လက်ရှိမြန်မာနိုင်ငံမှာ ထိုးလို့ရတဲ့ ကိုဗစ်ကာကွယ်ဆေးတွေထဲမှာ အိန္ဒိယနိုင်ငံထုတ် COVAXIN လည်း ပါပါတယ်။ ဒီဆေးနဲ့ ပတ်သက်ပြိး မထိုးခင်မှာ အောက်ပါ အချက်တွေကို သိထားသင့်ပါတယ်။
မှ အချက်အလက် စစ်ဆေးထားပါသည်။ Dr. Htet Htet Zaw Win
လက်ရှိမြန်မာနိုင်ငံမှာ ထိုးလို့ရတဲ့ ကိုဗစ်ကာကွယ်ဆေးတွေထဲမှာ အိန္ဒိယနိုင်ငံထုတ် COVAXIN လည်း ပါပါတယ်။ ဒီဆေးနဲ့ ပတ်သက်ပြိး မထိုးခင်မှာ အောက်ပါ အချက်တွေကို သိထားသင့်ပါတယ်။
အရင်က COVAXIN ကို အိန္ဒိယနိုင်ငံပြင်ပမှာ တွင်တွင်ကျယ်ကျယ် မသုံးကြသေးတာက WHO ခွင့်ပြုချက် မရသေးလို့ပါ။ ပြီးခဲ့တဲ့ နိုဝင်ဘာ ၃ရက်နေ့မှာတော့ WHO ကနေ အရေးပေါ်အသုံးပြုဖို့ ခွင့်ပြုချက်ချပေးခဲ့ပါတယ်။ ဒီလိုနဲ့ COVAXIN က ၈ခုမြောက် တရားဝင်အသုံးပြုခွင့်ရတဲ့ ကိုဗစ်ကာကွယ်ဆေး ဖြစ်ခဲ့ပါပြီ။
COVAXIN အိန္ဒိယနိုင်ငံ မိခင်ကုမ္ပဏီ Bharat Biotechကနေ ထုတ်လုပ်ခဲ့ပါတယ်။ Indian Council of Medical Research (ICMR) – National Institute of Virology (NIV) နဲ့ ပူးပေါင်းပြီး ထုတ်လုပ်တာပါ။
ပိုးအသေပါတဲ့ ကာကွယ်ဆေး အမျိုးအစား ဖြစ်ပါတယ်။ ၄ပတ်ခြားပြီး ၂ကြိမ်ထိုးရမှာပါ။ Phase 3လေ့လာချက်တွေအရတော့ ဒုတိယအကြိမ်ထိုးပြီး ၁၄ရက်အကြာမှာ ရောဂါကာကွယ်နိုင်စွမ်းက ၇၈ ရာခိုင်နှုန်း ရှိပါတယ်။ နောက်ပိုင်းမှာ ပေါ်လာတဲ့ ဗီဇပြောင်းကိုဗစ်ဗိုင်းရပ်စ်တွေကိုလည်း ကာကွယ်နိုင်စွမ်း ရှိပါတယ်။ ဒယ်တာဗီဇပြောင်းပိုးကို ၆၅.၂ ရာခိုင်နှုန်း ကာကွယ်နိုင်တယ်လို့ ဆိုပါတယ်။
WHOကတော့ ၁၈နှစ်နဲ့အထက်တွေကို ထိုးဖို့ အရေးပေါ် ခွင့်ပြုထားပါတယ်။
ထိုးလို့မရတဲ့သူတွေကတော့
လက်ခံနိုင်လောက်တဲ့ အာနိသင်ရှိပြီး အန္တရာယ်နည်းတဲ့အတွက် WHOက အရေးပေါ်ခွင့်ပြုပေးခဲ့တာပဲ ဖြစ်ပါတယ်။ ဆေးထိုးပြီးတဲ့အချိန်မှာတော့ တခြားကာကွယ်ဆေးတွေလိုပဲ
ပြင်းထန်ဓာတ်မတည့်ဖြစ်တာကတော့ ရှားတယ်လို့ ဆိုပါတယ်။
လက်ရှိမှာတော့ ကိုယ်ဝန်ဆောင်တွေအတွက် လုံလောက်တဲ့ စမ်းသပ်ချက်မရှိသေးပါဘူး။ ရှေ့ပိုင်းစမ်းသပ်ချက်တွေအရတော့ ကိုယ်ဝန်ဆောင်တွေအတွက် ရေတိုဆိုးကျိုးတော့ မတွေ့ရသေးပါဘူး။ ဒါကြောင့် ထိုးမယ်ဆိုရင် ဆရာဝန်နဲ့ တိုင်ပင်ပါ။ ထိုးခြင်း မထိုးခြင်းကတော့ လူနာကပဲ ဆုံးဖြတ်ရမှာ ဖြစ်ပါတယ်။
(နို့တိုက်မိခင်တွေလည်း အလားတူပဲ ဖြစ်ပါတယ်။)
HIV အပါအဝင် ခုခံအားကျတဲ့သူတွေ၊ ခုခံအားထိန်းဆေး သောက်နေရသူတွေ၊ ကိုယ်တွင်းအင်္ဂါအစားထိုးထားရတဲ့သူတွေအတွက်လည်း လုံလောက်တဲ့ စမ်းသပ်ချက်မရှိသေးပါဘူး။ ကာကွယ်ဆေးက ပိုးအသေဖြစ်တဲ့အတွက် လူကို အန္တရာယ်ဖြစ်နိုင်ခြေ အင်မတန်နည်းပါတယ်။ ဒါပေမယ့် ခုခံအား ကျနေတဲ့အတွက် ကာကွယ်ဆေးကို တုံ့ပြန်နိုင်စွမ်း (ဆိုလိုတာက antibody လုံလုံလောက်လောက် ထွက်ပါ့မလား)ကို သေချာ မပြောနိုင်ပါဘူး။ ထိုးမယ်ဆိုရင် ဆရာဝန်နဲ့ တိုင်ပင်နိုင်ပါတယ်။
လက်ရှိအိန္ဒိယမှာတော့ ၂-၁၈နှစ်ကြား ကလေးတွေကို ထိုးခွင့်ပြုထားပါတယ်။ (WHO ခွင့်ပြုတာက ၁၈နှစ်အထက်ပါ။)
လေ့လာချက်တွေအရတော့ ကလေးတွေမှာလည်း လူကြီးတွေလိုပဲ ခုခံအားတုံ့ပြန်မှု ရှိတာကို တွေ့ရပါတယ်။ ဒါ့ပြင် Phase 2/3 လေ့လာချက်တွေအရ ကာကွယ်ဆေးကြောင့် ပြင်းထန်တဲ့ အခြေအနေကြုံရတာ၊ ဆေးရုံတက်ရတာတွေ မရှိဘူးလို့ဆိုပါတယ်။ ဒါ့ပြင် လူအများစိုးရိမ်နေကြတဲ့ Guillain-Barre Syndrome၊ ပြင်းထန်ဓာတ်မတည့်တာတွေ၊ နှလုံးကြွက်သားရောင်တာ၊ နှလုံးအမြှေးပါးရောင်တာ၊ ကာကွယ်ဆေးကြောင့် သွေးဥမွှားတွေ နည်းသွားတာ မရှိဘူးလို့ ဆိုပါတယ်။
ဒါကြောင့်လည်း အိန္ဒိယမှာ စထိုးပေးနေတာပဲ ဖြစ်ပါတယ်။ လက်ရှိမှာတော့ WHOနဲ့ ယူအက်စ်မှာ အရေးပေါ်အသုံးပြုခွင့်ရဖို့ လျှောက်ထားဆဲပဲ ဖြစ်ပါတယ်။
မသက်ဆိုင်ကြောင်း ရှင်းလင်းချက်
Hello Health Group သည် ဆေးပညာအကြံဉာဏ်များ၊ ရောဂါရှာဖွေမှုများနှင့် ကုသမှုများ မပြုလုပ်ပေးပါ။
မှ အချက်အလက် စစ်ဆေးထားပါသည်။
Dr. Htet Htet Zaw Win
မှတ်ချက်များ
သင့်အတွေးများကို ဝေမျှပါ။
သင့်ကျန်းမာရေးအတွေးများကို Hello Sayarwonနဲ့ ဝေမျှလိုက်ပါ။
ဆက်သွယ်ရန် သို့မဟုတ် ဝင်မည်။ နှင့် ဝင်ရောက်ဆွေးနွေးပါမည်။