သင့်စိုးရိမ်မှုတွေက ဘာတွေလဲ။

close
မတိကျ
နားလည်ရခက်
အခြား

သို့မဟုတ် လင့်ခ်ကူးယူမည်

တရုတ်အစားအစာတွေမှာ အမြဲလိုလိုပါလေ့ရှိတဲ့ ကြက်သွန်မြိတ်

တရုတ်အစားအစာတွေမှာ အမြဲလိုလိုပါလေ့ရှိတဲ့ ကြက်သွန်မြိတ်

တရုတ်ဆိုင်တွေ သွားစားရင် အရံဟင်းရည်ထဲ အမြဲပါတယ်၊ ကြက်သွန်မြိတ်။ကော်ပြန့်စိမ်း၊ ကော်ပြန့်ကြော်စားမလား ကြက်သွန်မြိတ်ပါတယ်။ ကြက်သားဆန်ပြုတ် ဘာညာဆိုလည်း ကြက်သွန်မြိတ် ခတ်တယ်။ ဆီချက်ဆိုလည်း ကြက်သွန်မြိတ်ပါမှ၊ ဖက်ထုပ်စားမလား ကြက်သွန်မြိတ်နဲ့ အသားနဲ့ ထုပ်တာ။ တရုတ်အစားအစာတင်လား ဆိုတော့မဟုတ်ဘူး။ ရှမ်းအစားအစာတွေမှာလည်း ကြက်သွန်မြိတ်အသုံးများပါတယ်။ ရှမ်းအစားအစာ ဟင်းထုပ်လေးတွေမှာလည်း ကြက်သွန်မြိတ်နဲ့လေ။

ဒါဆို အနံရော အရသာရော အရမ်းထူးမသွားဘဲ ဘာလို့ ဒီလောက်သုံးကြတာလဲ။ ပရိသတ် အယောက်တစ်ရာရဲ့အဖြေက …

ကြက်သွန်မြိတ် ရဲ့ ကျန်းမာရေး ကောင်းကျိုး

သူ့မှာပါတဲ့ ဒြပ်ပေါင်းတွေက ကြက်သွန်ဖြူလိုပဲ အလားတူအာနိသင်တွေ ပေးနိုင်ပါတယ်။ အစာမကြေဖြစ်တာတွေကို သက်သာစေနိုင်တယ်လေ။ ပြီးတော့ ကြက်သွန်မြိတ် ရဲ့ ရောဂါပိုးသေစေနိုင်တဲ့ အာနိသင်ကြောင့် ဘက်တီးရီးယား အတော်များများကို ရှင်းလင်းနိုင်တယ်ဆိုတော့ အစာအိမ်အူလမ်းကြောင်းစနစ်ကို ဒုက္ခပေးနိုင်တဲ့ salmonella ဘက်တီးရီးယားနွယ်ဝင်တွေ ကာကွယ်နိုင်တာပေါ့။ ပြောရရင် ကြက်သွန်မြိတ်က အူလမ်းကြောင်းရဲ့ လုပ်ဆောင်ချက်ကို ကောင်းမွန်အောင် အားပေးတာကြောင့် အစားအစာထဲက အာဟာရတွေကို စုပ်ယူနိုင်စွမ်းပိုကောင်းစေပါတယ်။

  • နှလုံးအတွက် ကောင်းတယ်

ကြက်သွန်မြိတ် မှာပါတဲ့ အရေးကြီးဆုံး ဒြပ်ပေါင်းတွေထဲက allicin ဟာ ကိုလက်စထရောပမာဏကို လျော့ကျစေပြီး နှလုံးကျန်းမာရေးကို အထောက်အကူပြုနိုင်ပါတယ်။ သူ့ရဲ့ Allicin က သွေးတိုးကိုလည်း ကျစေတဲ့အပြင် ပိုတက်ဆီယမ်ပါတဲ့ အစားအစာနဲ့ ပေါင်းရင် နှလုံးသွေးကြောကို ထိခိုက်စေမှု လျော့နည်းစေတယ်လို့ သိရပါတယ်။

တရုတ်အစားအစာတွေမှာ အမြဲလိုလိုပါလေ့ရှိတဲ့ ကြက်သွန်မြိတ်

ကြက်သွန်မြိတ် မှာပါတဲ့ သဘာဝဒြပ်ပေါင်းတွေအကြောင်း အတော်အာရုံစိုက်ကြပေမယ့် သူ့မှာ အခြေခံအာဟာရဓာတ်တွေလည်း ပါဝင်မှုမြင့်မားပါတယ်။ ဗီတာမင် C ကြွယ်ဝမှုကြောင့် ကိုယ်ခံအားစနစ်ကို မြှင့်တင်ပေးပြီး သွေးကြော၊ ဆဲလ်၊ တစ်ရှူး၊ ကြွက်သားတွေ အသစ်ဖြစ်ပေါ်ခြင်းအတွက် မရှိမဖြစ်လိုအပ်တဲ့ collagen ထုတ်လုပ်မှုကို လှုံ့ဆော်ပေးပါတယ်။

ဗီတာမင်နဲ့ သတ္တုဓာတ်တွေ အများကြီးပါဝင်တယ်ဆိုပေမယ့် ဗီတာမင် K လို ဓာတ်မျိုးပါဝင်တာက ပိုထူးခြားနေပါတယ်။ ဗီတာမင် K ကို တခြားတွေ့နေကျ အစားအစာတွေမှာ သိပ်မတွေ့ရတတ်ပါဘူး။ ဗီတာမင် K ဟာ အရိုးသိပ်သည်းဆကို ပိုကောင်းစေပြီး အရိုးကျန်းမာရေးကို ကောင်းစေပါတယ်။

ကြက်သွန်မြိတ် က ရင်သားကင်ဆာ၊ ဆီးကျိတ်ကင်ဆာ၊ အူမကြီးကင်ဆာ၊ အဆုတ်ကင်ဆာနဲ့ သားဥအိမ်ကင်ဆာတွေအပါအဝင် ကင်ဆာရောဂါအတော်များများကို ကာကွယ်နိုင်ပါတယ်လို့ သုတေသနတွေ့ရှိချက်တွေက ဖော်ပြထားပါတယ်။ ဓာတ်တိုးဆန့်ကျင်ပစ္စည်းတွေက ခန္ဓာကိုယ်ထဲက အဆိပ်အတောက်တွေကို လျော့ပါးသွားအောင် ကူညီဖယ်ရှားပေးပြီး ကင်ဆာဖြစ်စေနိုင်တဲ့ ဆဲလ်တွေကို ပျံ့နှံ့မှုနှေးအောင် ဟန့်တားပေးပါတယ်။ Zeaxanthinနဲ့ lutein လို ဓာတ်တိုးဆန့်ကျင်ပစ္စည်းတွေက ခံတွင်းကင်ဆာဖြစ်နိုင်ခြေကို လျော့နည်းစေတဲ့ ဓာတ်တွေဖြစ်ပါတယ်။

  • မျက်စိအားကောင်းစေတယ်

ကြက်သွန်မြိတ်မှာပါတဲ့ carotenesတွေက အမြင်အာရုံစနစ်ကို ဒုက္ခပေးလာနိုင်တဲ့ ဓာတ်တိုးပစ္စည်းတွေကို လျော့ပါးစေပါတယ်။ သူက အသက်ကြီးလို့ဖြစ်ရတဲ့ မျက်စိမှုန်ခြင်းကို ကာကွယ်ပေးခြင်း၊ နှေးကွေးစေခြင်းတို့အတွက် ကူညီပေးတယ်ဆိုတော့ အသက်ကြီးလည်း မပျက်စီးသေးတဲ့ အမြင်အာရုံကို ပိုင်ဆိုင်စေနိုင်တာပေါ့။

တရုတ်အစားအစာတွေမှာ အမြဲလိုလိုပါလေ့ရှိတဲ့ ကြက်သွန်မြိတ်
Female Eye with Extreme Long False Eyelashes. Eyelash Extensions. Makeup, Cosmetics, Beauty. Close up, Macro
  • သန္ဓေသားအတွက် အားဖြည့်တယ်

ကြက်သွန်မြိတ်မှာပါတဲ့ ဖောလစ်အက်စစ်ဟာ သန္ဓေသား ကျန်းမာစွာဖွံ့ဖြိုးမှုအတွက် ကိုယ်ဝန်ဆောင်တွေ မရှိမဖြစ်လိုအပ်တဲ့ ဓာတ်တစ်မျိုးဖြစ်ပါတယ်။ ဖောလစ်အက်စစ်ဟာ မွေးလာမယ့်ကလေးမှာ ချို့ယွင်းချက်မပါလာအောင် ကာကွယ်ပေးပါတယ်။

ကြက်သွန်မြိတ်က ဆီးရွှင်တဲ့ အာနိသင်နည်းနည်းပါတဲ့အပြင် အဆိပ်အတောက်ဖယ်ရှားတဲ့ အာနိသင်၊ ဘက်တီးရီးယားတွေကို သေစေတဲ့ အာနိသင်ရယ်ကြောင့် ခန္ဓာကိုယ်ထဲကအဆိပ်အတောက်ဓာတ်တွေကို သန့်စင်ပေးနိုင်ပါတယ်။ အဆိပ်အတောက်တွေ၊ အငန်တွေ၊ ရေတွေနဲ့ အဆီတွေကိုပါ ဆီးနဲ့အတူ စွန့်ထုတ်နိုင်အောင် အားပေးတာဖြစ်ပါတယ်။

health-tool-icon

အခြေခံတစ်နေ့တာ ကယ်လ်လိုရီ လိုအပ်ချက်ပမာဏ တွက်ချက်ခြင်း ကိရိယာ (BMR)

အရပ််၊ အသက်၊ ကိုယ်အလေးချိန်၊ တစ်နေ့တာ လှုပ်ရှားမှုတွေအပေါ်မူတည်ပြီး တစ်နေ့တာ လိုအပ်မယ့် ကယ်လ်လိုရီ ပမာဏကို သိရှိနိုင်ဖို့ အခြေခံတစ်နေ့တာ ကယ်လ်လိုရီ လိုအပ်ချက်ပမာဏ တွက်ချက်ခြင်း ကိရိယာ (BMR)ကို အသုံးပြုပြီး တွက်ချက်နိုင်ပါတယ်

အမျိုးသား

အမျိုးသမီး

Verifying...

Hello Health Group သည် ဆေးပညာအကြံဉာဏ်များ၊ ရောဂါရှာဖွေမှုများနှင့် ကုသမှုများ မပြုလုပ်ပေးပါ။

စာရေးသူ ဓာတ်ပုံbadge
Yun Sandi Nan Mon မှ ရေးသားသည်။ 01/02/2022 တွင် ပြန်လည်ပြင်ဆင်ခဲ့သည်။
Hello Sayarwon Panel မှ အချက်အလက် စစ်ဆေးထားပါသည်။