နေ့ရက်တိုင်းကို စိတ်တက်ကြွလန်းဆန်းစွာ ဖြတ်သန်းစေနိုင်ဖို့

ဆေးပညာပိုင်းဆိုင်ရာတည်းဖြတ်သူ | ရေးသားသူ

Update Date အောက်တိုဘာ 24, 2020 . 2 mins read
Share now

ဒီခေတ်ဟာ အပြိုင်အဆိုင်များတဲ့ ခေတ်ဖြစ်တဲ့အတွက် နေ့စဉ်နဲ့အမျှ အားကုန်ထုတ် ကြိုးစားနေရပါတယ်။ စီးပွားရေးမှာပဲဖြစ်ဖြစ်၊ ပညာရေးမှာပဲဖြစ်ဖြစ် သူများတွေထက် ရှေ့ရောက်နေဖို့ဆိုရင် ကျန်းကျန်းမာမာနဲ့ အလုပ်လုပ်နေနိုင်ဖို့ လိုတာပေါ့။

တနင်္လာနေ့လောက်က စလုပ်လိုက်တာ တစ်ရက်ထက် တစ်ရက် ပင်ပန်းလာပြီး သောကြာနေ့လောက်ဆို ဒေါင်းနေပြီ။ နောက်တစ်ပတ် တနင်္လာနေ့တိုင်အောင် အလုပ်သွား၊ ကျောင်းသွားဖို့ ရုန်းကန်နေရတာ ကြုံဖူးမှာပါ။ ဒီလိုဆို သိပ်ကို ရှေ့ရောက်ချင်နေတဲ့ ကိုယ့်အတွက် အဆင်ပြေပါ့မလား။

စိတ်ထောင်းလို့ ကိုယ်ကြေဆိုသလိုပဲ တစ်နေ့တစ်နေ့ ကြုံရတဲ့ စိတ်ဖိစီးတွေကြောင့် ခန္ဓာကိုယ်မှာပါ ဝန်ပိပြီး အလွယ်တကူပင်ပန်းနွမ်းနယ်တာတွေ၊ စိတ်ရှုပ်ထွေးတာ၊ အာရုံမစူးစိုက်နိုင်တာတွေ ဖြစ်လာမှာပါ။ ဒါတွေက ကျော်လွှားလို့ မရတဲ့ ကိစ္စတွေတော့ မဟုတ်ပါဘူး။ အောက်ကနည်းလမ်းတွေကို လိုက်လုပ်ကြည့်ရအောင်လား။

နေ့ရက်တိုင်းမှာ စိတ်ကြည်လင်နေစေဖို့

အာဟာရပြည့်အောင် စားသောက်ပါ။

နေ့စဉ်စားတဲ့ထဲမှာ အသားငါး၊ အသီးအရွက် စုံလင်အောင် စားပါ။ ဒါတွေက သင့်ရဲ့ ဦးနှောက်စွမ်းရည်ကို တိုးတက်စေပြီး စိတ်ကြည်နေစေပါလိမ့်မယ်။ ဗီတာမင်ထဲမှာဆိုရင် ဗီတာမင် ဘီအုပ်စု၊ ဗီတာမင်အေ ရဖို့အတွက် အသီးအရွက်တွေ ရောင်စုံစားပေးပါ။ ဗီတာမင်အီးရအောင် အစေ့အဆန်တွေလည်း ပါဝင်ပါစေ။ နို့ထွက်ပစ္စည်းနဲ့ နေရောင်ခြည်ကနေ ဗီတာမင်ဒီရဖို့လည်း မမေ့ပါနဲ့။

သတ္တုဓာတ်တွေထဲမှာဆိုရင် ဦးနှောက်ကို အကျိုးပြုစေမယ့် သံဓာတ်၊ ကော့ပါး၊ မဂ္ဂနိစ်၊ မဂ္ဂနီဆီယမ်၊ ဇင့်၊ ကယ်ဆီယမ်၊ အိုင်အိုဒင်း စတာတွေပါအောင် စားပေးပါ။ ဒါတွေ အများကြီးပါအောင် ဘယ်လိုစားရမလဲဆိုရင် နေ့တိုင်း အသီးအရွက်၊ အသားငါးပါအောင် လှည့်ပတ်စားရမှာပါ။

မစားနိုင်ပါဘူး။ အသားရှောင်တယ်၊ အသီးအရွက်မကြိုက်ဘူးဆိုရင်လည်း မစိုးရိမ်ပါနဲ့။ ဆေးပညာတွေ တိုးတက်နေတဲ့ ခေတ်ကြီးထဲမှာ ဒီဓာတ်တွေ အားလုံးပါတဲ့ အားဆေးတွေ ရှိပါတယ်။ အရည်အသွေးစိတ်ချရမယ့်အရာတစ်ခုခုကို ရွေးချယ်ပြီး သောက်သုံးပါ။

အားဆေးသောက်မယ်လို့ ဆုံးဖြတ်ထားရင်တော့ ဂျင်ဆင်းပါဝင်တဲ့ အားဆေးတွေက ပိုသင့်တော်တယ်လို့ပြောလို့ရပါတယ်။
ဂျင်ဆင်းက စိတ်ဖိစီးမှုကို နည်းစေပြီး စိတ်တက်ကြွစေပါတယ်တဲ့။ ဒါ့ပြင် ပင်ပန်းမှုဒဏ်ကို ခံနိုင်ပြီး ခုခံအားကောင်းစေလို့ နေ့တိုင်းအပြင်ထွက် အလုပ်လုပ်ရတဲ့သူဆိုရင် ဒါက ပိုသင့်တော်ပါတယ်။

၃-၄ နာရီခြားတစ်ခါလောက် နည်းနည်းစီစားပေးတာက သွေးထဲက သကြားဓာတ်ကို ထိန်းပေးပြီး ဦးနှောက်ကို ဆက်တိုက် သကြားဓာတ်ပေးနိုင်တဲ့အတွက် အင်အားအပြည့်နဲ့ အလုပ်လုပ်နိုင်ပါလိမ့်မယ်။

ခန္ဓာကိုယ်ရဲ့ ၇၀ရာခိုင်နှုန်းဟာ ရေဓာတ်နဲ့ ဖွဲ့စည်းထားပြီး သောက်သမျှရေရဲ့ ၈၅ရာခိုင်နှုန်းကို ဦးနှောက်က ယူသုံးပါတယ်။ ဒါကြောင့် ရေကို လုံလုံလောက်လောက် သောက်ပေးဖို့ မမေ့ပါနဲ့နော်။

ကဖင်းက လန်းစေတယ်လို့ ထင်ရပေမယ့် ဒါက ခဏတာပါပဲ။ ပြီးရင် ခန္ဓာကိုယ်ရဲ့ ရေဓာတ်ကို ဆုံးရှုံးစေလို့ ပိုတောင်ဆိုးပါသေးတယ်။ အရက်ဟာလည်း ထိုနည်းလည်းကောင်းပါပဲ။ နောက်နေ့ အရက်နာကျရင် ခေါင်းတွေအုံခဲပြီး အာရုံစိုက်လို့ ရမှာ မဟုတ်ပါဘူး။

ခန္ဓာကိုယ်ကို ဂရုစိုက်ပါ။

နောက်နေ့မနက်မှာ လန်းဆန်းနေစေဖို့ဆိုရင် ဒီညမှာ အိပ်ရေးဝနေဖို့ လိုပါတယ်။ တစ်ညကို ၈နာရီလောက်ပြည့်အောင် အိပ်ပေးပါ။ နေ့လယ်နေ့ခင်းမှာ မိနစ်၂၀လောက် မှေးတာကလည်း ဦးနှောက်ကို လန်းဆန်းစေတာကြောင့် ကျန်တဲ့ နေ့တစ်ဝက်ကို တက်တက်ကြွကြွ ဖြတ်သန်းနိုင်မှာပါ။

အကြာကြီးထိုင်တာက သွေးလည်ပတ်မှုကို နှေးကွေးစေပြီး လူကို နုံးချိစေပါတယ်။ တစ်နေ့ကို နာရီဝက်လောက် လေ့ကျင့်ခန်း လုပ်မယ်ဆိုရင်တော့ ဦးနှောက်ထဲက ဓာတ်တွေကို မျှတစေပြီး စိတ်တည်ငြိမ်စေလို့ အာရုံစူးစိုက်မှု အားကောင်းလာမှာပါ။

စိတ်တည်ငြိမ်ဖို့အတွက် တရားထိုင်တာက အကောင်းဆုံးနည်းလမ်းဆိုတာ တော်တော်များများလက်ခံထားကြပါတယ်။ တရားထိုင်တဲ့အတွက် စိတ်ဖိစီးမှုတွေ လျော့ကျသွားမယ်။ စိတ်ကြည်လင်လာမယ်။ ဦးနှောက်တစ်ခုလုံး ပေါ့ပါးပြီး အာရုံစိုက်ရတာ ပိုလွယ်လာပါလိမ့်မယ်။

စိတ်ကို အနားပေးပါ။

စိတ်ကို အနားပေးဖို့အတွက် အားလပ်ချိန်တွေမှာ စာဖတ်ပြီး တွေးတာ၊ သီချင်းနားထောင်တာ၊ ဦးနှောက်ကို အလုပ်ပေးရတဲ့ ဂိမ်းတွေ ဆော့ပေးပါ။ အလုပ်လုပ်နေရင်းနဲ့ မကြာမကြာအနားယူပေးပါ။ ဒီနည်းလမ်းတွေက စိတ်ကို အနားပေးရာ ရောက်သလို ဉာဏ်ရည်ဉာဏ်သွေး ထက်မြက်အောင်လည်း လေ့ကျင့်ပြီးသား ဖြစ်သွားပါတယ်။

စိတ်သွားတိုင်း ကိုယ်ပါဖို့ဆိုရင် စိတ်က ကြည်လင်ပြီး တည်ငြိမ်နေမှ ဖြစ်မှာပါ။ ဒါမှ တက်ကြွတဲ့ စိတ်နောက်ကို ကိုယ်က အလိုက်သင့်လေး လိုက်ပါပြီး မပင်မပန်းဘဲ အလုပ်လုပ်နိုင်မှာပါ။  ဘဝဆိုတာ ရေရှည်တိုက်ပွဲဖြစ်တဲ့အတွက် အရာရာမှာ အောင်မြင်ချင်တယ်ဆိုရင် ကိုယ့်ရဲ့ စိတ်ကို ကျန်းမာတက်ကြွနေအောင် ပြင်ဆင်ထားဖို့ လိုပါလိမ့်မယ်။

Hello Health Group သည် ဆေးပညာအကြံဉာဏ်များ၊ ရောဂါရှာဖွေမှုများနှင့် ကုသမှုများ မပြုလုပ်ပေးပါ။

ဒီဆောင်းပါးက သင့်အတွက် အသုံးဝင်ပါသလား။
happy unhappy

သင်ဒါလည်း နှစ်သက်နိုင်ပါတယ်။

Psywar တွေ ကြားမှာ စိတ်ကျန်းမာနေစေဖို့

Psywar တွေက ကြောက်ဖို့ ကောင်းတာ မှန်ပေမယ့် လက်ခံတဲ့သူပေါ် မူတည်ပါတယ်။ လက်ခံတဲ့သူက ပါးနပ်ရင် ပါးနပ်သလောက် Psywarတွေကို ကျော်ဖြတ်နိုင်ပါတယ်။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Dr. Htet Htet Zaw Win

ကပ်ဘေးကာလ မှာ စိတ်ဒုက္ခနည်းစေဖို့

ကပ်ဘေးကာလ မှာ သူသူကိုယ်ကိုယ် စိတ်ရော ကိုယ်ပါ ထိခိုက်နေမှာပါ။ ဒါပေမယ့် ရေရှည်တိုက်ပွဲဖြစ်တာကြောင့် စိတ်ရော ကိုယ်ရော ကြံ့ကြံ့ခိုင် နေဖို့ လိုပါတယ်။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Dr. Htet Htet Zaw Win

စိုးရိမ်ပူပန်မှု တွေက ကျန်းမာရေးကို ဘယ်လောက်ထိခိုက်စေနိုင်သလဲ။

စိုးရိမ်ပူပန်မှု တွေက ကျွန်တော်တို့ ကိုယ်ထဲကို မသိလိုက်တဲ့ အချိန်မှာ ဝင်ရောက်လာပြီး တအိအိနဲ့ နေရာဝင်ယူသွားပါတယ်။ နာတာရှည်ရောဂါလို ဒုက္ခလှည့်ပေးတော့မှာပါ။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Dr. Htet Htet Zaw Win

စိတ်ဖိစီးမှု တွေကြားမှာ ဘယ်လိုပျော်အောင် အိပ်ကြမလဲ။

စိတ်ဖိစီးမှု တွေကြောင့် အိပ်ဖို့ခက်တာက လူတိုင်း ကြုံရတဲ့ ကိစ္စပါ။ ဒါပေမယ့် အားတင်းပြီး အိပ်ပျော်အောင် အိပ်ဖို့၊ ကျန်းမာရေး ဂရုစိုက်ဖို့ အကြံပြုချင်ပါတယ်။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Dr. Htet Htet Zaw Win

သင့်အတွက် ရွေးချယ်ထားသည်

sleep-benefits-health ပင်ပန်းလာရင် အိပ်

ပင်ပန်းလာရင် အိပ်သင့်ရဲ့လား အိပ်လိုက်လို့ ဘာအကျိုးရှိနိုင်မလဲ

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon
ရေးသား ထုတ်ဝေခဲ့သည် မတ် 1, 2021 . 2 mins read
how-this-empath-copes-with-shocking-events မျှဝေခံစားလိုစိတ်

အခက်ခဲဆုံးအချိန်တွေကို မျှဝေခံစားလိုစိတ် နဲ့ ကျော်ဖြတ်ပါ

ရေးသားသူ Ye Zon Aung
ရေးသား ထုတ်ဝေခဲ့သည် ဖေ‌ဖော်ဝါရီ 23, 2021 . 2 mins read
စိတ်ဖိစီးလွန်း ရင် ရာသီထိမ် တတ်သလား။

စိတ်ဖိစီးလွန်းလို့ ရာသီထိမ် နေတာလား

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Dr. Htet Htet Zaw Win
ရေးသား ထုတ်ဝေခဲ့သည် ဖေ‌ဖော်ဝါရီ 22, 2021 . 2 mins read
တကယ်မရှိတဲ့ အသံ တွေ ကြားနေရတာ စိတ်စွဲလမ်းမှု တစ်ခုလား။

တကယ်မရှိတဲ့ အသံ တွေ ကြားနေရတာ စိတ်စွဲလမ်းမှု တစ်ခုလား။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Dr. Htet Htet Zaw Win
ရေးသား ထုတ်ဝေခဲ့သည် ဖေ‌ဖော်ဝါရီ 16, 2021 . 2 mins read