျင်ခြင်းကို ပိုဆိုးသွားစေနိုင်ပါတယ်။ နာကျင်မှု သက်သာစေတဲ့ အကောင်းဆုံး နည်းလမ်းကတော့ အိပ်ရာထဲက မထွက်ခင် သင့်ခြေသလုံး ကြွက်သားကို ဖြေလျှော့ပေးသင့်ပါတယ်။

သင့်ခြေသလုံး ကြွက်သားတွေက တောင့်တင်းနေတဲ့အခါမှာ ခြေဖနောင့်ရိုးကို ဆွဲပြီး ခြေဖဝါး အရွတ်ပြားကို တောင့်တင်းစေကာ အလွယ်တကူ ထိခိုက်မိစေနိုင်ပါတယ်။ တောင့်တင်းမှုတွေ ပြေလျော့စေဖို့အတွက်ဆိုရင် ပဝါ သို့ ခါးပတ်ကို U ပုံစံ ဖြစ်အောင် လုပ်ပြီး သင့်ခြေဖနောင့်နားမှာ ထားပါ။

သင့်ခြေထောက် အောက်ပိုင်း ဆန့်သွားတယ်လို့ ခံစားရသည်အထိ ခြေထောက်ကို ဆန့်ပြီး ကိုယ်ကို ကွေးပါ။ အိပ်ရာထဲက မထွက်သေးခင် ၃ ကြိမ်ကနေ ၅ ကြိမ်အထိ အခါခါ ပြုလုပ်ပါ။

ရေအေးအေး နဲ့ ရေခဲအိတ်တွေက ရောင်ရမ်းတာကို ကျစေပါတယ်။ သက်သောင့်သက်သာ ရှိတဲ့ ခုံမှာ ထိုင်ပါ။ ကြမ်းပြင်ပေါ်မှာ ရေခဲပုလင်းကိုထားပါ။

သင့်ခြေဖဝါးကို ပုလင်း ပေါ်တင်ပြီး ခြေဖဝါး အစကနေ အဆုံးအထိ ၅ မိနစ်လောက် ဖြည်းဖြည်းချင်း လှိမ့်ပေးပါ။

ခြေဖနောင့် နှစ်ခုလုံး နာနေတယ်ဆိုရင် တစ်ဖက်ပြီး တစ်ဖက်အတွက် အသုံးပြုနိုင်ပါတယ်။ ဒီလေ့ကျင့်ခန်းက ခြေဖဝါးအရွတ်ပြားကို ဖြည်းဖြည်းချင်းဆွဲဆန့်ပေးပါတယ်။ ခြေဖဝါး အရွတ်ပြား ရောင်ခြင်းကြောင့် အဖြစ်များတဲ့ ရောင်ရမ်းခြင်းတွေကို သက်သာစေဖို့ လေ့ကျင့်ခန်း ပြုလုပ်စဉ်မှာ သင့်ခြေထောက်ကို အအေးခံထားနိုင်ပါတယ်။

• လှေကားထစ်ဆွဲဆန့်ခြင်း

ဘယ်လှေကား အထစ်မှာ ဖြစ်ဖြစ် သင့်ခြေထောက် နှစ်ဘက်လုံးနဲ့ လှေကားထစ်မှာ မတ်မတ်ရပ်ပါ။ သင့် အလေးချိန် တစ်ခုလုံးကို ဘယ်ခြေပေါ်ကို ပြောင်းလိုက်ပါ။ ခြေဖျားနဲ့ ခြေချောင်းလေးတွေပဲ ချန်ထားပြီး ခြေဖနောင့် လွတ်သွားတဲ့အထိ ညာခြေထောက်ကို နောက်အနည်းငယ်ရွေ့လိုက်ပါ။

လေ့ကျင့်ခန်း အတောအတွင်း ခြေနှစ်ဖက်လုံးကို ဖြောင့်ဖြောင့်ထားပါ။ နံရံ သို့ လှေကားလက်ရန်းကို အမှီပြုပါ။

သင့်ညာဘက်ခြေသလုံး ကြွက်သားပြေလျော့သွားတယ်လို့ ခံစားမိရင် သင့်ခြေဖနောင့်ကို နှိမ့်လိုက်ပါ။ ဆွဲဆန့်ခြင်းကို ၁၅စက္ကန့်ကနေ ၃၀စက္ကန့်အထိ ထိန်းထားပါ။ ခြေတစ်ဖက်စီကို ၂ခါကနေ၄ခါအထိ ပြောင်းလဲပြုလုပ်ပေးပါ။

• ခြေဖဝါးဖြေလျှော့ခြင်း

ကြမ်းပြင်ပေါ်မှာထိုင်ပြီး သင့်ခြေထောက်တွေကို ရှေ့ကို ဆန့်ထုတ်လိုက်ပါ။ သင့်ညာခြေထောက်ကို ဒူးမှာကွေးလိုက်ပြီး သင့်ညာခြေဖျားကို ခြေချောင်းတွေအထက်ကနေပြီး ဆုပ်ကိုင်ထားပါ။ သင့်ကိုယ်ဆီကိုဆွဲယူပြီး ၁၅စက္ကန့်ကနေ၂၀အထိ ကိုင်ထားပါ။်

ဒီလေ့ကျင့်ခန်းက သင့်ခြေဖဝါးတစ်လျှောက်ရှိနေတဲ့ ခြေဖဝါးအရွတ်ပြားကို ပြေလျော့စေပါတယ်။

နေ့စဉ်ပြုလုပ်ပေးခြင်းဖြင့် ခြေဖနောင့်နာကျင်ခြင်းကို တစ်ပတ်အတွင်းသက်သာသွားစေပါလိမ့်မယ်။

ရိုးရှင်းဘေးကင်းတဲ့ ဆွဲဆန့်နည်းလမ်းတွေနဲ့ သင့်ခြေထောက်နာကျင်ခြင်းကို အိမ်မှာပဲကုသမှုပေးနိုင်ပါတယ်။ မသက်သာဘူးဆိုရင်တော့ သင့်ဆရာဝန်ဆီမှာ စမ်းသပ်စစ်ဆေးကုသမှုခံယူသင့်ပါတယ်။