ကြီးမှပေါက်တဲ့ ဝက်သက်

ဝက်သက်ဆိုတာက ဘာလဲ

ဝက်သက်က ကလေးငယ်တွေကိုအသက်ဆုံးရှုံးစေတဲ့ အဓိကအကြောင်းအရင်းပါ။ ၂၀၁၄ ခုနှစ်အတွင်း ကမ္ဘာတလွှားမှာ ဝက်သက်ရောဂါကြောင့် ကလေးငယ် ၁၁၄၉၀၀ ဦးအထိရှိခဲ့တာပါ။ အသက် ၅ နှစ်အောက်ကလေးငယ်တွေဟာ ဝက်သက်ရောဂါကြောင့် အသက်ဆုံးရှုံးနေရပါတယ်။ ဝက်သက်က ဒီလောက်ထိကြောက်ဖို့ကောင်းတာပါ။

ဘယ်လိုလက္ခဏာတွေတွေ့ရနိုင်လဲ

ဝက်သက်ရောဂါပိုးက ကူးစက်ခံထားရပြီး ၁၀ ရက်ကနေ ၁၄ ရက်အတွင်းမှာရောဂါလက္ခဏာပြတတ်ပါတယ်။ ဝက်သက်ကူးစက်ခံထားရပြီဆိုရင်

• အဖျားတက်မယ်
• ချောင်းခြောက်ဆိုးမယ်
• နှာစေးမယ်
• လည်ချောင်းနာမယ်
• မျက်လုံးတွေရောင်မယ်
• မျက်လုံးတွေနီရဲနေမယ်
• အလင်းမခံနိုင်ဖြစ်မယ်
• ကြွက်သားတွေနာမယ်
• ပါးစပ်ထဲမှာ အဖြူအစက်ကလေးတွေထွက်မယ်။

ဒီအချက်တွေကြောင့် ဝက်သက်ဖြစ်နိုင်တယ်

ဝက်သက်ကအပေါ်မှာပြောခဲ့သလိုပဲ ကူးစက်ရောဂါတစ်မျိုးပါ။ မဖြစ်ခင်က ကြိုတင်ကာကွယ်တာအကောင်းဆုံးဖြစ်မှာပါ။

• ကာကွယ်ဆေးမထိုးထားတာ
• ရောဂါရှိတဲ့နေရာကိုသွားလာမိတာ
• ဗီတာမင် A ချို့တဲ့နေတာ
• ရောဂါပိုးရှိတဲ့အရာတွေကို ထိတွေ့မိတာ
• ရောဂါပိုးကူးစက်ခံထားရသူနဲ့ နီးနီးကပ်ကပ်နေတာ
• အသုံးအဆောင်တွေမျှသုံးတာတွေကြောင့် ဝက်သက်ကူးစက်ခံရနိုင်ပါတယ်။

နောက်ဆက်တွဲရောဂါအနေနဲ့ ဘာတွေခံစားရနိုင်လဲ

ဝက်သက်ရောဂါက အသက်အန္တရာယ်ဖြစ်စေနိုင်တဲ့ရောဂါတစ်ခုဖြစ်တာကြောင့် ကာကွယ်ဆေးမဖြစ်မနေထိုးသင့်ပါတယ်။ ဝက်သက်ကြောင့်နောက်ဆက်တွကြန်းမာရေးပြဿနာတွကလည်းကြုံရနိုင်ပါသေးတယ်။

• အဆုတ်ရောင်ရောဂါ
• ဦးနှောက်အမြှေးရောင်
• နားပိုးဝင်တာ
• ချောင်းဆိုးရင်ကြပ်
• ကိုယ်ဝန်ပျက်ကျတာ
• လမစေ့ဘဲကလေးမွေးဖွားတာ
• မျက်လုံးကွယ်တာ
• ပြင်းထန်တဲ့ ဝမ်းလျှောရောဂါတွေကိုခံစားရနိုင်ပါတယ်။

ဘယ်လိုသက်သာအောင်လုပ်မလဲ

ဝက်သက်ရောဂါက ကာကွယ်ပေးမှုကအထိရောက်ဆုံးကုထုံးပါ။ တကယ်လို့ သင့်အနေနဲ့ ဝက်သက်ရောဂါခံစာနေရမယ်ဆိုရင်တော့ ဒီနည်းလမ်းလေးတွေက အသုံးတည့်မှာပါ။

အနားယူပါ – ခန္ဓါကိုယ်ကို အနားကောင်းကောင်းပေးပါ။ ပင်ပင်ပန်းပန်းဘာမှမလုပ်ပါနဲ့။

အရည်များများသောက်ပါ -ရေများများသောက်ပေးပါ၊ရေနွေးလိုမျိုးရေဓါတ်ဖြည့်ပေးတဲ့အရည်တွေကိုသောက်ပေးလို့လည်းရပါတယ်။ အဖျားကျစေဖို့နဲ့ချွေးထွက်တာကြောင့် ဆုံးရှုံးသွားတဲ့ရေဓါတ်တွေကိုဖြည့်တင်းနိုင်ဖို့အတွက်ပါ။

အစိုထိန်းစက်လေးဖွင့်ပေးထားပါ -ချောင်းဆိုးတာနဲ့ လည်ချောင်းနာတာကိုသက်သာစေဖို့အတွက်လေထုထဲမှာ အစိုဓါတ်ရှိနေစေဖို့ အစိုဓါတ်ထိန်းစက်လေးဖွင့်ပေးပါ။

မျက်လုံးတွေကို အနားပေးပါ – အလင်းဒဏ်ကို မခံနိုင်တာမျိုးဖြစ်နိုင်တာကြောင့် မျက်လုံးကို အနားပေးပါ။ ဖုန်းတွေမသုံးပါနဲ့။ တီဗွီတွေမကြည့်ပါနဲ့။

အခုဆောင်းပါးလေးတွေက ဝက်သက်ပေါက်နေသူတွေအတွက် အသုံးတည့်ဖို့မျှော်လင့်ပါတယ်…….

Hello Health Group သည်ဆေးပညာအကြံပြုချက်များ၊ ရောဂါရှာဖွေအတည်ပြုချက်များနှင့် ကုသမှုများ မပြုလုပ်ပေးပါ။