သင့်စိုးရိမ်မှုတွေက ဘာတွေလဲ။

close
မတိကျ
နားလည်ရခက်
အခြား

သို့မဟုတ် လင့်ခ်ကူးယူမည်

Vape သောက်လို့ အန္တရာယ်ကင်းပြီလို့ သင်ထင်ပါသလား

Vape သောက်လို့ အန္တရာယ်ကင်းပြီလို့ သင်ထင်ပါသလား

Vape ဆိုတာ ဆေးလိပ်အစားထိုးအနေနဲ့ အသုံးပြုတဲ့ E-Cigarette တစ်မျိုးဖြစ်ပြီး လူငယ်တွေကြားမှာ အလွန်ရေပန်းစားလျက်ရှိပါတယ်။ ဆေးလိပ်နဲ့ ဆေးရွက်ကြီးဟာ လူတွေရဲ့ ကျန်းမာရေးကို ဆိုးရွားစွာ ထိခိုက်စေတဲ့အတွက် ဆေးလိပ်စွဲနေတဲ့လူငယ်တွေအတွက် နီကိုတင်း (Nicotine) မပါဝင်တဲ့ Vape တွေ ထွက်ပေါ်လာခဲ့ပါတယ်။

ဒါဆိုရင် Vape သောက်လို့ တကယ်ပဲ ကျန်းမာရေးအတွက် စိတ်ချရပြီလား။ ဆေးလိပ်ဖြတ်တဲ့နေရာမှာရော အမှန်တကယ် အသုံးဝင်လားဆိုတာ ပြောပြပေးချင်ပါတယ်။

Vape ဆိုတာ ဘာလဲ။

အပူပေးပစ္စည်း၊ အားသွင်းလို့ရတဲ့ ဓါတ်ခဲနဲ့ Vape အမွှေးနံ့အရည်တွေကို သိမ်းဆည်းပေးတဲ့ အကန့်လေး ပါဝင်ပါတယ်။ လျှပ်စစ်ရှော့တိုက်ပြီး အသုံးပြုရတဲ့အတွက် E-Cigarette လို့လည်း ခေါ်ကြပါတယ်။ Vape သောက်တဲ့အခါမှာ အသုံးပြုရတဲ့ အရည်တွေမှာ အမွှေးနံ့အပြင် ကျန်းမာရေးကို ထိခိုက်စေပြီး လူကိုစွဲလမ်းစေတဲ့ ဓါတုဗေဒပစ္စည်းတွေနဲ့ နီကိုတင်းဓါတ်တွေ ပါဝင်ပါတယ်။ ဆေးလိပ်အစားထိုးဖို့အတွက် အသုံးပြုကြပေမယ့် အမှန်တကယ်မှာတော့ လူတွေရဲ့ ကျန်းမာရေးကို ဆိုးရွားစွာ ထိခိုက်စေတဲ့ အရာတစ်ခုဖြစ်ပါတယ်။

Vape ကို ဘယ်သူတွေ အများဆုံး သုံးစွဲကြလဲ။

ဆေးလိပ်စွဲနေသူတွေ အထူးသဖြင့် ဆယ်ကျော်သက်တွေနဲ့ လူငယ်တွေမှာ Vape သုံးစွဲခြင်းဟာ အလွန်ရေပန်းစားလှပါတယ်။ လက်ရှိအချိန်မှာ သန်းပေါင်းများစွာသော လူတွေက Vape ကို အန္တရာယ်ကင်းတယ်လို့ လက်ခံယူဆပြီး သုံးစွဲနေကြပါတယ်။

Vape သောက်ပြီး ထွက်လာတဲ့ အငွေ့ထဲမှာ ဘာတွေပါလဲ။

Vape မှာ ကျန်းမာရေးကို ထိခိုက်စေတဲ့ နီကိုတင်းဓါတ်တွေ လုံးဝမပါဝင်ဘူးလို့ ကြော်ငြာထားကြပေမယ့် တကယ်တမ်းမှာတော့ လုံးဝဆန့်ကျင်ဘက်ပါပဲ။ ဆေးလိပ်၊ ဆေးရွက်ကြီးနဲ့ ယှဉ်လိုက်ရင်တော့ နည်းတဲ့ပမာဏဆိုပေမယ့် Vape ကနေ ထွက်လာတဲ့ အငွေ့တွေမှာ နီကိုတင်းဓါတ်တွေ အများအပြား ပါဝင်နေပါတယ်။ ဒါ့အပြင် အဆုတ်ကို ထိခိုက်စေတဲ့ ဓါတ်ပေါင်းပါဝင်တဲ့ အနံ့တွေ၊ ကင်ဆာရောဂါကို ဖြစ်စေတဲ့ ဓါတုဗေဒပစ္စည်းတွေအပြင် အငွေ့ပျံလွယ်ပြီး အဆိပ်အတောက်ဖြစ်စေတဲ့ သတ္တုဓါတ်တွေ အများအပြား ပါဝင်နေပါတယ်။

Vape သောက်လို့ ဘယ်လိုကျန်းမာရေးပြဿနာတွေ ဖြစ်စေနိုင်လဲ။

နီကိုတင်းဓါတ်ဟာ ဦးနှောက်ဖွံ့ဖြိုးမှုနဲ့ ဉာဏ်ရည်ကို ထိခိုက်စေပြီး လူကို စွဲလမ်းစေတယ်။ နှလုံးခုန်နှုန်း မြန်စေပြီး သွေးဖိအားတိုးစေတယ်။ အသက်ရှူလမ်းကြောင်းမှာ ပြဿနာတွေ ဖြစ်စေတယ်။ အဆုတ်ရောဂါ၊ နာတာရှည် လည်ချောင်နာခြင်းအပြင် အမျိုးအစား ၂ ဆီးချိုရောဂါသည်တွေမှာ တွေ့ရတတ်တဲ့ အင်ဆူလင်မတိုးခြင်း ပြဿနာတွေ ဖြစ်စေတယ်။ အစာအိမ်၊ အူလမ်းကြောင်း၊ နှလုံးရောဂါတွေ ဖြစ်စေပြီး နီကိုတင်းအဆိပ်သင့်တဲ့ အခြေအနေထိပါ ရောက်နိုင်ပါတယ်။ ခန္ဓါကိုယ်တွင်းမှာ ရှိနေတဲ့ ရောဂါတွေကိုပါ ပိုပြီး ဆိုးရွားလာစေနိုင်ပါတယ်။

ဒါ့အပြင် Vape ကို အားပြန်သွင်းလို့ ရတဲ့ ဓါတ်ခဲ၊ လျှပ်စစ်ပစ္စည်းတွေနဲ့ ပြုလုပ်ထားတာ ဖြစ်တဲ့အတွက် အချိန်ကြာမြင့်စွာ အသုံးပြုတဲ့အခါ မီးလောင်ပြီး ပေါက်ကွဲစေနိုင်တယ်။ ဆေးလိပ်နဲ့ ယှဉ်လိုက်ရင် ဘေးကင်းတယ်လို့ လူတွေက ယုံကြည်ကြတဲ့အတွက် မကြာခဏသောက်တဲ့အခါမှာ နီကိုတင်းဓါတ်တွေ ကိုယ်ခန္ဓါထဲ စုပုံလာပြီး အဆိပ်အတောက်ဖြစ်စေတယ်။ ကြာလာတဲ့အခါ ကင်ဆာရောဂါတွေပါဖြစ်လာနိုင်ပါတယ်။

စိတ်ပိုင်းဆိုင်ရာကိုလည်း ပြောင်းလဲမှုတွေ ဖြစ်စေတယ်။ စိတ်ဓါတ်ကျတာ၊ ဒေါသဖြစ်လွယ်တာ၊ အာရုံမစူးစိုက်နိုင်တာ၊ မေ့လွယ်တာတွေ ဖြစ်တတ်ပါတယ်။ ဒါ့အပြင် ပုံမှန်ဆေးလိပ်၊ အရက်သောက်သုံးသူတွေမှာလိုပဲ ခံတွင်းနံ့ နံတာ၊ သွားနဲ့ ခံတွင်းရောဂါ၊ သွားကြိတ်တာ၊ ကိုယ်ခံအားကျဆင်းတာတွေ ဖြစ်လာနိုင်ပါတယ်။

Vape နဲ့ ပတ်သက်ပြီး ဘာတွေ သတိထားဖို့ လိုမလဲ။

ဆေးလိပ်နဲ့ ယှဉ်လိုက်ရင် ဘေးထွက်ဆိုးကျိုး နည်းတယ်ဆိုပေမယ့်လည်း ပေါ့ဆလို့တော့ မဖြစ်ပါဘူး။ “ကျားကြောက်လို့ ရှင်ကြီး ကိုး၊ ရှင်ကြီး ကျားထက် ဆိုး” ဆိုတဲ့ အဖြစ်မျိုး မရောက်ရလေအောင် ကိုယ့်ရဲ့ ကျန်းမာရေးကို အမြဲဂရုစိုက်နေဖို့နဲ့ စွဲလမ်းသွားသည်အထိ မသုံးစွဲမိဖို့ အရေးကြီးပါတယ်။

Hello Health Group သည်ဆေးပညာအကြံပြုချက်များ၊ ရောဂါရှာဖွေအတည်ပြုချက်များနှင့် ကုသမှုများ မပြုလုပ်ပေးပါ။

Verifying...

Hello Health Group သည် ဆေးပညာအကြံဉာဏ်များ၊ ရောဂါရှာဖွေမှုများနှင့် ကုသမှုများ မပြုလုပ်ပေးပါ။

ရင်းမြစ်များ
စာရေးသူ ဓာတ်ပုံbadge
Ye Myo Myat မှ ရေးသားသည်။ 12/10/2021 တွင် ပြန်လည်ပြင်ဆင်ခဲ့သည်။
Hello Sayarwon Panel မှ အချက်အလက် စစ်ဆေးထားပါသည်။