အောင်မြင်သူတွေရဲ့ သူမတူတဲ့အလေ့အထများ

လူတိုင်းမအောင်မြင်နိုင်ကြပါဘူးနော်။ အောင်မြင်သူတွေက လူနည်းစုလောက်ပဲရှိကြတာပါ။ အောင်မြင်သူတွေက ကံကောင်းလို့အောင်မြင်တယ်ဆိုတာထက် သူတို့မှာ သူမတူတဲ့ အလေ့အထလေးတွေပိုင်ဆိုင်ထားလို့လည်း အောင်မြင်ကြတာပါနော်။ အောင်မြင်သူတွေက လူတွေထဲက လူတွေပဲဆိုပေမယ့် သူမတူတဲ့ နေ့စဉ်အလေ့အထလေးတွေကို ပိုင်ဆိုင်ထားကြသူတွေပါ။ ဒါဆိုအောင်မြင်သူတွေမှာ ပိုင်ဆိုင်ထားတဲ့ အမူအကျင့်တွေက ဘာများလဲ။ သိချင်ရင် ဒီဆောင်းပါးလေးထဲမှာဖတ်ကြည့်လိုက်ပါနော်။

အောင်မြင်သူတွေရဲ့ သူမတူတဲ့ အလေ့အထတွေကတော့

အရေးကြီးတဲ့လုပ်စရာတွေကို ရေးမှတ်ထားတတ်ကြတယ် – အရေးတကြီးလုပ်ဆောင်ရမယ့် ကိစ္စတွေကို မေ့လျော့ပျက်ကွက်တာမျိုးမဖြစ်စေဖို့ လုပ်ဆောင်ရမယ့် အလုပ်တာဝန်တွေကို အရေးအကြီးဆုံးကနေစလို့ ရေးမှတ်ထားတတ်ကြပါတယ်။

မနက်စောစောအိပ်ရာထလေ့ရှိကြတယ် – အိပ်စက်တာကို လိုအပ်သလောက်ပဲရယူတတ်ကြပါတယ်။ အိပ်နေရင်းနဲ့ သူတို့ရဲ့ တန်ဖိုးတဲ့အချိန်တွေကို ကုန်ဆုံးမခံကြပါဘူး။ ပြည့်ဝတဲ့ အိပ်စက်ချိန် ထားရှိတတ်ကြပေမယ့် နေမြင့်တဲ့အထိတော့ မအိပ်တတ်ကြပါဘူး။

ကျန်းမာရေးနဲ့ညီညွတ်အောင်စားတယ် – အစားမတော်တလုတ်ကြောင့် ခန္ဓါကိုယ်ကို အထိခိုက်မခံသလို ဖျားနာမှုကြောင့် လုပ်ရမယ့် တာဝန်တွေပျက်ကွက်မှာကိုလည်း အဖြစ်မခံကြပါဘူး။ ကျန်းမာရေးနဲ့ညီညွတ်အောင်စားသုံးတတ်ကြသူတွေပေါ့။

ေကာင်းမွန်တဲ့ ဆက်ဆံရေးကိုတည်ဆောက်တတ်ကြတယ် – သူတို့လူတိုင်းနဲ့ အဆက်အသွယ်မပြတ်တတ်ကြပါဘူး။ အချိန်တိုင်းမှာ ခင်မင်ရင်းနှီးသူတိုင်းနဲ့ ကောင်းမွန်တဲ့ ဆက်ဆံရေးကိုတည်ဆောက်ထားတတ်ကြသူတွေပါ။

တိကျတဲ့အချိန်ဇယားရှိတတ်ကြတယ် – အလုပ်လုပ်တဲ့အခါ ဘယ်အချိန်မှာတော့ဖြင့် ဒီအလုပ်တွေကိုပြီးအောင်လုပ်မယ်။ ဒီလောက်အတိုင်းအတာအတွင်းမှာ အလုပ်တာဝန်ဘယ်နှခုကိုတော့ဖြင့်ပြီးစီးရမယ်ဆိုတာကို အခြားသူက သတ်မှတ်ပေးထားတာမျိုးမဟုတ်ဘဲ သူတို့ကိုယ်သူတို့ချမှတ်ပုံသွင်းထားတဲ့ အချိန်ဇယားရှိတတ်ကြသူတွေပါ။

အတွေ့အကြုံတွေကနေသင်ယူတတ်တယ် – ကောင်းတဲ့အတွေ့အကြုံကနေဖြစ်ဖြစ်၊ ဆိုးတဲ့အတွေ့အကြုံကနေဖြစ်ဖြစ် သင်ခန်းစာယူရမယ့် ကိစ္စတွေကို သင်ခန်းစာယူတတ်ကြပါတယ်။ သူတို့ကိုယ်တိုင်ရဲ့ အတွေ့အကြုံကနေမကပါဘူး။ အခြားသူတွေရဲ့ အတွေ့အကြုံကနေလည်း သင်ယူတတ်ကြပါတယ်။ စိန်ခေါ်မှုတွေကို အခွင့်အရေးတွေလိုသတ်မှတ်ပြီး အကောင်းဆုံး သင်ယူရင်း ကျော်ဖြတ်တတ်ကြသူတွေပါ။

ေလ့ကျင့်ခန်းလုပ်ကြတယ် – ခန္ဓါကိုယ်ကျန်းမာပြီး စိတ်လန်းဆန်းစေဖို့ ပုံမှန်လေ့ကျင့်ခန်းလုပ်တတ်ကြသူတွေလည်းဖြစ်ပါ တယ်။ အများကြီးမဟုတ်တောင် ပုံမှနလမ်းလျှောက်တာလောက် ပြေးတာလောက်တော့ လုပ်ကြပါတယ်။

ကျန်းမာရေးဂရုစိုက်ကြတယ် – သူတို့က ခန္ဓါကိုယ်ကျန်းမာဖို့အတွက် လိုက်နာရမယ့် ကိစ္စတွေကို မပျက်မကွက်လုပ်ဆောင်တတ်ကြပါတယ်။ အာဟာရမျှတအောင်စားတယ်၊ ပုံမှန် အိပ်စက်တယ်၊ လေ့ကျင့်ခန်းလုပ်တယ်၊ အားဆေးသောက်တာလိုမျိုး ခန္ဓါကိုယ်အတွက် လိုအပ်တဲ့ အာဟာရတွေကိုဖြည့်တင်းတာမျိုးလုပ်တတ်ကြပါတယ်။

နားထောင်တတ်တဲ့အလေ့အထရှိတယ် – အောင်မြင်သူအများစုက Good Speaker တွေမဟုတ်ကြပါဘူး။ Good Listener တွေပါ၊ သူတို့တွေက အခြားသူတွေပြောတာကို ဂရုတစိုက်နားထောင်လို့ အတွေ့အကြုံတွေကို လေ့လာကြပါတယ်။ ပြီးမှ အကြံပေးစရာရှိတာကို အကြံပေးကြတာပါ။

ဦးနှောက်အတွက်လိုအပ်တဲ့ အာဟာရကိုဖြည့်တင်းတတ်ကြတယ် – ဒီနေရာမှာ စာဖတ်တာ၊ ဗဟုသုတတွေလေ့လာတာမျိုးလည်း လုပ်ကြသလို ဦးနှောက်နဲ့ မှတ်ဉာဏ်ကျန်းမာစေဖို့ လိုအပ်တဲ့ အာဟာရတွေပြည့်ပြည့်ဝဝရရှိစေဖို့အတွက်လည်း ဗီတာမင် အားဖြည့်ဆေးတွေသောက်သုံးတတ်ကြပါတယ်နော်။

ကဲ… အများက အားကျတဲ့ အောင်မြင်သူတစ်ယောက်ဖြစ်ချင်တယ်ဆိုရင်တော့ အခုပြောပြခဲ့တဲ့ အလေ့အကျင့်လေးတွေကို မွေးမြူဖို့တိုက်တွန်းပါရစေ။ ေ နေ့စဉ်ဘဝရဲ့ လုပ်ငန်းဆောင်တာတွေကို အကောင်းဆုံးလုပ်ဆောင်ပြီး သင်ယူရမယ့်အရာတွေကို လေ့လာသင်ယူလို့ အောင်မြင်သူတစ်ယောက်ဖြစ်အောင် ကိုယ့်ကိုကိုယ် ပျိုးထောင်လိုက်ပါနော်……..

Hello Health Group သည် ဆေးပညာဆိုင်ရာ အကြံပေးချက်များ၊ ရောဂါရှာဖွေခြင်းနှင့် ကုသခြင်းများ မပြုလုပ်ပါ။

[embed-health-tool-bmi]