ကြက်ဥ၊ ဘဲဥ၊ ငုံးဥ လိုမျိုး ဥအမျိုးမျိုး ရှိတဲ့အထဲကမှ ငုံးဥကို အကြိုက်ဆုံးလား …. ဒါဆိုရင်တော့ ဒီဆောင်းပါးလေးက သင့်အတွက်ပါ။
မှ အချက်အလက် စစ်ဆေးထားပါသည်။ Dr. Kaung Thar
ကြက်ဥ၊ ဘဲဥ၊ ငုံးဥ လိုမျိုး ဥအမျိုးမျိုး ရှိတဲ့အထဲကမှ ငုံးဥကို အကြိုက်ဆုံးလား …. ဒါဆိုရင်တော့ ဒီဆောင်းပါးလေးက သင့်အတွက်ပါ။
ငုံးဥ ဆိုတာ ငုံးငှက်ကလေးတွေရဲ့ဥလေးတွေဖြစ်ပါတယ်။ ငုံးငှက်လေးတွေကမြေပြင်မှာ လျင်လျင်မြန်မြန် သွားလာနိုင်ပြီး တခါတလေတော့ ပျံတတ်ပါတယ်။ ငုံးဥက ကြက်ဥထက် တော်တော်လေး သေးပြီး အခွံပေါ်မှာ အမဲရောင် အစက်လေးတွေ ပါဝင်ပါတယ်။ အလေးချိန်အားဖြင့် ကြက်ဥ နဲ့ ဘဲဥတွေထက် ပေါ့ပေမယ့် အာဟာရဓါတ် ကတော့ တော်တော်လေး ပိုများပါတယ်။
ငုံးဥမှာ အာဟာရဓါတ် ကြွယ်ဝစွာ ပါဝင်ပြီး ကျန်းမာရေးကို အထောက်အကူ ပြုနိုင်တာကြောင့် နေ့စဉ် စားသုံးတဲ့ အစားအသောက်တွေထဲမှာ ထည့်သွင်းစားသုံးပေးမယ်ဆိုရင် ရရှိလာနိုင်မယ့် အကျိုးကျေးဇူးတွေကို ဖော်ပြပေးလိုက်ပါတယ်။
ငုံးဥမှာ အမြင်အာရုံကိုကောင်းမွန်အောင်အားဖြည့်ပေးတဲ့ ဗီတာမင်အေ (Vitamin A) ကြွယ်ဝစွာပါဝင်တာကြောင့် အမြင်အာရုံ ကြည်လင်ကောင်းမွန်စေသလို မျက်စိကိုကျန်းမာစေပါတယ်။ ဗီတာမင်အေ ရဲ့ဓါတ်တိုးဆန့်ကျင်မှုဖြစ်စဉ်တွေက မျက်လုံးကြွက်သား ယိုယွင်းပျက်စီးမှုကိုလျှော့ချပေးနိုင်သလို အတွင်းတိမ်မဖြစ်အောင်ကာကွယ်ပေးပြီး အမြင်အာရုံကိုပိုမိုကောင်းမွန်စေပါတယ်။
ငုံးဥမှာ ခန္ဓါကိုယ်အတွက်အကျိုးပြုတဲ့fatty acidတွေအများအပြားပါဝင်တာကြောင့် နှလုံးကျန်းမာရေးကိုတိုးတက်ကောင်းမွန်စေပါတယ်။HDL ကိုလက်စထရောက ခန္ဓါကိုယ်ကိုအကျိုးမပြုတဲ့ကိုလက်စထရောဖြစ်တဲ့ LDL ကိုလက်စထရောကိုတိုက်ဖျက်ဖို့အတွက်လိုအပ်တဲ့ အကျိုးပြုကိုလက်စထရောတစ်မျိုးဖြစ်ပါတယ်။ ငုံးဥမှာ HDL ကိုလက်စထရော ၆၀ ရာခိုင်နှုန်းလောက်အထိပါဝင်ပါတယ်။ ကိုလက်စထေရောဆိုင်ရာပြဿနာအခံရှိသူတွေအနေနဲပကတော့ ငုံးဥအများကြီးမစားသင့်ပါဘူး။ ငုံးဥတစ်လုံးမှာ အကြမ်းဖျင်းအားဖြင့်ပြည့်ဝဆီ ၁.၆ ဂရမ်ပါဝင်နေပါတယ်။
ကြက်ဥလိုမျိုးပဲ ငုံးဥကလည်း ခန္ဓါကိုယ်ရဲ့လုပ်ငန်းစဉ်တွေအတွက် လိုအပ်တဲ့ ပရိုတင်းဓါတ်တွေကိုထောက်ပံ့ပေးပါတယ်။ ပရိုတင်းတွေက အာဟာရဓါတ်ပုံစံအမျိုးမျိုးအဖြစ်ပြိုကွဲသွားပြီး ဆဲလ်အသစ်တွေ၊တစ်ရှုးတွေ၊ ကြွက်သား၊အရိုးနဲ့သွေးကြောတွေကိုဖြစ်ပေါ်စေပါတယ်။ ငုံးဥမှာပါတဲ့ အာဟာရဓါတ်က ကျန်းမာရေးကောင်းမွန်စေပြီး ခန္ဓါကိုယ်ရဲ့ ပုံမှန်ကြီးထွားဖွံ့ဖြိုးမှုကိုဖြစ်ပေါ်စေပါတယ်။
ငုံးဥမှာ ပိုတက်ဆီယမ်အပါအဝင် ခန္ဓါကိုယ်အတွက်မရှိမဖြစ်လိုအပ်တဲ့ သတ္တုဓါတ်များစွာပါဝင်ပါတယ်။ ငုံးဥက နှလုံးရောဂါမဖြစ်အောင်ကာကွယ်ပေးနိုင်လားဆိုတာကိုလေ့လာနေဆဲဆိုပေမယ့် ငုံးဥမှာ ပိုတက်ဆီယမ်ပါဝင်နေတာကသွေးတိုးကျစေနိုင်ပြီးသွေးလွတ်ကြောတွေ နဲ့သွေးပြန်ကြောတွေအပေါ်မှာ ဖိအားတွေသက်ရောက်တာကိုလျော့ပါးသက်သာစေနိုင်ပါတယ်။ ငုံးဥမှာ ကြက်ဥထက် ပိုတက်ဆီယမ် ကြွယ်ဝစွာပါဝင်ပါတယ်။
နေထိုင်ရာ ပတ်ဝန်းကျင်မှာ အဆိပ်အတောက်ဖြစ်စေတဲ့အရာတွေ၊ ညစ်ညမ်းတဲ့အရာတွေ ကိုယ်တွင်းအဆိပ်အတောက်တွေကို ပြေစေတာက အရေးပါတဲ့အချက်တစ်ချက်ဖြစ်ပါတယ်။လေ့လာမှုတွေအရ နေ့စဉ်စားသုံးတဲ့ အစားအစာတွေထဲမှာ ငုံးဥကို ထည့်သွင်းစားသုံးပေးမယ် ဆိုရင်သွေးကြောတွေထဲက အဆိပ်အတောက်တွေကို ဖယ်ရှားပေးနိုင်မှာဖြစ်သလို သည်းခြေကျောက်နဲ့ကျောက်ကပ်ကျောက်တွေကိုသေးငယ်အောင်လည်းအထောက်အကူဖြစ်စေမှာဖြစ်ပါတယ်။
ဓါတ်တိုးဆန့်ကျင်ပစ္စည်းဆိုတာက လူ့ကျန်းမာရေးအတွက် အရေးပါတဲ့အစိတ်အပိုင်းတစ်ခုပါ။ လူသားတွေဟာနေ့စဉ်နဲ့အမျှ နာတာရှည်ရောဂါတွေနဲ့ ကင်ဆာဝေနာတွေကိုဖြစ်စေနိုင်တဲ့free radicalတွေနဲ့ထိုးစစ်ဆင်နေရပါတယ်။ ငုံးဥမှာfree radicalတွေကိုတိုက်ဖျက်ပးနိုင်စွမ်းရှိတဲ့ ဗီတာမင် စီ နဲ့ ဗီတာမင်အေ (Vitamin A)တွေကြွယ်ဝစွာပါဝင်နေပါတယ်။ ကျန်းမာရေးကောင်းမွန်ပြီး နာတာရှည်ရောဂါတွေ မဖြစ်အောင်ကာကွယ်ပေးပါတယ်။
ငုံးဥမှာ ဓါတ်မတည့်မှုကိုတိုက်ဖျက်ပေးတဲ့ သဘာဝဓါတ်ပစ္စည်းတစ်ရပ်ဖြစ်တဲ့ovomucoid ပရိုတင်းဓါတ်ကြွယ်ဝစွာပါဝင်နေပါတယ်။ရောင်ရမ်းတာနဲ့ အခြားဓါတ်မတည့်တဲ့လက္ခဏာတွေခံစားရမယ်ဆိုရင် ငုံးဥစားပေးလို့ရပါတယ်။ ငုံးဥက ဓါတ်မတည့်မှုတွေကိုလျော့ပါးသက်သာစေပြီး ခန္ဓါကိုယ်ကိုပုံမှန်အနေအထားပြန်လည်ရောက်ရှိစေမှာဖြစ်ပါတယ်။
ငုံးဥမှာ ပါတဲ့ ဗီတာမင် ဘီ က ဟော်မုန်းနဲ့အင်ဇိုင်းတွေရဲ့လုပ်ဆောင်မှုတွေအပါအဝင်ခန္ဓါကိုယ်တစ်ခုလုံးက ဇီဝတွင်းဖြစ်ပျက်မှုတွေကိုမြှင့်တင်ပေးပါတယ်။ ငုံးဥကအရသာရှိတာထက် ခန္ဓါကိုယ်ရဲ့လုပ်ငန်းစဉ်တွေနဲ့ ကိုယ်အင်္ဂါအစိတ်အပိုင်းတွေရဲ့ လုပ်ဆောင်မှုတွေကိုချောမွေ့စေပါတယ်။
ငုံးဥမှာ သတ္တုဓါတ်နဲ့ အာဟာရဓါတ်များစွာပါဝင်နေသလို ပရိုတင်းကလည်း ၆ ဂရမ်ပါဝင်တာကြောင့် မနက်တိုင်းငုံးဥစားသုံးပေးမယ်ဆိုရင် စွမ်းအင်တိုးတက်စေပြီး စိတ်ခံစားမှုကိုလည်း တိုးတက်ကောင်းမွန်စေမှာဖြစ်ပါတယ်။
မသက်ဆိုင်ကြောင်း ရှင်းလင်းချက်
Hello Health Group သည် ဆေးပညာအကြံဉာဏ်များ၊ ရောဂါရှာဖွေမှုများနှင့် ကုသမှုများ မပြုလုပ်ပေးပါ။
မှ အချက်အလက် စစ်ဆေးထားပါသည်။
Dr. Kaung Thar
မှတ်ချက်များ
သင့်အတွေးများကို ဝေမျှပါ။
သင့်ကျန်းမာရေးအတွေးများကို Hello Sayarwonနဲ့ ဝေမျှလိုက်ပါ။
ဆက်သွယ်ရန် သို့မဟုတ် ဝင်မည်။ နှင့် ဝင်ရောက်ဆွေးနွေးပါမည်။