ဆေးကို အချိန်အတိအကျ မမေ့မလျော့သောက်ပါ။ မေ့တတ်ရင် ဖုန်းမှာ alarm ပေးထားစေချင်ပါတယ်။ သွေးကျဲဆေးကို နေ့တိုင်း အချိန်မှန် သောက်ပေးပါ။ ဆေးသောက်ဖို့ မေ့သွားလို့ဆိုပြီး နောက်တစ်ရက်မှာ ၂ လုံးသောက်တာမျိုး မလုပ်ပါနဲ့။ မေ့သွားခဲ့ရင်တောင် သတိရတာနဲ့ ချက်ချင်းသောက်လိုက်ပါ။ နောက်တစ်နေ့အထိ မေ့နေခဲ့မယ်ဆိုရင်တော့ ဆေးမသောက်ခင် ဆရာဝန်ကို အရင်မေးမြန်းပြီး ဆရာဝန်ညွှန်တဲ့အတိုင်း လိုက်နာလုပ်ဆောင်ပါ။
သွေးကျဲဆေး သောက်နေရချိန်မှာ ကိုယ်တွင်း သွေးယိုစီးမှု ရှိနေလားဆိုတာ သေချာ စစ်ဆေးပါ။ သွေးယိုစီးမှုက သိပ်မပြင်းထန်တဲ့အခါ ခြေကုန်လက်ပမ်းကျတာ၊ အသက်ရှူတာ ပြတ်တောင်းပြတ်တောင်းဖြစ်တာ၊ အသားအရောင်ဖျော့တော့တာ၊ အသားမည်းတာ၊ ဝမ်းအမည်းရောင်တွေ သွားတာလိုမျိုး ခံစားရနိုင်ပါတယ်။
ကိုယ်တွင်းသွေးယိုစီးမှုက ပြင်းထန်မယ်ဆိုရင်တော့ လေဖြတ်သလို လက္ခဏာတွေ ခံစားရတာ၊ ဗိုက်အောင့်တာ၊ နောက်ကျောတွေအောင့်တာ လိုမျိုး ဝေဒနာတွေ ခံစားရနိုင်ပါတယ်။
အသည်းက အယ်လ်ကိုဟောကိုရော သောက်သုံးလိုက်တဲ့ ဆေးဝါးတွေကိုပါ တာဝန်ယူ ဖြေရှင်းနေရတာပါ။ အယ်လ်ကိုဟော သောက်လိုက်တာကြောင့် အသည်းက ဆေးကို တာဝန်ယူမဖြေရှင်းနိုင်ဘဲ အယ်လ်ကိုဟောကို တာဝန်ယူ ဖြေရှင်းမယ်ဆိုရင် ခန္ဓာကိုယ်မှာ ဆေးရဲ့ ဘေးထွက်ဆိုးကျိုးတွေကို ခံစားရမှာပါ။
မှတ်ချက်များ
သင့်အတွေးများကို ဝေမျှပါ။
သင့်ကျန်းမာရေးအတွေးများကို Hello Sayarwonနဲ့ ဝေမျှလိုက်ပါ။
ဆက်သွယ်ရန် သို့မဟုတ် ဝင်မည်။ နှင့် ဝင်ရောက်ဆွေးနွေးပါမည်။