အနာတစ်ခုက သွေးထွက်နေလို့ ၁၀မိနစ် ၁၅မိနစ်လောက် အားနဲ့ ဖိထားတာတောင် သွေး မတိတ်ဘူးဆိုရင် ချုပ်ဖို့ လိုနေပါပြီ။ သွေးတွေ ပန်းထွက်လာတယ်ဆိုတာ သွေးကြောထိသွားလို့ပါ။ ဒါဆိုရင် အရေးပေါ် ကုသမှု ခံယူဖို့ လိုပါတယ်။
(၃) အနာရဲ့ နေရာ
ဒဏ်ရာချင်း တူရင်တောင် တချို့နေရာက ဒဏ်ရာတွေက ချုပ်ဖို့ လိုပါတယ်။ လှုပ်ရှားမှုများတဲ့ အဆစ်လိုနေရာမှာ ဒဏ်ရာရခဲ့ရင် ချုပ်ဖို့ လိုပါတယ်။ အထူးသဖြင့် လှုပ်လိုက်တိုင်း အနာက ဟသွားတယ်ဆိုရင် ချုပ်ကို ချုပ်ရမှာပါ။ အရွတ်တွေ၊ အရွတ်တွဲတွေ ထိမထိဆိုတာလည်း ကြည့်ရပါမယ်။
Cleveland Clinic အဆိုအရ လိင်အင်္ဂါတွေ၊ နူးညံ့တဲ့ နေရာတွေ ဖြစ်တဲ့ မျက်နှာတို့ မျက်ခွံတို့မှာ ဒဏ်ရာရခဲ့ရင် ချက်ချင်း ကုသရမှာပါ။ ချုပ်ဖို့ လိုတာကို မချုပ်ဘဲ ထားမိလို့ နောက်ပိုင်းမှာ အမာရွတ်တွယ်ခဲ့ရင် ကြည့်ရဆိုးတာ၊ မျက်လုံး ကောင်းကောင်း မဖွင့်နိုင်တာတွေ ဖြစ်လာမှာပါ။
(၄) အနာဖြစ်တဲ့ အကြောင်းရင်း
အနာဖြစ်တဲ့ အကြောင်းရင်းကလည်း ချုပ်ဖို့ လိုမလို ဆုံးဖြတ်တဲ့နေရာမှာ အရေးကြီးပါတယ်။ ထိုးသွင်းဒဏ်ရာတွေ၊ လူကိုက်တာ ဒါမှမဟုတ် တိရိစ္ဆာန်တစ်ကောင်ကောင်က ကိုက်လိုက်တာဆိုရင် မေးခိုင်ကာကွယ်ဆေးတွေ၊ ပိုးသတ်ဆေးတွေ ပေးဖို့ လိုသလို ချုပ်ဖို့လည်း လိုနိုင်ပါတယ်။ ဒါမျိုး ဒဏ်ရာတွေဆိုရင် သိပ်မနက်ရင်တောင် ဆရာဝန်ပြဖို့ လိုပါတယ်။
အထူးသဖြင့် သံချေးတက်နေတဲ့ ဒါမှမဟုတ် ညစ်ပေနေတဲ့ ပစ္စည်းတွေ (ဥပမာ လက်သည်း)နဲ့ ခိုက်မိတာ၊ အနာထဲမှာ ဖန်စတို့ ကျောက်စတို့ စိုက်နေရင် ချုပ်ဖို့ လိုလို မလိုလို ဆရာဝန်နဲ့ ပြသင့်ပါတယ်။
အနာအတွက် ရှေးဦးသူနာပြုနည်းများ
အနာတစ်ခု ဖြစ်ပြီဆိုတာနဲ့ အရင်ဆုံး လုပ်ပေးနိုင်တာက
မှတ်ချက်များ
သင့်အတွေးများကို ဝေမျှပါ။
သင့်ကျန်းမာရေးအတွေးများကို Hello Sayarwonနဲ့ ဝေမျှလိုက်ပါ။
ဆက်သွယ်ရန် သို့မဟုတ် ဝင်မည်။ နှင့် ဝင်ရောက်ဆွေးနွေးပါမည်။