ပျော်ရွှင်စရာမိသားစုအသိုက်အမြုံလေး ရှိသင့်တဲ့အကြောင်းအရင်း

    ပျော်ရွှင်စရာမိသားစုအသိုက်အမြုံလေး ရှိသင့်တဲ့အကြောင်းအရင်း

    အိမ်ဆိုတာက ရာသီဥတုဒဏ်တွေကနေ ကာကွယ်ပေးတယ်ဆိုတာထက်ပိုတဲ့ မိသားစုအသိုက်အမြုံလေးပါ။ တစ်နေ့တာ ပင်ပန်းလာသမျှ အိမ်ရောက်မှပဲ အမောပြေသွားတယ်လို့ရေရွတ်မိဖူးလား။ ဒါဆိုရင်တော့ သင်ကအိမ်ချစ်တတ်သူတစ်ဦးပါ။ အပြင်ကပြန်လာရင် ချစ်ရတဲ့မိသားစုတွေမျက်နှာကိုမြင်ရတာ စိတ်ချမ်းသာစရာနော်။ ဒီကြားထဲ အသည်းကျော်လေးတွေကများ အမြီးလေးနှံ့လို့ ဆီးကြိုရင် ပင်ပန်းတာက ကြက်ပျောက် ငှက်ပျောက်ပါပဲ။

    ဒီလိုချစ်စရာကောင်းတဲ့ မိသားစုအသိုက်အမြုံလေးကို ပိုင်ဆိုင်ထားသူတွေက အခြားသူတွေထက် ရုပ်ပိုင်းဆိုင်ရာရော စိတ်ပိုင်းဆိုင်ရာပါ ပိုကျန်းမာကြပါတယ်နော်။ အလုပ်ခွင်ထဲမှာဖြစ်ဖြစ်၊ လူမှုဆက်ဆံရေးနယ်ပယ်မှာဖြစ်ဖြစ်အောင်မြင်နေကြသူတွေကပျော်ရွှင်စရာကောင်းတဲ့ မိသားစု အသိုက်အမြုံလေးတွေကို ပိုင်ဆိုင်ထားကြသူတွေပါနော်။

    ပျော်ရွှင်စရာအသိုက်အမြုံကို ပိုင်ဆိုင်ထားသူတွေသာ ရရှိမယ့်အကျိုးကျေးဇူးတွေ

    ပျော်ရွှင်စရာအသိုက်အမြုံလေးပိုင်ဆိုင်ထားသူတွေက ကံကောင်းသူတွေလို့ဆိုရမှာပါ။ မိသားစုရှိနေတော့ တီးတိုးတိုင်ပင်ဖော်ရသလို ရင်ဖွင့်ခွင့်လည်း အပြည့်အဝရနိုင်ပါတယ်။ကောင်းတာ ဆိုးတာတွေကို မျှဝေခံစားပေးသူတွေရှိနေတဲ့အတွက် စိတ်ညစ်စရာတွေကို အကောင်းဆုံး ကိုင်တွယ်ဖြေရှင်းနိုင်ခွင့်ရကြသူတွေပေါ့။

    အလုပ်ခွင်မှာ စွမ်းဆောင်နိုင်စွမ်းကောင်းကြတယ်

    အလုပ်ခွင်မှာလန်းဆန်းတက်ကြွပြီးပျော်ပျော်ရွှင်ရွှင်နဲ့ လုပ်ငန်းဆောင်တာတိုင်းကိုအောင်မြင်နေအောင်လုပ်ဆောင်နိုင်စေဖို့ အကြည်ဓါတ်လေးတွေပေးနေတာက ချစ်ရတဲ့ မိသားစုဝင်တွေပါ။

    ပေါင်းသင်းဆက်ဆံရေး ကောင်းကြတယ်

    ပေါင်းသင်းဆက်ဆံရေး ကောင်းသူတွေကို ဆန်းစစ်ကြည့်လိုက်ရင် သူတို့မှာ အရမ်းချစ်ရတဲ့ မိသားစုဝင်တွေရှိသလို သူတို့ကို အရမ်းချစ်တဲ့ မိသားစုဝင်တွေပိုင်ဆိုင်ထားတယ်ဆိုတာကိုလည်း တွေ့ရမှာပါ။ မိသားစုဝင်တွေနဲ့ ပြေလည်အဆင်ပြေတဲ့ ဆက်ဆံရေးပိုင်ဆိုင်ထားမှတော့ အခြားသူတွေနဲ့လည်းပြေပြေလည်လည်ဆက်ဆံတတ်မယ်ဆိုတာ အသေအချာပါ။

    စိတ်ဖိစီးမှုကင်းကြတယ်

    ပျော်စရာကောင်းတဲ့ မိသားစုလေးကို အချိန်ပေးနေရတာနဲ့တင် အခြားစိတ်ညစ်စရာတွေကိုတွေးဖို့ အချိန်မရတော့ဘူးလေ။ ရင်ဖွင့်မျှဝေစရာရှိနေမှတော့ စိတ်ဖိစီးမှုဖြစ်စေတဲ့ဟော်မုန်းတွေကို နှိမ်နှင်းပြီးသားဖြစ်ပြီလေ။

    ဖျားနာမှုကင်းတယ်

    နေ့ရက်တိုင်းကို ချစ်ခင်ရသူတွေနဲ့ ပျော်ရွှင်စွာဖြတ်သန်းနေရတာကြောင့် ကိုယ်ခံအားစနစ်က အခြားသူတွေထက် ပိုကောင်းနေမှာအသေအချာပါ။ စိတ်ဖိစီးမှုကိုဖြစ်စေတဲ့ဟော်မုန်းတွေ လျော့နည်းပြီး ပြည့်ဝတဲ့အာဟာရ စိတ်ချမ်းသာစရာကောင်းတဲ့နေထိုင်မှုပုံစံတွေကြောင့် ဖျားနာမှုတွေကိုလည်းခေါက်ထားနိုင်မှာပါ။

    နှလုံးကျန်းမာတယ်

    မိသားစုစုံစုံလင်လင်နဲ့ ပျော်ပျော်ရွှင်ရွှင်နေနိုင်တဲ့ အားသာချက်တစ်ခုနဲ့တင် နှလုံးကျန်းမာရေးအတွက်က တော်တော်လေးကောင်းနေပါပြီ။ နေ့ရက်တိုင်းမှာ သင့်တင့်တဲ့ ကိုယ်လက်လှုပ်ရှားမှုလုပ်ဖြစ်မယ်၊ အာဟာရမျှတအောင်စားဖြစ်မယ်၊ အိပ်ရေးဝဝအိပ်ဖြစ်မယ် စတဲ့ အလေ့အကျင့်ကောင်းတွေကို မိသားစုနဲ့အတူလိုက်နာကျင့်သုံးမှုကနေတဆင့် နှလုံးကျန်းမာစေနိုင်မှာပါ။ ဒါတင်မကပါဘူး။ အခြားကျန်းမာရေးပြဿနာတွေဖြစ်တဲ့ သွေးတိုးလေဖြတ်တာနဲ့ နာတာရှည်ရောဂါတော်တော်များများကိုလည်း ကာကွယ်နိုင်မှာပါ။

    အသက်ရှည်စေနိုင်တယ်

    စိတ်ဆောင်ရင် ဘာမဆိုဖြစ်နိုင်တယ်လို့ ကြားဖူးတယ်ဟုတ်။ အခုပြောချင်တာကလည်း ဒီအချက်ပါ။ လူတွေက သူတို့ချစ်ရသူတွေနဲ့ အချိန်အကြာကြီးနေချင်ကြတယ်လေ။ ဒါကြောင့် ကျန်းမာအောင် အမြဲနေထိုင်နေကြမှာပါ။ ဒါမှ မိသားစုနဲ့ပျော်ပျော်ရွှင်ရွှင်ကျန်းကျန်းမာမာနေနိုင်မှာကိုး။ ဒီတော့ပျော်ရွှင်စရာအသိုက်အမြုံရှိသူတွေက အမြဲကျန်းမာနေအောင် ကြိုးစားနေကြတယ်လေ။ ဒီတော့ သူတို့က အခြားအထီးကျန်နေသူတွေထက် အသက်ပိုရှည်မယ်ဆိုတာမေးနေစရာမလိုတဲ့ အမှန်တရားပါ။

    အောင်မြင်ကြတယ်

    ပျော်ရွှင်စရာကောင်းတဲ့ မိသားစုကနေပေါက်ဖွားဆင်းသက်လာတဲ့ ကလေးငယ်တွေက ဉာဏ်ရည်ဉာဏ်သွေးကောင်းကြသလို အရွယ်ရောက်နေသူတွေက ထက်မြက်အောင်မြင်ကြတယ်။ အကြောင်းကတော့ ပျော်စရာပတ်ဝန်းကျင်လေးက သူတို့ကို ကြိုးစားချင်လာအောင် motivationပေးထားလို့ပါပဲ။ ဒီတော့ အလုပ်ခွင်ထဲမှာ လူမှုရေးနယ်ပယ်ထဲမှာအောင်မြင်နေတယ်ဆိုရင် သိပ်အများကြီးမတွေးနဲ့ သူတို့ကပျော်ရွှင်စရာအသိုက်အမြုံလေးကို ပိုင်ဆိုင်ထားတဲ့ ကံကောင်းသူတွေပဲဆိုတာ သိလိုက်တော့နော်။

    ပျော်ရွှင်စရာအသိုက်အမြုံဆိုလို့ RS ရှိဖို့လိုမယ်လို့မတွေးပါနဲ့နော်။ လက်ရှိပိုင်ဆိုင်ထားတဲ့ မိသားစုနဲ့တင် ဖန်တီးလို့လုံလောက်ပါတယ်။နေ့ရက်တိုင်းမှာမေမေဖေဖေနဲ့မောင်နှမတွေကို ပိုချစ်ပေးရင်းပျော်ရွှင်စရာအသိုက်အမြုံလေးကို ကိုယ်တိုင်ဖန်တီးကြည့်လိုက်ဖို့ တိုက်တွန်းပါရစေ။

    Hello Health Groupသည်ဆေးပညာအကြံပြုချက်များ၊ရောဂါရှာဖွေအတည်ပြုချက်များနှင့်ကုသမှုများမပြုလုပ်ပေးပါ။

    Hello Health Group သည် ဆေးပညာအကြံဉာဏ်များ၊ ရောဂါရှာဖွေမှုများနှင့် ကုသမှုများ မပြုလုပ်ပေးပါ။

    ရင်းမြစ်များ

    The Benefits of Healthy Familieshttps://www.livestrong.com/article/147185-the-benefits-of-healthy-families/ Accessed Date 7 May 2019

    What are the best benefits of a healthy, happy family?https://www.quora.com/What-are-the-best-benefits-of-a-healthy-happy-family Accessed Date 7 May 2019

    Dad’s Health: Benefits of Having a Familyhttps://www.whattoexpect.com/first-year/photo-gallery/dads-health-benefits-of-having-a-family.aspx Accessed Date 7 May 2019

    စာရေးသူ ဓာတ်ပုံbadge
    Aye Thi Mon မှ ရေးသားသည်။ 19/08/2022 တွင် ပြန်လည်ပြင်ဆင်ခဲ့သည်။
    Hello Sayarwon Panel မှ အချက်အလက် စစ်ဆေးထားပါသည်။