သင့်ဗိုက်မှာ အဆီပိုတွေ စုဝေးရခြင်းအကြောင်းများ

ဆေးပညာပိုင်းဆိုင်ရာတည်းဖြတ်သူ | ရေးသားသူ

Update Date ဩဂုတ် 18, 2020 . 2 mins read
Share now

ဝမ်းဗိုက်မှာ အဆီပိုတွေ စုဝေးနေခြင်းဟာ ကျန်းမာရေးအတွက် မကောင်းတဲ့အချက်ဖြစ်ပါတယ်။ ဇီဝဖြစ်ပျက်မှုဆိုင်ရာ ရောဂါစု၊ အမျိုးအစား ၂ ဆီးချို၊ နှလုံးရောဂါ၊ ကင်ဆာ စတာတွေကို ဖြစ်နိုင်ခြေ မြင့်စေပါတယ်။ ဝမ်းဗိုက်အတွင်းပိုင်း အသည်းနဲ့ ကလီစာများမှာပါ အဆီများ စုဝေးနိုင်ပါတယ်။ ကိုယ်အလေးချိန် သိပ်မများတဲ့လူတွေတောင် ဝမ်းဗိုက်မှာ အဆီပိုတွေရှိရင် ကျန်းမာရေးဆိုင်ရာ ပြဿနာတွေ ဖြစ်ပေါ်နိုင်ပါတယ်။

သင့်ဝမ်းဗိုက်မှာ အဆီပိုများကို စုဝေးလာစေတဲ့အကြောင်းတွေကတော့ အောက်ပါအတိုင်းဖြစ်ပါတယ်။

သကြားဓာတ်များသော စားသောက်ဖွယ်ရာများ

လူအတော်များများဟာ သူတို့ထင်ထားတာထက်ကို သကြားကို စားဖြစ်ကြပါတယ်။ ချိုချဉ်၊ ကိတ်မုန့်၊ အချိုရည်၊ ကော်ဖီ၊ လက်ဖက်ရည် စသဖြင့် စားသုံးလိုက်တိုင်းမှာ သကြားဓာတ်ကို ရရှိနေပါတယ်။

သုတေသနတွေအရ သကြားဓာတ်စားသုံးမှုမြင့်မားခြင်းနဲ့ ဝမ်းဗိုက်အဆီစုခြင်းအကြား ဆက်စပ်နေပါတယ်။ စားကောင်းအောင် အချိုဓာတ်ဖြည့်သွင်းထားတဲ့ စားစရာတွေဟာ ကယ်လိုရီတက်စေနိုင်ပါတယ်။

အယ်လ်ကိုဟော

အယ်လ်ကိုဟောဟာ ကျန်းမာရေးအတွက် အကျိုးပြုတဲ့အပိုင်း ရှိသလို ထိခိုက်စေတဲ့အပိုင်းလည်း ရှိပါတယ်။ ဝိုင်နီကို သင့်တင့်ရုံသောက်သုံးမယ်ဆိုရင် နှလုံးရောဂါနဲ့ လေဖြတ်နိုင်ခြေကို လျော့နည်းစေပါတယ်။ ဒါပေမယ့် အယ်လ်ကိုဟောကို အလွန်အကျွံသောက်သုံးရင် အသည်းရောဂါနဲ့ တခြားကျန်းမာရေးပြဿနာတွေ ဖြစ်စေနိုင်ပါတယ်။ သုတေသနအချို့အရ အယ်လ်ကိုဟောဟာ အဆီများကို လောင်ကျွမ်းမှု လျော့ကျစေတယ်လို့ သိရပါတယ်။ ဒါကြောင့် ဝမ်းဗိုက်အဆီများစုလာပြီး ကယ်လိုရီများကို သိုလှောင်လာပါတယ်။ ဒါကို ဘီယာဗိုက်လို့လည်း ခေါ်ကြပါတယ်။

ပုံပြောင်းအဆီ

ပုံပြောင်းအဆီဟာ ကျန်းမာရေးနဲ့ မညီညွတ်တဲ့ အဆီများပဲ ဖြစ်ပါတယ်။ အစားအသောက်တွေကို ပိုမိုတာရှည်ခံဖို့ ပြင်ဆင်ချက်ပြုတ်ရာမှာ သုံးပါတယ်။ ပုံပြောင်းအဆီများဟာ ရောင်ရမ်းမှုကို ဖြစ်စေပါတယ်။ ဒါကြောင့် အင်ဆူလင်အာနိသင်မတိုးခြင်း၊ နှလုံးရောဂါနဲ့ တခြားရောဂါတွေ ဖြစ်လာနိုင်ပါတယ်။ သုတေသနတခုအရ ပုံပြောင်းအဆီစားသုံးသူများဟာ မပြည့်ဝဆီစားသုံးသူများထက် ဝမ်းဗိုက်အဆီ ပိုမိုစုဝေးတတ်ပါတယ်။

လှုပ်ရှားမှု နည်းခြင်း

လှုပ်ရှားမှုနည်းပြီး အထိုင်များခြင်းဟာ ကျန်းမာရေးအတွက် မကောင်းပါဘူး။ အဝလွန်ခြင်း အထူးသဖြင့် ဝမ်းဗိုက်အဆီများလာခြင်းကို ဖြစ်စေပါတယ်။ သုတေသနတခုအရ တနေ့တာမှာ တီဗီရှေ့မှာ သုံးနာရီအထက် အချိန်ဖြုန်းသူများဟာ တနေ့မှာ တစ်နာရီအောက်သာ ကြည့်ရှုသူများထက် အဝလွန်နိုင်ခြေ နှစ်ဆပိုများကြောင်း သိရပါတယ်။ အထိုင်များသူများအနေနဲ့ လေ့ကျင့်ခန်းများ ပြုလုပ်သင့်ပါတယ်။

အသီး ဖျော်ရည်များ

အသီးဖျော်ရည်များမှာ သကြားဓာတ်ပါဝင်နှုန်း မြင့်မားပါတယ်။ ယေဘုယျအားဖြင့် အသီးဖျော်ရည်တစ်ခွက် (၂၅၀ မီလီလီတာ) မှာ သကြား ၂၅ ဂရမ် ပါဝင်ပါတယ်။ အသီးဖျော်ရည်တွေမှာ ဗီတာမင်နဲ့ သတ္တုဓာတ်တွေ ပါဝင်နေပေမယ့် သကြားဓာတ်ပါဝင်နေတာကြောင့် အင်ဆူလင်အာနိသင်မတိုးခြင်း၊ ဝမ်းဗိုက်အဆီစုခြင်း စတဲ့ပြဿနာတွေ ကြုံနိုင်ပါတယ်။

စိတ်ဖိစီးမှုနှင့် ကော်တီဆောဟော်မုန်း

ကော်တီဆောဟော်မုန်းကို အဒရီနလင်ဂလင်းကနေ ထုတ်လုပ်ပြီး ဖိစီးမှုဟော်မုန်းလို့ သိကြပါတယ်။ ကိုယ်ခန္ဓာကနေ စိတ်ဖိစီးမှုကို တုံ့ပြန်ချိန်မှာ ထွက်လာတတ်တဲ့ဟော်မုန်း ဖြစ်ပါတယ်။ အဆိုပါ အခြေအနေမှာ ကိုယ်အလေးချိန်တက်လာတတ်ပြီး ဗိုက်လည်းစူလာနိုင်ပါတယ်။ ဒါ့အပြင် စဖိတ်ဖိစိးချိန်မှာ လူတချို့ဟာ အစားပိုစားဖြစ်ပါတယ်။ ပိုလာတဲ့ ကယ်လိုရီတွေကို ကိုယ်ခန္ဓာတစ်ခုလုံးက အဆီတွေမှာ သိုလှောင်ရမယ့်အစား ဝမ်းဗိုက်မှာ စုဝေးလာစေပါတယ်။

အမျှင်ဓာတ် နည်းသော စားသောက်ပုံ

အမျှင်ဓာတ်ဟာ ကိုယ်အလေးချိန်ထိန်းပေးဖို့အတွက် အရေးကြီးပါတယ်။ အမျှင်ဓာတ်ဟာ ဗိုက်ပြည့်စေတဲ့ ခံစားချက်ကိုပေးပြီး ဆာလောင်မှုကိုဖြစ်စေတဲ့ ဟော်မုန်းတွေကို ထိန်းသိမ်းပေးပါတယ်။ ကယ်လိုရီစားသုံးမှုကို နည်းသွားစေပါတယ်။ အမျှင်ဓာတ် ၁၀ ဂရမ်စားတိုင်း ဝမ်းဗိုက်မှာစုဝေးနိုင်တဲ့ အဆီဓာတ်ဟာ ၃.၇ ရာခိုင်နှုန်းနည်းပါးသွားကြောင်း သုတေသနတစ်ခုမှာ ဖော်ပြထားပါတယ်။ အမျှင်ဓာတ်ကို စားသောက်မှုနည်းပါးရင်တော့ အဆီဓာတ်ကို ပိုမိုစုဝေးစေဖို့ အခွင့်အလမ်းများစေပါတယ်။

အိပ်ရေးမဝခြင်း

သုတေသနတွေအရ အိပ်ရေးမဝသူများဟာ ကိုယ်အလေးချိန်တက်ပြီး အဆီများပိုစုလာနိုင်ကြောင်း သိရပါတယ်။ တစ်ညတာကို ၅နာရီအောက်သာ အိပ်စက်သူများဟာ တစ်ညကို ၇ နာရီခန့် အိပ်စက်သူများထက်စာရင် အဝလွန်နိုင်ခြေ ပိုများပါတယ်။

Hello Health Group သည် ဆေးပညာအကြံဉာဏ်များ၊ ရောဂါရှာဖွေမှုများနှင့် ကုသမှုများ မပြုလုပ်ပေးပါ။

Read also:

ဒီဆောင်းပါးက သင့်အတွက် အသုံးဝင်ပါသလား။
happy unhappy"

သင်ဒါလည်း နှစ်သက်နိုင်ပါတယ်။

ငရုတ်ပွ နဲ့ ကျန်းမာရေး

အစိမ်းကြော်လေးပဲ ကြော်ကြော်၊ အသားလေးနဲ့ပဲ နှပ်နှပ်၊ မွှေးပြီး စားလို့ ကောင်းတဲ့ ငရုတ်ပွကို ကြိုက်လား။ ငရုတ်ပွက အရောင်လှသလို ကျန်းမာရေးအတွက် ကောင်းပါတယ်။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon

ငရုတ်သီးက ကိုဗစ် ကာကွယ်သတဲ့လား။

ငရုတ်သီးမှာ ဗီတာမင် C ပါဝင်တာကြောင့်  ကိုယ်ခံအားကိုကောင်းစေတယ်။ ဖျားနာတာနဲ့ ရာသီတုပ်ကွေးကိုသက်သာစေတယ်။ ကိုဗစ်ကိုရော ကာကွယ်ပေးနိုင်မလား။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon

ကလေးရှိတဲ့နေအိမ်မှာ အလုပ်လုပ်ရတာ မဖြစ်နိုင်တဲ့ကိစ္စတစ်ခုလား

ကလေး နေအိမ် အလုပ် လုပ်ငန်းခွင် စိတ်ဖိစီးမှု အလုပ်လုပ်ချင်စိတ် မိသားစု အလုပ်ချိန် ရုပ်ရှင် အနားယူ အလင်းရောင် အိပ်ခန်း ဆော့ကစား အိမ်အလုပ် ဝန်ထမ်း Covid-19

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Ye Myo Myat

နေအိမ်မှာအလုပ်လုပ်ခြင်းကို အကောင်းဘက်က ရှုမြင်ခြင်း

နေအိမ် အလုပ်လုပ် လုပ်ငန်းခွင် စိတ်ဖိစီးမှု လုပ်ငန်းခွင်ဖိအား ဝန်ထမ်း ကုမ္ပဏီ လုပ်ဖော်ကိုင်ဖက် ရုံး အနားယူ အထိုင်များ ဇက်ကြောတက် မိသားစု Covid-19

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Ye Myo Myat

သင့်အတွက် ရွေးချယ်ထားသည်

ဆိုရီရေးစစ် (psoriasis) အရေပြားပြဿနာရှိသူတွေအတွက် ကျန်းမာတဲ့ နေထိုင်နည်း

ဆိုရီရေးစစ် (psoriasis) အရေပြားပြဿနာရှိသူတွေအတွက် ကျန်းမာတဲ့ နေထိုင်နည်း

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon
ရေးသား ထုတ်ဝေခဲ့သည် စက်တင်ဘာ 23, 2020 . 2 mins read
နှင်းခူရှိသူ ကျန်းမာစေဖို့

နှင်းခူရှိသူ ကျန်းမာစေဖို့

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon
ရေးသား ထုတ်ဝေခဲ့သည် စက်တင်ဘာ 23, 2020 . 1 min read

Stay Home ကာလမှာ ထပ်ပြီးဝိတ်တက်လာမှာ စိုးရိမ်နေရပြီလား

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Ye Myo Myat
ရေးသား ထုတ်ဝေခဲ့သည် စက်တင်ဘာ 22, 2020 . 2 mins read
ဆံသား ကျန်းမာစေဖို့ဆိုတာထက် ပိုအသုံးဝင်တဲ့ အုန်းဆီစစ်စစ်

ဆံသား ကျန်းမာစေဖို့ဆိုတာထက် ပိုအသုံးဝင်တဲ့ အုန်းဆီစစ်စစ်

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon
ရေးသား ထုတ်ဝေခဲ့သည် စက်တင်ဘာ 22, 2020 . 2 mins read