တီဗီရှေ့ အိပ်ပျော်မသွားသင့်တဲ့ အကြောင်းရင်း

ကိုယ်အလေးချိန် တိုးလာရတာက တခြား အကြောင်းအချက်တွေ ကြောင့်လည်း ပါဝင်နေနိုင် ပါတယ်။ သုတေသီတွေ ကတော့ အသက်အရွယ်၊ လူမျိုး၊ လူမှုစီးပွားရေး အနေအထား၊ စားသုံးတဲ့ ကယ်လိုရီ ပမာဏ၊ ကိုယ်လက် လှုပ်ရှားမှု စတဲ့ အချက်တွေကိုလည်း ထည့်တွက်ခဲ့ပါတယ်။

“အိပ်စက်မှု မမှန်တာက အဝလွန်ခြင်း၊ ကိုယ်အလေးချိန် များခြင်းတို့နဲ့ ဆက်နွှယ် နေပေမယ့် အိပ်စက်ချိန် အတွင်း အလင်းတု ထိတွေ့မှုနဲ့ ကိုယ်အလေးချိန် ကြားက ဆက်နွှယ်မှုကို မရှင်းနိုင်သေးပါဘူး” လို့ National Institute of Environmental Health Sciences (NIEHS) မှ ပါမောက္ခ သုတေသီ Dale Sandler က ပြောပါတယ်။

လူကို ဝစေတဲ့ အကြောင်းရင်းတွေ အများကြီး ရှိနေသေးတာမို့ ဒီအကျင့်တွေလည်း ရှိမယ်၊ တီဗီရှေ့ အိပ်ပျော်တတ်တဲ့ အကျင့်လည်း ရှိမယ်ဆိုရင် ဝလာဖို့က သူများထက် အခွင့်အရေး ပိုများတာပေါ့။

ဒါ့ကြောင့် ကယ်လိုရီများပြီး ကျန်းမာရေးနဲ့ မညီတာတွေ စားမယ်၊ အထိုင်များတဲ့ အမူအကျင့်လည်း ရှိတယ်ဆိုရင် အဝလွန်ခြင်း ဘက်ကိုခြေလှမ်း စနေပြီလို့ သတိရပါ။

တီဗီရှေ့မှာ အိပ်ပျော်ပြီ ဆိုမှတော့ မအိပ်ခင် ကတည်းက မုန့်လေး စားရင်း အေးဆေး တီဗီ ကြည့်ဖြစ်ခဲ့မှာ သေချာသလောက်ရှိပါတယ်။ တီဗီကြည့်ရင်း အစားစားတာကလည်း အဆီတက်စေနိုင်တဲ့ လမ်းကြောင်းတစ်ခုပါ။

အိပ်တာချင်းအတူတူ တီဗီကထွက်တဲ့ရောင်ခြည်၊ အလင်းတုတွေ မပါဘဲ အိပ်ရာထဲမှာ နှစ်နှစ်ခြိုက်ခြိုက် အိပ်ပျော်တာက လူ့ခန္ဓါကိုယ်အတွက် ပိုအကျိုးပြုပါတယ်။